2022年股票投資總結

全年計,恒指由2021年底的23,398点跌了3,617点至昨天的19,781点,等於跌了15.46%。Student自己的股票投資總倉值,連同「應收未收的股息」和倉內「備用可投資現金」,就比起去年底時的總倉值下跌了2.054%。由於student全年都只是投資於港股,所以「Student高息倉」年尾与恒指作比較,自己就覺得最有參考價值了。

不過,Student的倉是經常把收到的股息再買入股票,而恒指就沒有計入藍籌股的股息,所以其實恒指的跌幅應該不致於15.46%,如以盈富基金(2800.HK)的2021年股息率3.36%pa計入,15.46%-3.36%,便=12.1%,即估計其實恒指計入藍籌股股息收入後,大約只是跌了12.1%。

不過,Student也不定時從股票倉內提取現金作日常生活費,Student也懶得去慢慢計返轉頭,就當是抵銷了恒指藍籌股的股息算罷!

自己最不滿意自己的投資表現是下半年,本來「Student高息倉」的總倉值於今年5月31日(當時恒指21,415点)是創出了歷史新高(Student有慣性記錄自己每個月底的資產淨值作分析),較去年底是升了10.87%,可惜之後倉內的兩支頭馬883.HK和1919.HK股價向下走,拖累了整個倉。

尤其不滿1919.HK,它今年公佈的半年業績宣派了首次中期股息@RMB2.01/股,但市場不賣賬,股價反應不大。當同業316.HK和1308.HK股價上升時,1919.HK總是跟不上。同業股價下跌時,1919.HK就跌得更快更多! 真是被它吹賬!

也罷! 過去了就是過去了。

當前,Student就最滿意自己的持貨組合和分佈,這点至關重要。如果投資者對自己現時的持貨已不滿意,又点會有信心/鬥心再戰明天/明年?

Student現時對自己和家人最有交代的,是「預期」未來一年的「全年股息總收入」。以此數字再除以昨天持貨總市值,得出「年平均股息率」為13.92%pa(2021年底時只是8.51%pa)。此兩組數字都是自己投資生涯以來的新高。

就是這兩組數字近年的不斷增長,給student信心經常都「全倉持股」。現時投資倉內的「可備用現金」只是總倉值的0.52%。(此數字還未計入398.HK的「應收未收股息」。至於113.HK的股息就要1月3日才被除淨,所以今天毋須理會。)

記錄數字,相當沈悶!🥱

Student打算明天或後天寫寫個人對目前「Student高息倉」(已記錄於「個人檔案」中)內每支成員的最新睇法。

Student於此祝各位網友 元旦愉快,身體健康! 🙏^^

Happy New Year! 🎊😃

暫別626.HK 加注398.HK

626.HK派息不理想,即使以除淨末期股息HK$0.11後的股價去計算,全年股息率都唔夠7厘! 佢始終只是一間小型銀行及財務公司,大幅加息對佢不利,所以好難期望佢2023年會有突出嘅表現,... 除了「唔知幾時」會有被私有化或者賣盤嘅可能。

早幾日已分析過626.HK,上星期又已沽走了五份之二。今早student再於競價時段開始「做嘢」,先沽出部份,再於開市後分兩次沽埋餘貨,暫別626.HK。將來有機會/把握 時才考慮買返,... 當然真係要「到時先決定」!

套現後買乜嘢呢? 就考慮今日自己持貨之中跌得最多嘅股份,... 原來係今日剛除淨嘅398.HK! 

上午已見到沽家積極出貨,... 真無厘頭,唔明佢哋点解昨天又唔沽!

下午見398.HK更被人以十幾萬股質落至HK$4.07,凄慘!... 於是... 之後... Student就膽粗粗以HK$4.09加佢注,... 做個對公司有貢獻嘅小股東。

Student樂觀地估計東方表行一定會受惠於中港兩地零售嘅復常,以股價HK$4.10去計算,估計佢全年股息率會>17%pa。

Student始終係貪高息!🤑

日誌: 迪生(113.HK)將於元旦假期後首個交易日(1月3日)便除淨中期股息@HK$0.08/股,所以明天(12月30日)上113.HK車的投資者都可以於1月20日收佢股息。👍^^

多謝大摩

今早於開市前嘅競價時段,見大摩掛出2萬幾股金朝陽(878.HK)@HK$6.60,但student又唔見aastocks內878.HK有任何特別新消息,於是就掛入6,500股@HK$6.60,... 最後成交了,開心!

開心係因為student之前合共3次買入了些金朝陽,但持貨股數很伶仃,3千5百股為尾數,唔好睇。今日買多6千5百股,就凑夠佢萬位尾數了,方便記住。

之前已分析過自己對金朝陽嘅睇法,希望佢大股東家族一朝覺醒,將佢私有化作為一個了結。

目標私有化價睇幾多?... 希望有廿五蚊啦! 🙏

日誌: 東方表行(398.HK)明天便除淨中期息+特別息,合共HK$0.313/股,下月18日便可收到錢,開心!^^

推敲大眾金融(626.HK)

626.HK明天將會宣派今年嘅第二次中期股息(其實係等於宣派末期股息)。

基本上student係唔寄予厚望,因為佢今年上半年嘅盈利已跌了21.5%,而香港下半年利率大幅上升,626.HK經營小銀行和借貸財務公司,斷估佢下半年嘅業務好難有驚喜了! 所以如果佢明天肯照舊派返去年嘅末期股息@HK$0.15/股,吾等小股東們就當是好消息了! 否則... 

至於佢明天會否透露私有化嘅消息?... Student就估計機會甚微,因為佢創辦人鄭拿督才剛於本月12日辭世,照計冇理由啲家族後人咁快就會攪此大動作啩?... 會惹人非議的!

因此結合上面兩個情況...

至於佢全年嘅實際盈利和年底嘅資產狀況,就通常要等到下個月大約15日~20日才會公佈。這方面於本地所有上市銀行股之中,626.HK算係最有效率的了! 抵讚! 👍^^

後記: 卒之公佈了末期息只有HK$0.11/股,即全年股息合共為HK$0.16/股,比去年係少了20%。Student之前對佢今次末期息嘅想法已有所警惕,故上星期已經以平均價HK$2.51沽走了五份之二嘅持股數量。宜家睇返,其實應該全數沽走先至啱,等今日公佈「預咗冇驚喜」嘅末期股息後,才慢慢以較低股價買回,就係最佳策略!... 唉,今次student始終係唔夠狠心呀!

加注517.HK

早排先買入嘅中遠海運國際(517.HK),「可惜」自己冇在「高位」約HK$2.7~2.8作出減持,宜家股價回返落HK$2.5樓下。既然倉內仲有可投資現金,今日就再添加佢多28,000股@HK$2.46~2.47,凑夠佢萬位尾數,方便記住,又可提高「Student高息倉」未來一年預期嘅總股息收入。

517.HK係「淨淨現金公司」,公司於過去3個月粗略動用了1.2億港元作股份回購,幾乎買了半億股!... 買得狠!抵讚! 👏^^

回購後,最新每股資產淨值便自動高了些,即使減去中期股息@HK$0.11/股後,肯定每股NAV仍然超過5蚊港元,當中包括「每股淨淨現金」略為超過3蚊港元。

由於student估計佢下半年「銀行利息收入」會開始有顯著增加,佢下次末期股息應該都可以做到中期股息嘅HK$0.11(其實會唔會唔止呢?),如是,全年股息將會係HK$0.22/股。以今日收市股價HK$2.45去計算,股息率便剛好是9厘了!

517.HK遲啲會唔會再作出回購?... 小弟唔知。

佢將來會唔會被中遠系私有化?... 小弟都唔知。

小弟只知佢於今年6月底時,持有淨淨現金約48億港元。(即此數字已減晒賬面上全部短、中、長期負債!) 👍^^

換馬 追數

昨天尾市時做了大額買賣: 沽走上星期才買入的939.HK和941.HK套現,然後即時盡量換入316.HK。

原先早兩日已有2,000股316.HK,宜家就持有佢x10倍以上,一躍成為「Student高息倉」內嘅第二位(第一位仍然係中海油)。

連同買賣嘅手續費,沽走939.HK和941.HK其實係虧蝕的交易,但student做股票投資是向前看,不會把過去式的持貨成本成為阻礙自己換馬嘅決策。

点解要咁做?... Student睇到BDI指數於過去幾個交易日於1500~1600点都似守得穩,又估計如果美股要有明顯反彈,好可能會与美國人聖誕和新年零售消費有關,咁航運需求自然會被憧憬一下。

之前已分享過個人睇法,估計316.HK下次末期股息會有HK$28/股(=US$3.6/股)以昨天下午股價約HK$142去計,除淨後便是HK$114。Student又估計佢明年全年嘅股息都會係HK$28/股(=US$3.6/股)(其實已保守得很了!),即是之後嘅預期股息率=HK$28/HK$114=24.5%,... 這股息率遠遠多過939.HK或941.HK,更唔洗被扣除10%大陸税!

昨晚美股上升,BDI又再有約8%升幅,國際油價又升了約2.7%,希望...

Student希望今次年尾前嘅換馬,可以稍為追回下半年嘅失地。

還有最重要嘅係,換馬後即時提高了「預期未來一年的總股息收入」,是創了一個歷史新高記錄。算係對自己和家人嘅一個交代。🙏^^

被摧殘的港股

今朝大市半日成交只有386億港元!

点解會咁樣?...

過份將其他市場嘅氛圍搬入嚟香港市場,結果只會造成本地股市東施效顰,欠缺自己嘅特式、節奏。

最後資金選擇只投機性停留係呢度,... 烏呼哀哉呀!

再+316.HK(2.0版)

今早大約11:15am又買多1,000股316.HK@HK$140.80。

依家共持有佢2,000股,平均成本係(HK$137.60+HK$140.80)/2=HK$139.20,... 未包括手續費。

点解買得咁急?... Student冇乜特別新消息,仍然只係依據自己嘅睇法(昨天短文已有詳細說明),既然投資户口仲有錢可買,就買自己有信心收息的。

大市古靈精怪,明明利率未見頂,但一眾科網股、本地地產股等等已大幅跑贏大市,內地房地產商仲係不停向市場抽水,... 但係啲「正路」、財務健康、年年派高息嘅藍籌股,例如316.HK,883.HK,939.HK,941.HK等,就完全冇表現! 咁樣嘅恒指萬九点,如果要再向上突破,難了! 如果大市「不幸」再向下尋底,我諗跌幅最多嘅應該都係之前升得急嗰啲!

小弟買股長線收息,首重考慮個股嘅基本因素,以目前手上資料,以316.HK股價HK$140去計算,小弟預計佢下次嘅末期息及明年(2023年)的全年股息大約可以「各自」派到HK$28/股,如是,收了下次末期息後,若股價HK$140不變,股息率都仍然有20%pa(HK140x20%=HK$28)。我自己認為這就是佢嘅最佳護城河!^^

P.S. 預期明午900.HK公佈季績,Student上星期四已出了短文交代自己對佢嘅睇法,... 就拭目以待。🙏

再+316.HK

上星期二沽清東方海外(316.HK)母企1919.HK時,內心已十五十六想換入316.HK,因為student考慮到316.HK於中遠系的唯一貢獻就是盡量派息給母企! 此外,316.HK並非國企股,收佢股息係唔會似1919.HK咁,要被扣減10%大陸税,student估計以現時嘅股價,316.HK嚟緊的末期股息率都仍然會高過1919.HK。所以純以收息角度作考慮,持有316.HK就較為着數。

還有另一方面嘅考慮,就係「話唔埋」1919.HK有朝一日會將316.HK私有化,即係買埋其餘股東現時共持股「唔夠3成」嘅發行股數,因為1919.HK似乎慣常鍾意買資產作「超長遠做大做強」嘅國策。如是,持有316.HK就有被私有化嘅可能了,反之持有1919.HK的小股東就只有眼光光睇住管理層「恣意購物」。

就係咁樣諗,Student頭先就入了1,000股316.HK(@HK$137.60),算係取代了上星期二沽走的20,000股1919.HK。

兜兜轉轉,卒之又再加番東方海外... 好玩呀!

回望之前連「最高股息率嘅藍籌股」都冇,又点可以叫做「Student高息倉」呢? 😁

跟隨已敗壞的金融制度揾食,那會有好結果?

香港本地通脹率仍然低於2%,点解銀行要跟隨美元加利率?

美國仲要加多幾多厘息先至可以將佢哋嘅通脹率撳低至目標嘅2%? 香港点算?

長期咁樣玩落去,本地股、樓那會有前途?

点樣破局?

Aeon Credit: 季季賺錢錢

肯每季都公佈業績的「本地公司」真係少之又少,大家較熟悉的相信會包括有中電(002.HK),匯控(005.HK),... 其他呢?

Aeon(900.HK)就係其中一隻,而且佢過去每季公佈的業績都是有盈利,這点中電和匯控過去都做不到。

Aeon將於下星期三(估計會於中午時段)公佈2022/23年度嘅第三季業績,即1Sep~30Nov2022。由於去年同期之盈利數字比較低,故Student估計佢今年單計第三季之盈利很有可能會比去年同期增加超過兩成以上,即>20%。如是,Aeon今個財政年度「頭9個月」的盈利會有接近1成嘅增長。於今年咁嘅環境之下,都算係有交代了!

Student最喜歡佢一向穩打穩札的作風,專注本業。可能由於佢全部管理層嘅成員都只係日本母企(Aeon Inc.)委任嘅「打工仔」,唔敢用公司嘅錢攪三攪四,或攞去做投資。

Student觀察到佢過去幾年,每季平均都大約可賺8、9千萬港元盈利,即平均每股可以賺到兩毫子,以一年計,每股便賺到8毫子了。而從中分派每股HK$0.44作為股息,就等於55%嘅股利分配率。

Student認為呢個Dividend Payout Ratio對於咁有實力嘅Aeon嚟講算係「好保守」了,大有提升嘅空間呀!🙏

金朝陽(878.HK)大變身

近排本地地產股被掃高,其實幾冇厘頭,因為美國嘅通脹距離目標通脹兩厘尚遠,估計「未有耐」可以停止加息,咁樓價又点會突然轉勢?

當中冷門股金朝陽(878.HK)股價也有些升幅,但筆者純綷從公司的基本因素作考慮,佢似乎係「好有憧憬」!

因為878.HK於8月時公佈以約32億港元出售了希雲大廈,估計入賬盈利大約為5.98億港元(來自該舊樓的年租金只有1453萬元),即每股從中可以賺到HK$2.11。

套現的錢,再加埋公司於6月30日時嘅「銀行存款+現金」,再減去6月30日時嘅總負債(流動負債+非流動負債),都仍然有淨淨現金約15億元(=約每股HK$5.30),即係變身成為「淨淨現金公司」。

不過,由於目前交易尚未完全完成,8月只收了10%款項,半年後(即明年2月)會再收多10%。筆者估計佢收埋第二次10%後,最終會完成交易嘅機會就相當高了。況且收了6億多現金,即使買家之後反悔,金朝陽沒收這6億多(=每股賺2蚊有多)入賬,已經很「和味」了！

Student估計878.HK明年完成了此宗大交易後,佢可能會派特別股息,然後市場又可以炒佢會被大股東私有化,畢竟現時大股東已經持有公司74.29%股份,已冇乜空間比大股東再從股票市場上增持。

於6月30日,佢賬面每股NAV=HK$68.87,若加埋從出售希雲大廈中所獲盈利,即最新每股NAV大約=HK$71。昨日收市價係HK$6.70,即是依家PB連10%都冇!

當然,PB夠低唔代表係好股,但金朝陽將會變身成為「淨淨現金公司」,就係極利好嘅消息了。

「似乎」好值博!🤔

大眾鄭鴻標前日辭世 626.HK會被賣盤嗎?

Student冇內幕消息,所以真係唔知。

不過如果真係「有朝一日」成為事實,Student估計626.HK的每股交易作價會比昨日佢嘅收市價可以高出6成,即「坐底」HK$3.80! 🙏^^

-1919.HK +941.HK

今次Student真係對海控(1919.HK)很失望。佢昨夜公佈話以24.4億人仔向母企收購3棟寫字樓物業,連埋早排以約206億人仔訂造12艘船舶,及以約190億人仔向母企收購上港及廣州港,很短時間已製造資本支出合共約RMB420億!

Student認為佢買得「過份爽快」,而且比筆者印象係: 佢似乎要將公司啲錢「孝敬」媽咪。

今早開市冇耐,見同業316.HK和1308.HK都有明顯升幅,心想1919.HK点都會有些反應啩?... 但事与願違,海控股價最高都只係HK$8.34,完全跟不上阿仔316.HK,莫講話跟到1308.HK。

明天海控A股會除淨中期股息RMB2.01(H股就早排已除淨了),Student不知明天A股股價走勢如何,都係嗰句: 君子不立危牆之下...

所以,Student上午唯有「忍痛」(哀莫大於心死)以HK$8.26沽出剩餘嘅海控股數。(早排已沽走大部份,當日換晒入883.HK)

然後換甚麼好呢?... 本來想換316.HK,話晒都係同業,又超高股息,但係佢股價已被掃高至HK$140樓上,Student考慮了一會,都係唔想追了,下午就決定以HK$51.25買入小量大家都很熟悉的941.HK,當係「換馬」。

点解揀941.HK?... 大家都睇到762.HK和728.HK最近都已被炒上了很多,破晒52週高位,但941.HK就明顯跟唔到,宜家買佢就博市場會揾佢嚟追落後! 咁就算佢向下走,似乎HK$50(50天線)已係超強支撐位。如果佢股價真係再見返50蚊,相信大市也有一些調整,到時再考慮應否止蝕或者換馬。

做定期: 939.HK

大約一年半前Student都有內銀股,當時由於聽到有大型民企內房股開始有「出事」消息,心想即使四大內銀唔會執笠,但... 君子不立危牆之下,當時就決定走晒啲內銀先。

今天局勢有變化,中央話到明要救房地產,而民企內房股價又已被炒炒下「上返唔少」,Student宜家買返內銀股就相對安心很多了,尤其是內銀整體截至9月底嘅業績都仲有正增長。

Student下午以平均價HK$4.695入了兩大注939.HK,即時進駐「Student高息倉」內第二位,心態係等於做銀行定期存款,估計現股價係起碼有大約8厘股息率(已扣除10%祖国税)。睇返轉頭,原來佢現價比起自己當初沽走佢嘅股價低了足足HK$1.5,雖然其間少收了兩年末期股息,但都算係除笨有精!

点解揀939.HK?... 大路囉! 而且目前四大內銀A/H股價之價差,佢係相對有最大嘅折讓,... 小小不尋常! 👍^^

聖誕及新年股: 113.HK + 398.HK

恒指本星期共升了6.56%,筆者收息倉就慘了,完全跟不上。最主要係「阿一」883.HK全週跌了1.5%,雖然「阿二」900.HK升了2.73%和「阿三」113.HK升了2.3%,但整體跑輸晒係事實。

今早全面檢視一下所有持貨,發覺原來倉內的兩隻「淨淨現金」零售股已由早排嘅最低位上升了不少: 113.HK(迪生)升了27.88%,而398.HK(東方表行)更升了36%!

