今年底,不計自住物業的市值,筆者的流動資產總值(已扣減了全年的家庭生活開支)較去年底上升了26%。
由於筆者已是一位「>90%退休」的人士,及主力「全倉持有港股」,而今年恒指及國指的表現都強差人意,故筆者對自己今年的股票投資表現真的很感恩了!🙏^^
註釋:
(1) 「>90%退休」: 現時筆者的自僱主動收入只有大約HK$3,300/月。😅
(2) 「全倉持有港股」: 現時投資户口內的可投資餘額只剩番HK$244+RMB18。😆
2023年12月30日星期六
2023年12月28日星期四
最後衝刺🚴
依家12月28日中午,今年2023年餘下的交易時間只剩番一天半便完結。今年幾可肯定是筆者多年投資生涯以來的豐收年。
依家「Student高息倉」的賬面總倉值距離今年/歷史 曾經做過的最頂位,只是尚欠唔夠0.5%,... 希望這一天半時間可以「好到尾」!🙏^^
2023年12月23日星期六
再更新「Student高息倉」🤹
筆者本星期二沽出部份中海油,然後將資金先後換入3位新成員,包括中銀香港、中電華大科技和中石化。現時,「Student高息倉」共持有14位成員,依倉值由高至低排名如下:~
阿二: Aeon信貸財務
阿三: 迪生創建
阿四: 中銀香港
阿五: 東方表行
阿六: 德林國際
阿七: 中遠海運國際
阿八: 恒隆集團
阿九: 中電華大科技
阿十: 置富產業信託
十一: 中海石油化學
十二: 建設銀行
十三: 中石化
十四: 中石油
君子愛財,取之有道! 故此,筆者繼續堅定全倉持貨!✌️😀
2023年12月22日星期五
Aeon(900.HK)日誌🗒️
Aeon(900.HK)鐵定將於1月4日公佈本財年「頭9個月」的業績,即由2023年3月1日至11月30日。
佢今次就稍為推遲咗公佈日期,但筆者認為這是可以理解的,因為此份業績畢竟是截至11月30日止,而且估計又不會有任何股息分派,所以冇必要「過份着急」呢!
筆者之前已出短文表達了個人對此份業績嘅睇法,在此不再贅述了。🙏
另外,迪生(113.HK)睇落「街貨極乾」,潘爵士若要從113.HK獲取最大利益,最直接的方法都應該會是將其私有。如是,筆者認為私有價格@HK$6.60/股 算是大小股東互利共贏。🤔
2023年12月21日星期四
中升👆美降👇
環球銀行金融電信協會(SWIFT)數據顯示,11月份人民幣交易使用比重由10月份的3.6%,升至4.61%,而去年同期則只是2.37%。人民幣全球交易使用量排名也升至第4位!👍
至於美元全球交易使用量,就由10月份的47.25%,降至47.08%,當然目前仍然位居第一位嘅!... 至於5年後、10年後、15年後、20年後,... 等筆者努力做多啲BodyExercises,Keep住身體健康,到時話比大家知啦!🙏😆
2023年12月20日星期三
加入中電華大科技(085.HK)🇨🇳
半導體、芯片、高科技產品設計或製造,筆者一竅不通!🙄
純粹睇財務報告表,筆者唔想入981.HK,唔想入1347.HK,... 只想入085.HK🇨🇳。因此,今早@HK$1.29~1.30,將佢據為己有!
085.HK之前曾經擁有。以現市價HK1.30去計算,筆者估計佢今財年的市盈率只是大約3倍左右,而末期股息可能至少有HK$0.12/股(只以3成派息比率計算),如是,預期股息率便至少有9.23厘,除淨後至少有10厘!
還有一個筆者喜歡085.HK的賣點: 佢睇嚟愈來愈似會變身成為「淨淨現金公司」!🤑
筆者不喜歡「齋吹水」,只以實際行動、直金白銀去支持偉大祖國發展高科技產業!🇨🇳
2023年12月19日星期二
加入中銀香港(2388.HK)🇭🇰
筆者為了支持香港金融業🇭🇰,今早沽走部份883.HK@HK$12.38,然後資金幾乎全數(有留些少見機行事!)換入2388.HK@HK$20.35。🤔
883.HK仍然是「Student高息倉」內的頭馬,而2388.HK就即時排行在阿四位置了。👌
依家自覺持貨心理上無「今日之前」咁大壓力,投資心態上較安穩。🙏😄
2023年12月15日星期五
換馬可「增值」🤔
目前,中海油(883.HK)佔「Student高息倉」總倉值約4成。
筆者一個失誤,這總倉值就少了0.7%的「增值」機會!
