肯每季都公佈業績的「本地公司」真係少之又少,大家較熟悉的相信會包括有中電(002.HK),匯控(005.HK),... 其他呢?
Aeon(900.HK)就係其中一隻,而且佢過去每季公佈的業績都是有盈利,這点中電和匯控過去都做不到。
Aeon將於下星期三(估計會於中午時段)公佈2022/23年度嘅第三季業績,即1Sep~30Nov2022。由於去年同期之盈利數字比較低,故Student估計佢今年單計第三季之盈利很有可能會比去年同期增加超過兩成以上,即>20%。如是,Aeon今個財政年度「頭9個月」的盈利會有接近1成嘅增長。於今年咁嘅環境之下,都算係有交代了!
Student最喜歡佢一向穩打穩札的作風,專注本業。可能由於佢全部管理層嘅成員都只係日本母企(Aeon Inc.)委任嘅「打工仔」,唔敢用公司嘅錢攪三攪四,或攞去做投資。
Student觀察到佢過去幾年,每季平均都大約可賺8、9千萬港元盈利,即平均每股可以賺到兩毫子,以一年計,每股便賺到8毫子了。而從中分派每股HK$0.44作為股息,就等於55%嘅股利分配率。
Student認為呢個Dividend Payout Ratio對於咁有實力嘅Aeon嚟講算係「好保守」了,大有提升嘅空間呀!🙏
低調好股，流動性差，街貨極少。我個人是當8.8%債券持有，5元以下買應該沒什麼問題。
回覆刪除佢肯再分派多啲就唔止有9厘(以今日收市價$4.87計算)股息了,有機會的... 🙏^^
刪除忍不住8.34走咗部份1919,資金买点有波幅的炒炒
回覆刪除Good idea.^^
刪除Aeon真的很厲害，這樣波動的經濟環境下，仍能交出穩妥的成績。只是21年末期稍跌，接著如以往，真的很穩建。
回覆刪除想你也是Aeon小股東。😃
刪除希望多些如我哋般有信心及耐心的股東長期持股,冇咁輕易拋售,咁只要Aeon繼續季季賺錢,年年派息,又有餘錢和盈利再滾存,student就「唔信」以長期嚟睇佢股價會唔升!😃
低調地再投資，發揮複息既威力。
刪除股價不變，但股東收息好似雪球滾存，越黎越大。
👍^^
刪除