當然,佢哋比起最近熱炒的所謂「名牌股」冇咁有知名度,例如178.HK(莎莎):由最低位升了剛好100%!或709.HK(佐丹奴):升了32.5%,但筆者覺得自己以長線收股息 和 企業財務狀況來作考慮,以土生土長嘅零售股中,迪生和東方表行就仍然係筆者的首選。

迪生今次半年純利已有1.55億元(即每股賺HK$0.394),但佢去年全年只賺2.01億元,如無不可預期的經濟情況,筆者「保守預期」佢今年全年起碼可賺返3億元以上,即係有>50%的盈利增長,尤其係最近的存款利率及股債都有明顯上升,迪生的巨額淨現金(約HK$20.2億)和股債投資(約HK$18.5億)都應該非常受惠。佢以後會否增派股息呢?... 筆者唔知道,但冇人可以排除迪生會「隨時派」特別股息嘅可能性,即使每股派1、2蚊,都只係消耗存款4億、8億咁大把(註釋:大把,即很多),係綽綽有餘! 佢截至30/9/2022,每股資產淨值(NAV)係HK$8.398。(下月3日佢將會除淨中期息@HK$0.08/股)

至於398.HK(東方表行),雖然佢每股NAV唔算高(30/9/2022: HK$3.86),但佢最優点係肯「派晒盈利」作股息,佢半年盈利略為下跌9.2%,但筆者估計佢下半年(鐘錶業)會受惠於市道復常(113.HK都係),估計佢可以賺到去年下半年的盈利,即下次每股末期息(連同特別股息)都可以派返大約HK$0.405/股。(398.HK將於本月29日除淨中期息+特別股息, @HK$0.313/股)

總結: 

兩者皆是「淨淨現金公司」(即「銀行和現金結餘」已可以足夠減晒「公司所有流動和長期負債」) 及過去「年年賺錢」兼「派高股息」嘅優質中港台零售股。

從上半年業績中分析,113.HK的業務包括銷售腕錶及珠寶首飾(約佔50%)、化粧及美容產品(約佔25%)、時裝及配飾(約佔25%),算係幾多元化! 另外,再附以策略較保守的股債投資(這点student從佢以往多年的業績中可以睇得出)。零售銷售市場方面,以銷售額高低作排序,就包括了港、台、中。

至於398.HK,佢主要經銷及零售手錶、時鐘、筆及打火機,銷售市場就包括中、港、澳(澳門)。

筆者考慮再增持佢哋,尤其係113.HK,但佢慣常成交量不多,較難以便宜價位入貨。(希望聖誕前可完成)

398.HK就可能會等佢除淨完中期息後,即每股NAV跌至HK$3.55,希望4蚊留下可以增持。(希望農曆新年前可完成)

股海自由港(12月9日晚上標題)

「港」与「講」皆為同音字。

標題之「港」指香港,然而字音雙關,Student欲暗喻自由「講」,即香港人言論自由也。

隨便留言,依然Free Talk!^^

充斥着投機的股市

碧桂園1個月內重覆向市場抽水,而且都係只能夠以上日收市價有差不多15%之折讓價格才能「成功說服」市場去接貨,其實真係「好肉酸」呀! 可想而知高負債的大陸民企房地產公司仍然係吊緊鹽水。不過市場參与者總會找到借口說服市場資金去投機嘅!

唔理好醜,最緊要就手? 🤔

剛聽到香港今日「新感染」嘅確診數字「突破一萬宗」,... 可以講病毒已無處不在,而且「撳不住」了, 宜家內地又... 🙏

後記: 

(12月8日星期四,已收市)

今日對筆者而言算係小小小股災,因為估唔到國際油價昨夜於歐美交易時段又再「玩嘢」,連續幾個交易日都係咁樣: 香港日間時間油價期貨「好地地」,但係我哋瞓醒覺後D價格就「反晒艇」! 😤 大家都知Student有中海油和中石油,前者更加係「Student高息倉」內嘅「阿一」,所以「講真」,今朝早開市前student真係有啲緊張,心想今日都唔知會「賬面虧蝕」幾多錢? ... 於競價時段Student見價位可以,即掛沽出3成股數,再見開市後股價仍算合適,就二話不說再沽多2成股數,...於是總共就沽出了一半嘅883.HK持貨了,平均價係HK$9.848,即刻心態便放鬆很多了!

再之後就考慮857.HK的去留: 由於Student預計佢今年PE和Dividend Yield都輸比883.HK,既然自己「睇不清」油價走勢,而且Student早排係佢於HK$3.05時入貨,數目又唔算好多,心想就唔再花精神睇佢了,... 就以HK$3.49沽走了事。

於是,倉內依家剩返只有「九兄弟」,而883.HK就仍然係「阿一」! (大家可想而知student今早開市前嘅精神壓力有幾大!)... 好彩收市後計一計,總倉值(包括可備用現金)都只係比昨日少了0.604%(而恒指就升了3.377%!),哈哈...

套現後想買乜?... 因明早要陪診,Student想先冷靜一下。🙏^^

超高息收息股可以轉強嗎?

398.HK ?

預計全年實收股息

=$0.313+$0.405

=$0.718

883.HK ?

預計全年實收股息

=($0.70+$1.00)x90% (已扣減10%大陸税)

=$1.53

点唱: 許冠傑〈世事如棋〉

後記: (12月7日(星期三)早上記錄)

筆者冇預計國際油價於過去短短兩個交易日,便由上星期五的最高位計,布油約US$88,跌足10%! 現在布倫特油價大約企於US$79.50,... 冇「計」了,唯有自安自慰,中海油的每桶採油成本連同作業費都只係大約US$41,即毛利率仍然係超高。以當前每桶油價約US$80去計算,佢仍然會有非常可觀利潤,而Student依然係...「貪高息」! 剛睇下aastocks.com,佢又有新項目投產: 位於南海嘅恩平油田群,包括兩座鑽採生產平台及一座無人井口平台,是中國海上油田無人化、少人化、智能化的重要突破。

筆者相信中海油下半年開始的大量新投產項目,都會長遠對公司有盈利貢獻,... 除非油價於目前水平再有顯著下跌,那就始料不及了。

另外,筆者觀察過去「很少」出現857.HK的股價是低過386.HK的股價「超過」兩毫子(HK$0.20),...

海油今早明顯跑輸大市

OPEC+已開完會,強調維持每日減產200萬桶石油的決定是完全出於市場考慮,意思明顯係如果油價再跌,佢哋可以再減產。

這一刻紐油及布油期貨價格比起上星期收市價係上升了約1%。

今早恒指升了3.5%,上証綜合指數升了1.56%,而中海油A股(600938.SH)就升了2.57,但我嘅883.HK雖貴為藍籌股,但就只係升了0.7%,完全跑輸大市!

冇計! 股市就是這樣,Student都要學識專重市場!🙏^^

点唱: 陳百強〈等〉🎧🎶

恒指公司「攪風攪雨」

Student昨天真係大懵了! 收市後睇下aastocks.com先至醒覺嚟緊星期一(12月5日)便是恒指、國指加入新成員嘅大日子,唔怪得下午1点半開始,857.HK由最低位HK$3.43,一路向上爬至HK$3.55,收市競價時段更被「刻意搶高」,因為佢都會被納入國指,咁指數基金當然要做番啲調配,... 咁昨天當然會對另外那兩桶油(386.HK和883.HK)有影響,尤其係依家市場資金都未算係好充裕嘅時候。

Student覺得用「亂曬龍」(即係「七國咁亂」)來形容昨天競價時段那幾分鐘的價格波幅就很貼切了。

Student says: 呀恒指公司(全名係「恒生指數有限公司」),呢啲係你「一手」攪出嚟嘅! 你冇得抵賴! 🤛😤

利益申報: 筆者目前持有857.HK和883.HK。

先減1919.HK,後加883.HK

10:45am前賣出了大部份1919.HK@HK$8.05。

11:35am前將上面套現所得,盡量買入883.HK@HK$10.02。

為何筆者作出以上動作呢?... 

幾個月前筆者開始「落重注」1919.HK作投資目標,有很大程度是因為佢比起當時嘅316.HK和1308.HK相對落後很多。加上筆者當時預期佢將會變做「淨淨現金公司」及開始派中期股息。之後佢真係做到了。但往後股價嘅表現,大家有目共睹(市升時跟唔上316.HK和1308.HK,佢哋跌時1919.HK就跟到足兼有突)... 而且佢A股嘅表現都係乏善可陳。截至今日中午,中遠海控之A/H股「價差」只是約30%(留意:今日A股價未除淨中期息RMB2.01,筆者作出計算時已將A股嘅股價做咗調整),而中海油之A/H股「價差」依家中午就約等於45%。

至於股息考慮方面,過去的係冇意義。筆者估計1919.HK下次末期股息約為RMB1/股(這個可能又要出另一篇文作解釋),扣除10%大陸稅後,再以目前匯率換回港元,就當係末期息實收HK$1/股。至於883.HK,筆者已多次估計佢下次末期股息為HK$1/股(請番看筆者早排有關883.HK之短文),扣除10%後,便是HK$0.9/股。

還有很重要的考慮係1919.HK与一眾同業都在面對貨櫃航運費近幾個月的大幅調整,幾乎所有「專家」都認為未來兩、三年(2023~2025)佢哋都會「冇運行」,Student雖未至於估1919.HK會營運至虧蝕,但觀乎歐美近排嘅實質經濟情況(我反而對中國未來經濟有較大信心),而貨櫃航運又与歐美經濟息息相關... Student唯有作出自己認為較安心嘅決定: 出了大部份1919.HK,只保留小量作觀察/紀念。

套現所得,就加碼落883.HK,因為唔想「每年總股息收入」於今次賣走大部份海控而有顯著下跌,而中海油始終是一隻盈利和股息率都較容易掌握的「超高息+超大型」國企股。🙏^^

中海油(883.HK)🇨🇳有資格追落後

中海油(883.HK)實牙實齒做實事: 包括著力抓好海內外油氣勘探和增產工作,大力實施提質增效升級行動,持續發展科技創新強基工程,推進綠色發展跨越工程,又利用海上優勢,繼續加快風力發電,節省成本。

雖然佢於9月底之「銀行存款及現金」已創了新高記錄,但係佢稍早時只於H股股價10蚊或留下時才作出積極嘅股份回購行動,冇喊話要去高追股價,於此佢係抵讚嘅!👍^^

最近市場傳聞話佢將會變賣「不友善國」嘅油氣資產套現,因而有可能錄得額外盈利,... 值得加讚!👍^^

今天已是12月1日,以目前整體香港嘅藍籌股計算,Student預測今年(即2022年)全年擁有「最低市盈率及最高股息率」嘅股份,883.HK應該會排於第二位。(第一位應為316.HK東方海外。)

今輪港股爆上,截至今天收市價去計算,883.HK真係屬於大幅落後於大市了!  😫

Student says: 小弟對佢最近嘅股價表現也有些失望,但對佢今年公佈嘅所有發展消息和業績都很滿意,基本上係無可挑剔了,因此小弟目前仍然會對883.HK不離不棄。🙏^^

股海自由港(11月29日晚上標題)

「港」与「講」皆為同音字。

標題之「港」指香港,然而字音雙關,Student欲暗喻自由「講」,即香港人言論自由也。

隨便留言,依然Free Talk!^^

迪生仔,繼續加油呀!

愛之深,責之切! 👊🗣️

後記: 28/11/2022下午5点前,113.HK公佈了2022/23年度之中期業績及中期股息,詳細內容就請有興趣的網友們去aastocks內細閱,請恕小弟不在此抄書了! 只想總結一下: 佢於今年如此惡劣之環境下都仍可保持到營業額,更做到14.8%的盈利增長,小弟是很滿意了! Student會繼續收佢股息。 🙏^^

後後記: Student於迪生公佈業績前之兩個交易日和業績公佈後翌日,共分三次增持了合共5萬股,平均價約為HK$3.50(已包括了交易成本)。請原諒student之前唔公開說明在增持中,因113.HK每日嘅成交較稀疏。依家迪生已經進駐「Student高息倉」內嘅第四位置了。

Dividend Is King

話之佢牛市熊市,長線持有「較高股息率的健康企業」才是硬道理。

Student says: Dividend is King!✌️

附加股評: 中海油(883.HK)今早相對其他「大型高息國企股」嘅升幅,尤其与其A股的股價作比較,就似乎顯得有点落後了。Student估算佢今年每股約賺RMB3~3.1(未包括美元匯價兑人仔升值的浮利,這數字只反映在「其他綜合收益的稅後淨額」內,截至9月底,這數字為RMB215億,即等於每股多賺RMB0.45),全年股息很可能每股派HK$1.70(即末期息為每股HK$1)。中海油應該係今年所有恒指成份股之中,以「市盈率最低+股息率最高」來排名,就會係第二位(見補充)。睇睇嚟緊業績公佈前,股價可否追「落後」... 👍🙏^^

補充: 第一位是東方海外(316.HK)。

聽歌: 射鵰英雄梦

山河历决并雄   听 这家国在痛悲中   英雄 将骁勇 放火孤身守护这片天空...

打打氣: 迪生仔,加油呀!

今早作了一個夢,夢境如下:~

〈背景: Student於中環置地廣場地下內某名店門前,迎面一個年約三十的青年才俊,Student錯愕了一下,然後就向對方講了下面一番說話...〉

早晨呀迪生仔,乜咁啱? 好耐冇見呀!🙏^^

点解近排唔見你出嚟行街街(即曝光)嘅? 最近你忙緊乜嘢呀?...

哦? 原來你早係兩個月前被你呀爸委以重任,做了Chief Operating Officer(首席營運官),... 咁真係好唔得閒了!... 

哦... 咁你又唔洗話辛苦嘅! 所謂「能者多勞」,你係劍橋大學經濟科畢業,又曾經於高盛嘅投資銀行部門工作,又已經加入了公司足足6年,我諗你會係做得嘢嘅人! 你肯花多啲精神和時間係公司,你哋間公司就應該會有更好嘅發展了...

哦... 唔洗多謝我! 我和你家族都係坐在同一條船,總之你哋做好本份,公平公正對待所有嘅合夥人,又依時依候派多啲股息出嚟,我哋做合夥嘅就始終會支持你哋嘅!...

哦... 唔洗客氣! 我都只係實話實說啫!

呀! 開始落雨㖭! (見注釋) 我趕住要去超市買啲嘢! 唔講啦! 係咁先! Bye Bye啦! 🙏^^

(夢醒後)... 哎吔! 頭先漏咗問迪生仔嚟緊星期一113.HK打算派幾多中期股息㖭! 🤔

注釋: 点解商場內會落雨?... 因為發夢係乜嘢都可以發生呀!^^

零售股之「貨比三家」

178.HK v. 345.HK v. 398.HK

三間港資企業皆已有內地業務。

「莎莎」、「維他奶」皆知名度超高,香港人幾乎無人不識。「東方表行」知名度就稍低,然而股息率就超高,... 係超級高!

「名」与「利」,值千金?... 閣下点揀? 

此外,市賬率(PB)呢?... 孰優孰劣?

都係嗰句: 唔怕貨比貨,最怕唔識貨! 👊

Student says: 小弟萬分佩服里昂和麥格理兩間大行不約而同地於星期一(11月21日)上調了維他奶國際(345.HK)之目標價分別至HK$16.2和HK$17.8。係勇氣可嘉之舉呀!👍

福將主席: 易會滿先生

福將,是指運氣好,每戰總能獲勝之將領,借指做事處處如意之人。

今天中港股市都被中國證監會主席易會滿先生於「2022金融街論壇年會」上作主題演講時首次提出「中國特色估值體系」而有所反應,Student只感受到一個字,就是「爽」!

所以student認為以「福將」來形容易會滿先生就最適合不過了。

另外,易先生的名字,使student反思自己過去買賣股票,是否經常「易會滿」? 即是「容易會滿足」於股價短線上升而作出獲利了結,卻違背了之前買股時打算作長線收股息嘅初心!

今年香港股災,不知大家對自己的買賣交易操作有否心生悔意呢?

Student says: 股海無涯,唯股息是岸。^^

股海自由港(11月21日晚上標題)

「港」与「講」皆為同音字。

標題之「港」指香港,然而字音雙關,Student欲暗喻自由「講」,即香港人言論自由也。

隨便留言,依然Free Talk!^^

Sorry! Student唔改渾名了。

網友們,晚上好!🙏^^

如果你/妳曾於今晚大約7時20分以後,有來小弟這個網誌內瀏覽,想你/妳或有看過小弟那篇短文: Student改名,以後叫「笨叔叔」。

可是,小弟由於某些之前預計不到的情況,於權衡利弊下,作出刪走該篇短文之決定。

如果你/妳之前有留言与「笨叔叔」交流,Student就於此誠意地向尊駕道歉: 對不起,Student打擾了你/妳, I am really very sorry about this! 🙏🙏🙏🙇

以後,小弟仍然會沿用Student這個渾名与網友們於網上交流,大家繼續暢所欲言。

感謝大家! 

夜了,Good night!🙏^^

唔怕貨比貨 最怕唔識貨

178.HK v. 398.HK

東方表行(398.HK)於昨晚公佈了半年業績,而莎莎國際(178.HK)就剛於中午公佈了。

兩者皆為零售股,兩者業績年結日皆相同,兩者半年收益/銷售額皆差不多(約15、16億港元),但... 178.HK半年蝕了HK$1.33億 + 連續3年冇股息。而398.HK半年就賺了HK$1.51億 + 上市多年未試過唔派股息,只計過去3年就合共派了每股HK$1.504股息。

咁你哋話應該揀邊隻作長線投資呢?

東方表行 Take Your Time

「Take Your Time」是東方表行(398.HK)的形象廣告,探討時間帶來的定義和意義,以每一枚時計,捉緊每個時機。

想買賣股票有較高的回報,時機掌握的確是很重要。但student係笨叔叔,唯有輔以長線持股收息作投資策略。

高息倉內之398.HK剛於晚上公佈了中期業績。

其實Student於11月3日晚上已看到佢出了通告,知道佢今日將會公佈業績。Student唔擔心佢上半年(4~9月)嘅香港生意,因為本港每月公佈之零售銷售數字,其中「珠寶首飾鐘錶及名貴禮物」一類算係「唔差」,平均係比起去年有輕微嘅增長。(依家香港咁嘅環境,仲想点呀?)

反而最難預測的就是佢於內地嘅生意,因為國內於過去半年廣泛地實施封城,Student已估計佢今次半年盈利會被拖累而有所下跌,但由於佢無發出「盈警」,所以基於此,Student之前又唔算太擔心嘅。

好了,揭盅了! 半年盈利HK$1.51億,按年只係減少9.22%,EPS=HK$0.3103/股。派中期息連同特別股息合共HK$0.313/股(2021: HK$0.344/股)。

基本上仍然是把盈利派盡,還派凸少少㖭! 單係這一点,已值得student將佢長期持有了。👍^^

Good night everybody! 🌛💤

劉禹錫〈浪淘沙九首〉

其一:~

九曲黃河萬里沙,浪淘風簸自天涯,

如今直上銀河去,同到牽牛織女家。

其九:~

流水淘沙不暫停,前波未滅後波生,

令人忽憶瀟湘渚,回唱迎神三兩聲。

大市隨着內房由上星期五開始,連續三個交易日「爆上」,卒之今日氣氛被兩隻民企內房配股所影響。

浪淘沙,前波未滅後波生,大家不妨想想下一浸升浪將會由那些板塊帶動。🤔

只能以賭博心態買民企內房

連續兩日有民企內房配股,先2007.HK,後3383.HK,還會有...?

太肉酸了! 雅居樂配股只係攞得HK$7.83億,咁就即時攤薄了舊股份每股資產淨值和未來所有盈利(或者、有可能、極有可能... 係虧損)嘅大約7%。參考一下: 佢2021年全年盈利為RMB67.12億元,以目前匯率計,約為HK$74億。

大家不妨想像一下昨天佢銀行户口內還剩返幾多錢呢? ... 今次集資的錢肯定是用來「弔命」!(弔命,意思是以藥物為垂危病人暫時延長生命) ... 太恐怖了!

除了以「賭博心態」去買賣佢之外,student真係諗唔到有其它原因「投資者」今朝早都仍然要去買雅居樂。(加埋碧桂園?)

