美國加息+衰退 引發全球跟隨。
其實我哋「港股」過去一、兩年已有相當的調整,基本上已提早反映了「經濟衰退」。亦有很多本地的醒目投資者搬錢去參与美國「好似長升長有」嘅金融市場: 股票、ETF、債市、虛擬貨幣...等等等等,樂於三更半夜去參与音樂椅爭櫈仔的遊戲。
都係唔好講人哋嘅市場了,講番依家嘅中國香港。
大家都看見以往嘅遊客區,例如油尖旺、灣仔、銅鑼灣等等都有相當嘅吉舖,又或者睇下地產財經新聞,就已經粗略地知道已有不少地舖的租金較高峰時下跌了超過六、七成的慘況。依家疫情遠遠都未有完結嘅跡象,而美國又正在「積極抗通脹」。
觀乎今輪美國頻密+大幅度 加息抗通脹(佢哋似乎認為係唯一良策),係會引起「全球多國」貨幣貶值,其在迫不得已之下,又要跟隨美元加息,於是乎追隨美國金融制度的大小國家,今次想唔衰退都幾難了。
宜家嘅問題係,即使美國今個月再加息0.75或1厘,但是否就此加完呢?...相信多數人都曉答: 未完! ...何解?... 因為大家都知道,最少要看到通脹率有D似樣嘅回落趨勢,才會停止加息吧。
就係咁簡單!
回顧過去十多年來,香港房地產在極低息,又年年都通脹的環境下被「悉心庇護」,如今息率有機會「回復至較正常水平」,相信本地房地產的價格,有小調整是無可避免的了。
最慘就是一眾地產股,包括收租股及Reits,股價都可能要被強制接受考驗了!
後記:
本港時間星期二晚美股上升,藉口係話美國企業於高通脹下仍然交到成績,及投資者的現金持有量是自2001年以來的最高水平...等等。加息、油價升、高通脹、又唔洗衰退,那就最好了! 另外,過去兩日,筆者已把上星期五收到的股息收入,盡量再投入買「有預期可派高息」的股份,現金又變成所剩無幾了。筆者預計「組合年股息收入」已創了新高,雖則以昨天收市價計,組合總倉值是較6月初時創出的歷史高位有所下跌,但小弟仍有信心,只要持有「相對低市盈率及市賬率和有能力又肯派高股息率」的股份,自己又堅持收息後再投入,長遠可以再創新高只是時間的問題。大家一起努力,謹記「收息才是硬道理」!^^
各大地產商在下半年不斷推新盤，新地在屯門兆康西鉄站附近個大型新盤，有成4500幾個單位，但我睇地圖都唔知係邊，是否遠眺兆康站？新地售樓大將雷霆又故技重施，首批推出150伙，最平個間開放式2百幾呎，只賣329萬，重提供85％上車優惠，幫襯旗下財務公司，首三年P減2.5％即2.5厘，跟住就要用p即5厘去供樓，若三年後p跟美加息未完，隨時6厘樓上供樓。唔駛330萬就可買到新地新樓，唔駛50萬就可上車。為人父母者若有4,5手比亞迪就唔好比子女知，隨時被要求沽貨提供父母幹幫手上車，純講笑。若新地能全數沽清呢手貨，咁就要重新估計本港地產股的盈利能力。
回覆刪除🙏^^
刪除首三年p減2.5 厘
回覆刪除往後用p去供， 無論個p係幾多？都係好匪夷所思!供樓唔係十年八載，講緊10至30,40年不等,呢個offer真係難以接受!!
如果呢個offer四千五個單位都能夠沽清， 我就真的相信這真的是剛性需求了。
回覆刪除加息肯定對整個香港房地產業,包括賣地、住宅物業、寫字樓、工廈、舖、車位等等都有負面影響。
刪除這4500個單位都係會分好多批次去賣,價格也會隨市場情況而變化,始終都會賣晒。
只係一兩年後睇返今日的價錢,業主先能判斷今日有否買貴。不過,對於有迫切性買嚟自住嘅用家來講,只求盡快上車,我哋應要尊重和體恤佢哋。 🙏^^
較為深入地研究過新地呢個大盤，每呎成本價連埋補地價3000元都唔駛，而家大平賣萬二，三元呢平過同區二手應該幾吸引人上車，首批165個單位首日已收了6000票，應可順利沽清，一呎賺成8,9仟元，賣哂4500伙可穩賺幾佰億。此盤最差是位置極之不就腳，宣傳所講由兆康西鐵站2分55秒可到，原來是指揸車時間，徒步起碼行15至20分鐘，不過新地又用一貫玩法，旗下九巴即刻開了條新的巴士線由西鐵站直達包圍住這新盤的新公屋，一年樓花，下年至可以入伙，若下年加息潮已退，新買家應算是執了平貨。
回覆刪除我冇深入研究這個盤成本或毛利率,感覺佢location就似天水圍2.0。
刪除照計地產股如有升浪就唔會只得016.HK,但現今大市成交如果薄弱,息口還未見頂,似乎本地地產股難以客觀利好。
可以捕捉市場氣氛低位短炒,考你炒功、運氣。🙏^^
老實,我對單靠5厘幾股息率的本地地產股已經冇興趣作長線持有。
刪除我也是本港地產股沒有信心，個幾星期前唯一持有的地產股嘉里建設無端端大升至22元，馬上沽出，現在已跌至19.4,亦不打算接回。另外覺得新世界隱藏的衰野未爆雷，此公司與恆大關係千絲萬縷，接左恆大爛尾的本港樓盤又拒絕執行之前的呼吸plan, 寧願殺左不夠實力散戶的定，今年又發了年息高達5厘的公司債，最近又放風要出售愉景新城商場等非核心業務，看來財務壓力很大，他要用錢的發展項目超多，已洗濕左個頭冇退路要繼續下去，股價不斷下跌搞到息率接近8厘，極可能是個高息陷阱，整個本港地產股版塊都可放埋一邊，就算日後港股回升，本地地產股不一定跟升，畢竟所佔份額已不多，恆指升跌全依賴大型中資股。
回覆刪除Ya, probably...
刪除