調動組合內「油股」比重

筆者今早9:15am前以競價限價盤掛沽出部分386.HK@HK$3.60。最終競價盤只以HK$3.58成交。但筆者很幸運,於9:30am正式開市後,我掛沽的HK$3.60都被人掃走,即成交了。

之後,就將兑現的錢盡量換入883.HK,落盤HK$10.82,然後成交了。這個價,現在睇返轉頭,就稍為高了一點,但當時的最低價係HK$10.80,...我哋做投資買賣總不能事後孔明吧?

新入的貨,加埋組合內已有的883.HK數目,便構成「萬位」整數,方便自己記住,而且今早這Stock Switching還有萬二蚊cash凸剩出來,筆者感覺良好。連同户口內昨天剩低嘅8千幾蚊cash,即現在有可投資餘額約兩萬蚊,... 或可隨時攞嚟做家用都未定。

最重要係無須加新錢去投資户口。

如此一賣一買,若只以筆者組合內這兩隻油股作計算,中石化與中海油的持倉比例,就從原先嘅3:7變為依家嘅2:8。

依家已經係6月中,筆者目前對中海油上半年的業績和派息有較大的信心,即信心係多過中石化,因此做了上面的調配。