「Take Your Time」是東方表行(398.HK)的形象廣告,探討時間帶來的定義和意義,以每一枚時計,捉緊每個時機。
想買賣股票有較高的回報,時機掌握的確是很重要。但student係笨叔叔,唯有輔以長線持股收息作投資策略。
高息倉內之398.HK剛於晚上公佈了中期業績。
其實Student於11月3日晚上已看到佢出了通告,知道佢今日將會公佈業績。Student唔擔心佢上半年(4~9月)嘅香港生意,因為本港每月公佈之零售銷售數字,其中「珠寶首飾鐘錶及名貴禮物」一類算係「唔差」,平均係比起去年有輕微嘅增長。(依家香港咁嘅環境,仲想点呀?)
反而最難預測的就是佢於內地嘅生意,因為國內於過去半年廣泛地實施封城,Student已估計佢今次半年盈利會被拖累而有所下跌,但由於佢無發出「盈警」,所以基於此,Student之前又唔算太擔心嘅。
好了,揭盅了! 半年盈利HK$1.51億,按年只係減少9.22%,EPS=HK$0.3103/股。派中期息連同特別股息合共HK$0.313/股(2021: HK$0.344/股)。
基本上仍然是把盈利派盡,還派凸少少㖭! 單係這一点,已值得student將佢長期持有了。👍^^
Good night everybody! 🌛💤
持有已超過一年, 連埋今次既息, 的確係幾禾味, 滿意 ! 市場似乎都受落, 股價已重上$4. :D
回覆刪除比較其他零售股,比較基本財務數字,佢真係「優質」。
刪除Student記得今年六月時才買返佢,股價升近5蚊時,冇賣,因為我覺得佢升上10蚊也有可能。
早排跌至$3.25,好在自己心力夠,冇被嚇走!
希望佢將來「正常下」平均每年可以賺約「四億」港元,繼續盡派股息,股東們就夠開心了。🙏^^
業績公佈有提到: 展望未來，隨著供應鏈面臨前所未有之挑戰、2019冠狀病毒病疫情的變化以及利率增加帶來不確定性，我們認為消費者在消費時將變得更為保守，尤其是在購買高端奢侈貨品方面。因此，本集團預計，業務將在未來期間承受一定壓力。
刪除個人對下次末期業績審慎樂觀, 大陸係吃飯為上既大前提下所謂"動態清零"都要作調整, 唔可以再一刀切封城, 幸好398係淨現金公司, 如能維持跟上年同期既股息已經好滿意了 !
佢用較謹慎的語句作展望係「負責任」嘅做法。👍
刪除今年肯定已是具挑戰的一年,小弟希望往後零售業可以好些。🙏
淨現金係佢嘅優勢,而且近幾年派股息政策清晰: 盈利盡派作股息。👍^^
刪除, 👍
回覆刪除東方表行多謝健一先生的讚賞!🙏^^
刪除昨晚学兄睡得好,今晚会开心到睡不着😜
回覆刪除此刻大市跌4百多点,大家有苦自己知! 😩
刪除明日收市後又有新公司加入恒指行列，恒指公司選股的準則一向為人垢病。現在實在是太多的中港地產股，反而内地電力股一隻都冇，相信這次華潤電力836應該要入啦。作為綠電龍頭，表現在近期波動市中算係很好，陸續發表的數據都顯示業績有增長，盈利肯定大幅增長，市盈幾可肯定會番到低的單位數，股價長期向上的態勢沒變，得6百零億市值，今年會有百幾億盈利，往後每年的盈利只會不斷增加，這股揸左絕對睡得好，此股每日成交都很多，在億元以上，可能有人在窄幅範圍内大量收集，到確認左良好盈利能力和前景，就會展開大升浪。我也是每逢有低位例如12元左右就會收集。
回覆刪除其實早排佢<12蚊時我有認真考慮佢(小弟唔想短炒,想睇中線),但當時倉內嘅成員股價都「好肉酸」,唔捨得「換馬」,佢股息又低得很,就放棄了。
刪除如果佢明天收市後入恒指,咁星期一朝早就多數股價向上。🙏
巴菲特都有落注的暴雪，今日突然宣佈立刻終止和網易在中國的合作關係，皇牌遊戲魔獸世界冇左，網易股價曾一度大跌15%,呢頭中央話要發展手遊，個頭就立刻割席，合作左14年揾左10幾年錢後話散就散，9999呢類自主權不在手中的企業確實危險。
回覆刪除間中可以短炒嘅。🤔
刪除習主席確實霸氣，在鏡頭面前當衆質問加拿大總理杜鲁多為何單方面向傳媒洩露雙方早前見面時的談話內容，像一個長輩在訓斥一個無知小孩般，完全冇面俾。
回覆刪除如果佢夠膽对拜老頭都係咁樣,就舉国歡騰了!😆
刪除