一個星期前,即12月7日,當日筆者買了極小量的857.HK@HK$4.81,而當時筆者有認真想過,不如換走一半883.HK(@HK$12.46)至857.HK(@HK$4.81)。
嗰一刻,時間上起碼有足夠10多分鐘給自己付諸行動。可惜當時判斷係佢哋「差唔多」,... 其實若然肯換碼,是可以略為降低國際油價向下走時的風險。
就係咁,錯失了替高息倉「增值」嘅大好機會! 很可惜!😞
2023年12月14日星期四
置富(778.HK)引入新能源車陳列室👍
置富(778.HK)今早公佈,MG陳列室正式進駐紅磡置富都會商場,成為置富Malls首個新能源車商户,提升置富都會的競爭力。
趙宇小姐,筆者首次在此網誌內給妳3個讚!👍👍👍^^
2023年12月12日星期二
迪生(113.HK)銷售的三類商品👏👏👏
迪生(113.HK)今年上半財年(即4月1日至9月30日)的銷售生意額為12.19億港元(100%),當中包括:~
1. 腕錶及珠寶首飾(佔38.19%)💎
2. 化粧及美容產品(佔38.40%)💅
3. 時裝及配飾(佔23.41%)👗
根據政府統計處於11月30日的公佈,雖然今年10月份的零售業臨時總銷貨價值只較去年同月上升5.6%,及低於「市場預計」(政府自己「高估咗」吧?) 的9.9%,但當中,「珠寶首飾、鐘錶及名貴禮物」類的銷貨價值是上升了27.4%,「藥物及化妝品」類是上升了23.5%,而「服裝」類則上升了29.9%!
筆者只是搬字過紙而已,自己唔加鹽加醋了,..網友們自行分析吧!🙏^^
還有一個事實: 迪生(113.HK)之中期股息@HK$0.1/股 將於下月4日才除淨,即是還有3個星期,然後19日收錢!🤑
2023年12月8日星期五
更新「Student高息倉」🤹
筆者經常提醒自己,盡量只持有最有把握收取超高股息的股份。以此為準則,目前倉位排名如下:~
阿一: 中海油
阿二: Aeon信貸財務
阿三: 迪生創建
阿四: 東方表行
阿五: 德林國際
阿六: 中遠海運國際
阿七: 恒隆集團
阿八: 置富產業信託
阿九: 建設銀行
阿十: 中海石油化學
阿十一: 中石油
昨早買了中石油後,依家投資户口內「可投資餘額」只剩番約3萬蚊港元,因此絕對算係全倉持股了!... 唔怕唔怕,下個月將會收到阿三和阿四的中期股息,合共有6位數字呢！
2023年12月7日星期四
買入中石油(857.HK)🇨🇳
@HK$4.81。
只是極小量,上午已買入。原先諗住攞嚟短炒,唔想發文公開,但然後又諗,都係信任祖國嘅超大型國企,長線收取「超高股息」見証「中華民族偉大復興」最穩妥! 因為筆者預計佢今年股息率可能与中海油(883.HK)極接近,甚至可以超越一些!
雖然國際油價「略為勁跌」,但筆者估計以目前水平(紐油70/桶,布油75/桶),中石油(857.HK)上游業務會賺少咗,但佢下游業務應該會賺多好多,... 咁樣「拉下補上」,筆者諗佢盤數還是很亮麗的!🤔
外國惡勢力+渾噩的恒指公司=恒指跌跌不休🆘
筆者唔怕國際油價下跌10元8塊,布倫特原油期貨約USD75/桶嘅中海油(883.HK)肯定仍然在大賺。
筆者最不滿係「嗰隻穆迪」昨天「作故仔唱淡香港」,向市場製造悲觀情緒。Student says: 佢鹵味吖!😤
2023年12月5日星期二
改革恒指 迫在眉睫🆘
港股日日被「恒生指數」摧殘,但筆者仍未見到有任何一位「本地財金高官」公開表示關注到「恒指的編製問題」。
筆者估計是源於他們公務繁忙,所以缺乏投資股市的經驗,投資觸角就更加欠奉了!
筆者認為「價值投資」是另一類學問,香港過去雖被冠以「國際金融中心」美譽,但實情所有大中小學也缺少此方面之教育。
悲乎!🤦
2023年12月4日星期一
推敲Aeon(900.HK)本年度首3季盈利🤔
佢去年財年首9個月(2022年3月1日至11月30日止)的盈利為2.5億港元。
佢今財年頭6個月(2023年3月1日至8月31日止)的盈利已有1.91億港元。
筆者預估佢今財年第3季(2023年9月1日至11月30日止)的盈利會是介乎0.9~1億港元區間。
如是,佢今財年首9個月(2023年3月1日至11月30日止)的盈利便介乎2.81~2.91億港元之間,即代表「同比」(与去年同期比較)增長了12.40%至16.40%。
以「四捨五入」方便記憶,當佢12~16%吧!
