加注517.HK

早排先買入嘅中遠海運國際(517.HK),「可惜」自己冇在「高位」約HK$2.7~2.8作出減持,宜家股價回返落HK$2.5樓下。既然倉內仲有可投資現金,今日就再添加佢多28,000股@HK$2.46~2.47,凑夠佢萬位尾數,方便記住,又可提高「Student高息倉」未來一年預期嘅總股息收入。

517.HK係「淨淨現金公司」,公司於過去3個月粗略動用了1.2億港元作股份回購,幾乎買了半億股!... 買得狠!抵讚! 👏^^

回購後,最新每股資產淨值便自動高了些,即使減去中期股息@HK$0.11/股後,肯定每股NAV仍然超過5蚊港元,當中包括「每股淨淨現金」略為超過3蚊港元。

由於student估計佢下半年「銀行利息收入」會開始有顯著增加,佢下次末期股息應該都可以做到中期股息嘅HK$0.11(其實會唔會唔止呢?),如是,全年股息將會係HK$0.22/股。以今日收市股價HK$2.45去計算,股息率便剛好是9厘了!

517.HK遲啲會唔會再作出回購?... 小弟唔知。

佢將來會唔會被中遠系私有化?... 小弟都唔知。

小弟只知佢於今年6月底時,持有淨淨現金約48億港元。(即此數字已減晒賬面上全部短、中、長期負債!) 👍^^