港股需要變革的事何其多,投資心態(投資教育)肯定是一重要課題。

先大時代 後新時代

剛剛聽一遍神劇「大時代」之主題曲「歲月無情」... 滔滔的感觸去又來!

昨天拜習會,「假如」中美從此以後合作共贏,大家認為恒指可以升至幾多点呢?

請不要說「点會咁樣呀」、「邊有可能呀」等負面語! 筆者強調係「假如」啫!

輕舟已過萬重山

李白,字太白,號青蓮居士,中國唐朝詩人。

今早student忽然想起「詩仙」李白之「早發白帝城」:

朝辭白帝彩雲間,千里江陵一日還,

兩岸猿聲啼不住,輕舟已過萬重山。

過去幾星期,不知大家有否被「猿聲」(市場雜音)影響了自己的投資決定? 🙏

今日跑輸大市幾條街

有錯就要認,挨打要立正!

恒生指數今天收於17,325,即係升了1,244点或7.73%。

雖然「Student高息倉」內今日10位學員「身價」皆有上升,但就全部都「漲幅」跑輸大市,總倉值只係升了2.18%。

Student感受如何呢?

如果只能總結兩個字,便是「不爽」!

若然以七個字來做總結,就會是「不爽但坦然接受」。

Student says: 投資就會有不確定性,何況是投資「古靈精怪」嘅股市?... Student長線持股收股息,首重持股企業的業績和股息,短期股價嘅上落反而係其次。大家同意嗎? 🙏^^

1919.HK: 靜靜地,起革命。

1919.HK是「Student高息倉」內之第二大持股。

Student過去嘅觀察係,佢股價「跑」得慢過佢阿仔316.HK好多、好多。

但是,經過最近公司作出一系列的策略性變革,包括數字化供應鏈、收購上港及廣州港、与316.HK訂造船舶,又与國內知名嘅汽車企業(一汽、上汽)達成戰略合作,student相信1919.HK長遠目標係做全球航運業一哥,挑戰「馬士基」!

中國始終係一個超過14億人口嘅超級大國,世界航運市場「龍頭地位」又点可以失之交臂?

如是,若以中期計,佢嘅估值由低位(HK$8.22)翻一番也未為過。當然都需要市場氣氛和成交額嘅配合啦!

至於以長期計,Student係唔識計,因為假如真係實現「中華民族偉大復興」🇨🇳,你哋認為中國嘅資產應該点樣作估值呢? 或者可以參考下花旗國現時同類型資產嘅估值,不過student就懶得去深究。

大家聽完就算了,切記謹慎投資呀!🙏^^

六厘股息的領展

今次領展(823.HK)的中期股息為@HK$1.5551/股,Student估計佢2022/23年度,全年股息大約=HK$3/股。

以中午股價HK$51.65,除淨中期息後約=HK$50去計算,年股息率便=6厘,算係中規中矩。

領展(823.HK)中期業績

萬眾期待,預計中午12点過後823.HK便會公佈截至2022年9月30日之中期業績及派息。

業績發佈前,各位大佬有何高見?

利申: 小弟目前冇持有823.HK。

後記: 剛公佈了中期息@HK$1.5551/股(2021: HK$1.5959/股)。

寫給「健一」網友的說話

健一兄弟,Morning!^^

小弟昨晚衰多口,明示你將386.HK換馬至883.HK,今早一睇國際油價,... 跌了些。

思前想後,小弟現時自己持有1919.HK的心態其實都「包括了」打算作為油價下跌的對沖(因為油係1919.HK之成本)。冇理由將所有資金放晒落883.HK! 

故此,持有386.HK也可以當係「平衡」油價下跌的風險,何況中石化過去長期也是「超高股息」,絕對係好股。

總結: 健一兄弟, Student希望你有自己明智持股的抉擇。🙏^^

寫在「滿倉股票」時

筆者近幾年改變了投資風格(其實可能只係投資膽量),經常「滿倉股票」,就是持股組合的總市值總是「流動資產」的99%或以上!(唔計自住物業,冇投資物業,冇定期存款,唔計MPF。)

講真,其實都幾駭人! 好似違背了投資要謹慎的原則,尤其是股海無常!

但,Student雖以「學生哥」自稱,其實已不是股場新丁,自問現在很清楚自己的投資目的和理念,因此才沙膽(即大膽)「滿倉股票」。

大家聽下好了,唔好「亂學」student這般操作,因為如果我哋投資理念不相同,即使「開首時」持股一樣,但將來結果也可以是差天共地的! (都算係免責聲明。🙏^^)

後記:

晚上從財經新聞中看到聯合國〈世界人口展望2022〉報告,預期及至11月15日(即一星期後),全球人口將會達到80億!

該數字在今後幾十年還會繼續增長。

Student says: 地球村愈來愈多村民,個個村民又需要衣食住行,而發達地區(包括香港)又養好多不事生產的懶人(包括student)。網友們認為歐美可以攪得掂「佢哋嘅高通脹」嗎? 還可以点攪呢? 🤔

投資者「缺貨時」心態

今日承A股之氣勢,港股係大家無心理準備之下「反彈」/「轉勢」(隨便你点解讀)。依家係2:45pm,恒指大約16,360点,即升了約1千点。

假如閣下依家「冇貨」,或只有「好少貨」在手,心情如何? ... 你肯走進來看一下這篇短文,Student就估計你仍然相當關心股市/理財。

唔夠膽再入市?

唔知道買甚麼股票可以實贏?

咁就先要問自己: 股票要來做甚麼?

後記: 

晚上9点鐘,國際油價較日間升了大約4%,即係紐油USD92,布油USD98。如果今晚稍後都可以保持住咁上下的油價,那麼星期一的中海油(883.HK)就有可能會追落後了!(今日恒指升了5.4%,但中海油雖然貴為藍籌股,卻只是升了1.65%而已!)

11月6日(星期日)早上11:00am補充:

筆者認為股票是買來作「長線收股息」之用,考量了「持股風險」、「預計回報」等等因素後才決定持股數量,甚至取捨。最終目的是提升「每年股息總收入」,愈多愈好! 

Student謹記: Dividend is King,收股息才是硬道理。✌️^^

 

增持517.HK收息

今早10:26am增持了22,000股517.HK@HK$2.23。

今年9月以來,517.HK幾乎日日回購股份。Student很讚賞佢買得好啱時機(股災時候),又買得好有節制(回購以來,整體平均價<HK$2.30),咁樣「回購+註銷股份」就可以提高每股NAV了。

Student之前計過517.HK(已有出文說明),除淨中期息後,佢每股NAV仍值5蚊港元,當中包括了每股淨現金3蚊港元。

佢係淨淨現金公司,香港定期存款加息?... 對佢有「大着數」。

背靠中遠「大集團」,唔怕冇生意。大家可以去aastocks.com睇下佢主業係乜東東。

股價會否再跌?... 唔知。

股價會否上升?... 唔知。

會否被私有化?... 唔知。

Student冇諗住炒股,只係想收股息,愈多愈好!

初心不變,經常滿倉「健康+高息」嘅股票。🙏^^

股海自由港(11月1日)

「港」与「講」皆為同音字。

標題之「港」指香港,然而字音雙關,Student欲暗喻自由「講」,即香港人言論自由也。

隨便留言,依然Free Talk!^^

後記: 11月2日,中午前買入少量857.HK@HK$3.05,因見佢由上星期五收市價K$3.27跌落嚟,已跌得頗深。「昨天+今早」大市共反彈了1041点,883.HK中午收於HK$9.83,已高過上星期五之收市價HK$9.77,所以直覺857.HK落後很多。雖然student長線較看好883.HK,但見佢不肯於HK$10以上回購股份,現價就唔想再加注了,改為試下買少少857.HK玩下。^^

股海自由港(10月31日)

「港」、「講」皆同音。

標題之「港」指香港,然而字帶雙關,Student欲暗喻自由「講」,即香港人言論自由也。

隨便留言,依然Free Talk! ^^

股海自由講(10月30日)

又到10月尾!

Student無命題。

網友們可以自由表達對大市或個股之見解,或分享個人買賣、持股心得。

Free talk! ✌️^^

換馬: 走晒941.HK

沽出殘餘的2,000股941.HK。

套現後,加埋投資户口內嘅現金,買入18,000股883.HK。如此,倉內883.HK之股票數量,尾數又再達致「萬位」的整數,方便了student記住。

而兩者皆是藍籌股。

原因不是941.HK不好,只是student覺得883.HK更好。

油價依然硬淨,預期883.HK之全年PE<3倍,又預測以現時股價計,佢今年嘅Dividend Yield多過941.HK幾乎有1倍。再加埋前者「受惠」於強美元,後者就「蝕底」於強美元。

就係咁簡單!

於是投資户口現金又剩返唔夠兩萬港元,但明天將會收到幾萬蚊900.HK之中期股息。

今日風和日麗,宜家就出街做下pull ups先!^^

匯控「假太空」

假太空者,假話大話空話也。

Student何出此命題?... 你哋還記得匯控「過去」每次出業績時所作的「前景」承諾嗎?... 佢有邊一次不是將「未來」講到「好有希望」?... 結果如何呢?... 市場有否記住,宜家攞嚟做個比較?

唔記得了嗎?... 唔出奇,也不緊要!

總之記得下面「兩單嘢」就夠我哋「一世」都做過精明的投資者了:~

1. 2009年3月2日,佢公佈每12股供5股。佢當年仍然是400股1手,如果當時你有一、兩手,或3手、或4手,...或11手,你會点做呢?... 虧佢咁都諗得出!

2. 2020年4月1日,佢公佈因應英倫銀行旗下之審慎監管部門,決定取消已除淨了的第4期中期息(即末期息)。... 虧佢咁都做得出!

今日中午佢公佈了季績,Student又發現佢於「前景」內寫了很多「繼續」和「預期」... 大家還相信佢嗎?... Student就相信這些材料已足夠給外資大行寫文章了。

神奇數字: 2020年4月1日,匯控(005.HK)股價收於HK$39.95,筆者寫這短文時佢股價又見這數字了。^^

後記: 

已收市,005.HK又係收於HK$39.95,... 很神奇!🙏^^

因為有可觀的累積獎金,Student昨天已投注了今晚嘅六合彩,大家又有冇興趣參予呢?... 都係嗰句: 希望尚在人間!🙏^^

恒指今天收跌1,030點

收市了,15181! 故此student出文記錄。

相信今朝早開市前,很少人會預計到今天恒指會跌1,030点(即6.4%)作收市。

如果閣下的持股或組合總市值於今日的跌幅是少於6.4%,咁就可以自我安慰地諗: 算係跑贏大市了!

是很阿Q精神,但student的確係咁樣安慰自己。大家互勉之。🙏^^

後記:剛剛以自助電話投注買了一注六合彩,HK$10,明晚(10月25日)攪珠,估計頭獎基金六千萬元。... 希望尚在人間! 🙏^^

換馬: 還原「海控」股數

沽出941.HK 10000股(倉內殘餘2000股)

買入1919.HK 50000股(依家倉內有N股)

Student不甚滿意941.HK之季績,也考慮到今年人民幣兑港元的貶值幅度差不多已蠶食了它那13%的盈增,所以student預期下次941.HK的末期息有可能都只是派HK$2.20~2.30/股,即是与中期息相約。詳細計算如下:

9個月的EPS=RMB4.62。

簡單地將這RMB4.62x12/9,推算全年的EPS便是RMB6.16/股。

目前匯率約為1.075,即EPS=HK$6.622/股。

若全年股息共派HK$4.40/股(即是中期和末期各派HK$2.20/股),Dividend Payout Ratio已經是4.40/6.622x100%=66.45%了!

換入1919.HK,因下午見316.HK強,咁當然可以帶起母企1919.HK,但最重要係海控昨天收市後已公佈了中期股息RMB2.01的派息時間表!有了這timetable,student就唔驚冇息收了。

所以依家買1919.HK,基本上係等於以(股價減兩蚊)來買佢。316.HK,1308.HK,2343.HK等一眾航運股之中期股息早就已經除晒淨,佢哋嘅股東連錢都袋晒了!... 就只係淨返1919.HK未除淨,而且仲係「兩大元」!

除了這因素,Student早排於佢公佈中期業績日的早上和之前,因應當時情況作了自己的分析,分了幾次減持了部份1919.HK的倉位,今日連同本星期一的那次增持,就卒之「還原」兩三個月前最多的持股數量。

當然希望佢未來股價可以否極泰來。

最後,以市價計,1919.HK仍然是「Student高息組合倉」內之阿二。

中遠海控(1919.HK)中期股息

中遠海控(1919.HK)2022年之中期股息為每股RMB2.01。

除淨日: 25/11/2022

派息日: 23/12/2022

至於兑港元之匯率,現時就暫未確實。

Student says: 善哉善哉!🙏^^

長氣再說「加息的殺傷力」

請原諒筆者「長氣」,身為土生土長的香港人,又係多年積極參與港股的投資者,筆者好希望大家都深切明白加息對個別股票的影響。

Student於上月7日已出了短文「加息的殺傷力」,又從7月中開始,前後共3次出短文題為「地慘股」,現在再不厭其煩地重申美國今輪的加息週期係「未有耐」見頂!

所以,除非你是投機者「打算短炒」(記得要定「止蝕位」!),否則如果是打算作長線持股收息,就千祈要避開對息口極度敏感的股票,即使是一線的股份都要暫時迴避呀!

Student says: 大江東去浪淘盡...

揸現金,等消息?

對於日日皆賺錢的企業,時間代表利潤。

實幹的上市公司天天都在做生意,日日都在賺錢錢,佢哋嘅業務係唔會因為公眾假期或星期日而停止,也不會因為股價昨天跌了1%,或今日升了1%而改變。

例如AeonCredit(900.HK),佢嘅信用卡生意會因為星期日或股災日而停止嗎?

例如東方海外(316.HK)和中遠海控(1919.HK),佢哋嘅遠洋貨櫃船隊會因為公眾假期或股災日而在海上停止航行嗎?

又例如中國移動(941.HK),國內嘅同胞可以在公眾假期或股災日不須用智能手機嗎?

以上的公司,一年365日+24小時都在運作,即是全年無休。👍

誠然,投資者心態各適其適。 

股災之下,不知網友們是否仍然「全年無休,持股收息」,還是「揸現金,等消息」呢?

再入海油海控,Yeah!

Student今早將上星期收到的316.HK和883.HK之中期股息,再次買入倉內的頭二大持股,作長線收息:~

+883.HK@HK$9.72。

+1919.HK@HK$9.05。

投資倉內又只淨返萬零蚊港元了。好在,下星期可以收到398.HK和900.HK的股息,都有11萬幾。

Student says: 全倉持股,嚇怕了嗎? 😭

混混噩噩的「恒指公司」

恒指公司,全名即係「恒生指數有限公司」。

佢哋嘅「行政總裁」今日於電台節目中表示: 未有設定時間線把恒指成份股的數目,由目前的73隻,增至目標的100隻,佢理由係: 要「視乎市況而定」(吓?... 咁即係点?...講咗等於無講!),又話很重視入選成份股的「質量」(吓?... 乜佢哋有考慮過「質」咩?... 点解可以加入「連年虧損+市賬率超高+冇股息」嘅企業加入藍籌行列? 例如阿里健康,海底撈,美團,...等等。)

而重要嘅係,「恒指公司」比student嘅印象係,佢哋唔多考慮上市公司嘅「股息率」,即Dividend Yield,... 連提下都冇!😤

Student says: 呀「恒指公司」,点解你哋唔襯宜家市況低迷,成交慘淡嘅「十載難逢」好機會,即刻盡快上馬,增加多27隻成份股入去恒生指數?... 咁多「平靚正」嘅股票任你哋揀,有何難?... 冇可能你哋唔識做股票分析啩?... 係咪你哋偷懶?... 如果懶,咪睇下aastocks囉,如此方便!有幾嘥時間呀?... Student只覺得你哋「特登」拖延時間,係度「嘆慢板」!( 即延緩工作節奏!) 😤

儲齊100隻後,你哋咪繼續每季定期檢討下如何再「搬出搬入」優化這個指數囉! 有幾難呢?😤

咪講到好似好深奧、好複雜咁!😤

你哋知否「恒生指數」對香港經濟的重要性?... 佢係眾多指數基金的指揮棒!又直接影響本地強積金的投放,而若港股受歡迎,成交便可較暢旺,政府的股票印花稅收入自然會得益,... 好處實在太多了。

總論: Student很驚訝,点解「恒指公司」一眾高層,冇香港人一向引以為傲嘅「高辦事效率」品性。現在已破了十年新低的恒生指數已清楚反映了成份股中有很多「垃圾」,不知那位高官或那個部門可以監督這間「恒指公司」去積極辦事呢?... 唉,真令人勞氣!😤

Student says: 提升恒指成份股的質素,即是提升香港國際金融中心之地位。👍

十兄弟

Good Morning Everybody! 🙏^^

市場氣氛差,估計今天港股將會以下跌作收市。

筆者投資港股沒有足球團隊,可以做到「進可攻,退可守」,也沒有一隻獨贏的眼光,只揀一隻「長遠必勝」嘅美股,... 但筆者「目前」有十兄弟,佢哋係筆者當下最想長期持有作「收股息」用途嘅高息港股,以上星期五(10月7日)倉值高低作計算,排名如下:

阿一: 中海油(883.HK)

阿二: 中遠海控(1919.HK)

阿三: Aeon信貸財務(900.HK)

阿四: 迪生(113.HK)

阿五: 新鴻基公司(086.HK)

阿六: 中國移動(941.HK)

阿七: 東方表行(398.HK)

阿八: 中遠海運國際(517.HK)

阿九: 大眾金融(626.HK)

阿十: 國銀租賃(1606.HK)

請不要問筆者点解排名如此如此,... 因為這不是一朝一夕的結果,要詳解就一匹布咁長。

將來會否有變化?... 咁肯定會有,因為股票市場永遠是動態的(dynamic)。

本週日誌: 

明天: 將會收到316.HK之中期股息@HK$46.80/股,雖然筆者已於佢除淨咗之後沽走了。

明天: 900.HK將會除淨中期股息@HK$0.22/股。

星期四: 將會收到883.HK之中期股息@HK$0.63/股(已扣減10%大陸稅)。

最後, student衷心祝福大家股海投資得心應手! 🙏^^

後記:

1. 已收市了,恒指全日(星期一)下跌了523点,收於17,217,即係跌了2.95%。Student今天甚麼調動都冇做,即倉位依舊,總倉值就跌了1.12%,主要被1919.HK所拖累。然而心境平靜。🙏

2. 10月11日(星期二),恒指再跌384点至16,832,即係跌了2.23%。依舊冇做任何調動,總倉值就再跌1.10%。心境依然平靜。🙏

3. 10月12日(星期三),大市再跌131点至16,701,即係跌了0.78%。Student全日冇做任何買賣,等明天收埋阿大883.HK嘅中期息後,可能星期五或下星期一出擊... 唔肯定。今天總倉值就下跌了0.72%,与恒指相差不遠。🙏

組合內有潛力創「52週新高」之成員

東方表行(398.HK): 除淨後雖略作調整,但Student見到佢似乎有實質買盤收集,只要貨源歸邊,從品牌和基本面上考慮,佢似乎唔難突破52週高位,還之後可以爆發力驚人。執筆時股價HK$3.98,市盈率5.3倍,股息率19厘。

中海油(883.HK): Student目前的第一重倉股。國際油價似乎已經企穩USD80~90/桶,冬季剛開始了,歐洲缺能源已是不爭事實。現在Student預計中海油今年全年盈利為RMB1350~1400億元,每股約賺HK$3.40,以依家執筆時股價HK$9.93計算,市盈率係<3倍! Student估算佢今年末期股息為每股HK$1(詳細解釋,請網友們看看Student另一篇短文「油價与中海油(883.HK)之關係」及相關的留言),連同中期股息HK$0.70/股,全年股息便合共為HK$1.70/股,以現股價計即股息率為17厘! Oh my goodness!^^

三說地慘股

這是Student第三次解釋「繼續睇淡」本地地產股之理由。之前兩篇於7月19日和24日之短文:「地慘股」及「再說地慘股」,未睇過的網友可以看一下,已睇過的網友不妨再睇再多一次,尤其是「再說地慘股」,Student粗略地列出9点利淡原因,宜家睇返目前環境,係完全無任何改變:~

1.利率上升。(截至今日,有消息話美國政策制定者預計今年底前還要再加息共1.25厘,... 但係咪咁就加完了?... 誰敢說美國明年不再加息?)