但願如此!🙏^^
補充: 參考Aeon去年嘅業績公佈日期,估計佢將於聖誕節之前便會有所公佈。
最後,点唱:~
We wish you a merry Christmas🎶
We wish you a merry Christmas🎶
We wish you a merry Christmas and a happy new year... 🎶🎄🎊
2023年12月3日星期日
中銀香港(2388.HK)獲頒發三個獎項🎊
中銀香港(2388.HK)表示,再度獲英國《銀行家》評為「香港區最佳銀行」;同時連續四年獲《亞洲銀行家》頒發「香港及亞太區最穩健銀行」獎項,並憑藉總體實力評分,獲「全球第二穩健銀行」!👍👍👍
好威水呀!👏👏👏
戥佢高興。😄
2023年12月1日星期五
2023年11月30日星期四
潘爵士值得考慮「私有化」迪生(113.HK)🤔
截至9月30日止,迪生(113.HK)每股資產淨值=HK$8.82/股。當中包括「淨現金」22.69億港元,或「每股淨現金」=HK$5.75/股。又包括有「其他金融資產」15.19億港元,或=HK$3.85/股。
筆者認為潘爵士可以考慮出價以每股HK$6.60的價格收購所有其他股東嘅股份,即是較昨天113.HK的收市股價(HK$4.41)高出約5成。這需要資金大約10億6千萬港元,以潘爵士嘅聲譽,筆者肯定會有好多銀行爭住借錢比汝呢!
然後等私有化事成之後,汝便可以從公司之銀行户口內取回這筆「成本」償還給銀行,... 即是,最終汝毋須付出一分一毫便可將公司股權全數擁有,結果是對汝「非常化算」呀!
潘爵士大人,現今港股市場死氣沉沉,投資者大多意志消沉,汝不妨考慮一下小弟愚見,... Student感激流涕!😭
另外,昨天+今日,小弟分三次全沽出了早排買入之兩萬股大家樂(341.HK),平均出讓價為HK$9.87。沽出原因: 因為見到佢股價已「追貼」大快活(052.HK),而小弟早前已立心將此作為沽售大家樂的指標。 (實情是大快活股價昨天午後「撻落嚟」,致令兩者股價極速接近!)
2023年11月29日星期三
豈有此你「恒生指數有限公司」!😤
「恒生指數有限公司」,簡稱「恒指公司」。
"美團今日大跌,市值得番5900億,佔恒指權重5.9%,下個月還要加大它的權重,相反883(中海油)今日市值6100億,權重只得1.88%,憑乜嘢美團可佔這麼大份額? 只要天才橫溢的「恒指公司」將ATMJ的權重減番d,加番落其他「大市值的中特估」,恒生指數就算唔會大升,也不致於跌唔停,今日連台灣加權指數都高過香港。「恒指公司」只要跟國策做番d正常嘢,唔好亂咁來,恒生指數肯定會回復正常。"
Student says: 發人深省呀!🤔
2023年11月28日星期二
推敲迪生(113.HK)的全年股息🤔
迪生(113.HK)上個財年,即截至2023年3月31日止的全年盈利為HK$2.53億元,包括上半財年賺了HK$1.55億元 及下半財年賺了HK$0.98億元。(大家還記得去年11月至今年1月期間中港疫情肆虐的情景嗎?)
而佢剛於上星期四公佈的今財年半年盈利已有HK$2.2億元,筆者假設佢下半財年的盈利与上半財年相同,即約HK$2.2億元。那麼,佢今財年全年盈利便=HK$4.4億元,或每股盈利=HK$1.114/股。
再參考佢過去五年的「盈利派息比率」(33.98%,33.76%,29.86%,68.63%和54.60%),便得出平均數字為44.166%。
以此兩組數字去計算,便得出佢「全年股息」= HK$1.114 x 44.166% = HK$0.492/股。.如是,筆者相信公司會派夠「齊頭數」@HK$0.50/股。
代表今財年「中期息+末期息」= HK$0.10+HK$0.40 = HK$0.50/股。
以佢今日收市股價HK$4.51(還未除淨中期息HK$0.10)去計算,「年股息率」有11厘(0.50/4.51x100%)了!😄
大家樂(341.HK)中期業績可塑性高👍
一如佢早排的「盈喜」通告,半年賺約兩億港元,而中期股息則增加5成至@HK$0.15/股。与筆者心目中的預期一致。
但見佢有將部份「現金及現金等值項目」攞去減少5億港元「貸款」,... 當然係為咗慳返啲利息支出,係抵讚嘅!
目前大家樂(341.HK)嘅亮點係「持續拓展大灣區門店網絡」,佢已「在回顧期內開設8間新門店,並正籌備開設11間新門店」!👍^^
筆者認為大家樂(341.HK)嘅可塑性/潛力 較維他奶(345.HK)為高!🤔
2023年11月27日星期一
新世界(017.HK)管理層想點?🤔
筆者從無持有過17号,故請恕筆者多言。😄
佢出售659.HK,套現217.5億港元現金收益,然後又從中攞40億港元作「特別股息」分派給股東,... 咁即係佢哋想攪邊科呢?🤔
大家都認為佢哋「最最迫切」要做嘅事,當然係減低公司負債水平,而唔係「即時變現股東持股的部份價值」呀!
佢哋若係可以令到市場恢復對佢哋公司有信心,公司股價自然會上升,所有股東皆會得益,實在無須要貪「一時之快」!
