Good Morning Everybody! 🙏^^
市場氣氛差,估計今天港股將會以下跌作收市。
筆者投資港股沒有足球團隊,可以做到「進可攻,退可守」,也沒有一隻獨贏的眼光,只揀一隻「長遠必勝」嘅美股,... 但筆者「目前」有十兄弟,佢哋係筆者當下最想長期持有作「收股息」用途嘅高息港股,以上星期五(10月7日)倉值高低作計算,排名如下:
阿一: 中海油(883.HK)
阿二: 中遠海控(1919.HK)
阿三: Aeon信貸財務(900.HK)
阿四: 迪生(113.HK)
阿五: 新鴻基公司(086.HK)
阿六: 中國移動(941.HK)
阿七: 東方表行(398.HK)
阿八: 中遠海運國際(517.HK)
阿九: 大眾金融(626.HK)
阿十: 國銀租賃(1606.HK)
請不要問筆者点解排名如此如此,... 因為這不是一朝一夕的結果,要詳解就一匹布咁長。
將來會否有變化?... 咁肯定會有,因為股票市場永遠是動態的(dynamic)。
本週日誌:
明天: 將會收到316.HK之中期股息@HK$46.80/股,雖然筆者已於佢除淨咗之後沽走了。
明天: 900.HK將會除淨中期股息@HK$0.22/股。
星期四: 將會收到883.HK之中期股息@HK$0.63/股(已扣減10%大陸稅)。
最後, student衷心祝福大家股海投資得心應手! 🙏^^
後記:
1. 已收市了,恒指全日(星期一)下跌了523点,收於17,217,即係跌了2.95%。Student今天甚麼調動都冇做,即倉位依舊,總倉值就跌了1.12%,主要被1919.HK所拖累。然而心境平靜。🙏
2. 10月11日(星期二),恒指再跌384点至16,832,即係跌了2.23%。依舊冇做任何調動,總倉值就再跌1.10%。心境依然平靜。🙏
3. 10月12日(星期三),大市再跌131点至16,701,即係跌了0.78%。Student全日冇做任何買賣,等明天收埋阿大883.HK嘅中期息後,可能星期五或下星期一出擊... 唔肯定。今天總倉值就下跌了0.72%,与恒指相差不遠。🙏
中遠海控宣佈頭三季盈利976.02億元，Q2盈利371億元，由此推算Q3盈利為325億元，同比下跌12%.
回覆刪除Student剛吃完晚飯,就見到鐵馬兄之留言,非常感謝汝第一時間把這消息告之小弟!🙏🙏🙏^^
刪除如是,以佢現在的A+H發行股數總共約161億股去計算,即第3季每股又賺了約RMB2/股。👍^^
刪除非常好!^^
刪除Student較早前已立定決心收佢中期息每股RMB2(減去10%tax及以匯率1.10去計,就當係HK$2),心中只希望佢下半年(即7~12月)每股可以賺RMB2,從中宣派末期息RMB1,即係當每股可以再收HK$1,...咁樣收足佢全年HK$3股息後,以股價HK$9去計,全部除淨後便即是=HK$6,然後就放長雙眼睇下佢明年差成点!
宜家佢單單第3季每股已賺咗RMB2,咁我就更加放心了,下次末期息派RMB1就應該已冇難度了。😋
已經幾日冇睇股市，由得佢了🤣
回覆刪除以現市價計,1919.HK今年市盈率真係平到冇朋友!