2.通脹上升。(現在已經見到出現環球滯脹,即高通脹+經濟停滯。)

3.普遍市民收入不穩定。(本地大小企業皆艱苦經營,打工仔(除了公務員)又点會收入穩定?)

4.疫情沒完沒了。(全世界都抗疫疲勞,香港現時每日都有3千至5千宗新個案,基本上以後都肯定要「与病毒共存」。)

5.人口向下、人口老化。(Student目測似乎愈來愈嚴重了。)

6.本地地產股需要為內地某些項目撇賬。(投資者稍後睇睇大多數於12月31日才年結的上市地產公司,肯定到時「審計師」會比壓力上市公司要作出大幅度撇賬,才可以「過關」。)

7.特區政府會更嚴肅應對本地房地產市場。(否則如何向「輪候公屋的低下階層市民」和向「中央」交代?)

8.股市不旺,樓市不好。(將心比己,如果Student可以從股市賺大錢,都會考慮多買本地物業作收租用途,但依家...)

9.大型上市地產商「養專處優」,缺乏「賣盤」或「私有化」課題。(始終係本性難移!)

10...(唔再寫了,以免給網友太多負面思緒。)🙏^^

油價与中海油(883.HK)之關係

Student只睇真實數據:~

2021年,883.HK之「全年平均實現油價」為USD67.89/桶,全年盈利則為RMB703億元。以昨日收市價HK$9.77計算,歷史市盈率都只是5.1倍。

2022年,883.HK之「上半年平均實現油價」為USD103.85/桶,半年盈利則為RMB719億元,已經超過去年全年之盈利!

今年第三季,即7~9月的平均國際油價是幾多美金一桶呢?... (大家可以上網查找,非常方便!)

餘下第四季,即10~12月的平均國際油價又將會是幾多美金一桶呢?... (未來嘅嘢,隨便網友点估都得!)

總之,... 千祈「唔好以為」883.HK今年上半年的「平均」實現油價是USD120/桶,...咁樣諗係錯得幾離譜,... 真實數字係USD103.85/桶。

而且還未包括883.HK今年下半年的新投產項目,這些都會帶來下半年和將來的收入增長,... 還有天然氣業務等等,... 雖然Student係唔知点樣去作較準確嘅計算!

今日於此Blog,Student「亂估」883.HK今年第3季(即7~9月)的盈利數字為RMB281億元。如是,則883.HK今年1~9月便已賺到RMB1,000億元了,... Oh my goodness! 🙏^^

亂噏廿四

叫做兩日,其實只係廿四粒鐘之內,大行就變臉了...

Student從aastocks內看到「大摩」針對東方海外(316.HK)和中遠海控(1919.HK)的報告:~

昨天:

10月5日中午: 大摩挑選潛在「可優先反彈」的港股名單中,包括有316.HK和1919.HK。

今天:

10月6日上午: 大摩又出報告,預期行業已進入下行週期,將316.HK和1919.HK投資評級降至「減持」,將兩者目標價分別降至HK$116.50和HK$7.80。

Student says: 盡信書則不如無書,盡信大行報告則不如自己寫報告。總結係得啖笑!^^

一膽二力三功夫

膽: 膽量也。對港股而言,恒指萬七点,爾依然夠膽「全倉持股」嗎?還是急不及待走去銀行做定期存款或買i-Bond?

力: 即實力。對投資而言,即財力或金錢也。長期買股收息,「股息收入」解決了未來生活上的開支,又提供了持續投資之財力,「全倉持股」何懼之有?

功夫: 對投資者而言,即財務知識、揀股能力、買賣經驗等等。這等功夫就需要經常學習了。

Student says: 懶理3萬或萬7,膽量始終排第一! 

後記:

已收市,恒指全日升了1,008点至18,088。不知有否網友於今天趕着出貨(沽出股票)? 還是猶豫於考慮沽出手上的i-Bond,變現後再入市(買入股票)?

坦白,Student現時既沒有定存,也沒有i-Bond,。 除了「應收但未收」之股息外,現時基本上仍然是「全倉持股」,即備用可投資現金少於個人總流動資產之1%!

現金如此少,看似很危險喎?... 冇有怕!好快就會收到「應收但未收」之股息,包括下星期內有316和883之中期息,及398之末期息將於本月24日收到。

Student says: 懶理恒指轉勢未,收息便是硬道理!

國慶日: 海油海控在倉間 🇨🇳

經過過去兩年的「超強淨現金流入」,中海油(883.HK)和中遠海控(1919.HK)目前皆現金滿瀉。1919.HK還將於10日後(即10月11日)收到阿仔東方海外(316.HK)的超神級中期股息,約220億港元!

因此,美國加息反而會增加海油海控嘅「利息收入」。另外,佢哋嘅「匯兑收益」可受惠於強美元匯價,筆者於9月26日之短文「強美元下之受益國企股」已略有說明,現不再在此重複了。

對股災恐慌嗎? 

希望網友們對持股多加瞭解,多作比較,...

國慶日,Student says:

千錘百煉出深山,烈火焚軀若等閒,

粉身碎骨也不怕,海油海控在倉間。

中華人民共和國萬歲!

世界人民大團結萬歲!

冤有頭 債有主

依家環球金融市場慘淡,前景灰暗,... 歸根究底,錯在誰?

如何解決?

「大債仔」繼續加息? 加到佢哋自己嘅通脹率跌至2~3%才收手?... 是否一定做到呢?

香港、大英帝國、歐洲諸國、加拿大、澳大利亞、亞洲多國,又跟住加息?... 效果如何?... 除了港幣跟美元掛鈎,其它貨幣會繼續貶值下去嗎?

錯在誰?...

如何解決?... 

Student says: 要去美元化,愈多愈好,愈快愈好。🙏^^

自說自話:

雖則市況兇險,但Student仍然相信,收息才是硬道理!

目前Student持有10隻股票。

美元升值,倉內之883和1919就會得益於「匯兑收益」。美元、港元繼續加息,倉內之一眾淨現金公司就會愈來愈多「銀行利息收入」,當中6間: 113,398,517,883,941,1919皆為現金滿瀉之公司。

此外,由於股價低殘,倉內「有可能被私有化」的公司,包括有6間: 086,113,517,626,900,1606。

後記:

今天恒指收於17,251,跌了609点,即係跌了3.4%! 正股頭兩大跌幅為「有負面消息」嘅內房「旭輝」系:884和1995。本地地產股和Reits整體也跑輸大市。

很多香港的散戶投資者都鍾情本地地產股,這也難怪,本港住宅價格高昂,年青人或未上車的人都可能有個想法,就是買些磚頭股作為替代品,估算如果樓價上升,也會帶起持有之地產股,心理上感覺是「已上了車」。

可惜如今花旗國大玩加息遊戲,... 

Student都已經算是後知後覺了,曾於7月中連續出了兩篇短文,「地慘股」及「再說地慘股」,粗略解釋了小弟對地產股嘅睇法。宜家再回看兩篇短文,基本上係更加肯定了。即使短期大市有反彈,由於美國利率仍然「未有耐」見頂,全球「去美元化」嘅力度又未夠,Student大膽相信地產股及Reits嘅反彈幅度會相對較弱。

此外,也要避開股息率只得4、5厘嘅本地公用股。在加息、本地人口減少之下,佢哋那一家還有護城河?

強美元下之受益國企股

今早有大藍籌股因為磅匯大跌,例如001.HK,005.HK,..而有較大跌幅。(奇怪,乜唔係話加息之下,匯控會愈來愈賺錢嗎?)

有黑就有白! Student就發現(其實係發現咗好耐了!)組合內的兩支巨型國企,由於有美元收入,強美元反而造就了今年會有顯著嘅「匯兑收益」。

883.HK: 佢今年上半年的財報表內之「綜合收益表」顯示「匯兑折算差異」獲利RMB100.16億元,所以佢上半年之「稅後綜合收益」歸屬於股東的數額實為RMB830.49,而並非只是很多人以為嘅盈利RMB719億元。

1919.HK: 同樣地,佢今年上半年的財報表內之「中期綜合收益表」顯示「匯兑差額」共獲利RMB38.84億元,因此佢上半年之稅後「綜合收益」歸屬於股東的數額實為RMB673.20億元,而並非只是很多人以為嘅盈利RMB647億元。

網友如有興趣,不妨check下今年上半年美元兑人仔升了幾多%?

又再check下6月30日後,直到今日(9月26日)又再升了幾多%?

計完後,你就「非常粗略」地估計到下半年7月1日至今天9月26日上述兩間公司的「匯兑收益」再增加了幾多。(答案都幾誇張!)

留意:「綜合收益表」內除了「匯兑差額」,也有包含其他項目的收益和虧損。上面兩間巨企的匯兑收益就明顯地佔綜合收益內非常高的數額了。

預測Aeon(900.HK)之中期業績

3、4年前,Aeon曾是筆者股票倉內之頭馬,即是以當時市價計,它是佔有最大金額的倉值,宜家就排於第三位。

佢明天將會公佈半年業績(3~8月),若然如同往年一樣,中午12点過後,公司便會發出業績通告。

佢上次公佈之首季(3~5月)盈利為0.8266億元,下跌了14.7%。雙位數跌幅,看似不理想,...但身為小股東的Student就很「收貨」了!

早排Student於本Blog內曾經提過,今年本港之零售銷售最差之月份應該算是2~4月(尤見是3月),即係已包括於Aeon首季的業績內,相信6~8月的零售數字已按季上升不少,而消費券又已於8月份開始,多少都有帶動整體零售氣氛,也會帶動信用卡之生意。

當然,外人最難估計Aeon的貸款壞賬撥備,但佢在香港已做了多年業務,可謂經驗豐富,絕對係信用卡及貸款市場嘅「專家」,相信這方面佢哋會控制得好好。

由於Aeon去年6~8月之盈利只係0.75億元,基數相對較低,所以Student大膽預計佢明日公佈之半年盈利只係較去年盈利跌0~5%!... 其實,可能係「升」都唔出奇。

我預計佢中期息就每股派HK$0.22~0.25。(去年中期息為每股HK$0.22。)

... 吓? 咁樂觀?

Student says: 做人又好,做投資又好,稍為樂觀係冇壞嘅! Good luck everybody! ^^

後記: 

揭盅了,居然盈利真係有得升!... 2.6%雖然唔算多,但肯定一眾股東們都應該收貨了。可惜中期股息只是照舊派發每股HK$0.22,... Anyway,佢股價於下午復市後都稍為逆市上升,抵讚!👍^^

放走316.HK

今早市況又係兇險!

昨日最新的BDI只是稍為下跌約1%至1720,仍站於9月高位附近,1700樓上,与上月底之全年最低位965点,仍有78%之升幅。

不過,今早之航運股就愈睇愈「牙煙」。

316.HK股價開頭算係最好的了,部分時間企於HK$148樓上,Student見到咁樣,希望佢可以帶起佢媽咪1919.HK之股價,可惜隨着其它一眾航運股都顯著向下走,316.HK也頂唔順了。

11点前,Student見1919.HK跌得太快太急,反而316.HK還可以掛頭牌$146.90(即係=昨日之收市價),於是便掛出唯一的一手316.HK,之後便成交了,但... 今次係蝕水交易呀!😭

換馬:

3大油股和3大電訊股今早都似「避難所」。

941.HK之A股今早居然可以有>4%升幅,想起網友「金戈鐵馬」兄近排大力推薦,Student也自覺持貨不足,於是就把316.HK的套現換入了1,500股941.HK@$51.80。

現時持有之941.HK共11,500股。

至於1919.HK,母企於7月底時公開話過會再增持佢,而目前1919.HK係現金最滿瀉之航運股,Student希望佢也考慮自己出手作回購。還有,佢未除淨中期股息@RMB2.01/股。

後記: 

1. 9月23日(星期五晚)的BDI再由9月22日的1720点「上升」96点至1816点,即是單日升了5.58%。

2. 至於星期五晚國際油價就「下跌」了4~5%,原因話係因為經濟衰退喎!... 但其實係邊個國家先?

全球將會加速去美元化

佢唔洗儲錢,一味印銀紙,唔夠用就向全世界嘅信徒寫借據攞錢。

佢唔洗理你哋嘅貨幣匯價跌成点,通脹變成点,佢會話關佢乜事。

佢唔洗理你哋金融市場幾咁混亂,股市跌成点,佢一切嘅金融政策都只係考慮佢自己嘅利益。

佢好多個月前話佢會控制到油價,話佢會控制到通脹,又話佢哋最偉大......

Student想知,全世界都比佢攪到唔掂嘅時候,佢還可以掂嗎? 🤔

突然想起有句說話叫做:「物極必反」。🙏^^

預期美國今晚加息一厘

不要怕!

加一厘,一啲都唔多!

根本就係美國加息行動太遲鈍了!

根本一開始決定加息,佢就應該每次決議都要加足一厘,才有啲說服力,才有啲震懾力!

今晚加一厘,可以令到市場人士演譯為下次議息或者可以加少1/4厘,... 咁咪幾好!... 美國金融施政一慣手法就係:「捉心理」!

大家明白乎?

Student目前仍然係全倉持股收息,倉內現金只有港元萬零蚊,... 不知網友依家手上有甚麼股票呢?... 會對息口敏感嗎?... 又有很多現金嗎?... 🙏^^

後記:

1. 晚上探訪aastocks,又發現883.HK今日再出手回購,今次965,000股@HK$9.98~10.00,應該係今朝9:44am前便做妥,因為之後股價都未有再見過10蚊了。

2. 美國議息結果卒之出來了,今次「只係」加息0.75厘,小弟「估錯」了!慚愧! 🥴

雖然市場大多數都「估對」加息結果,但就演譯為下次11月議息會再加0.75厘,而之後還要再加,... 結果杜指就由升轉跌500多点,納指就由升轉跌200多点。求仁得仁,又何怨乎? 🙏

上市公司「回購」行動

市況低迷,經濟前景不明朗的情況下,那些「股價」相對「每股資產淨值」有極高折讓,負債比率又極低,處於「淨現金」狀態,甚至是「淨淨現金」狀態的上市公司,其實真係好應該考慮用「回購股份」來提升每股資產淨值,回饋全體股東。

昨日517.HK逆市上升,今早Student才發現原來佢昨日回購了2,300,000股@$2.10~2.15區間。此股平日交投相當淡靜,股價今早直至現在仍然「有反應」,似乎都是因為這個回購行動。

簡單直接,容易計數,而效果通常都會是「良好」。

883.HK最近一個星期也於股價$10或以下積極地回購H股。佢H股股價「便宜」過A股幾乎一半,回購H股就是相當明智了。

Student以往一直都很贊成本地「財政健康」的上市地產公司作回購行動,可惜大多數都沒有這麼做,一味只識高價搶地,買貴價麵粉!... 只想做大地主?... 恒基兩番貴價買中環地,希慎貴價買銅鑼灣地,...宜家很滿足了嗎?... 回報率預計會可觀嗎?

大股東要思考: 上市目的為何?

小股東要思考: 為何投資於它?

滯脹

昨晚世銀警告,全球將陷「滯脹」! 即係全球經濟停滯不前,高通貨膨脹揮之不去。

如何解決這問題?... 可能真是需要「去美元化」,否則多國貨幣跟隨美元不停加息,世界經濟衰退就很難避免了。

昨晚油價雖然回調,但其實一啲都唔便宜。紐油現時約USD85,布倫特原油現時約USD91。採油巨企仍然係每日都忙於數銀紙!

天然氣價都是於「極高價位」大上大落。

波羅的海指數(BDI)昨天再升17点至1612,已是連升7日了,... 似乎已確認不會重返今年之最低位,即965了,不過人心始終仍然係虛怯。

週期商品股否極泰來?

筆者算係重注的高息商品股,包括883.HK,1919.K+316.HK。

過去兩三個月,佢哋跟着大市走,甚至因為被評為環球經濟衰退的先行者而被率先睇低,所以「無運行」。

中秋節假期後,國際油價、天然氣價都繼續徐徐上升。至於波羅的海指數(BDI),昨日又升了13.28%至1,595点,不經不覺已由8月31日之最低位向上升了約65%。

Student相信「極度便宜」的週期商品股股價已經見了底,希望慢慢可以「否極泰來」。

883.HK連續兩天只在10蚊位置回購,未有於股價>10蚊買貨,似乎懂得節制,「暫時」抵讚! 👍^^

米國信得過 豬乸可上樹

決策者後知後覺,話事人好大喜功。

人無信不立,國無信不興。

題外話:

1. 昨天883.HK以接近每股10蚊的價格大手回購H股共1493萬股,是今年的第一次回購。

2. 昨天BDI(波羅的海指數)升了152点至1408点,即單日上升12.1%,升幅為7個月以來最大。

3. Student很想買多些941.HK,但暫時投資户口內缺水,而已除淨咗之5隻持股股息又尚未到手。有些無奈,但都要接受,也慶幸於佢除淨前已入了1萬股。

飲水思源

雖然呢度有不少筆者唔欣賞嘅制度,例如加入恒指成份股的準則,但呢度始終係筆者熟悉嘅市場,有熟悉嘅文化,所以較容易去理解和作出取捨嘅決定。

經常持有「肯派股息」的股份,選擇性地揀「相對」更便宜、更肯派高股息,甚至派超高股息的作組合倉內成員。

飲水思源,身為中國人,Student開心地做個樂觀的港股長線投資者。^^

加息的殺傷力

美國今輪加息潮,依家睇嚟,絕對唔係嘢少! 因為歐美之通脹,絕對唔係咁容易就攪得掂!

由於港元与美元掛鈎,因此港元是無可避免地需要追隨加息。

Student想講: 千祈唔好睇少加息的殺傷力!

最近港股跌跌不休,Student稍為「自我安慰」嘅係倉內的11隻股票,有7隻都是「淨現金公司」,包括: 113, 316, 398, 517, 883, 941 及 1919, 而當中除了883和941外,其餘的5隻更加係「淨淨現金公司」。

估計這7間公司於未來一兩年的「銀行利息收入」都應該會有顯著的增加吧?

所以,Student雖然「經常滿倉」投資,但其實揀股的標準是「相當保守」的,... 還是「過份保守」呢?... 值得思考!