佢哋話公司「目前可動用資金高達1,157億港元」云云,... 管理層係咪想話比市場知,佢哋想將銀行借貸額度「玩到盡」吖嘛？!😱
... 呢隻藍籌股都算「累街坊」了。😤
題外話: 迪生創建(113.HK)得「勢」不饒人!🙏^^
2023年11月24日星期五
點解要搶「迪生」貴貨?🤔
以倉值計算,迪生(113.HK)乃小弟目前第三大持倉。佢昨日傍晚公佈了中期業績+中期股息,小弟當然很關心!🙏^^
大家都知佢兩星期前(11月10日)已發佈咗「盈喜」通告,預告今次中期盈利會賺多約4成。而佢一直都係「超級現金牛」: 上次末期盤數(今年3月31日止財年)的「資產負債表」內已睇到佢有「淨現金」約22億港元和有「其他金融資產」約15億港元,和今次中期盤數(9月30日止)的數字其實係冇乜分別!
「盈利增長4成+超級現金牛」,佢今次加派中期股息應是大概率嘅事吧?... 老實,小弟嫌佢只肯增派25%股息,係加得少了!😤
最唔明今日啲買家點解唔於上星期襯佢股價<HK$4.20嘅時候「襯低吸納」? 係都要今日去「搶貴貨」! 😂
2023年11月23日星期四
專做小股東世界的新世界😩
已收市,恒指今日升咗1%,可惜全日成交金額未過一千億港元。🙏^^
新世界發展(017.HK)今日除淨了股息合共HK$1.89後,股價便即日下跌了HK$0.61或4.38%!
而新創建集團(659.HK)完成了被母企周大福的收購要約後,今日股價又打回原形(6月23日的收市價為HK$7.99),下跌了HK$1.14或12.5%!
新世界系的財技,都咪話唔得人驚呀!😱
2023年11月22日星期三
零售孖寶之 東方表行(398.HK)👍
佢剛剛公佈了中期業績+中期分派。
筆者假設佢「下半財年」的盈利和末期分派与今次的中期一樣,那麼,佢「今財年」的市盈率依然是很便宜,而股息率依然是很吸引!
淨淨現金公司+靚業績+靚股息!👍
筆者收貨了!😀
Student says: 吓? 9蚊買維他奶?🤔... 這任務要交比麥格理、里昂,或羅友禮羅其美兩父女了!
慘不忍睹的中期業績😱
今早「天光時」筆者看到有幾間上市公司已公佈咗業績,剛剛中午時又見到有零售股謝瑞麟(417.HK)*和中國動向(3818.HK)公佈咗中期業績,前者盈轉虧蝕了HK$5,819萬元,後者就虧損擴大至RMB4.1億元。
筆者想指出,上市公司要做到成功的只有小數。 所謂上市公司,其實有很多都只是沽名釣譽,即是名氣就巴閉了,但盈利和股息就經常欠奉!
因此,筆者希望大家做投資時,帶眼識股!🧐
*黃昏時,從aastocks財經新聞內,睇到謝瑞麟(417.HK)主席及行政總裁謝邱安儀女士原來係目前香港零售管理協會嘅主席,... 真巴閉!... 可惜佢打理嘅奢侈品零售上市公司謝瑞麟就... 🥱
陽光(435.HK)股價每況愈下👎
此刻佢又創出新低了!... 點解?🤔
反觀823.HK和778.HK股價走勢,大家可有領悟?
唔捨得「換馬」?
... 唉,先機已失!🤷
另外,維他奶(345.HK)半年每股只賺得嗰HK$0.152(2022: HK$0.133),每股中期股息只有HK$0.014(2022: HK$0.013),但股價依家還能夠企於HK$9附近!... 都算係「奇蹟」了!😱
2023年11月21日星期二
投資基金公會「語言偽術」兩則🤣
投資基金公會退休金委員會聯席主席曹偉邦表示,不能「盲目」追求高回報,... 如果本身有強積金以外的投資資產,例如物業、股票和基金等,可以考慮「調整」其他資產投資策略,以改善回報!
另外,公會行政總裁黃王慈明建議,強積金受託人可將不同資產類別加入現有強積金產品,以「提升」經風險調整後的「回報」!
Student says: 講到似層層,實則
1. 廢話一大堆!... 係人都知「做乜都唔應該盲目」㗎啦!... 但係即使你自問唔盲目投資,都唔保證你一定會獲取到正回報的!... 毋講話可以有高回報添! 係咪?🤔
2. 最「盲目」嘅當然係「恒指公司」! 佢盲目追求擴大恒指成員至目標100間公司,又盲目將啲「估值超昂貴」嘅所謂新經濟股,不停加入成為藍籌,攪到宜家恒指神憎鬼厭!😤
3. 至於識得替自己財富增值嘅醒目投資者,那會聽從你哋投資基金公會吩咐去「調整」投資策略呢?... 咪亂咁教人了!😤
4. 將其它資產加入強積金產品就可以「提升回報」?... 咪亂噏廿四啦,總裁!😤
2023年11月20日星期一
昏睡八年 「迪生」漸已醒...🎶
恒生指數永不倒
千億成交水滔滔
圖表秀麗 疊加注碼
問我「迪生」那像染病?
