3、4年前,Aeon曾是筆者股票倉內之頭馬,即是以當時市價計,它是佔有最大金額的倉值,宜家就排於第三位。
佢明天將會公佈半年業績(3~8月),若然如同往年一樣,中午12点過後,公司便會發出業績通告。
佢上次公佈之首季(3~5月)盈利為0.8266億元,下跌了14.7%。雙位數跌幅,看似不理想,...但身為小股東的Student就很「收貨」了!
早排Student於本Blog內曾經提過,今年本港之零售銷售最差之月份應該算是2~4月(尤見是3月),即係已包括於Aeon首季的業績內,相信6~8月的零售數字已按季上升不少,而消費券又已於8月份開始,多少都有帶動整體零售氣氛,也會帶動信用卡之生意。
當然,外人最難估計Aeon的貸款壞賬撥備,但佢在香港已做了多年業務,可謂經驗豐富,絕對係信用卡及貸款市場嘅「專家」,相信這方面佢哋會控制得好好。
由於Aeon去年6~8月之盈利只係0.75億元,基數相對較低,所以Student大膽預計佢明日公佈之半年盈利只係較去年盈利跌0~5%!... 其實,可能係「升」都唔出奇。
我預計佢中期息就每股派HK$0.22~0.25。(去年中期息為每股HK$0.22。)
... 吓? 咁樂觀?
Student says: 做人又好,做投資又好,稍為樂觀係冇壞嘅! Good luck everybody! ^^
後記:
揭盅了,居然盈利真係有得升!... 2.6%雖然唔算多,但肯定一眾股東們都應該收貨了。可惜中期股息只是照舊派發每股HK$0.22,... Anyway,佢股價於下午復市後都稍為逆市上升,抵讚!👍^^
我三年前在B兄 blog 見Student哥分享便入了少少0900，中期息能維持0.22就知足了。 5元以下入手的話， 8.8%息率算中規中矩了。
回覆刪除其實年息8.8厘都唔少了!
刪除只係宜家大市係十年低位,唔少其他股票的股息率也因為股價大跌而提高了。
有一点都很重要,900.HK全年每股約賺7、8毫子,佢慣常只係派4毫4仙作股息,次次都保留現金/溢利作儲備、或減銀行借貸款額,因此佢資產負債表係愈來愈健康。
Good luck, everybody, especially during these hard times !
回覆刪除🙏^^
刪除銀保監說房地產金融化和泡沫化的勢頭已得到實質的扭轉，國開行保建房的款項也已落地了，再加上建行出資300億成立基金用來收購民房企的單位用來作保障房出租，又約了所有國企央企老總開會，這一系列事情都是在23號收市後發生的，中央已定調房地產問题已得到解决，大部份欠實力的民企房地產開發商已被淘汰，以往的亂象將不再出現，意味着中央會採取寬鬆的房地產政策，令老百姓對樓市有信心，令中國房地產市場更加健康發展，明天内房版塊應強力回升，若重跌甘就大件事，每次A股回到3000邊就會反彈，另一更利好A股的是内地個人養老基金已準備就绪推出，各大銀行及基金都會趁A股處於低位時配置權重股，這些股離不開全部在市值在2000億以上又有高盈利高分紅的大型國企股，例如三桶油，四大內銀，電訊股，煤炭股等，由於養老基金是長期持有，會令股價長期保持稳定，對大盤也起着壓倉石的作用。若A股能强力反彈，相信對低殘的港股會有很大的幫助。
回覆刪除希望係咁樣。🙏^^
刪除今年上半年升幅最多的十隻A股，大型國有企業佔了8家，升幅由15 %至130%,包括中海油，中石化，中石油，中移動，神華，兗礦，山西煤等，全部都是高分紅，高派息的公司，香港上半年升幅最多的五大藍籌也是這類公司。中石化A股原來創左近4年新高，可能是年年派息多，國內廣大股民一早就認定長期派高息是硬道理。十年前招行在幾元到十元時是高息股，每年派8至9角息，不少不愛短炒而喜歡長期收息的散户就有很好的回報，今年招行A股不到40元，今年派息每股1.5 元，現在買息率當然不高，但在十年前十元樓下買，息率就超高，先不理股價升左幾多，升幾多都唔會賣只係用來收息，很多內地散户都有5至10萬股，有十萬股今年就有15萬息收，息重會有加冇減收到老，生活會過得很寫意。十年前的機會是招行。而十年後most likely 跑出的會是中移動，中海油，中石化，神華等超大國營企業。
回覆刪除寫意生活... I hope so! 🙏^^
刪除有沒有可能因為加息而 900的成本狂升？
回覆刪除利息支出應該會多啲啲,合理。
刪除但我認為唔會「狂升」,冇咁誇張。
除了現金外,佢有30~40億元應收賬款,多數都係好短期便已收回,「信用卡數仔」唔同「樓按」,拖得幾耐?銀碼又唔係好大!
佢都好即刻清盤,兩三個月後便收回絕大部份應收賬款,還了Bank Borrowings後,分錢給股東。我就最開心了。🙏^^