1919.HK是「Student高息倉」內之第二大持股。
Student過去嘅觀察係,佢股價「跑」得慢過佢阿仔316.HK好多、好多。
但是,經過最近公司作出一系列的策略性變革,包括數字化供應鏈、收購上港及廣州港、与316.HK訂造船舶,又与國內知名嘅汽車企業(一汽、上汽)達成戰略合作,student相信1919.HK長遠目標係做全球航運業一哥,挑戰「馬士基」!
中國始終係一個超過14億人口嘅超級大國,世界航運市場「龍頭地位」又点可以失之交臂?
如是,若以中期計,佢嘅估值由低位(HK$8.22)翻一番也未為過。當然都需要市場氣氛和成交額嘅配合啦!
至於以長期計,Student係唔識計,因為假如真係實現「中華民族偉大復興」🇨🇳,你哋認為中國嘅資產應該点樣作估值呢? 或者可以參考下花旗國現時同類型資產嘅估值,不過student就懶得去深究。
大家聽完就算了,切記謹慎投資呀!🙏^^
等它派息.這是硬指标💪
回覆刪除等佢股價升上10蚊樓上時,就會開始考你嘅意志/定力!
刪除(其實小弟也不知自己對佢嘅信念有多大,不過總算捱過之前HK$8.22嘅考驗。)🙏^^
上10.5蚊先再等13蚊😜
刪除宇宙無限。
刪除唔想做窮人,我諗我哋就唔好「自己限制自己」嘅財富上限。🤔
而家中國已經取代南韓成為世界第一造船强國，無論在技術上或價格上都有優勢。早排馬士基用左巨款定造左3艘乙醇船，而1919就用同等價錢在國内定造左12艘，挑戰馬士基不言而諭。另一版塊蕊片，更加令人憧憬，龍頭中蕊國際已由低位14個幾上番兩個月前高位17元，這個幾月完全跑嬴大市，若我不是接近滿倉，定必在15元樓下加倉買進，中國是全球最大蕊片入口國，進口的蕊片金額比石油還要多，大力制裁同禁運反而令中國更早達到自给自足，受苦受累的只是荷蘭ASML,日本，南韓等的蕊片設備和生產商，我個倉重有三手981,在14個幾買入，經過幾次T後，成本唔駛13元，諗住擺埋一邊唔理等住見證日後中蕊成為巨企後，股價會升到幾多。由於中蕊從不派息，這也是我細细注的原因。
回覆刪除我之前都持有過981.HK,明白佢真係會發奮圖強。但都係因為佢始終唔派息,甚至可能要供股(佢仍然需要投入海量研發資金)所以放棄了。
刪除兄台樂於短炒減低持貨成本,好叻!
中芯消息多多,長期以佢作炒賣都係好對象!👍^^
國際油際昨晚大跌3%以上，但今日883股價只跌了一個位，完全唔跟油價走。今日國企表現硬淨，大部份都上升，下跌的只佔少數。我持有的38第一拖拉機，在不斷被壓低股價下，呢兩日都開始每日升幾格，唔覺唔覺一個月内已升了28%,北水幾日內也買多左2，3百萬股，持股比例超過35%,不要看小幾百萬股，今日全日成交都係得2百萬股，貨源極度歸邊底下，慢慢升多幾十個巴仙也非難事。同時間查吓北水持有883的情況，看左更覺放心，截至昨日，北水持有883超過71億股，持股量超過17%,市值超過760億，883每天的成交額只有幾億元，大部份北水散户都是長線投資者，股價大跌的誘因基本不存在，難怪今年升幅最多藍籌一直都是883领放，升幅4成以上。若有時間，花多些時同查阅北水持倉情況，不難發現更多滄海遺珠。
回覆刪除👍^^
刪除傍晚中石化宣佈把21.37億股A股1.77%無償轉讓給中石油，今日中石化繼續回購A股和H股。
回覆刪除互利
刪除佢哋攪邊科呀?
刪除只不過係10月28日,當日公佈將1%中石油股份無償劃轉給中石化,我還以為係幫中石化做靚D盤數。(不過1%股份真係杯水車薪!)