衝開錢路 買家上吧
要致力市值續升
豈讓股價再遭踐踏
這「迪生」漸已醒!🥁
P.S. 「淨淨現金牛」迪生(113.HK)股價今天創出了三個月新高! 過去八年,佢股價大致在港幣三蚊至五蚊之間游走,然而,佢一直係「年年賺錢錢,每半年派息」。 考慮到迪生(113.HK)本星期四將會公佈靚靚嘅業績(因佢已出咗「盈喜」通告),及筆者大膽估計以佢目前股價,佢今財年(2023/24年度)嘅市盈率只得3.x倍,故筆者認為佢股價大有條件再向上突破及創新高!📈🤔
2023年11月17日星期五
883.HK被嚴重低估實力!🧐
與其它國際石油巨企相比,從開採技術、成本控制、財務數據、公司前景等等去比較,中海油一啲都唔輸蝕!👍
但目前883.HK的估值只及大約一半國際石油巨企的估值,例如市盈率便平過佢哋平均約一半,股息率則高過佢哋平均有一倍!... 難道國際石油巨企產出的石油「香D」嗎?🤔
2023年11月16日星期四
再增持3983.HK👍
筆者把頭先沽走2386.HK@HK$4.10 的錢,攞部份買入了「相同股數」的3983.HK@HK$1.85。
自己估計下次收後者的末期股息(明年3月才知道)「好有可能多過」前者,... 而自己投入嘅錢就慳返一半有多!)... 市況不穩,一於股息為先!🤑
還有可投資餘額,就謀定而後動吧!🤔
沽清2386.HK😄
今早沽走埋上次已出了一半貨的2386.HK@HK$4.10。
理由係見佢嘅回購在4蚊水平上下已收了手,睇下佢幅股價圖又見$4.10水平已是半年前的密集區,又見現市價距離52週高位(大約HK$4.5)只係相差1成,現市價股息率唔夠9厘,而又已收咗佢中期息,下次末期息只剩約2毫子(約=現股價5厘息),又見今早個市無以為繼,很多昨天急升的股份跌返落嚟,遍地「平貨」可以任君選購,再加上自己手貨係於7月底時買入,連同上次沽走一半@HK$4.05及已收妥的中期息,4個月內賺咗足夠兩成,所以今早就做個了結吧!
感謝健一兄弟 於7月底時推薦2386.HK給筆者。👍🙏^^
錢不多,換乜嘢?... 暫未能說實!🤔
2023年11月15日星期三
「假如」迪生(113.HK)增派中期股息🤑
承上一篇短文,迪生(113.HK)除了當中有一次特別股息外,佢已連續5年只肯派相同的中期和末期股息。「假如」迪生(113.HK)下星期四公佈嘅中期業績(已預告咗有盈利增長約4成)包括增加中期股息,咁你哋認為對佢股價有何影響呢?... 🤔
Student幾可肯定若管理層有此決策,會對公司嘅股價「中長期」都相當利好!👍
至於會否有特別股息呢?... Student認為迪生(113.HK)其實在「任何一日」都可以宣派特別股息,皆因佢乃是一隻「超神級淨淨現金牛」!🤑
... 嗱! 先此聲明,「假如」咋!
... 到時佢唔肯增派中期股息,咪怪Student呀!😝
2023年11月14日星期二
推敲迪生(113.HK)的中期股息🤔
筆者回顧迪生(113.HK)過去的派息歷史,試圖找出蛛絲馬跡去推敲佢將於下星期三公佈的「中期股息」會係幾多銀碼。
迪生昨天收市股價為HK$4.11。佢過去5年,「每年」每股盈利(EPS)介乎HK$0.51至HK$1.63。
你哋冇睇錯:~
1. 雖然佢係主打大中華市場嘅零售股,但佢於過去斷斷續續的「跨越4個財年」的疫情期間(2020年初~2023年初),都未曾出現過有一年虧損的成績表! 網友們不妨睇下其它零售股在相同時期的業績做個比較、攞個感覺。
2. 佢於2020年3月31日財年(即2019/20財年)的EPS高至HK$1.63,因佢當年投資的一間美國新經濟公司Honey Science被PayPal睇中,「被迫」要出售而獲利約HK$9.29億元。這是巨大的特殊收益! 迪生因此於公佈當年全年業績時宣派了一次特別股息@HK$0.20/股。
除了這次特別股息外,迪生於過去「5個財年」都是派發相同的中期和末期股息,即中期股息8港仙,末期股息27港仙。
其實以佢過去5年的整體盈利來衡量,佢派息比率真係算保守了! 但也正因如此,佢「每股資產淨值」(Net Asset Value Per Share)就從2019年3月31日的HK$6.24/股 提升至2023年3月31日的HK$8.60/股,即是4年時間就上升了37.82%!... 大家要明白,這個NAV的增長「沒有」如那些本地地產股般包含了「大量重估投資物業的虛浮價值」呢!