日誌: 明天517.HK除淨中期息@HK$0.11/股。^^

陸續除淨 繼續收息

港股古靈精怪,小弟「暫時」冇嘢好講。

明天Student「高息倉」內的883.HK和941.HK便會被除淨,前者中期息為@HK$0.70/股,10月13日收錢。後者為@HK$2.20/股,9月27日便收錢。

星期四就輪到517.HK被除淨@HK$0.11/股,9月28日收錢。

還有086.HK的中期息@HK$0.12/股,將於下星期五,即9月16日收錢。

再有398.HK將於今個月尾,即9月29日被除淨@HK$0.405/股,10月24日收錢。

呀,幾乎忘記還有一手316.HK的中期+特別息合共@HK$46.8/股,將於10月11日收錢。

此外,等緊1919.HK公佈中期息@RMB2.01/股之除淨日及派息日期。

又估計高息悶股AeonCredit(900.HK)將於今個月尾公佈中期業績及股息, ...期待! ^^

即日鮮

今早11:30am過後,考慮到自己持有1919.HK及316.HK,都係同一系,又考慮到這兩日大行/市場對佢哋一味抹黑,於是Student就唯有嘗試短炒。手隨心動,出了唯一的500股316.HK@HK$157.80。

剛才兩点前買回@HK$152。

算係即日鮮,扣除手績費後只係執了2千幾蚊,但感覺就如同中了六合彩安慰獎。

雖然Student近年來已唔着重短線炒賣(其實都幾費神和帶來緊張),但港股宜家攪成咁,很多「參与者」完全唔跟市盈率和股息率等基本嘢去做投資決定。我諗,我都不能坐以待斃! 可以的話,嚟緊嘅日子都會做些即日鮮。

當然,Student唔敢有百分之七十嘅把握(估計每次決定只有大約百分之六十幾)會係「賺硬」,所以也不會在這裏分享了,以免誤己誤人。

這篇短文就當係Student「發噏瘋」吧!^^

後記: 

1. 已收市了,今日收市競價時段超詭異! Anyway, Student想補充一下:

無論点樣短炒都好,Student整個收息組合倉都係抱住「長期收取高股息」為宗旨,...可以短炒,可以換馬,但最後都係盡量全倉持股收息。

2. 昨夜杜指和納指皆先升後跌,跌幅為1.07%和1.31%。波羅的海指數就升了84点,至1086点,即是比起上一日升了8.38%。至此,本星期的金融市場就收工了。

九月的牢騷

不少上市公司已於八月份公佈了上半年業績及宣派了中期股息,投資者的持股到底是「龍」還是「蟲」,相信每人心中已有各自的判斷。

很多所謂價值投資者其實只是睇着股價說故事,根本就缺乏價值投資的理念,也無長線持股收息之信心。當然,揀錯股就無謂長線投資了!

今早港股又再向下,着重收息的我也懶得去睇實個電腦芒。

過去「較為暢順」的環球經濟,已經被由美國前任總統時開始的霸凌主義(或者好聽D叫保護主義)破壞殆盡,再加上美國十多年來極端的貨幣政策,減息放水時寬鬆無限,最後製造出依家歐美嘅高通脹,筆者唔知佢哋最後點埋尾!... 夠了,都係唔好再發牢騷,以免影響大家心情。

九月, Student祝網友們好運+健康。🙏^^

日誌: 

9月6日(下星期二): 中海油(883.HK)和中移動(941.HK)將會除淨中期股息,前者@HK$0.70/股; 後者@HK$2.20/股。

9月8日(下星期四): 中遠海運國際(517.HK)將會除淨中期股息@HK$0.11/股。

+中遠海運(517.HK)

你哋冇睇錯,不是1919.HK。昨日連同今朝早上,Student買入了中遠海運(517.HK)。

由於昨天早上Student「手痕」,沽出了四份之一數量之1919.HK,而筆者的一貫做法是盡量持股投資收息,所以便即時買了些941.HK,此外,昨天和今早就繼續買入些517.HK,依家卒之完成了。現在股票户口內還剩些available cash,約5、6萬蚊,不多! 稍等。

Student約一年多前已曾經持有、買賣過517.HK,當時有微利,後來見佢於HK$2.50~2.60之間浮沈,是悶股,又遇啱有新目標,便換了馬。但与今日之決定係無關係。

前時佢公佈了中期業績,冇亮點,除了略加了股息至HK$0.11/股。佢上次末期息只肯派HK$0.09/股,Student希望佢下次末期息最少也派HK$0.09/股,但估計有較大機會再派HK$0.11/股。即暫時估計佢今年股息為HK$0.20~0.22/股。

佢最大之賣点,係持有淨現金(包括銀行存款)約60億港元。佢係「淨淨現金」公司,即現金 扣除 總負債後都仍然係正現金數! 於今年6月30日,佢每股NAV為HK$5.21/股,當中包括了淨淨現金HK$3.11/股。

佢今日還未除淨,我今日買佢就等於是除淨後的HK$2.10留下,而除淨後的NAV就是HK$5.10/股,當中包括了淨淨現金HK$3/股。

暫時決定持有佢作長期收息,差不多有10厘,又可以「博」佢買唔到嘢後,改為「分錢」給全體股東,那就高興至極!

還有,佢都係「中遠」系,今次叫做多一個換馬的藉口了。^^

日誌: 

明天是086.HK和316.HK的中期股息除淨日。

雙龍出海

中海油(883.HK) + 中遠海控(1919.HK)

Student於上月底的最後一篇短文題目為「喜歡八月」,其實當時Student的想法,並不是預期這個八月份的大市/恒指 會有像樣的升幅(慚愧,筆者冇這種能力!),而係自己心目中相信組合內的兩隻重倉持股,會因為在這個月內公佈良好的半年業績及中期息,而受到市場的認同,進而股價可以認真反映出來。

卒之,1919.HK步883.HK之後塵,今晚就公佈了靚靚的半年業績。

雖然Student今早「手痕」,沽出了四份之一持股數量的1919.HK!(詳細原因,請看上一篇短文「交易日+業績日」。)依家唯有這麼想: 慶幸還有原先的四份之三! 

題外話: 我諗無論做投資,或做人做事,事後做檢討,將來作改進,係好嘅!... 要樂觀,千祈唔好「經常」自怨自艾。... 大家都明白錢財乃身外物,而且錢係賺唔晒嘅。... 投資機會經常都有,我哋平日要處理好自己嘅心態,才能好好應對呀!

好啦,言歸正傳,兩間都係「年賺千億人仔」的「超巨型實業國企」,又証實都係派息慷慨嘅。由於佢哋做嘅生意与「海洋」有直接關聯,所以Student形容佢哋係「雙龍出海」! ^^

後記: 昨晚1919.HK公佈了超靚的業績,但今早10点前,佢居然只係徘徊於HK$12~12.2 之間,遲D除淨了中期息RMB2.01後,即係股價只是約港元10蚊! 還未夠便宜嗎?^^

交易日 + 業績日

中遠海控(1919.HK)在上星期及昨天的交易日,又上又落,忽冷忽熱,佢今天稍後將會公佈今年之中期業績,早排已出了盈喜,Student已計算了佢每股賺約人仔4蚊。

原先Student估佢今次有機會派發中期息,因佢於30/6/2022應該已係「淨淨現金」狀況。不過,Student發現佢在8月17日發佈之「董事會會議通知」內沒有提到考慮派發中期息的事項,所以對於佢今次肯唔肯派息,宜家就無絕對把握了！或者咁講,係一半一半。

因此,Student今早見1919.HK股價又「無厘頭」炒上,就先沽走四份之一,@HK$11.64, 佢仍然係組合內的第二把手。見941.HK又低見HK$52.15,就又買入4千股,現有1萬股941.HK。近日3間中資電訊股都冇動力,可能主要係大市冇乜氣氛、成交少,Student唔想一下子買佢太多,因以往大市向上初期,佢哋通常較慢熱。雖然Student長線對中移動係有信心嘅。

另外,也有買入另一隻股票,係Student組合嘅新成員,不過由於依家仍然未買夠貨,所以恕Student暫時唔公開佢number住,佢只係五、六綫股仔,平日交投不大,我只係打算買來收息,遲些買齊股數後才向網友們交代。

日誌:

今天將會公佈中期業績之筆者持股包括: 1919.HK和1606.HK。🙏^^

中石化打算回購A股之我見

Student不欣賞剛公佈半年業績之中石化(386.HK)有回購A股股票之方案。

回購股份然後注銷,主要目的是減少已發行股份的數目,效果是提高每股資產淨值,... 那為何不買現時「比較便宜」的H股? H股和A股每股權益都是一樣,管理層点解要用相同的錢去買較貴的A股,獲取較少的回購股票數量?... 又唔係要短炒?... 這方面,中海油(883.HK)就較中石化「理智」了! 因中海油是計劃回購比較便宜的H股。

不過,Student其實是「不贊成」這些石油企業用回購股票來回饋股東的,因目前這類企業的賣点,並不是資產淨值嘅高低,投資者應該不是着眼佢哋PB是否夠平,... 何況它們目前未係「現金牛」,於利率仍然向上修定時,保留多些備用現金,直接減低銀行借貸金額以降低利息支出,應該是較佳決策。

而「最得人心」的做法,當然是將打算回購的現金都用來加派股息,這樣做對股東們才是最實際呀!^^

「平靚正」的祖国三桶油

中石化(386.HK)剛公佈了今年之半年業績和中期息,半年溢利上升了10.4%,中期息就維持每股分派RMB0.16,已被公司確定為HK$0.1851。

眾所周知,中石化有很多下游石化業務,於國際油價高企下,它的上半年盈利仍然可以有兩位數增加,是優於Student之前心中所想的了。

雖然今次中期息並沒有增加,但其實它今次的股息分派比率(Dividend Payout Ratio)已是44.4%(中石油:45%;中海油:39%),所以Student認為中石化已算慷慨的了。

以星期五之收市價計算,三桶油之「上半年股息比對股價」,依高低次序排列為: 中海油6.54%,中石油6.19%,中石化4.85%(=0.1851/3.82x100%)。

其實以目前市價計,祖国三桶油都是「平、靚、正」呀! ^^

後記: 

細閱中石化(386.HK)之財報後,發現佢上半年之經營現金流只有RMB49.47億元(2021年同期則為483.47億元),這個就強差人意了! 大家要當心佢「下次末期息」有可能會「分派低於去年」之金額,即RMB0.31/股,因為佢去年的全年股息分派率是高達79%,若今年下半年的經營現金流都仍然欠佳,那麼下次派少些末期息都唔算出奇。

基於現時數據,Student認為中海油(883.HK)應該是最「優質」的了!^^

中海油(883.HK)飄香

藍籌股中海油(883.HK)於今天收市後,公佈了今年上半年之業績,網友們欲看詳細賬目,可以自行到aastocks.com內研究,恕Student不在此抄書了。包括小弟在內,股東們最關心的,相信都應該是其中期股息的金額了。

Yeah,是好消息,中期股息為每股HK$0.70,也是Student較早時估計的上限。

有了這個金額,就較容易推算中海油下次公佈的末期股息金額了。

純憑Student記憶,今年7、8月份的平均國際油價,比較上半年1~6月,應是稍有下跌,可能約10%,至於天然氣價就反而是升了不少,網友可以自行上網check一下。

Student假設中海油今年下半年的盈利=上半年的八折(保守些冇壞!),即全年每股盈利為RMB1.57x(1+0.80)=RMB2.826,再以目前匯率人民幣換港幣約1.14作換算(保守些冇壞!),預測中海油的2022年EPS便是HK$3.22/股。

因為883.HK過去的習慣,都是末期息多過中期息,所以Student估計佢下次的末期息,最起碼有HK$0.8。即全年股息最起碼有HK$1.5/股,這代表股息分派率為46.6%(1.5/3.22x100%),似乎中海油很容易可以做到! 

若果佢豪爽些末期息派HK$1,即全年股息為HK$1.7/股,那就代表分派52.8%(1.7/3.22x100%)的盈利作股息,其實也是很有可能,何況Student上面估計佢全年盈利的數字已算「較保守」了。

簡言之,Student預計佢2022年的全年股息將為HK$1.5~1.7/股。以今日收市價HK$10.82去計算,股息率=幾多厘呢?... 再預計埋9月6日及之後,即除淨了HK$0.7後之股價,最update嘅股息率又會變成幾多厘呢?... 唉,請你自己計計吧! ...會較上心的。^^

【一桶海油】

雪花飄飄 北風蕭蕭 天地一片蒼茫

一桶石油 傲立海中 只為股東飄香

愛我所愛 無怨無悔 此股長留倉間

年賺千億的超巨型國企(2)

中國要有美好的未來,就要搞好經濟,就要搞好國企。要搞好國企,那些行業龍頭、好難替代的超巨型國企就應該是範本了。

當然,首要佢哋已交到好成績,又肯派超高股息,筆者先至安心持有之。^^

年賺千億的超巨型國企(1)

香港今朝颱風,港股下晝1点才開市,但祖國股市就依然運作,於是Student就睇下A股上午之走勢,睇睇即時祖國散户的興趣、投資標,有否任何指引帶給下晝的港股。

上証指數上午只是上升了13点,即0.41%。Student最關心的,就是現在自己持有的3隻估計「年賺千億人仔」的超巨型國企,佢哋上午A股之表現如下:

中海油(600938.SH)升了6.67%。

中遠海控(601919.SH)升了2.35%。

中國移動(600941.SH)升了1.48%

就咁睇,似乎今日下晝佢哋於港市都「或者會有」正向的表現,Student算係放心了。

今天中海油和中石油都會公佈半年業績,佢哋較早前已出了「盈喜」,「優異」的成績已係共識! 股東們最關心嘅當然係佢哋嘅中期股息。明天就輪到中石化揭盅。

3大中資油股中,Student目前只持有中海油。於過去幾個月Student一直都有留意國際油價的變化,始終認為中海油今年嘅PE係「最平」,就以股價10蚊來計算,我預計佢PE大約只是3倍,或預鬆D就3.5倍留下,2022年之股息率「起碼」有12厘,即預佢派息HK$0.50+HK$0.70。這是Student目前的估算。(當然始終係估算!)

筆者持有較多中海油及中遠海控,是組合內之頭二大持股。中國移動就只是最近一兩星期才開始買貨,但有打算在未來幾個月,以股息收入來慢慢增加佢於筆者組合內之比重。

P.S. 網友唔好問Student明年的油價,不如你話我知今晚六合彩的中獎號碼仲好啦!^^

交易日誌

昨天掌握時機唔好,今早唯有:

1. 316.HK: 沽出唯一一手@HK$222,再於HK$214.40買回,降低成本。暫時睇嚟,算係好彩! 似乎有資金已換入佢母企:1919.HK,可能因為後者估值夠平。(後加補充: 約10点40分,突然一棒殺跌1919.HK,殺估值! 總之人心虛怯,弱市之下很難逆勢! 冀望「現金牛高息股」先死而後生。)

2. 941.HK: 再加碼入1000股@HK$52.25,現共有6000股,長線收高息。佢肯定冇咁受環球經濟衰退影響,又係利率向上之受惠股。

今朝暫時係跌市,Student祝大家平安! 🙏^^

+ 東方海外(316.HK)

叫得做「超高息股倉」,又点可以冇「派最高息」之藍籌股呢?

今早,筆者眼見自己倉內的組合成員都算「生性」,尤其最大比重之兩隻: 883.HK逆市升破10蚊,1919.HK都算係硬淨,於是就膽粗粗入了一手佢呀仔: 東方海外(316.HK)。

世界經濟好似向下走喎,唔怕BDI(波羅的海指數)繼續向下跌嗎? 唔怕316.HK和1919.HK的股價都會向下跌嗎?... 怕!我怕㗎!... 但人類唔洗食呀?唔洗着衫呀?唔洗用手機呀?唔洗「衣食住行」呀?唔洗要物流呀?...世界人口唔係一年比一年還在增長嗎?

除非人類將來發明「瞬間轉移」之技術(到時還要考慮成本呢!),國与國、洲与洲之間的貨運是必須依賴飛機和船來運輸。

過去兩年多,飛機航運次數已因疫情而相對被減少了,所以船運的需求就逆勢而上升了,而且係大幅上升了! 我又睇唔到全世界的疫情幾時才可以受控,...呢次真係幾麻煩!

於30/6/2022, 316.HK已是「淨淨現金」的公司,我預計1919.HK也一樣。佢哋已經唔怕利率向上了!... 錯! 應該係話佢哋財務上係「利率向上之受惠者」,因預計佢哋會有多些利息收入。

所謂「淨現金」公司,就係公司的銀行结餘(包括定期存款)加埋現金 多過 公司的全部銀行欠款。至於「淨淨現金」公司就更加厲害了,就係公司的銀行結餘加埋現金 多過 公司的總負債(包括流動負債及非流動負債),即減去所有負債後都仍然有錢剩! (例子: 113.HK, 398.HK等; 但即使現金儲備強如941.HK都重未做到「淨淨現金」呀!)

簡單D講,316.HK於30/6/2022已經係「現金牛」, 有非常強大的抗衰退和派息能力。

我「暫時」唔信佢明年會虧蝕及冇息派,網友們又点睇呢?

「商品週期股」有甚麼問題? ... 「買股票冇息收」才是問題呀!^^

P.S. Student把316.HK看待為「國企」,因1919.HK持有佢超過7成股權,基本上牢牢掌握着前者之控制權。

雪花飄飄 北風蕭蕭

雪花飄飄 北風蕭蕭 天地一片蒼茫

一桶石油 傲立海中 只為股東飄香

愛我所愛 無怨無悔 此股長留倉間

(不要誤會,這不是歌曲「一翦梅」,而是Student的「一桶海油」。創作如有類同,實屬巧合!^^)

日誌: 

1. 明天將會收到迪生(113.HK)之末期股息。

2. 中海油(883.HK)將於本星期四(8月25日)公佈今年上半年之業績和宣派中期股息。

巴郡+西方石油(OXY.US)

最新消息,美國股神巴菲特的投資旗艦巴郡獲監管部門批准可以最多增持西方石油(OXY.US)普通股至50%,消息刺激後者股價於昨晚美股交易日收市時升了9.85%。

巴郡過去大半年時不時有增持雪佛龍和西方石油,現已持有後者約兩成股權,但似乎宜家巴郡的目標,是想繼續增持西方石油股票,甚至達到5成股權,即收歸其下做其子公司入賬。

值得大家深思:~

唔係話油價已從「高位」回落了嗎? 為何巴郡還這麼看好石油行業? 唔係話石油將來會被潔淨能源取代嗎?

石油有分「西方」石油和「東方」石油嗎? 「西方」的石油香過「東方」的石油嗎? 可以賣貴D? 

石油巨企如雪佛龍、西方石油、中海油、中石油等等,佢哋只係生產石油?... 答案大家當然知道: 佢哋還有產出天然氣!

那天然氣業務佔佢哋公司目前的生意額和盈利有幾多%呢? 幾年之後又如何呢?

宜家之天然氣價又在甚麼價位呢? 

將來的油價和天然氣價又如何推敲呢?

因為Student唔識,所以要問。所以要請教眾網友。

國進民退

Student前晚才寫「整體差勁的上市公司業績」一文,今天中午就有作為港股指標性的港交所(388.HK)公佈了差勁的半年業績,而收市後,騰訊(700.HK)又公佈了盈利倒退5成的業績。

騰訊的業績已實實在在反映了「國進民退」的現象!

其實883.HK, 941.HK 或 1919.HK的這類年賺過千億元人仔,又有能力和肯派超高股息的「超大型實業國企」才應該是股民主力作收息的投資標(Investment Targets)。

Student asks: 市場先生你在攪邊科呀?^^

後記: 

前時已發「盈警」的新鴻基公司(086.HK)公佈了半年虧蝕的業績,但中期股息仍然照舊分派@HK$0.12/share,...我收貨了!

以9月1日除淨日之後計算,更新的每股NAV便是HK$12/share,... 我選擇繼續持有佢: Yes UA!(亞洲聯合財務)。

東方表行「有勢」

自從Student於六月份分4次買了東方表行(398.HK)作組合成員後,見佢上唔到5蚊,向下就於約HK$4.2打好底。最近這個多星期就似乎又有些資金肯進場買佢,睇圖表就已「有勢」想作突破!

從基本數據看,佢係非常優異的零售股。

佢業績及派息比起「基金鍾情」的莎莎、大家樂、維他奶的這些業績走晒下坡的「知名」零售股,不知超出幾多班!

佢係現金牛,加息會增加佢嘅銀行利息收入。

Student對佢嘅股價冇設定任何目標,因佢現價市盈率只係6倍,有差唔多17厘股息,佢作為筆者高息組合倉之一員,係「當之無愧」! 

