沽出殘餘的2,000股941.HK。
套現後,加埋投資户口內嘅現金,買入18,000股883.HK。如此,倉內883.HK之股票數量,尾數又再達致「萬位」的整數,方便了student記住。
而兩者皆是藍籌股。
原因不是941.HK不好,只是student覺得883.HK更好。
油價依然硬淨,預期883.HK之全年PE<3倍,又預測以現時股價計,佢今年嘅Dividend Yield多過941.HK幾乎有1倍。再加埋前者「受惠」於強美元,後者就「蝕底」於強美元。
就係咁簡單!
於是投資户口現金又剩返唔夠兩萬港元,但明天將會收到幾萬蚊900.HK之中期股息。
今日風和日麗,宜家就出街做下pull ups先!^^
做到幾多下？
回覆刪除頭先(10下chin up+10下pull up)x3 + 20下dipsx2。約半小時。^^
刪除利害👍🏼，我今日 workout
刪除Rings push up 12x3
Rings chest fly 12x3
Rings pike push up 8x3
Rings hollow dips 12x3
Rings pull up 10x3
Rings row 15x3
Rings L-Sit hold 15sx3
Chin up 12x3
大約一個鐘多啲😅
無忌兄, 你好叻! 好全面!👍^^
刪除你應該係健身,小弟只係養生。😆
我都係養生，用來醫病症，可能你冇留意我有另一個 blog，不過我都懶，冇咩 update。
刪除https://healthnotaboo.blogspot.com/2022/09/blog-post_21.html?m=1
睇到! 好多分享啊!👍^^
刪除做運動最緊要持之以恆,有空才寫Blog,冇問題。一齊努力!加油!💪^^
係，恆心最重要，投資、健康也是一樣💪🏻
刪除883出左正式業績，等三季賺368.81億元，同比增加89.06%
回覆刪除係佢早前出「盈喜」的中間數字,似乎佢係將這數字前後各+/-10億元就攞嚟出「盈喜」。🤔
刪除我好佩服早前883.HK和1919.HK可以咁快趣就「計好」upto9月30日盤數,出「盈喜」!👍^^
Student非常滿意中海油盤。^^
刪除總算冇放錯資金落佢到。^^
話之佢加息,話之佢移民,話之佢WorldWarIII,... 海油海控在倉間!🇨🇳
手誤: 係「盤數」!^^
刪除今日A股股王貴州茅台又大跌，一度跌5%,曾失守1400元，估值仍然很貴，同騰迅一樣，大小基金和外資一起抱團，天天唱好，PE一度過百倍，股價曾逼近3000元，過去一年慢慢下跌到1800元，以為已到底但市值仍高達2萬億，過去17個交易日就跌左27%,情況就同騰迅一樣，外资每天不停沽出，現在揸股一定要揸估值低派息高的股份，起碼有強的防守性，就算跌都不會斷崖式下跌，而這類股份已不多，而且大都是超大型國企，有很多投資者仍對這類股份看不上眼，有偏見，但時代變左，形勢不同左，未來幾年這類股份仍是能穩住大市同最安全的。習主席在二十大後重提要求9仟萬黨員嚴格執行8項規定，即是要清廉，不能以權謀私，大食大喝不做實事等，更傳出公務人員禁洒令，出席宴會不能奢華，要以茶代白酒等，有趣的是華潤啤洒進軍白洒市場，莫非是要一統白洒市場，減少這行業的暴利，令普通百姓都可共同富裕，以合理價錢品嚐美洒。繼昨日正式落案起訴前招行老總後，今日又有不少高官落網，有些甚至是主動投案，交待所犯罪行，真心希望這波能清除所有不正之風，繼後能全力發展經濟包括香港。
回覆刪除鐵馬兄之分析言之有理。👍^^
刪除我不久前撈底的第一拖拉機38傍晚出左首3季度業績，大概情況如下，A十H市值103億，H股市值11億，今日收2.97元，A股9.57元，盈利增長35%,達到9億人仔，每股盈利0.81元人仔，重有40幾億閒置現金，其中26億放在銀行做理財，重係國企農機龍頭，歷史悠久，開國時已存在，東方紅拖拉機而家重好受歡迎，加上北水散户揸左35%H服,今年國策又把農業生產放在重要位置，正常來講明天應會大升，但往往事實並不似預期，若明天只是微升，我是否該沽出取利，畢竟我原意都是短炒，但覺得此股冇理由不大升6成以上，只是要揸多久的問题，但大户有的是耐性和時間，未買夠貨就不大升，應否揸耐d鬥耐性？最怕就是沽出後轉勢展開長期升浪。
回覆刪除鐵馬兄,
刪除純粹小弟推測: 拖拉已上市很多年了,但股價似終浮浮沈沈。可能由於佢賺錢size与其它巨型國企比較,始終未係頂級,又与農業有關,令人歸類佢係舊經濟股。
至弊係依家連巨型國企賺大錢都唔識升!
港股氣氛薄弱,「醒目錢」通常只買有國策支持或有很獨特消息的作炒賣,1072.HK,电力股等等似乎都屬於咁樣。熱錢都係喜好短炒居多!
