今早市況又係兇險!
昨日最新的BDI只是稍為下跌約1%至1720,仍站於9月高位附近,1700樓上,与上月底之全年最低位965点,仍有78%之升幅。
不過,今早之航運股就愈睇愈「牙煙」。
316.HK股價開頭算係最好的了,部分時間企於HK$148樓上,Student見到咁樣,希望佢可以帶起佢媽咪1919.HK之股價,可惜隨着其它一眾航運股都顯著向下走,316.HK也頂唔順了。
11点前,Student見1919.HK跌得太快太急,反而316.HK還可以掛頭牌$146.90(即係=昨日之收市價),於是便掛出唯一的一手316.HK,之後便成交了,但... 今次係蝕水交易呀!😭
換馬:
3大油股和3大電訊股今早都似「避難所」。
941.HK之A股今早居然可以有>4%升幅,想起網友「金戈鐵馬」兄近排大力推薦,Student也自覺持貨不足,於是就把316.HK的套現換入了1,500股941.HK@$51.80。
現時持有之941.HK共11,500股。
至於1919.HK,母企於7月底時公開話過會再增持佢,而目前1919.HK係現金最滿瀉之航運股,Student希望佢也考慮自己出手作回購。還有,佢未除淨中期股息@RMB2.01/股。
後記:
1. 9月23日(星期五晚)的BDI再由9月22日的1720点「上升」96点至1816点,即是單日升了5.58%。
2. 至於星期五晚國際油價就「下跌」了4~5%,原因話係因為經濟衰退喎!... 但其實係邊個國家先?
941 真係強到無朋友, 完全無一般股票除淨後既低沉, 一直都搵唔到靚位加注. 錯過左前2日曾經跌到既$50.5 低位, 飲恨飲恨.
回覆刪除今日係幾特別,似乎「3大中資電訊+3大中資油股,」已取代過去跌市下「本地公用股」作為避險的選擇。
刪除而且佢哋嘅基本數據真係「超正」,其實宜家嘅股價,仍然可以有向上空間。
你稍為諗下,941.HK即使由現市價$52再升多15%至$59.80,預計佢今年PE幾多?預計股息率幾多?...好貴嗎?
1919九月已經下跌20%，請問Student兄什麼情況下考慮換馬?
回覆刪除我上面已解說了今早之心態及處理手法。我要換馬就要有對象先至可以做。組合仍然想以長線收取高股息為宗旨。
刪除股價跌多了係有影響心情,但唔應該影響判斷公司的財務或經營狀況。
可能環球真係會有大衰退,我唯有繼續留意市場發展。🙏^^
600941下午破左68元，之前歷史高位在71元左右，但當時是上市不久，未派息，扣除派息，A股中移動應是創新高，其實A股941市值只有300幾億，加上母公司今年會回購30至60億元A股，流通量極少，不像H股市值過萬億，有心在A股挾上話都冇甘易，941的上升往往是由A股中移動帶動。昨天幾間外資大行看好941,所持理由都是舊聞，甚麼政務雲佔有率會不斷增加等，只不過是經這些外资大行重覆一次，市場才有反應，好像發現新大陸般，真無夸。
回覆刪除大行發言者皆是普通人一個,很可能參与股票市場的年資少過你或我,佢哋嘅發表就肯定係為了佢哋公司嘅利益。
刪除对1919有点失望,不过还有点1919准备金可以加注.🙏
回覆刪除我都係失望。
刪除初衷係諗住1919.HK每股現金多過股價,又未除淨2蚊中期息,又係龍頭股316.HK呀媽,我就從基本數據來衡量,覺得佢真係便宜過其它航運股。
當然也明白市場人士只鍾意買316.HK,1308.HK或炒2343.HK,但我一開始係只諗住「長線收息」,冇諗住「炒」。
要等佢公佈着實中期除淨+派息日期,或有回購,或母企增持,這些都算係大利好消息,要帶起股價。
當然最重要係航運公司於經濟衰退下仍可賺大錢,雖然已別過高峰時期。🙏^^
暫時仍打算收佢2蚊息先,以現價計除淨後只係約HK$7。
刪除再睇10月316.HK公佈第3季之數據,衡量佢哋第3季之盈利。
加注的話,我自己就暫時唔敢肯定。
其實我幾有信心佢哋第3季都仍可大賺(即使唔係勁賺),因上次中期業績發佈時已略有交代。
刪除要留意佢哋最新嘅展望。
有理有据👍
刪除今日中石化又回購了1100萬H服，而北水净流入買左8億幾中移動，2億幾中海油。而北水不停買883,持股比例由2月份唔夠13% 買到而家近19%,市值7百幾億港元，而中移動由於市值高，持股市值9佰幾億。由於A股中移動和中海油發行量少，而H股價又比A股平一大截，才吸引到北水散户來港掃貨，這兩隻藍籌都具有高盈利，低估值，分紅高，派息慷慨的特性，有大量北水散户持有反而成為一條很有效的護城河。今天A股只是成交9億幾元就令600941升了6%並創了上市新高，A股上市價57.8,今天收68.4,期間還派了4元息，不少内地散户將之視為養老收息股，並相信股價升上100元是早晚的事，再加上大量私募，公募基金配置成為核心股，至少三組社保基金增持了中移動，根本就唔夠貨供應，今日内地數大証券行不約而同同時唱好內地三大電訊股和電訊行業，所持理由和數據確實令人信服，例如中移動2021年做左8仟幾億生意，盈利高達1100億，但年間資本開支高達1830億，22年更高達1850億，但這已是過去的事，未來三年資本開資將大減，並會釋放成盈利，而穆迪更估計未來三年中移動的資本開支不會超過2300億，若估計準確，不計盈利增長了多少，淨係省下的資本開支，已可令每年盈利增加以百億計。若A股中移動有天真是升到100元人仔，941還會在50幾元不移動嗎？
回覆刪除嘩,人仔100大元...諗起都爽呀!
刪除大家返緊工嘅做嘢勤力啲,賺多啲錢錢,然後多啲考慮加碼941! 🙏^^
世界上好像只有中資電信股防禦力這麼強。美股的VZ T VOD 都跌成狗
刪除3大中資電訊股包攬14億多人民嘅市場,邊度可揾到? 市盈率和股息率又吸引,728和941更承諾了3年的漸進式派息比率政策。
刪除Student諗: 好股總有出頭天。^^
國際油價今晚大跌，跌穿80美元。星期一又是考驗中海油的時候，在甚麽價位會出來回購？
回覆刪除觀察佢近排嘅回購價就知道了: 10蚊及樓下!
刪除剛重返藍籌行列的大型煤炭國企神華今晚向港交所發通告，會在22至24年度提高現金分红加到當年盈利的60%回饋股東，。待董事會通過就會執行。未來一至2年，三大煤企仍會賺大錢，派息比率加到6成，隨時又係年息15厘以上。看來這又是國家的既定政策，造大造强一批各行業的龍頭國企，有豐厚盈利能力又要派高息给小股東，其實最大得益者是大股東。若恒指服務公司稍後能加進多些具盈利能力的大型國企入恒指，增加他們的權重，剔走一些高估值又從不派息的所謂成長型公司，恒指也不致於像現在處於任人渔肉，捱打的狀況。今天流傳一則未經証實的消息，李克強總理下令要用盡一切可用的方法，保住香港仍是國際金融中心的招牌。但願這則消息是真的。
回覆刪除要如你所願,就要踢走恒指服務公司那班人,佢哋制定嘅「揀股準則」引至「唔貴唔入選做成份股」!😤
刪除