再者,佢9月29日才除淨末期息及特別股息,每股共HK$0.405,厲害! 🙏^^

整體差勁的上市公司業績

今天中午海豐國際(1308.HK)公佈了半年業績,一如之前的「盈喜」預告,盈利增長了1.4倍! 最重要嘅係宣佈派發中期股息,每股HK$2.40,管理層真係超級豪爽, 值得一讚! 👍

收市後中國電信(728.HK)公佈了中期業績,盈利增長只有3.1%,不過如果剔除去年出售附屬公司的一次性稅後收益,就同比增長了12%,但点都係3間中資電訊股中之最細增長。佢派中期息每股RMB0.12就算係慷慨,不過筆者預計728.HK和762.HK 的2022年末期息就多數會少一大截,因為佢哋往常的下半年都係賺少很多利潤。反而941.HK每季盈利就較穩定,末期息也經常派多過中期息,而且3間中資電訊股之中,只有941.HK係真正的「現金牛」,佢隨時都可以在唔影響業務之下,加派十元八塊「特別股息」來回饋股東。

講返正題,若果網友到aastocks.com內之「市場動態」內check下「公佈業績新聞」,就會發現在最近這幾日有很多上市公司宣佈了半年盈利「大幅下跌」,甚至「虧蝕」的業績,或發出了「盈警」的通告。像1308.HK或941.HK的有「省鏡」業績的公司真是鳳毛麟角,...可惜,市場偏偏喜歡炒賣的,大多不是有良好盈利和派息記錄的公司。

因此,Student雖然自問係一個樂觀的投資者,但對於後市/大市都不敢抱有幻想。🙏

萊茵河缺水 歐洲缺油

提起萊茵河(Rhine River),不知大家會想到甚麼?...古典音樂? 童話故事? 還是八、九十年代歌手麥潔文唱的「萊茵河之戀」?

但原來Student唔睇新聞唔知,最近歐洲持續乾旱的天氣,引致萊茵河水位續降,昨天(12日)其水位已跌至40厘米的「臨界点」,還有預期下週一(15日)有機會降至33厘米,迫近2018年時萊茵河「歷史性斷航」時創下的25厘米低位。

該報道話,德國內河航運中有80%運輸量均在萊茵河上,若航道關閉,就直接中斷石油運輸貿易,規模達到每日40萬桶,更甚是不容易找到替代方案。

有能源顧問公司分析,斷航將顯著增加能源運輸成本,加劇歐洲能源危機。目前將燃料運送到瑞士的成本已超過每噸200歐元,已達3年以來高位,而數個月前僅25歐元。

其實唔止萊茵河,其他的歐洲河道也面臨相同情況,阻礙船隻航行。

日誌: 已經發出了「盈喜」的中海油(883.HK)將於8月25日公佈半年業績及宣派中期股息。 👍^^

退市喜訊

多家中國國企共同宣佈將自美股退市,包括: 中國人壽、中石油、中石化、上海石化、中國鋁業。

估計會陸續有來!

退市後,以後佢哋就每年都會慳番一大筆行政開支,管理層又可以慳番好多精神和時間去「應酬」美國之監管部門和隨佢哋話晒事嘅遊戲規則。以後就會少好多這方面的負面消息了!

因此,Student認為此乃「喜訊」: Cheers!^^

日誌: 中海油(883.HK)將於8月25日公佈中期業績及宣派中期股息。👍^^

中資電訊股 只揀中移動

Student今早見價位可以,便決定沽出40000股728.HK(@HK$2.86)和14000股762.HK(@HK$3.89),然後共換入3000股941.HK(@HK$52.50)。

三大中資電訊股,Student現在只持有4000股941.HK。(原先有1000股。)

這樣買賣後,扣除手續費後,還剩了一萬蚊cash出來。

点解要咁做?

因為考慮到941.HK始終係「行業龍頭」,佢嘅派息指引非常清晰(我預期佢今年之末期息最起碼派HK$2.40/股)、睇佢盤數又較易明、現金又泛濫(尤其依家利率仍然向上升),所以Student對佢較有信心,即係can sleep well at nights! ^^

題外話: 油價+天然氣價 又升了!

中海油說: 估唔到呀! 

Student says: 通脹点算? 

中國上市公司百強榜

國內智庫上海華頓經濟研究院昨天發佈了2022年中國上市公司百強排行榜。

排於頭十位中有五間是銀行,包括工建農中順序排於頭四位,及招行排於第六位。

中石油排第五位。中國平安排第七位。

第八位是中遠海控(1919.HK)。

第九位是中石化。第十位是中國建築。

Student 注意到1919.HK今次係「首次」打入十大! 因此Student估計佢今年要大幅度提高派息比率了,也很有可能會派發中期股息,否則很難向「阿爺」交代。

持貨者請拭目以待!

若純以「派息」為揀股準則

「肯派」高息的,

「相對」高息的,

   .... 係愈高愈好!

日誌: 

昨天收妥國銀租賃(1606.HK)的末期股息,於一刻前買入小量中國聯通(762.HK)@HK$3.87。

雖然數量不多,但為了支持國家隊,筆者現時總算儲齊三大「高息」中資電訊股。哈哈!^^

「四厘息」的考量

將會發行的銀債已包底有四厘年息,肯定對那些持有「不多於四厘」年股息率的股票老散股東帶來些心理壓力,因為政府的銀債係定性為零風險,債券到期時一定攞得返晒全畢本金,但股票股價就「普遍被認定」要聽天由命了。

筆者目前未有資格認購銀債,但也有檢視一下自己的組合成員派息率是否足夠安全。

現時預計今年的「組合年平均股息率」有約12厘。當中最高的一隻,初部估計可能有14厘(1919.HK),而最低的一隻或者仍可以有7厘(086.HK)。

筆者自問這個「平均12厘股息率」才是我自己認為的「安全邊際」。

日誌:

1.今天將會收到國銀租賃(1606.HK)的末期股息@HK$0.10908/share。

2.迪生(113.HK)明天便會除淨@HK$0.27/share,然後將於8月23日收錢。

中遠海控(1919.HK)轉型

中遠海控(1919.HK)公佈,擬優化公司組織架構,通過設立供應鏈物流事業部、資本營運部,進一步增強自身拓鏈補鏈、服務客戶、創造價值的能力。

調整後,公司將定位於以集裝箱航運為核心的全球數字化供應鏈營運和投資平台,為客戶提供集裝箱航運+港口+相關物流服務的供應鏈解決方案。

另外,Student預計此「巨獸」將會變身成為淨現金公司,即所謂「現金牛」。結論只有兩隻字: 厲害!

中海油再有技術重大突破

中海油下屬的中海石油氣電集團責任有限公司与西北化工研究設計院有限公司聯合研製的甲烷化催化劑在新疆慶華大型煤制天然氣項目中首次實現110%滿負荷平穩運行,獲得的甲烷濃度為61.7%,高於國外引進技術近3個百分点。

標誌着中國自主研製的大型煤制天然氣甲烷化技術取得重大突破。

Student says:

1. 咪剩係聚焦於只係回吐些少之國際油價,犬其唔好只係睇紐油。中海油(883.HK)的基本財務數據及創新技術都是不斷改進,佢應該係站於世界同行之前列位置。 

2.不要忘記除了石油,883.HK還有天然氣。公司早前已公佈,至2025年(即兩年半後),佢嘅天然氣業務与石油業務的比例將會係3:7,絕對不少! 有興趣的網友不妨自己查一下今年國際天然氣價整體大約升了多少。

加入中国电信(728.HK)

中午時候見941.HK強勢畢露,又見三隻中資电訊股中只有728.HK明顯處於三條平均線之下,所以下午開市後,就將昨天收到626.HK的小小股息,加埋倉內的小小可投資現金,盡量買入小小中国电信(728.HK),聊勝於無!

因為冇這版塊,所以買小小,都係FOMO。

佢地好快就會公佈中期業績及中期息,雖然Student估計只係中規中矩、無甚驚喜,但現在市場氣氛如此差勁,可能D人又會話佢哋「較安全」而去炒上!。

總之,市場總係出人意表! ^^

「組合年平均股息率」創了新高

今早絕對算係大跌市,因為跌得很全面,不少個別股份的股價創了52週新低位。

筆者之前冇預計「佩洛西訪台」有這麼大的殺傷力,所以於滿倉之下,這輪大跌市只有「硬食」。

再審視自己的8隻組合成員,有否可能以市價沽出某些股份的小部份,再以市價去「換馬或加入」其他的,但結果係暫時「揾唔到對象」,所以冇嘢可做。

繼續「持股等收息」。

中午時又預算一下「組合年平均股息率」,...以中午收市價去計,居然已升至12厘了! ...組合內各成員之股價与股息率皆為:「恐怖」! 🙏^^

滙控(005.HK)偏心地「發津貼」

〈路透〉引述備忘錄報導,鑑於英國創四十年新高的通脹水平,滙控(005.HK)將向部分英國員工發放一次性的1,500英鎊津貼,以幫助佢哋應對生活成本。

Student says: 咁都得?...英國員工的私人生活支出又關滙控公司事? 需唔需要幫埋佢哋供樓宇按揭? 送埋子女教育津貼? 供養父母生活津貼? ...佢哋人工很低嗎? 点解中港呢邊無津貼? 滙控的中港員工「生活成本相對人工」低過英國嗎? 有冇數據支持?

唉! 其實,5號仔連「已除淨了的股息」也可以取消發放,又有乜嘢佢係做唔出呢?...善哉...善哉! 🙏^^

喜歡八月

7月份港股跌了1,703点,即係將近跌了約8%,而以今年頭7個月合計,則跌了3241点,即係將近跌了14%。

講真,Student 最着意係自己組合的個股消息、業績及派息,反而對大市的變動唔係咁緊張。很多人話咁樣係「炒股不炒市」,但Student又不算喜歡「炒」股。稍為想一想,...或者Student應該係「揀股不炒市」。

8月份會有很多上市公司公佈截至6月30日止的半年業績,Student相信今輪會出現很多「驚奇」。到底那些股份係「真金不怕洪爐火」,那些股份原來係「醜婦終須見家翁」,就只好拭目以待了。

於此祝福大家8月份都收到「高分數」的成績表。 🙏^^

P.S.  8月份內,Student 預計高息倉內有4間公司將會公佈半年業績,另外又將會收到626.HK,1606.HK和113.HK的股息, ...感恩了!

「出口術」絕對影響投資氣氛及資金流向

美國連續兩季GDP負增長,技術上己算是衰退,但耶倫話應該看重的不是「表面數據」,而是要看重「表面的徵兆」。這就是語言藝術!

市場解讀為聯儲局大幅加息的空間將收窄。因此,昨晚美股不跌反升。

美國「經常」懂得運用「出口術」來推高金融市場樂觀的情緒,造就美股易升難跌的格局,此結果長遠吸引了很多海外資金流入美股。

反觀中港就缺乏這種手段,其實係很蝕底的。

後記:

思考了一會,筆者只屬意一位較有資格替本地金融市場「出口術」的人,佢就係「任總」:任志剛先生。他是首任香港金融管理局總裁,現任香港行政會議成員。不知大家認同「任總」嗎? 👍^^

昨晚加息後 兩個小問題

昨晚美國加息0.75点子,跟住美股就「顯著」上升了。筆者今朝早才知道結果,因Student冇買美股,毋須捱夜睇實美市。

兩個問題:~

1. 美國加息週期是否完结了?

2. 美國通脹率是否明顯回落了?

答完這兩個簡單問題,再思考現時應該持有甚麼股票才較安心收息。🙏^^

九倉盈警 舉一反三

今天004.HK(九龍倉集團)於收市後發出了「盈警」通告,指出今年上半年盈利預期下降了接近100%! (即幾乎冇錢賺!)

主要由於投資及發展物業重估而出現未變現虧損所致。

即如筆者早幾日之預計,本地一眾發展商也需要為國內過去一年半載的房地產下行,而對某些內地項目作出撇帳或下調估值。

這個絕對不是小數目,Student奇怪為何今日之前冇聽過大行或分析員有提過這論点。

再說地慘股

筆者粗略列出以下利淡本地地產股之因素:~

1. 利率上升: 過去3次,美國已上調了合共1.5厘,下星期起碼再加0.75厘,但大家嘅共識係「未加完」,而且唔知「頂位」係幾多。(美國決策者似乎認為加多幾次息就可以控制通脹,但是否真係咁簡單?...若果再加多兩三次息都仲係攪唔掂,之後点樣?再加?加?加?)

2. 通脹上升,原材料尤甚,整體建築成本也上升,若然賣樓價錢升不起,毛利率便是跌了。

3. 普遍市民收入不穩定: 過上兩三年於疫情下,很多工序也有改變,停薪留職、在家工作、減少上班時間或日數、打工仔減人工、轉行等等,相當普遍。雖然失業率現時只有4点幾%,但其實除了公務員(鐵飯碗)外,很多行業的打工仔每月嘅入息,其實已今非昔比。

4. 疫情沒完沒了: 很多人現在還抱着期望,將來係可以「清零」。但現實係全世界有太多國家的人不停感染,世界的人流、物流又要頻繁咁往來,試想想又点可能清零?... 疫情一日存在,香港又点可能回復昔日的旅遊業? 零售、酒店、餐飲業又會好得到那裏?... 要知道這些都會長遠影響香港的經濟和地產市道。

5. 人口向下、人口老化: 這兩年來多了港人移民離開,本地出生率又愈來愈低,現時政策又鼓勵年青人返內地大灣區找出路。

6. 本港地產股需要為內地某些項目撇帳: 這一年多以來,內地之房地產價格已有明顯下跌,筆者相信下一次本地發展商公佈之業績,也需要為佢哋於大陸的項目作一定程度的減值,否則過不了核數師的審計。

7. 特區新政府似乎更嚴肅應付本地房地產市場,相信土地、公屋等供應會陸續增加,長遠削弱低下階層對貴價私樓的需求。

8. 股市不旺,樓市又會好得到那裏?

9. 大型上市地產發展商家族「養專處優」,欠缺「賣盤」或「私有化」之課題。

10. ...(唔再寫了,筆者自知已給網友太多的負面思緒了!)

依家student要食lunch了, 係咁先! 🙏^^

地慘股

美國加息+衰退 引發全球跟隨。

其實我哋「港股」過去一、兩年已有相當的調整,基本上已提早反映了「經濟衰退」。亦有很多本地的醒目投資者搬錢去參与美國「好似長升長有」嘅金融市場: 股票、ETF、債市、虛擬貨幣...等等等等,樂於三更半夜去參与音樂椅爭櫈仔的遊戲。

都係唔好講人哋嘅市場了,講番依家嘅中國香港。

大家都看見以往嘅遊客區,例如油尖旺、灣仔、銅鑼灣等等都有相當嘅吉舖,又或者睇下地產財經新聞,就已經粗略地知道已有不少地舖的租金較高峰時下跌了超過六、七成的慘況。依家疫情遠遠都未有完結嘅跡象,而美國又正在「積極抗通脹」。

觀乎今輪美國頻密+大幅度 加息抗通脹(佢哋似乎認為係唯一良策),係會引起「全球多國」貨幣貶值,其在迫不得已之下,又要跟隨美元加息,於是乎追隨美國金融制度的大小國家,今次想唔衰退都幾難了。

宜家嘅問題係,即使美國今個月再加息0.75或1厘,但是否就此加完呢?...相信多數人都曉答: 未完! ...何解?... 因為大家都知道,最少要看到通脹率有D似樣嘅回落趨勢,才會停止加息吧。

就係咁簡單!

回顧過去十多年來,香港房地產在極低息,又年年都通脹的環境下被「悉心庇護」,如今息率有機會「回復至較正常水平」,相信本地房地產的價格,有小調整是無可避免的了。

最慘就是一眾地產股,包括收租股及Reits,股價都可能要被強制接受考驗了!

後記:

本港時間星期二晚美股上升,藉口係話美國企業於高通脹下仍然交到成績,及投資者的現金持有量是自2001年以來的最高水平...等等。加息、油價升、高通脹、又唔洗衰退,那就最好了! 另外,過去兩日,筆者已把上星期五收到的股息收入,盡量再投入買「有預期可派高息」的股份,現金又變成所剩無幾了。筆者預計「組合年股息收入」已創了新高,雖則以昨天收市價計,組合總倉值是較6月初時創出的歷史高位有所下跌,但小弟仍有信心,只要持有「相對低市盈率及市賬率和有能力又肯派高股息率」的股份,自己又堅持收息後再投入,長遠可以再創新高只是時間的問題。大家一起努力,謹記「收息才是硬道理」!^^

先發盈喜 後共富裕

昨天收市後,有幾間較知名的內地大企業不約而同地公佈了上半年「盈喜」的公告,包括1211.HK, 1171.HK, 2333.HK, 1088.HK 和883.HK, 整體的盈利數字和增長率都算係極優異、一D都唔失禮!^^

筆者當然最關心自己的持股883.HK了。

它公佈了上半年賺RMB705~725億,按年增加了1.12~1.18倍。但大家要知道,中海油去年全年盈利為RMB703億,即是今年上半年它已賺多過去年全年了!

以中位數RMB715億來除以已發行股數476.37456股,便得出今年上半年每股賺了RMB1.50,約等於HK$1.74(if 匯率@1.16)。最近佢股價跑輸大市,若網友有貨在手,不知你有何感想?... 這「盈喜」Student就收貨了。

慣常中海油於八月中便會公佈半年業績及宣派中期股息,筆者估計它今次的中期股息有機會派每股@HK$0.50~0.60。

另外,筆者也提早半年預測883.HK的2022年全年Dividend Payout Ratio,估計會略為提高至約45%(集團曾保證幾年內的股息支付率最少都派40%),2023年業績再增加至50%,2024年就55%,再之後就60%。不要小看這每年提高幾個百分點的數目,量化後是非常可觀的。如同三大國內電訊股,筆者相信中央有指令這些「超巨型國企」,長遠要与中國股民「共同富裕」! ^^

美國人、美資投行、美資基金等就無份了,因已被佢哋嘅政府立法禁止投資這些出色的中國巨企。時移世易,可能七、八年後,佢哋又推翻今日嘅決定,...但係到時嘅股價,我哋還買得落手嗎?...Student says,"唔識!"

亂咁嚟的金融政策

極至減息無限量化鼓吹虛擬

錯判通脹加息推冧股匯樓房

謁: 世界多數發達體奉彼之金融政策為領頭羊,卻引來頻繁災劫! 嗚呼哀哉,南無阿彌陀佛!

比亞迪 v. 西方石油

股神準備出貨之行徑,路人皆知。比亞迪昨日收市價HK$270.20,以去年盈利作基數計算嘅市盈率係208倍(from aastocks.com),股息率係0.05%pa(不是5%,係5%的百份之一!),真係似有若無。

筆者買賣股票前總喜歡先作比較。

股神近月積極入股的西方石油(OXY),以昨晚收市價US$57.37計數,PE係8.72倍,股息率係0.91%pa。

今年兩者的PE和Dividend Yield當然會有改變,這個筆者就不想公開亂估了,但兩者今年首季的業績,其實早陣子已經公佈了,大家可以去研究一下。

相信唔同嘅投資者會看到有唔同嘅機會,最好問自己:「想點」?!

交易: 

筆者剛剛再買了些883.HK@HK$9.51,目的都係「長期收取超高股息」。現時倉內的最大貨值就係1919.HK与883.HK了,以現價計數,1919.HK貨值高些少,但其實相差無幾,可以算係「叮噹馬頭」!