... 待續。
2023年11月13日星期一
最便宜的零售股: 迪生(113.HK)👍
你還相信價值投資嗎?
如以此數字推算,佢全年每股或可賺約HK$1.10/股,以上日收市價HK$4.04作計算,市盈率便只得3.67,敢問目前有那一間本地上市的零售股市盈率比較迪生(113.HK)更有吸引力?
股息率方面,即使當佢今年都唔肯增加股息分派,就以去年全年股息HK$0.35/股計算,年股息率也有8.66厘,不算少了吧?... 但佢今年真係唔肯增加股息分派嗎?... 如果佢肯增加分派呢?
注意: 迪生(113.HK)將於11月23日公佈正式的半年業績。🙏^^
2023年11月9日星期四
地產商耍花招🤺
港鐵10月6日話: 東涌東站第一期物業發展項目共收到32份意向書。🎉🎊🎆🍾🥂
港鐵11月9日(今天)話: 東涌東站第一期沒有收到任何標書。😱🙀🙈😵🏳️
原來發展商「投地」都好似股票炒家咁,都會「五時花,六時變」的!👻
等人哋出手 不如自己出手👋
平保(2318.HK)昨日比《路透社》跣咗一鑊,股價無端端跌咗5%,今早還未止瀉...
直至此一刻,都未有聽聞香港嘅「證監會」有人企出嚟講句嘢,維護股票市場交易公平公正嘅原則!... 真是廢物! 垃圾!😤😤
平保呀平保,呢鑊嘢你真係唔好旨意「證監會」了! Student建議你不如花三兩百萬港元聘請律師,將件事訴諸法律,還你哋公司一個清白,... 又可以殺一儆百,咪比嗰啲外資傳媒經常亂咁作嘢、蠱惑市場人心。佢哋甚至有可能從中獲取利益,... 真係要深究呀!🧐🧐
如果平保真係肯將件事付諸法律行動,小弟估計只要此消息一出,公司股價會即時有良好反應的。
平保(2318.HK)慣常年賺過千億人仔,斷估呀平保唔會介意那區區小數目的律師費啩!?🤔🤔
2023年11月8日星期三
證監會應該立案調查《路透社》😤
Student不平則鳴!😤
中國平安(2318.HK)午後即市出聲明,指已向《路透社》書面否認公司被有關政府部門/機構要求收購碧桂園(2007.HK),並承繼其債務的消息,但《路透社》仍執意發佈相關的「不實報道」,公司對此深表遺憾。
你哋話啦,香港嘅證監會是否應該要對《路透社》調查一下呢?🤔
後記: 已收市。Student剛又看到中國平安(2318.HK)的聲明,強調公司截至今年第三季度末(即是截至9月30日),公司已經不再持有碧桂園的股份了。
冷處理無章法的港股🧘
若然息口已見了頂,為何本地REITs類股票的股價還要再大幅度掉頭向下?
若然息口還未見頂,為何賺大錢的淨淨現金公司的股價還未見有起色?
... 收息才是硬道理,以後Student唯有跟隨網友們的「佛系持股大法」了!🙏🙏
2023年11月6日星期一
2023年11月2日星期四
股生息,息生股,生生不息!🙏^^
有云股市如賭場。不知是否「賭徒」多謊言,兩日前筆者才在此網誌內與網友健一兄弟交流,話自己對於再入市買股票就「傾向較審慎」,點知今早就自打嘴巴了,因為筆者今早掃入咗隻置富產業信托(778.HK)。
計埋今日,原來筆者於過去10日(從10月24日開始計算)已先後做咗5次入貨行動,包括建倉大家樂和置富,及增持了建行和迪生。就係咁,唔覺唔覺筆者又將絕大部份剛於上個月(10月份)才收到的股息義無反顧地再投入去香港的股市了!
於是,以成員倉值由高至低列序,「Student高息倉」最新就持有以下十二位好兄弟:~
阿一: 中海油
阿二: Aeon
阿三: 迪生
阿四: 東方表行
阿五: 德林國際
阿六: 中遠海運國際
阿七: 恒隆集團
阿八: 置富產業信託
阿九: 建行
阿十: 大家樂
阿十一: 中海石油化學
阿十二: 中石化煉化工程
Student對自己洗腦:「股生息,息生股,生生不息」!🙏^^
已買入置富(778.HK)👍
今早見領展(823.HK)破位急升,計過數後,盡量買入自己最熟悉的REITs:「小領展」置富(778.HK)。
小弟喜歡778.HK多過435.HK,因為前者主力零售商場舖,又有相當數量的車位,而後者的資產就有幾乎一半係寫字樓。
香港目前靠晒「零售旅遊業」,寫字樓前景則差矣!