依家又將1.77%中石化股份無償劃轉給中石油,令到交易後中石油持有1.79%中石化的股權。
又唔係好多股權,攪嚟做乜呢?
不和索性來個世紀合併啦,Synergy: 1+1>2! 😆
中石油和中石化架構擁腫，養左一大棚人，業務上唔多唔少有些重叠，國資委甘安排，可能係為日後分工更細緻作準備，例如重新分配業務，中海油就定位清楚完全冇呢方面問题。
刪除小弟都係最看重中海油。^^
刪除昨日北水淨流出7億，沽得最多的是早前低位買入的盈富基金2800,沽左近9億，但今日就趁大跌反手買左近6億，低買高沽，不停做T，相信港股短期都是上落市。剛才看了黄國英最新的視頻，發現他已重投港股市場，並對投資有一番新的看法，他覺得很多人有一錯誤理解，覺得恒生指數等於港股，恒生指數上唔番高位，港股就冇運行，冇投資價值。他認為就算指數再大趺，也會有一批股份會，跑出
回覆刪除，只要揀中盈利好的公司，投資股票的回報也會很好，他也不認同盲目相信價值投資，他舉騰迅做例子，由7百幾元跌落4百幾元時，不少人覺得是價投的好機會，完全忽略公司已出現質變，未來盈利模式將會出現變化，若堅持價投不停買落去，到現在就會輸到一敗塗地，他又不贊同要待指數確定升勢時才買貨，萬四點時不買貨，到升至萬六，萬八時你更不會買，但當升到二萬二時，你就會覺得己確認升勢就去買，但那時可能是到頂，你買在最高點，到發覺時又忍痛止蝕，無限輪迴多次，最終結果就是戒了買股票離埸，信心盡失，從此不沾手。他這番見解很能反吷現今好多散户的心態。
很多港股投資者(包括機構投資者、基金大户)一向只識將美股的「口味」加諸於港股中。😤
刪除投資股市,知識、經驗和心態都很重要。
學晒股經知識,但冇實際經驗都係死嘅,因股票投資往往都係無數次嘅反人格操作。
有些人只有炒賣經驗,但唔多了解財務報表,懶去update最新資料,其實係淪為賭徒,唔會有信心落大注和睇長線。
見到黃x英又忍唔住講兩句，佢自己未散戶心態囉，見升買升，見跌就斬。佢同賭徒更本冇分別，佢把口講得好聽，但個基金，完全係亂咁嚟。聽少啲佢講嘢，對投資有莫大益處。
刪除無忌兄,午安!🙏^^
刪除黃先生都係基金佬一名,佢梗有佢主觀嘅睇法,又要爭取曝光率。都係為了「揾食」!
我哋小散户用自己錢投資,自己謹慎D便可以了。😆
搵食冇問題，但踩喺散戶上面賺錢，就有欺騙成分。好似佢明知舊基金有排都追唔到，就開間新公司、新基金，叫人轉過去，等快些可以收表現費，就好冇道義。
刪除利申：其實佢幫我賺過錢，所以我知佢講啲嘢全部廢話，而且佢越做越離譜，就忍唔住提醒下其他人。
小弟和一眾網友們應該都會理解無忌師兄。🙏
刪除https://mp.weixin.qq.com/s/DS1OpAcpJsNXpSS8UzWt4w
回覆刪除中海油👍!^^
刪除中石油收市後有公告,与巴西國家石油公司,於巴西深海發現重大油氣,係近10年,全球10大原油發現之一!👍^^
刪除夜期狂升近500點，美國cpi低過預期，美元下跌，人民幣回升，中央政治局又通過優化20項防疫揩施，為全面開放作準備，如無意外，明天又大挾淡友。
回覆刪除CPI 7.7%唔高嗎?
刪除市場只係找個理由就放任炒高炒低。冇佢乎!