另外,626.HK明天便除淨中期息@HK$0.05/股。多謝哂!^^

古靈精怪的港股

昨天看了師兄網友「巴黎的價值投資」之文章:「投資者必須要:帶著懷疑看世界」,內容擲地有聲,發人深省! 未看過的網友不妨入去看看。

近排筆者觀察港股,只能以四個字去形容,就是「古靈精怪」! 不知大家有否同感?

後記: 

尾市於競價盤沽出762.HK(中國聯通)@HK$3.74,因「交流大會」似乎不外如是。始終佢股息率目前於組合內算係最低,而上半年人民幣兑港元的下跌又等於抹去了3大中資電訊股約5%的股息。

「洗牌」的原因

羅文名曲「家變」,黃霑先生填詞: 「知否世事常變,變幻原是永恒。」筆者很認同這兩句有哲理的歌詞,所以即使是筆者的「長期股票收息組合倉」,也經常會被「更換」成員或「改變」持股數量。

剛過去的5日,筆者的倉就已經有了很大的變化,這是5日前的我始料不及的。

為何要這樣做? ...Student希望可做到「提高組合未來的總股息收入」同時,也期望可以「提高組合的未來總倉值」。

當然,還有考慮「風險管理」!

但無論組合成員怎樣變動,基本上這個長期投資倉都是經常滿倉持股,投資户口內的備用現金也經常只剩一萬幾千而已。

7月15日將會收到883.HK和900.HK的末期股息,對筆者而言算係幾好的數目。暫時估計7月18日將會是「購物日」。^^

Good Night & Luck!

出海發 入海控

剛剛完成了今天的第二組交易:

出2866.HK @HK$1.56

入1919.HK @HK$11.62

銀碼不大,只係由於筆者對大價股1919.HK抱有較大信心,想集中火力,連2866.HK的末期息(除淨日:28/7/2022)都唔要了！

出移動 入聯通

今早10点前交易:

出941.HK @HK$48.95

入762.HK @HK$3.73

今日下午3:00pm開始,內地3大電訊商會一齊開「投資者交流大會」。

純以今年第一季業績及PB作考慮,筆者棄941.HK,換762.HK,博佢一博!^^

遲來的883.HK A股末期息

市場先生總係喜歡「玩」筆者!^^

本星期紐油連續四日於香港股市交易時段(每日的4:08pm前)皆收於<USD100。雖然筆者對自己的第一重倉股883.HK(中海油)係有相當嘅信心,但始終明白油價的未來走勢係無人可以預計,「風險管理」這怪獸便戰勝了筆者。昨早研究過另一巨企: 1919.HK(中遠海控)的盈喜後,抱着「對冲油價」為目的,便把相當部份的883.HK「忍痛」換入1919.HK。請網友重閱上一篇文章及留言,已有詳細說明,「痛心事」筆者唔想再重寫。

人算(計數)不如天算(暗算)?...昨夜紐油價就回升至>USD100。再加上今朝早6、7点鐘,883.HK宣佈了派發A股末期息RMB1.00699的時間表(筆者宜家先知,原來中海油的A股係未除凈),相信今早中海油的A股應該會有較明顯的升幅,而H股也會受益。筆者今次真係「認衰」了！

後悔係冇作用嘅! 都係一個經驗!

883.HK目前仍然是排於筆者倉內的第一名,第二名係1919.HK了。大家可以想像筆者之前是何等看重中海油!

最後,謝網友閱讀本文,祝大家都好運!^^

補充: 中海油今次只係宣派A股的2021年末期息和20週年特別股息,係唔關係H股,因為H股(883.HK)已在6月除凈,股東7月15日會收錢。

後記: 開市後發覺中海油A股幾乎係冇升幅。原來這個「未除淨」因素一直已被內地股民消化了,我今早自作多情!^^

平到「幾乎」冇朋友的中海油

話經濟差,所以油價跌。3桶油中,最受影響的當然係以主打上游業務的中海油(883.HK)了。由於此股乃筆者目前倉內的第一貨值的股份,當然對此結果感到不是味兒,故想寫寫自己現時對它「估值」的睇法,算係一個檢討。

筆者係會計仔,所以都係根據已知的數據來推敲。

中海油2021年溢利RMB703億,這溢利係基於佢去年賣油實現平均價格USD68/桶, 及主要成本USD29.5/桶 + 作業費USD8/桶,合共USD37.5/桶來計算。

今年第一季,它已公佈了賺RMB343億,按年上升了132%。公司平均實現油價為USD97.5/桶,与國際油價走勢基本一致。至於第一季的主要成本為USD30.6/桶,作業費則未見說明,筆者考慮埋通脹,估計大約USD8~9/桶吧。

6月27日,國家統計局公佈了今年頭5個月「石油及天然氣開採業利潤」同比增長了1.26倍。從這個數字,再加上6月份的國際油價基本上都係企係USD105以上,已可推敲出中海油今年上半年的溢利已超過去年全年的溢利。

去年上半年中海油賺了RMB333億,筆者「審慎地」估計它今年上半年同比去年多賺1.2倍,即RMB333億 x (1+ 1.2) = RMB732.6億。這數字超過了它去年全年所賺的RMB703億了。

以這估算的半年溢利RMB732.6億,除以現時的發行股數,便計算出今年上半年中海油每股賺了RMB1.5378(約=HK$1.80)。若將這數字簡單地乘2,即係估計佢全年每股可賺HK$3.60。以今日收市價HK$9.90計算,即PE只係2.75! 佢又承諾「最少」派40%來做股息,即HK$3.60 x 40% = HK$1.44,以這個數字來計股息率,就係....不如大家自己計計吧,幾好玩的。

誠然,無人可準確預測今年下半年的平均國際油價係幾多,但即使跌到去USD68/桶,即係等於它去年的實現油價水平,它都仍然係賺錢,PE或者約係6咁上下,好貴嗎?

後記: 

1. 此文寫於昨夜,當時未覺係好滿意,故今早略作修改,現在才貼出。

2. 今天中海油卒之揾翻佢唯一的朋友了! 稍後再向大家交代。^^

3. 依家係中午12:25,上午已收市,筆者稍後下午又冇時間出文,自問初心都係「唔想隱瞞」,所以都係於此盡快公佈「筆者認為」中海油的唯一朋友係: 1919.HK(中遠海控)。今晚筆者若有時間會再作詳解。

086.HK 新鴻基公司

今早較早時由於筆者要外出一會,故沒有時間留意市況。回家後已是10点過後。飲淡水,埋位坐定,然後開電腦睇股市。

筆者最关注的當然係自己的組合成員。其中,便發現新鴻基公司(086.HK)股價於10点前最高位係3.87,即較上日收市價3.67係升咗5.45%。又再印証市場先生總係喜歡「玩嘢」!

筆者以往較少評論這隻股票。以下就粗略講一下。

對很多股齡較淺的投資者而言,這算是一隻本地冷門股,但其實它在香港做的生意都係有相當名氣,包括「UA亞洲聯合財務」和「新鴻基信貸」,大家應該都經常於不同類型的媒體上睇到佢哋嘅廣告。另外,086.HK有很重大的資產(即係「錢」)投放入「投資管理」內,這分部於2021年全年就貢獻了集團除稅前溢利約19億港元(2020年:約21億港元),係對整個集團的業績有非常重大的影響。有意思買入086.HK的網友一定要先明白這一点。

今年投資環境係点,大家心中有數。故086.HK於較早時,即5月27日,就發出了「盈警」,筆者一点都不感到意外,畢竟它2021年上半年係一個破紀錄的業績,故此比較的基數實在係太高了。

公告指出今年頭4個月主要由於「投資管理業務中的金融工具按市值計價之虧損」,導致公司未經審核綜合股東應佔虧損約為2億港元。即係每股虧蝕了約HK$0.10。其實這數目又不是很多,它去年每股就賺了HK$1.427及派全年股息共HK$0.30。而且還未計入5、6月的業績,樂觀地想,半年業績或者可以追回失地、唔洗蝕都未定! ^^

筆者預期086.HK今年仍可派發全年股息每股HK$0.12+HK$0.14=HK$0.26,但暫時就估計不會有去年的特別股息(HK$0.04)了。

另外,筆者計算未來一年自己的「組合總股息收入」,對於此股係以全年股息HK$0.26來作計算,希望可以達到。

半年結(下)

筆者上回提到自己較為着重「揀好股」來作長線收取股息的策略,現在翻閱一遍,才發覺自己遺漏了加入「靈活地」三個字。即係應該改寫成「靈活地揀好股」作為提升長線收取股息的策略。

好似講到很複雜?....冇問題,等筆者用自己的真實持倉來解釋吧!

筆者「目前」(30/6/2022)的股票組合包括以下9隻:

高息零售股: 113, 398

本地有牌高利貸: 086, 626, 900

國內高息企業: 883, 941, 1606, 2866

回顧「半年前」(31/12/2021)的組合成員,則包括:  113, 086, 626, 900, 386, 728, 1606, 598, 001 (筆者盡量把它們排列成方便網友与上面的作比較。) 

大家可見,雖然「咁啱」都係得9隻股仔,但當中有4隻与「目前」的組合已不同。另外那5隻股當中,有2隻的持股數量其實也有很大的改變。

可能有網友會問: 投資組合於6個月內有調動,有何出奇?....對的,的確係唔出奇。只係筆者的調動也很看重: 希望可以「提高」股票組合的的「股息總收入」。因此,隨著時間的推移,筆者「偶然」(其實都幾頻密)作出調配,再加上不定時收取的股息再買入更多股票,就出現着一個趨勢: 預期的「年股息總收入」不斷提高。筆者就最看重這個數字了。

今年頭半年,筆者很高興這數字係上升了35%。(恒指於31/12/2021: 23398)

而半年前的數字,係比起1年前的數字上升了37%。(恒指於30/6/2021: 28828)

再而1年前的數字,係比起1年半前的數字上升了3%。(恒指於31/12/2020: 27231)

原來,小弟在對上一年半的時間,自己不定時(要睇機遇)作出股票調動(換股或增減個股持股數量),再加上收取股息再買入股票,於基本上係無加入新資金落投資户口的情況下,很幸運地提高了「預期未來一年組合的總股息收入」,大約多了90%,筆者非常感恩了! 🙏^^

由於筆者於幾年前已下定決心,長遠以收取股息作為收入/增值目標,因此對於短期以市價計的總倉值增減反而係次要。筆者相信: 盡量提升組合總股息收入,長遠便可提升總倉值。這理念和「加租可提升物業價值」是一脈相承的。

以上就是筆者的「半年結」, 及加送的「一年半結」。

本文較多「時間倒敍」論述,感謝網友耐心閱讀。🙏^^

補充參考:

一年前(30/6/2021)筆者的組合成員共有11隻: 113, 086, 626, 900, 778, 1883, 133, 517, 688, 811, 2628

一年半前(31/12/2020)筆者的組合成員共有16隻: 113, 086, 626, 900, 778, 878, 010, 014, 016, 450, 1883,  811, 941, 1122, 2666, 601318.SH

半年結(上)

筆者看見為數不少的網誌博主公告了過去半年的成績表,主要係講投資組合於這6個月內總共升了幾多個%,或者係跌了幾多個%,与大市比較又是否跑贏或者跑輸等等。通常係會以恒指、杜指及/或上證指數作比較。

有博主更透明地列明了組合內的個股及總組合倉值在這期間的價值變化。

筆者當然知道自己的總倉值於這6個月內的變化,但筆者不想公開私人的股票投資銀碼,也覺得「齋講」總倉值於半年內跑嬴或跑輸大市幾多個百分點,對筆者來講係無太大意義。謹此聲明,筆者絕不反對其他人的做法,因人各有志。

何解筆者有這想法?... 因筆者寫這網誌的最大目的,是与網友交流如何提升長期全倉持有港股作收取股息的策略,和如何比較股票的質素、作取捨。故此,筆者較着重嘅係「揀好股」來提升長線收取股息的策略。

高知名度的本地零售股

「高知名度」的莎莎國際(178.HK)於今日收市後公佈了全年業績,全年虧損了HK$3.44億,比起上一財年的虧損HK$3.51億其實分別不大。如此下去,要生存都成問題,派息就當然欠奉了。

大家也看看另外幾間最近都公佈了業績的「高知名度」零售上市公司: 維他奶(345.HK)、大家樂(341.HK)、大快活(052.HK),筆者覺得它們的業績即使以「慘不忍睹」來形容也不為過。

唔知係咪因為筆者係會計仔,筆者從來揀選「長線組合投資成員」的準則係考慮業績、睇資產負債表、睇股息率等等,而並非以上市公司的「知名度」作首要考慮,也不會認為只須要「巡一巡舖攞個感覺」就可以落實投資決定。

筆者的Touch Wood警示:

由於近日本地疫情又再冉冉上升(昨天本地感染已超過二千宗),筆者較悲觀地估計本地与內地通關之日子又要稍等了! 但就算真係可以恢復通關,筆者「有信心」本地零售消費額已「不可能」恢復到疫情和社會事件前的水平,因為人心已變,國內外旅客來港消費的興趣已大不如前了。

大家要小心,筆者個人估計仍然不停虧損的零售上市公司,是有可能會突然公佈「供股方案」的。(I am touching wood!) 若然你現在仍然係股東,最好都係有這個心理準備呀! 🙏

除淨三弄

昨日傍晚,筆者持有之626.HK(大眾金融)公佈了派發今年中期股息每股HK$0.05,除凈日為7月14日,派息日為8月3日。

今天900.HK(Aeon Credit)除淨,末期息為每股HK$0.22,包括筆者在內,投資者若「昨日收市後」仍持有900.HK,就將會於7月15日收到股息。今天上午它股價收於HK$5.00,最新股息率為年息8.8厘。筆者無投訴,算滿意了。

明天輪到1606.HK(國銀租賃)將會除淨,末期息為每股HK$0.10908(=RMB0.09307),包括筆者在內,投資者若於「今天收市後」仍持有1606.HK,就將會於8月10日收到股息。

長期投資股票以「收取股息為宗旨」就是如此沈悶。朋友,撫心自問,你適合這種投資方法嗎?

1606.HK 除凈前開車?

國銀租賃(1606.HK)是國家開發銀行在香港上市的唯一親生仔,背景無可置疑。

後日(30/6/2022)便會除淨@RMB0.09307/share。

執筆時股價HK$1.14,市盈率只係約3倍,每股資產淨值於31/12/2021約係HK$2.8(筆者以最新人民幣匯價計算)。

個人認為1606.HK或會有注資,或最終會被私有化。但...唔知要等到幾時!^^

深海一號 祖國的驕傲

感謝網友 健一兄弟 於前日(星期日)第一時間通知筆者有關「深海一號」的最新消息。

筆者不喜歡抄書,大家有興趣的話就不妨自己上網search一下中國海洋石油集團的「深海一號」有多巴閉! 

東方表行 再「接」再厲

筆者有時也算係「硬頸」,即係自己認為啱嘅嘢,就很難接受其他人的意見。

當然最終筆者也有可能真係啱嘅。

希望下面做了個啱嘅投資決定:~ 

雖然筆者上一篇文係講過「估算未來兩、三星期都不再需要有任何股份變動」,但筆者今早就把上星期四晚才收到的中石化(386.HK)末期股息,差不多盡數買入東方表行(398.HK),連手續費成本大約@HK$4.61,係於11點半前的交易。之後佢都叫做守得穩,算係有個「彩」了! (廣東話:「彩」者,即「運氣」也。)

都算係冇改變組合成員。

如此,筆者投資户口內的剩餘現金又再次變少了,只剩低萬三蚊! 但筆者預期「未來一年的股息收入」又會被提高了,「組合年平均股息率」又被拉高了,筆者內心的感覺是更踏實。

為何要再增持?... 398.HK上星期四晚宣派每股股息共HK$0.405, 以股價約HK$4.6去計算,遲D除凈後即係大約「變為」HK$4.2,到其時:

市盈率(PE)=4.2/0.744=5.65

股息率(DividendYield)=0.749/4.2 x100%=17.83%p.a.

網友們認為這兩組數字夠吸引未? 

有冇其他零售股吸引過佢? (這個...Student肯定會有網友答: 有! 然後Student says: No problem! ^^)

硬道理倉未來一週日誌

由於筆者此時此刻較滿意自己的「硬道理倉」內組合成員及比重分配,所以筆者估算未來兩、三星期都不再需要有任何股份變動。

等到7月15日,筆者的投資户口就會收到883.HK和900.HK的豐厚股息,到時先再考慮想買些甚麼好東西。

硬道理倉未來一週日誌:

28/6 : 626.HK公佈中期股息(筆者估計佢會派和去年一樣的中期息,即每股派HK$0.05)

29/6 : 900.HK除凈(@HK$0.22/share)

30/6 : 1606.HK除凈(@RMB0.09307/share)

總之,唔理有理定無理,收息便是硬道理!^^

大發現: 筆者十分感謝首位有興趣「追蹤」本網誌的網友Karen Wong, 妳的追蹤賜予筆者很大的鼓勵去寫好以後每一篇短文和努力揀選優質收息靚股。^^

Karen Wong, 筆者於此祝福妳!🙏😃

中海油 硬道理

過去一週,恒指被一眾科技股的帶動下而升了六百幾點,但很不幸,筆者的總倉值則向反方向走。現在唯有檢討一下。

本週筆者的股票組合最大變化係把1919.HK和386.HK都先後沽清,把套現主要換入了883.HK(即係增持)及941.HK(成為新成員),又再買了些398.HK(即係增持)。

因此,網友可以估計到筆者現時的「硬道理倉」(見註釋)內,883.HK已經係頭號馬,即任重而道遠。另外,筆者預計自己的「組合年平均股息率」又再升高了些。

但過去一週,883.HK就從上星期五(6月17日)的收市價HK$10.52,跌至本星期五(6月24日)的收市價HK$9.86,即全週共下跌了HK$0.66,等於6.27%! 

其實筆者感覺係「很無厘頭」。有睇過筆者這網誌的網友應該知道筆者對國際油價與883.HK盈利關係的睇法。雖然筆者只係很粗略的推斷,但筆者目前仍然認為自己的預測已算係保守。

故此筆者現時真係「找不出理由」去作出調動。

註釋: 筆者認為「長期靈活投資股票收取相對超高股息才是硬道理」,故引出「硬道理倉」一詞。^^

萬事俱備 只欠「東」風

東方表行(398.HK)昨晚公佈了全年業績,即Year Ended 31March2022。大家可以到aastocks.com內作詳細研究。

依家執筆時,佢股價係HK$4.68,市盈率只係6.29,全年股息率為16%(遲D除凈後,股價調整了,更加會「變」為17.5%)!

派完息後,銀行及現金結餘仍有多於10億港元,佢仍然係「凈現金牛」,而且每日仍在做生意賺錢。

咦,好似好靚喎?!

若有人問筆者: "那為何佢「炒唔上」?"

...Student says," 唔識答你!" ^^

實力股AEON CREDlT(900.HK)

900.HK(Aeon) 公佈了首季業績,即1Mar~31May2022。詳細內容筆者唔講了,大家可以去aastocks.com慢慢研究。

想講嘅係: 大家還記得本地3月及4月的零售市況嗎? 筆者以兩個字來形容: 慘淡!

筆者只係會計仔一名。現今雖已屬於95%退了休,但還有處理大約等於以前客戶5%數目的賬。其中一個client就係經營做一間零售實體舖,係位於中區某商場內,係賣耐用必須品的。

慘成点呢?...今年3月份的生意額只係約等於正常月份的一半! 講緊嘅係Turnover/Sales,而並非Net Profit,但一切固定開支,如租金、管理費、薪金等都冇變,當然還有很多其他非固定支出: 清潔費、電費、電話及上網費、維修保養費、膳食費、交通及運輸費、雜費等等等等,所以當月份實際當然係incurred a loss! 