刪除而且佢PB較阿仔316.HK更加吸引,每股淨現金水平也更高。👍^^
P.S.尤其是明天316.HK派了中期息每股USD6之後,即1919.HK明天收息約220億港元,此消彼長之下1919.HK更加便宜。👍^^
刪除1919A十H市值才1700幾億，頭三季盈利已近千億，真係平到不可思議，重有千幾億現金在手，航運股的周期性逆轉真有專家所講那麼可怕嗎？看業績就似乎誇大其詞，第二季昰超好業績，第三季盈利比第二季下降12%，但也是賺大錢，賺325億元，第四季就算再差也不致於會蝕錢吧，而且股價一早反吷左最差狀況，若Q4表現並沒有预期差，股價應該不會再甘平，有時所謂專家的認知仍是停留在書本上，往往都是錯判，不能盡信，只有數據最可信， 我沒有持有任何航運股，只是質疑專家的判斷，就像他們去年看淡煤炭股，石油股一樣。
回覆刪除鐵馬兄, 你見我身體力行持有1919.HK,就知我幾咁鍾意佢。
刪除我剛才睇返自己啲月結單,於7月31日時持有的1919.HK市值,當時是倉內排第一位的,多過排第二位的883.HK,只係後來由於貨櫃航運指數一路向下走,和一眾大行不斷出口術降低目標價,我才適量減持些少。另外,最記得佢出中期業績那日(8月30日)早上,小弟沽出了當時持有的1/4數量,理由係早一晚發現佢在8月17日之「董事會會議通知」內沒有提到考慮派發中期息的事項,小弟自己嚇自己,驚佢今年仍然唔肯派中期息,所以便減持了。當時套現的資金就買入了941.HK和517.HK。小弟之前已有交代。
你講得啱,那些所謂專家真係不知所謂,好多時啲分析報告都只係妖言惑眾。
刪除好無奈,市場總係會被這些「垃圾資訊」誤導。
多謝 Student 兄無私分享，您的十兄弟中我持有900 941 1606。這幾間公司都是肯派高息的好公司，不過除了 883 1919 941之外，每日成交量都偏低。往好處想是大小股東惜售，壞處是持貨量大時換馬不易🤪
回覆刪除TC,你觀察入微,我倉內有較多每日都成交「不算太多」的三四線股仔,不過,除非你真係買了很大數量,例如持有幾十萬股900.HK。否則你若是平日出貨的話,我嘅觀察係應該無大問題,當然如果心急要「即刻出10萬股」,可能要降低3~5個價位才可全數直出。至於1606.HK,我觀察到基本上<20萬股都唔難直出,若50萬股就要set低1~2個價位了。我自己目前就只係得很少1606.HK(10萬位),於組合內是最少。收息之餘,博佢被母企私有化。🙏^^
刪除三四線股也是有好公司，只因市值低流動性差乏人問津。以900為例，扣掉前兩大股東Aeon、FFR LLC，街貨大約只有9千萬(21.6%)。資產負債率現在只有30%左右，挺過經濟下行加息周期應該是沒有問題。
刪除全對,TC真係觀察入微!👍👍👍^^
刪除A股低過3000點，今年3月出現過，維持左4日，今次只是維持左2日就上番去，而今天1309至1315,只係用左6分鐘就令指數重上3000樓上，A股歷史上出現過 48次低過3000,其中28次少於7天內就重返3000,而在一個月内指數會升10%以上，希望今次唔會例外，今日外資流出A股市場達60億元，而在下午只用了6分鐘就打爆這些空頭，令他們損失惨重，這當然是國家隊在做野，傳說中的3000點是不可逾越的紅線一點不假，更有人說要珍惜每一次短暫的3000點樓下的機會，是低位買貨的好時機，可惜的是更多的散户基於種種原因選擇割肉離場。香港的股票市場完全是另一個世界，任由各路大鱷惡意做淡，成為他們的提款機，監管機構一味奉行積極不干預，只要市場能順暢運作就可以，市場是否不合理地被扭曲甚或操控完全視而不見，沒半點危機意識，希望日後能有改善。
回覆刪除我經常都話港股欠缺一位有豐富市場經驗的「高官」可以出嚟「出吓口術」,這点很重要,港股太過容易吸收外圍,包括歐美和中國大陸的負面氣氛,又有太多外資和大鱷合力唱衰港股,本地最好有位「有份量」嘅「股市評論人」,或者係前高官如任志剛先生就好了,student感覺任總在hk的地位就相若美國嘅格林斯潘。👍^^
刪除國資委為了幫助中小微企同個體户，命令所有中央企業要嚴格執行為旗下工商租户減租，免租三個月，若有疫情發生的地方，更要在11月前完成減租。而上海也重新容許地攤的出現，看來中央是要扶持實體經濟，制造更多就業機會，而主打電商的巨企如巴巴，京東等的好日子已經過去了，而大力發展國内商埸的本港地產商應該也會大受影響，從粤海投資最近的股價表現就知大鑊，大量投資商場，酒店都出現巨大虧損，舉債更是沉重，以前股價十幾元，得幾厘息，跌到而家5個幾，跌到而家有成12厘息，有很多人重當係寶，以為係高息股，越跌越溝，以為東江水輸港是永世業務，係冇得輸的業務，又不留意新聞，就像港澳直通火車一樣，幾年後重有冇東江水輸港的業務都是疑問。今日本港大型地產股都紛鈖跌穿重要支持位，要幾平有幾平，看來下跌只是剛開始，還要試底。
回覆刪除盈利,股息,利率,國策,政治,....買賣股票真係唔簡單!
刪除希望大家多留意金戈Sir的分析,佢真係好「心水清」,絕對係「股壇高人」!👍👍👍^^