已好少人似student咁,夠膽但戇居地長線持滿倉收息了。
揀股又真係很重要,因為是真金白銀咁/敢 擺落去,我就經常提醒自己要瞓得着覺先至好買。
當然控制着注碼就等於控制着風險。
結論係小弟真不識怎去決定038.HK之去留,股海每天都是波濤洶湧!🙏^^
中海油首席財務官在公佈業績後的電話會議上回應會否出售英國油田權益的問題，地區不是考慮的問題，只要出價適合，合乎股東利益，會是其中一選項。
回覆刪除我都睇到。^^
刪除另外,這一刻油價又升了些,希望「紐油」又可再次企於USD90樓上,...然後等11月1日中東每日減產200萬桶。
中海油真的前程錦繡呀！✌️^^
又大跌，跌多一排可能得返4位數字💩
回覆刪除政治嘢就交給國家處理。
刪除小弟持有的,係肯派「相對高息」的+「財表比較健康」的。
組合就「耐唔耐」會收到「現金股息」。
收錢後,再衡量下「最值得」買甚麼。
重覆又重覆。
於是「年股息總收入」就可以愈來愈多。
策略係: 小心啲「揀股」!
今天就收到900.HK嘅中期息。🙏^^
刪除student 兄初心不變，有如一股清泉，希望大家who laughs last laughs the best💪
刪除So far,由於小弟自問也滿意「高息倉」內組合成員今年嘅業績和派息表現,所以先至咁淡定。
刪除但都有對股價唔肯升,反而「跌」,就同你哋失望嘅心情一樣了。不過,好處係可以再買得更便宜!✌️^^
始終都係想製造每年的股息收入一路增加。^^
刪除我全倉都係高息股，但跌到變成高高息股了，隻隻都至少9厘💩 本身都覺得跌可以買多啲，不過跌多咗人始終會怕，惟有躺平了。
刪除唔加新錢落投資户口,我就感覺壓力不大。
刪除如果冇揀錯股,真係有高股息收,就以股息收入再增大投資。
重申:揀股最重要。🙏^^
中石化第三季業績唔多靚，第三季只賺左128.3億，下跌38%,一至九月共賺了566.6億，同比下跌5.6%.
回覆刪除睇返自己記錄,去年10月,386.HK是小弟的第一重貨。
刪除直至今年4月份,才大幅減持,換馬至883.HK,直至6月某日就無再持有386.HK了。
記得當時自己決定係因為觀察到國際油價仍然於高位(約USD100/桶)徘徊。
賣晒後,386.HK之股價出乎我意料,很強勢,... 宜家睇返轉頭,總覺得市場資金真係幾盲目!(純直覺,冇眨意。)
加強了student對於買賣股票,絕對要「因時制宜」。🙏
可能386都知業務上冇幾他兩桶油咁有優勢，大力發展氫能都需要時間先有成果，所以不停在AH回購股份，增加股份吸引力，中央早排又令中石油無償俾左幾個巴仙股份予中石化，就是要加强中石化實力，三桶油都係國家的寶貝仔，一定會令佢地快高長大。
刪除係要啲時間。^^
刪除今日A股沒有大跌，全憑三桶油，中移動，三隻煤股，五大内銀呢批市值過千億的國有企業股支撐着，全部上升。而跌得最惨烈的全是高估值的抱團股，過去幾年全部都升左幾倍甚至幾十倍，贵洲茅台，伊利，比亞迪，寧德時代等等，這些股票一日不大幅下跌，A股將不會健康地發展，未來的願景和圖畫已展現在眼前，無論是A股或港股，將會是大型國企主宰市場，令市場更穩定健康。國家统計局今日公佈數字，所有中央企業的盈利在一至九月間增加左5%,反而地方國企盈利則減少10%以上，而今晚幾間大型內銀的業績都有不錯的增長，造大造强大型國企的佈局已好清楚表現出來，只要這些大型國企才有能力長期派高息和長期有相對穩定的股價。
回覆刪除客觀講,今日上証指數都算跌了不少呀!😭
刪除公佈完業績後，中海油今日立刻回購左1128.3萬股H股，作為小股東真係覺得冇得頂，抵讚。
回覆刪除小弟昨日就係考慮到佢「昨晚出業績+今日恢復回購」,才膽粗粗加碼「高追」,点知今日「中伏」,... 好在佢相對跌得很少,又真係恢復回購。🙏^^
刪除中遠海控入股上港集團同廣州港。成為超级航運公司指日可待。
回覆刪除已看到,謝汝告之小弟。🙏^^
刪除中遠海控今日重有連串大動作，包括買船，係買幾十艘，詳情請看通告。
回覆刪除已看見,謝汝通知小弟!🙏^^
刪除於30/9/2022,佢有「貨幣資金」RMB2,973億元。
刪除總負債=RMB2,753億元,當中已包括了短期+長期借款=RMB369億元。
即係淨貨幣資金=RMB2,604億元。
單係「貨幣資金」已多過晒「總負債」,即係淨淨現金公司!👍^^
刪除不可思議!🤔
刪除