為何不買領展?... 佢供股後發行股數多咗,每股股息便因而會相應少咗。以佢今日上午收市股價約HK$38去計算,小弟估計823.HK目前「年股息率」只有約6.5厘,但HK$4.50嘅778.HK則估計有約9厘的「年股息率」。🙏^^
後記: 已收市。尾市時筆者把一半的2386.HK持貨以HK$4.05換入了雙倍股數的3983.HK@HK$1.83。原因固然是前者近排已「升咗幾多」,後者就相反「向下走」,然而筆者估計後者今年的末期股息將會「幾可觀」,所以便有此「換馬」行動,而且還可以套回部份資金。當然,小弟仍然持有2386.HK嘅,睇佢以後能否靠近52週頂位,到其時再作打算!🤔
2023年11月1日星期三
替建行(939.HK)不忿!😤
昨天整日明顯1398.HK跑贏939.HK,Student不忿,因為後者最近的季績或今年9個月的業績或過去5年的盈利增速均大於前者,而且以目前股價,939.HK的市盈率和股息率皆優於1398.HK,其實佢哋兩隻size相距不大,但耐何近年建行的股價就是跑輸給工行!😤
2023年10月31日星期二
2023年10月30日星期一
十一兄弟1️⃣1️⃣
以成員倉值由高至低排列,目前「Student高息倉」持有十一隻貨仔:~
阿一: 中海油
阿二: Aeon
阿三: 迪生
阿四: 東方表行
阿五: 德林國際
阿六: 中遠海運國際
阿七: 恒隆集團
阿八: 建行
阿九: 大家樂
阿十: 中石化煉化工程
阿十一: 中海石油化學
全倉持股,無怨無悔。😄
2023年10月27日星期五
大家樂(341.HK)貨乾+再入建行(939.HK)
筆者本星期於「相對」低位入咗341.HK,算係幸福了!(註解: 筆者認為炒股冇絕對,只有相對。)
相信有幾年以上股票買賣經驗的網友們都可能知道,大家樂是一隻基金愛股,即其實有不少基金已持有佢一定的股份數量。因此,只要佢基本因素轉好,佢股價升起上嚟真係可以「唔係人咁品」呢!😆
至於目標股價,小弟初步認為大家樂(341.HK)應該「起碼」可以跟大快活(052.HK)平起平坐嘅,... 不為過也、不為過也!🙏^^
此外,下午又再加注建行939.HK@HK$4.55。原因: 再次後悔之前買得佢少!😩
2023年10月26日星期四
2023年10月25日星期三
2023年10月24日星期二
2023年10月23日星期一
中海油🇨🇳發現首個千億方深煤層大氣田
10月23日重陽節,中海油發佈消息,位於陜西省榆林市,地處鄂爾多斯盆地東緣,發現我國首個千億方深煤層氣田: 神府深煤層大氣田。該大氣田探明地質儲量超過1100億立方米!👍
中海油首席執行官周心懷表示,該發現為集團建設上萬億方大氣區打下堅實基礎,集團將秉承「海陸並進、向氣傾斜」的戰略部署,持續加大陸上非常規天然氣勘探開發力度,推動非常規天然氣儲產量不斷實現新突破,為保障國家能源安全貢獻力量!🇨🇳👍^^
2023年10月20日星期五
戰爭😭
戰爭是殘酷的,給人類帶來痛苦。
美國幾年前已對中港股票市場啓動戰爭,所以恒生指數與國企指數... 很慘!
小弟宜家卻察覺到美國人似乎已被捲入了現實世界紛亂的實彈戰爭旋渦中,佢哋生命受到威脅了。因此,佢哋... 更慘!
咁港股今後又會如何發展呢?🤔
古語有云: 能知三日事,富貴萬千年。
小弟先謝謝網友們賜教!🙏^^
2023年10月19日星期四
🎼〈股手〉🎶
幸運不肯輕招手
我要艱苦奮鬥
努力不會有極限
若遇失敗再從頭
現實欺弄不擔憂
我要跟它決鬥
挺著胸對抗命運
用力握實我拳頭
像怒海的小孤舟
冷雨凄風繼續有
我願那苦痛變力量
默默忍淚向上游
成功不會驟然降
喝采聲不想白白承受
求能用心 求能用功
求能做好「股手」
(鄭國江先生 詞)👍👍👍
2023年10月18日星期三
定海神針🪡
「定海神針」出自〈西遊記〉,原文簡稱應為「定海神珍」,現今被訛稱為定海神針。
此物原為東海龍王龍宮之鎮海之寶,後被孫悟空"借"走,自此便成為孫悟空的貼身武器,改名為「如意金箍棒」。
現代人以「定海神針」來比喻可以起到穩定局面或有關鍵作用之人或事物。例如小弟目前的「Student高息倉」內10隻股份,頭馬中海油(883.HK)便是「定海神針」了!