Aeon主力係做信用卡生意,都算係與本地零售市道(線上及線下)有關聯。於此疫情非常時期,它都仍算係每季穩定地有Net Profit,其實已優勝過很多本地「名牌」上市零售股。

雖然Aeon股價的確係悶D,但佢過去季季都有錢賺,年年都有高息派。有股如此,夫復何求?^^

考考自己眼光: 東方表行

宜家係下午3点幾,筆者剛才又買多一萬股398.HK@HK$4.67。這是筆者最近第三次買佢,之前係無貨嘅。

它已經出了盈喜,今天收市後或可能明天開市前1至2個鐘頭(上年係咁樣!)便公佈全年業績及分派。

筆者係「博」佢增加派末期息嘅。(去年末期息+特別息=HK$0.39/股)

另外,筆者對佢於大陸市場的業務前景係非常正面嘅。唔係賣手錶咁簡單,係賣收藏品,係用嚟保值,尤其於現今環球經濟諸多不明朗因素之下。

大家都係聽下罷了,因筆者都係「博」嘅咋! 當然希望佢「值」啦!^^

「油股」終極版

今早開市後幾番猶豫,終於把組合內剩餘的386.HK也掛沽@$3.51,最後都總算全數成交才見佢掉頭回落。

一直有觀察油價及A股整體情況。

目標當然係想再換入中海油H股883.HK。

執筆前,883.HK卒之又再跌落10蚊留下了！估佢唔到!

行動最實際,買入@$9.99。數量係攞個持倉整齊「好意頭」數字就夠了。有餘錢剩。

再看看東方表行(398.HK),見$4.69可試,就入多佢1萬股。連同上次平均數,都只係輕微提高平均成本價。它明日便會公佈全年業績及分派。

投資户口內還有餘錢剩,但不多了。暫時都真係要冷靜一下。

明天會收取386.HK的末期息,及看看900.HK和398.HK的最新業績,才再作打算。^^

收市後記: 

今日國際油價係整日「陰跌」! 頭先4点前紐約WTI期油低見USD103.22/桶。想「嚇死人」! ...但唔知点解,4点過後,筆者又見佢向上升返上USD104,真係好似有資金「想玩嘢」! ...當然,這種極短期的價格波動是未能反映今晚半夜呀拜登的豪言偉論!^^

有懷疑就...「變」!

昨天收到網友 健一兄 之温馨提示(詳見上一篇文章之最後留言),係關於1919.HK過去一年多(包括今年第一季)的「成本高增長調查」。

筆者考慮過後,於今早及下午決定做了以下「換馬」交易:

1. 沽清1919.HK,均價HK$12.50。

2. 將套現的約一半,增持買入883.HK,@HK$9.97。

3. 另外約一半就買入941.HK,@HK$49.45。

筆者之前係有941.HK的,但在除凈前以HK$52.95沽走,雖然冇末期息收,但今日以HK$49.45再入返相同嘅股數,感覺係Okay嘅。中移動係悶D,但市況不明下就係保守些算了。佢都算係現金牛,算係無咁受美國加息影響。

上日油價「急跌」,中海油今日AH股齊齊向下。筆者不知下半年油價走勢如何,但現時油價還企於US$100上面,照估計中海油仍然係「勁賺」,及仍然可以派「超高股息」,佢跌得急我就幫幫手托。

如此買買賣賣,筆者預計自己的「組合年平均股息率」又升高了一些。941.HK股息率和1919.HK差不多(其實後者明天便會除凈,但筆者信心已受損,無計!),但另外的883.HK,就應該相對地大幅度高息率過1919.HK了。

基本上仍然係「樂觀地」全倉持股收息。^^

「油股」調動2.0

筆者今早再調配倉內「油股」比例。

再沽出部份386.HK(中石化),然後盡量換入883.HK(中海油)。調配後兩者都仍係「萬位」整數,都係可以方便自己記住。

與上日一樣,都係「無須」加新錢入投資户口內。

如此一賣一買,若只以筆者組合內這兩隻油股作計算,中石化與中海油的持倉比例,就由調配前嘅約2:8,進一步變為依家最新嘅約11:89。

大家當係「聽故仔」好了。記得左耳入右耳出... 多謝! 🙏

題外話: 睇見BillySir Blog 內的「天才與白痴」標題,突然想起歌神SamHui的「天才白痴夢」歌詞兩句: 「振翅高飛,無須在夢中。」大家互勉之。^^

調動組合內「油股」比重

筆者今早9:15am前以競價限價盤掛沽出部分386.HK@HK$3.60。最終競價盤只以HK$3.58成交。但筆者很幸運,於9:30am正式開市後,我掛沽的HK$3.60都被人掃走,即成交了。

之後,就將兑現的錢盡量換入883.HK,落盤HK$10.82,然後成交了。這個價,現在睇返轉頭,就稍為高了一點,但當時的最低價係HK$10.80,...我哋做投資買賣總不能事後孔明吧?

新入的貨,加埋組合內已有的883.HK數目,便構成「萬位」整數,方便自己記住,而且今早這Stock Switching還有萬二蚊cash凸剩出來,筆者感覺良好。連同户口內昨天剩低嘅8千幾蚊cash,即現在有可投資餘額約兩萬蚊,... 或可隨時攞嚟做家用都未定。

最重要係無須加新錢去投資户口。

如此一賣一買,若只以筆者組合內這兩隻油股作計算,中石化與中海油的持倉比例,就從原先嘅3:7變為依家嘅2:8。

依家已經係6月中,筆者目前對中海油上半年的業績和派息有較大的信心,即信心係多過中石化,因此做了上面的調配。

「迪生創建」又派息了...

網友BillySir在他的Blog內講到迪生創建(113.HK)今次派息和去年相同,業績內容就「費事看」了。咁都啱嘅,大多數投資者買賣股票就係睇住兩樣嘢:股價+股息(筆者較看重股息率)。

筆者也不「抄書」了,讀者如有興趣,可以自行到aastocks.com內睇睇業績公告,有如年報般詳細的,也有簡易版的公告。

但筆者想講,迪生手持巨額現金,雖然話因此公司可以「應對全球即將來臨之經濟衰退及極度艱難的零售環境」(節錄自"前景展望"),但它持有凈現金HK$20.45億港元 是否過份多呢?要知道它的已發行股份數目只係3.942億股而已,即係話每股凈現金約HK$5.20 !

而且迪生還有「其他金融資產」共HK$19.5億港元,即係每股約有HK$4.95 !

但這「其他金融資產」,過去一財年就帶來了4千多萬港元的虧損。

作為小股東,可以做的不多,筆者謹在此冀望呀迪生 生性、 務實D、唔好亂咁投資,把「部份」過多的現金派些少「特別股息」惠劳股東們,則皆大歡喜了!

還有,管理層最好扚起心肝,大力開拓廣闊的大陸市場。有辦你睇: 東方表行。

迪生,加油呀!^^

再加入「東方表行」

筆者剛入了些398.HK,平均價係<$4.50.

以前曾是筆者愛股之一。

它一直係現金牛,近幾年派息慷慨,係「超高息」股票。

昨晚公司出了全年盈喜。

東方表行最大賣点係已開拓了大陸市場,已見到成績,估計還在增長中。

這股我暫不打算短炒,打算長倉持有。^^

補充: 很高興買返398.HK,它的超高股息率又可即時提高了自己的「組合年平均股息率」,內心感覺很踏實。不過,投資户口內又只剩返幾千蚊了,要等下星期四收取中石化(386.HK)的股息才有資金再入市,... 除非做些StockSwitchings,但做這些要比較「個股」的即時價格,要衡量估值高低、比較股息率、考慮值博率、交易成本等等,其實就是考慮 買入和賣出 ,因此,筆者也不知幾時有機會可做。

再戰明天

筆者都係個很普通的小散戶,資金有限、冇團隊、冇後台、冇內幕消息,平時都係靠上網睇財經資訊來做投資決策。

筆者平日都有做些短線買賣,但並非經常做,且銀碼相對長線倉算係極少數目,這個當然了,純粹考考自己的眼光,最後贏輸都會走。

明天收市後,另一隻長線倉內的「悶股」迪生(113.HK)將會公佈全年業績,這股份筆者於幾年內都有些加加減減,始終一直持貨,和Aeon Credit(900.HK)一樣,係有些感情。^^

今次它已發了盈警,已知它賺了約2.1億港元,即每股約賺HK$0.53。但最重要嘅係:它會派多少末期息? 及有冇特別股息?最近它股價已上了HK$4,不知有何啟示? ... 不知道!

二劫

昨晚美股再次大跌,今天「二劫」已無可避免。即星期二劫數難逃!(再一笑)^^

今輪股災,源於通脹、利率。原來利率對經濟有這麼重大的影響力。

筆者腦袋內又再想起這句子: 持有超高股息的才是硬道理!

今早再次面對「重要關頭」,再次需要在正式開市前做個「心理調整」,預算一下組合內各成員開市後的價格,檢討一下自己各成員的質素、持貨比例。考慮應否作出改變,甚至「換包」。

祝大家好好運! 🙏

「體檢」自己的投資組合

前晚美股勁跌,港股明天「一劫」應無可避免。即星期一劫數難逃!(一笑)

通常在這種重要關頭,筆者都會思考一下自己倉內的每一隻組合成員,做足「心理調整」以應對。

筆者現時全倉持有9位成員。要考慮的,係自己是否滿意現時的倉位分佈? 還有最重要嘅係,在當前情況下,有否改進空間?

你今晚又會否「體檢」一下自己的投資組合呢?

祝大家好運!

晚安!^^

短炒需要狀態、時機和運氣

中午12点前留意到中芯(981.HK)股價在HK$17.40留下,它下星期一便會入恒指染藍,心想今日尾市應該多少都會炒上一浸。

1点要食午餐,...約1点30分食完,然後習慣漱口,然後飲水,然後埋位睇市,已經係1点40分。然後,擺在眼前的中芯就已經係HK$17.80, 掂算?

A. 照跟入,博佢升至HK$18? (冇肉食!)

B. 等佢向下跌返轉頭? (A股有向上勢態!)

C. 等佢肯定突破HK$18才再追? (唔怕被縛嗎?)

就係咁,又失了一個即日短炒的好機會。

的確,短炒很講狀態、時機和運氣。^^

後記二話:~

1. 剛收市。

我傻仔,我too simple, sometimes naive! 

981.HK競價收於HK$18.86,即較昨天勁升HK$1.40,服未?

一眾基金,包括盈富基金、港股強積金等等又要買「貴貨」了! ^^

2. Next Day(Saturday Morning)。

嗚呼哀哉!花旗國昨晚又出現「有股災感覺的調整」了! (應否算係股災,請讀者自行解讀。)

花旗國作為世界經濟的領頭羊,但過去十多年來,缺乏自省。整體金融政策就是「量化寬鬆」:推低利率、無節制地大量發債。又刻意把中國定為競爭對手,主動、頻繁地制裁中國企業和經濟。攪咁多嘢,結果係點?

結果係宜家帶比花旗人40年來未試過的「超級高通脹」!(CPI還未>10,所以我係暫時唔想形容為「超神級通脹」住, ...但遲D難講喇!)

中國遠洋 大海無「量」

中遠海控(前稱中國遠洋)(1919.HK)今日算係勁跌:7.68%!

雖然冇佢呀仔東方海外(316.HK)跌咁多:11.44%!

話係因為波羅的海指數跌至1個月低位。

但實際1919.HK或316.HK會係「賺少幾多」呢? 誰可告訴筆者? (先行謝過。)

我自己希望理性「量化」盈利或虧損的數字後,才去推算股價。

「超高股息」的投資組合

剛回一網友的支持留言,不期然自己又寫下「超高股息」這四隻字。

筆者較着重持股作長線投資,故很看重那些「預期」「有能力又捨得派息」的超高股息上市公司。 

筆者算係滿意自己今年的投資成績,以昨日計總倉值都係創緊自己的歷史新高,而以這個數字基數去計,筆者仍然預計在未來12個月這「組合年平均股息率」仍然很有機會做到10%pa。有這樣的預期,筆者又怎麼會擔心明天或有股災的來臨、股價下跌呢?...股價下跌,如果自己持股的公司生意冇逆轉(這個當然,所以我又很着重揀選「好公司」),預期仍可派超高股息,那麼計算這「組合年平均股息率」時,就「變相」有更高股息率。自己心態係「相對地」更放心持股收息。^^ 

大家有否計算過現時自己股票組合的「組合年平均股息率」呢? 

補充: 組合年平均股息率=所有組合成員一年總股息/組合「現時」總倉值 x 100% (保守計,我習慣不包括特別股息在內。)

今日換小小貨

出981.HK(清貨),入883.HK(增持)。

藍籌換藍籌。 中芯由於可成為藍籌,已升了兩個星期,還有幾日便可正式計入指數,筆者估唔到它未來幾日股價還會否再向上,今日見它A股逆市向下,而H股除非有較大成交和站穩HK$18樓上,才可挑戰HK$20,是後話。今日係說不定,故以HK$17.98出了。 

換入中海油:它後日便除凈@HK$1.18/share。除凈後,筆者睇圖表已守住3條平均線,除非再之後幾日都係向下走(都要配合國際油價向下走才合理啩),否則應似已係支持位。 

981.HK冇息,而且它已講咗下半年的生產成本會較上半年為高,即毛利率會跌。筆者當日買它係博佢入恒指,估大細,僥倖估中,現沽出冇息收股。但它始終有國策支持,係愛國股,貼市者或可嘗試短炒。

除凈後,約HK$11的883.HK,又會變番13.5%的「超高」股息率,到8月又再宣派中期股息,上半年超級賺大錢,應該今年中期息「唔止」派HK$0.30咁少了! 油和天然氣價仍在極高位,尤其最近天然氣期貨價升了好多好多。883.HK應該賺到笑了。 

今日靠晒1919.HK力保筆者組合總倉值正數。感恩。

科技股變身火箭股

很快、很明顯,今天3:30pm過後龍頭科技股一齊火箭式向上升。

700.HK在約3:40pm時,股價還是在HK$359上下,基本上和上日無變,但冇幾耐就變身神舟十四號。

雖然整日成交「未係非常多」,但觀乎這最後半個鐘的尾市交投,即連同收市競價交易,若明早大市還可以再穩定地上升,考慮埋上午若都有大成交額的話,筆者個人估計可能港股已「被轉勢」了。當然也要保險地講: 筆者現時未肯定。

你若自問係港股投資者,你之前已買夠貨了嗎? 還是會考慮於明天入多少貨? 還是等恒指再次落到二萬點附近才再次考慮呢?

Aeon大股東最近增加持股數目

悶股900.HK(Aeon Credit) 之日本大股東於5月27日以非自動對盤方式,以HK$5.20的價格入了4,950,000股,佔總發行股數1.19%,最新持股達到68.32%。

這股份還未除淨,有末期息@HK$0.22/share。

有人要賣,大股東認為價格「可以」,就成為交易。

繼續持有!它能月月賺錢,年年肯派高息,筆者冇有怕!^^

話時話,依家匯控徘徊於52蚊,你願意以HK$52咁上下的價格買400股005.HK,還是願意以HK$5.20咁上下的價格買4,000股900.HK呢?

持有一年的話,你有冇計過兩者的股息相差會係多少呢? 

利申: 筆者已持有900.HK超過五年了,... 唉! 其間曾多次增持,試過成為第一倉位,但也有減持過,現在排於第五位,...總之「未試過無貨在手」。^^

386.HK + 883.HK = Hedging

筆者目前都持有這兩隻股份。只計這兩隻,資金分配係883.HK較多(約70%,未除凈)。雖然386.HK也不少(約30%,已除凈)。

不要沈迷、過份挑剔這些百分比率,最緊要係自己感覺合適,晚上瞓得着覺。

Hedging! 係,筆者指嘅係「心態上」持有386.HK作為「對冲」883.HK。

自己想法係,如果油價轉勢向下走,883.HK/857股價會相對跌最多,386.HK雖然都會短線跟跌,但它下游業務其實會變得好起來,到時市場人士會「慢慢」提出這論調,386.HK就會較抗跌。然後,若油價可穩定在合適的價格內,它或可掉頭向上。

筆者會一直留意油價的變化,來決定兩者的分配比重。

當然,若油價一兩天內暴跌至US$40/桶留下(接近883.HK開採成本價),筆者無話可說,認命! 但油價如果繼續保持在高位徘徊,甚致再創新高,你會否FOMO呢?

總結都係嗰句:投資要量力而為! 盡量唔好借錢買股票,就唔會輸死。唔輸死,就有機會翻身!

最後想講: 人生幾時都應該要樂觀。除了錢,人生還有很多其他美好的事情、事物可以給我們做和欣賞,...可以的話,多做運動 + 鳥語花香, 都是免費的。^^

展望明天「估市」

現在係Sunday晚上,前晚Friday美股又跌,「正常」投資者應已預期明天恒指開盤會係跌! 至於稍後,筆者覺得就無謂亂估了,因祖國股市會很影響香港的中資股。

但國際油價早兩晚似係共升了約5%(無認真計過,只係憑記憶+心算),筆者「諗」+「或者」+「希望」3桶油明天可以避過一劫?...其實,...真係無謂亂估,以免影響今晚睡眠質素。

883.HK將於6月9日(星期四)除凈:@HK$1.18/share。7月15日會收錢。

利申:筆者持有386.HK和883.HK。希望寫本文時筆者冇感情用事!^^

「現時」的持倉組合

可能這個標題係你肯走入嚟睇嘅原因。^^

其實筆者一直已把自己的「真實」組合持股成員全部列於筆者的「個人檔案」內,但就未有公開每隻股票的持股數目或所佔的百份比。

一來筆者也算「經常」有做些個股的部份持股買賣,或stock switchings,如果要我經常保持update每隻成員的持股的數量,會幾嘥時間。況且也請容許筆者保留一些自己的財政私隱吧!

但確實,筆者若加入新成員,或已完全沽出某組合成員,筆者係會在當日(如果冇時間,會喺當日晚上)就update「個人檔案」入面之內容。

而寫這Blog的目的,是為了寫下自己對個別股份的睇法,和想留低現時自己的投資理念,給自己反省。

對於自己倉內的每隻股份,筆者應該會在日後有時間時逐一講講我自己的睇法和預期。^^

「股海心經」之來由

多年前從某本地報章的財經版上看到以「股海心經」為名的專欄,作者名為「諸政客」,似係筆名。

前輩對於選股和「中短期」的炒賣很有智慧,洞察力、推斷能力都很強,他每篇文章筆者閱後都有一些頓悟,雖然未有跟隨那些numbers做買賣。

因為筆者自己在當時的投資想法,都係希望以「中長線」「持股收息」為目的,自己性格、經驗和膽量都未夠班,短炒技術很差,再加上當年自己日間需要多些時間工作,睇市的時間少,就很難夠膽作短線炒賣。^^

的確,若日間需要全職工作的一般人,做股票投資後往往都會感覺幻得幻失,尤其銀碼相對比較大時,係很有壓力的。

STUDENT 自言自語

Hello Everybody! 大家好。^^

今天是筆者第一次寫自己的網誌文章。

筆者只係一個在香港學過會計的會計仔,用了七年時間在會計師行打工,雖然那些年的薪金不算多,但自己總算學到簿記、審計、公司秘書、處理公司和個人稅務的實際操作。脱離打工仔職涯後,在自己家居工作多年(有商業登記証,年年有報稅),...然後,隨著時間的流逝,clients的生意走下坡、一些又要移民、一些又要退休,我自己又對投資股票的興趣甚濃,...濃得化不開,...現今我主要的流動資產就是自己的股票組合,而主要的收入就是從投資這些香港股票上獲取。

活在當下,突然都想把自己一些膚淺的投資經驗和見解寫下,當係給自己做個記錄和自我反省,也非常歡迎各位有緣人在此Blog內留下高見,互相交流投資策略。

晚安,Good Night & Luck!^^