2022年7月7日星期四

平到「幾乎」冇朋友的中海油

話經濟差,所以油價跌。3桶油中,最受影響的當然係以主打上游業務的中海油(883.HK)了。由於此股乃筆者目前倉內的第一貨值的股份,當然對此結果感到不是味兒,故想寫寫自己現時對它「估值」的睇法,算係一個檢討。

筆者係會計仔,所以都係根據已知的數據來推敲。

中海油2021年溢利RMB703億,這溢利係基於佢去年賣油實現平均價格USD68/桶, 及主要成本USD29.5/桶 + 作業費USD8/桶,合共USD37.5/桶來計算。

今年第一季,它已公佈了賺RMB343億,按年上升了132%。公司平均實現油價為USD97.5/桶,与國際油價走勢基本一致。至於第一季的主要成本為USD30.6/桶,作業費則未見說明,筆者考慮埋通脹,估計大約USD8~9/桶吧。

6月27日,國家統計局公佈了今年頭5個月「石油及天然氣開採業利潤」同比增長了1.26倍。從這個數字,再加上6月份的國際油價基本上都係企係USD105以上,已可推敲出中海油今年上半年的溢利已超過去年全年的溢利。

去年上半年中海油賺了RMB333億,筆者「審慎地」估計它今年上半年同比去年多賺1.2倍,即RMB333億 x (1+ 1.2) = RMB732.6億。這數字超過了它去年全年所賺的RMB703億了。

以這估算的半年溢利RMB732.6億,除以現時的發行股數,便計算出今年上半年中海油每股賺了RMB1.5378(約=HK$1.80)。若將這數字簡單地乘2,即係估計佢全年每股可賺HK$3.60。以今日收市價HK$9.90計算,即PE只係2.75! 佢又承諾「最少」派40%來做股息,即HK$3.60 x 40% = HK$1.44,以這個數字來計股息率,就係....不如大家自己計計吧,幾好玩的。

誠然,無人可準確預測今年下半年的平均國際油價係幾多,但即使跌到去USD68/桶,即係等於它去年的實現油價水平,它都仍然係賺錢,PE或者約係6咁上下,好貴嗎?

後記: 

1. 此文寫於昨夜,當時未覺係好滿意,故今早略作修改,現在才貼出。

2. 今天中海油卒之揾翻佢唯一的朋友了! 稍後再向大家交代。^^

3. 依家係中午12:25,上午已收市,筆者稍後下午又冇時間出文,自問初心都係「唔想隱瞞」,所以都係於此盡快公佈「筆者認為」中海油的唯一朋友係: 1919.HK(中遠海控)。今晚筆者若有時間會再作詳解。








22 則留言:

  1. 謝student哥的精闢分析。油價的高低牽涉太多大國間的博弈,散戶實在很難看的清。唯一能掌握的就是派息,真金白銀入袋才是硬道理。

    回覆刪除
    回覆
    1. TC, 多謝你嘅認同。🙏^^
      呀,你的網誌有好多靚相,多看令人很舒服。👍^^

      刪除
  2. 持有386不动摇.1919盈喜,看股价在20天线受阻,考慮减持部分換码

    回覆刪除
    回覆
    1. 幾間大行都話1919.HK盈喜超出預期,也超符我嘅預期。我今早於11点前忍痛沽出相當部份的中海油(HK$9.74),換翻佢(HK$11.28)入組合內,我唔理佢幾多「天綫」,因為我係為了更長遠的收息考慮。遲些我會出文再作交代。
      之前,除凈前一日以HK$12.50沽走1919.HK,依家「好似睇清楚」佢真面目,就暫時原諒佢過去一年多成本上脹的問題。

      刪除
    2. P.S. 以今日收市價計,中海油仍然係吾之第一重倉股。

      刪除
    3. 以股价计一进一出只是亏了一点手续费👌

      刪除
  3. 回覆
    1. 坦白講出來,大家才可以交流投資心得,從中改進。^^

      刪除
  4. 盈喜 > hope can offer interim dividend ^^

    回覆刪除
    回覆
    1. 翻查历史,无派中期息的历史

      刪除
    2. 我和 美麗 今晚發同一個夢: 今年收「中遠海控」中期股息的夢!

      刪除
  5. 不會吧,883每年都在8月公佈業績和宣佈派息,去年我還收了0.3元股息。

    回覆刪除
    回覆
    1. 美麗 希望嘅係1919.HK今年可派中期股息。我也認為這個係有很大機會的。🙏^^

      刪除
  6. 我今晚也會發同一個夢🙏🙏

    回覆刪除
    回覆
    1. 我期望佢今年的派息比率會由去年的15.56%提高至20%~30%。🙏^^

      刪除
  7. 上次因派息少引起風波,今次可能為平民憤而破例派中期息。今日北水都買1919,連流入A股的外資都有買1919.wti又上番103.5美元一桶,今日深圳北水淨流入2億幾883,但上海北水則淨流出5億幾,唯一共通處就是狂買汽車股。其實下午2點幾就出左中央新扶助換車,買車政策,但香港的車股冇物反應,直至較後時間才有反應抽上,似乎慢了幾拍。我若不是接近滿倉,連備用的資金都買哂836華潤電力,而883同1171的息要15日同25日才收到,否則一定入番轉汽車股短炒,明天汔車股又會升個不亦樂乎,而另一當炒版塊是內地電力股,日日升少少,不知不覺已升了2,30個巴仙。

    回覆刪除
    回覆
    1. 我又係經常滿倉,缺少備用投資現金,883.HK和900.HK的末期息都係要在15日才收到。今早對1919.HK流晒口水!唯有忍痛割愛部份(其實都幾大舊)883.HK來換,心態上係有「對冲油價」的想法: 油升,883.HK得益。油跌,1919.HK得益。
      大前提係兩隻都係年賺千億人仔的超巨型國企。我期望1919.HK今年會提高派息比率,現價計股息率可能与883.HK相差不遠。

      刪除
    2. 那吾就紧抱着.除非明天升不破20天线

      刪除
  8. 1919昨日出盈喜後,半年賺6百幾億,平均日賺3億6,大批內地散戶向投資者平台強烈要求1919中期要分紅,去年賺8佰幾億才派息百零億,派息比率只要15%,上次因董事會早通過事情才不了了之,今次趁未開股東大會,小股民一定會不斷施壓。港交所今日學左內地,將開一個投資者平台,讓小投資者可直接向上市公司查詢問題。

    回覆刪除