7.7 根本都係高，好懷疑係中期選舉做場大龍鳳。一陣下個月又升返，到時得啖笑🤣
刪除都有可能。要留心。
刪除都係小心揀股,和睇位啦!🙏^^
人币反彈的厉害
回覆刪除係美元之前升得誇張。
刪除早幾日世界互聯網大會在中國舉行，昨晚中移動率先出左個通告話會提速提量在數字經濟上，又重提23年派息比率會超過7成，21年為6成，22年一定會多過21年，好似在提醒投資者941好抵買。稍後中電信和聯通都出左通告，表明在數字經濟業務上大有進展。三大電訊營運商一齊出通告示威，反而其他民營巨企異常低調，可能三大國營電訊商有大動作跟尾。今早頭一個小時，941成交異常高，像是在進行回購，有沒有猜錯收市後就知。
回覆刪除👍
刪除Student暫時冇貨(941.HK),係上個月佢3季業績後沽走晒。當時先後換入(加碼)1919.HK和883.HK。理由係今年人民幣大幅貶值,蠶食了以港元計價的股息率。
刪除將來買回也未定。👍^^
我覺得現價941仍然抵買, 一直在搵位加注
刪除佢絕對係好股,我估佢下次末期息每股$2.2~$2.3。(未扣10%大陸稅)
刪除重有12日世界杯就開始，今年國內由央視.，中移動咪唂同抖音聯播所有賽事，中移動的5G和各種的收費計劃又可大賺一筆，日後所有大型國際體育項目，中移動差不多全拿下，而騰迅體育則大栽員，只剩下幾名員工。
回覆刪除中長線941.HK絕對係愛國好股。👍^^
刪除今天國資委發文表示國企三年改革以來，已引入社會資金8000億元，令一批混合改革型企業成功上市。日後除了支持民營企業參与混合制改革，更鼓勵國有企業入股民營企業，目標是增加效益，做大做強國企達到世界级别。看來大型國企入股大型民營巨企的事情快將發生。
回覆刪除941.HK与700.HK和9988.HK嘅業務發展有較關聯,後兩者又有股東喊著要出貨,可能不久將來真會有「大事」發生。
刪除長遠386.HK和857.HK合併都有些可能,做大做強。
刪除感覺883.HK和1919.HK就似乎「做好自己」便可以了,着重自我增值!
組合中应该有新经济元素,例如阿里、百度…
回覆刪除以基本財務數字,我就唔想「長揸」。
刪除「短炒」(也可以過夜)就幾時都可以,任何類型都得,唔話實要新經濟股,係考眼光、睇自己狀態。电力股及1072.HK都係好選擇。
長線長期持有低PE和高股息率的股票,小弟才夠膽「較大額」投放,才有滿足的「年股息收入」,有較多的股息收入才可以有較多的再投入。
Student認為唔派息嘅股票只係与其他人「博弈」。
股市精彩才每個投資者嘅「股性」都不盡相同,都冇話對与錯嘅。🙏^^
同意
刪除合眼緣,有心水,有信心嘅,學「金戈大師」多做T,係可以攞到多D實際買賣經驗,和掌握當前市況。
刪除如果港股「牛一」已經開始,咁之後就應該會有好多做T嘅機會了...😆
今天散户買貨的應該唔多，係唔敢買居多，早前萬四五點都唔買，而家萬七點更冇勇氣買，上星期剛反彈時，財演專家重叫人趁高止蝕減磅，而家開始稍改口風，短期可能重可升些少，但都係看定d，若後市真係升多一千點，同一番話又可講多一次，到最後又循例申報沒有持有任何股份，呢班人真係毫無存在價值可言。
回覆刪除上個月尾至今個月昨天,都唔知有幾多個知名人士經常叫人買定期存款,話嚟緊幾個月都唔好諗股市...
刪除(無可厚非嘅,純粹睇恒指圖表,「當時」真係幾駭人! )
麗新488為左要償還銀行債項7億幾，今日宜佈供股集資7億幾，甘少錢都要供股，難怪今日大跌3成，香港d地產股越來越牙煙，唔知幾時又爆間財政出事，大隻如九龍倉，雖說是被剔出MSCl指數，但都大成交下下跌十幾個巴仙，明顯有人唔睇好狂出貨。
回覆刪除488.HK係7、8線地產股,唔應該睇佢!
刪除004.HK係一早應該要調整。佢有很多大陸房產,又持有大量本地藍籌股,理論上佢今年下半年賬面應該「輸得幾甘」! 😭