-1919.HK +941.HK

今次Student真係對海控(1919.HK)很失望。佢昨夜公佈話以24.4億人仔向母企收購3棟寫字樓物業,連埋早排以約206億人仔訂造12艘船舶,及以約190億人仔向母企收購上港及廣州港,很短時間已製造資本支出合共約RMB420億!

Student認為佢買得「過份爽快」,而且比筆者印象係: 佢似乎要將公司啲錢「孝敬」媽咪。

今早開市冇耐,見同業316.HK和1308.HK都有明顯升幅,心想1919.HK点都會有些反應啩?... 但事与願違,海控股價最高都只係HK$8.34,完全跟不上阿仔316.HK,莫講話跟到1308.HK。

明天海控A股會除淨中期股息RMB2.01(H股就早排已除淨了),Student不知明天A股股價走勢如何,都係嗰句: 君子不立危牆之下...

所以,Student上午唯有「忍痛」(哀莫大於心死)以HK$8.26沽出剩餘嘅海控股數。(早排已沽走大部份,當日換晒入883.HK)

然後換甚麼好呢?... 本來想換316.HK,話晒都係同業,又超高股息,但係佢股價已被掃高至HK$140樓上,Student考慮了一會,都係唔想追了,下午就決定以HK$51.25買入小量大家都很熟悉的941.HK,當係「換馬」。

点解揀941.HK?... 大家都睇到762.HK和728.HK最近都已被炒上了很多,破晒52週高位,但941.HK就明顯跟唔到,宜家買佢就博市場會揾佢嚟追落後! 咁就算佢向下走,似乎HK$50(50天線)已係超強支撐位。如果佢股價真係再見返50蚊,相信大市也有一些調整,到時再考慮應否止蝕或者換馬。