2023年10月17日星期二
2023年10月16日星期一
2023年10月13日星期五
2023年10月12日星期四
883.HK v. 939.HK 🤝
已收市。目前:~
883股價HK$13.52。「筆者預測」佢下次末期息會分派@HK$0.68/股,即全年合共分派@HK$1.27/股。如是,股息率便=9.4%pa。
939股價HK$4.69。「筆者預測」佢嚟緊嘅末期分派,由於人民幣較去年底又有貶值,以港元計,股息大約會相同於上次嘅,即是@HK$0.422/股。如是,股息率便=9%pa。
以上的股息猜測,筆者自問算是「幾保守」的了! 如果佢哋肯提高「分派比率」(目前883.HK約4成,939.HK約3成),那就另一回事了!
留意,以上股息計算「未」扣除10%大陸税。
純粹個人預測,給自己參考。
另外,900.HK今日除淨,股價就收於HK$5.46,若果加埋剛除淨咗嘅股息HK$0.24/股,其實佢「理論股價」今日係收於HK$5.70,... 新高了!👍^^
一日建行 > 一年綠債 😆
意思係一日嘅建行(939.HK)股價升幅,已超過一年嘅政府綠債債息!
如果以申請綠債的首日(9月18日)或最後一日(9月28日)的939.HK收市價(兩者皆同為HK$4.36)去預測比較未來三年「建行」与「綠債」的投資回報,大家又會点睇呢?
當939.HK股價繼續升高,「實收股息率」(即扣除10%大陸税後)開始低過8厘股息時,市場上其它仍然擁有8厘或以上股息率的「高息股」股價還會原地踏步嗎?
大家如何衡量「風險与值博率」呢?
隨便留言,依然Free TaIk!😄
2023年10月10日星期二
高股息「悶股」那有問題?😛
「悶股」是指平日成交量較少的股份。
相信有一定股齡的網友都會認同Aeon乃係悶股。筆者由第一次買入佢至今,原來已有7年半時間了!
依家執筆時,佢股價做緊HK$5.66,此乃佢3年內之最高股價。👍^^
佢後日便除淨半年股息@HK0.24/股。👍^^
筆者實踐經驗告訴自己: 股唔怕悶! 最緊要佢係「年年月月日日都在賺錢錢」,又會定時定候公佈業績和「分派高股息」比全體股東。
你又唔係一次過買幾十萬股,又唔係叫你做「即日鮮」,你理得佢每日有多少成交吖!🈳
後記: 昨天出的這篇短文居然寫錯標題字,將「有」寫成「冇」! 依家先發現和更正。😅
2023年10月8日星期日
2023年10月6日星期五
很可惜股息未到位🤦
現時「Student高息倉」內有4份「應收但未收」的股息。
今天星期五,本星期二、三、四,共3個交易日,恒指都很貼近一萬七千点,很可惜筆者的「備用可投資餘額」只夠給筆者買入1萬股939.HK。
當然期間也有想過「部份換馬」,但審視過倉內成員的市價後,又缺乏說服自己去換馬的決心。然而,往往每日收市後又會感到後悔!
筆者了解自己的「投資靈活度」遠遠未有達到自己滿意嘅水平!😓
2023年10月5日星期四
Aeon(900.HK)快趣除淨👍
佢上星期四才公佈中期業績,而下星期四佢便已除淨中期股息@HK$0.24/股了!
筆者相信絕大部份Aeon股東都會預期佢下次也會派發相同銀碼的末期股息,即也是@HK$0.24/股。
以佢昨日收市股價HK$5.51計算,除淨後便只是=HK$5.27。到其時,「預期股息率」便可即時提高至:
(0.24+0.24)/5.27 x 100% = 9.11%pa
咁你哋話啦,在全無特殊收益,全無物業重估收入,穩打穩扎的情況下,「6倍市盈率+9厘股息率」嘅Aeon(900.HK),佢唔吸引價值投資者嗎?🤔
2023年10月4日星期三
增持建行(939.HK)👍
剛於開市前競價交易時段買入1萬股939.HK@HK$4.21。
原因係:~
1. 筆者想增加「Student高息倉」內的高息藍籌股比重,以筆者購入價計算,佢牌面上有10厘股息(未扣除10%大陸税)。於云云藍籌股之中,佢絕對算係前列位置。
2. 四大內銀,以目前股價計算,市盈率最低係佢,而股息率最高又係佢。
3. 之前買得佢少。(宜家都係少,不過「錢」就只夠買咁多!)
4. 支持祖國經濟。🇨🇳👍^^
2023年10月3日星期二
邁向新一天🙂
人邁向新的一天,跨新步放眼遠方,
迎來朝暉將人照亮,
用歌聲,以歡笑,
我心引入美麗陽光。
人邁向新的一天,開心路到那遠方,
發放身心光芒百丈,
像旭日,呈朝氣,
我心發射冲勁萬丈。
補充: 請勿誤會,Student不是推介陽光房地產(435.HK)或旭日企業(393.HK)。
2023年9月29日星期五
中秋節快樂!🥮
9月29日(星期五),已收市。
本星期港股在驚濤駭浪中又過去了。
回看筆者上一篇短文提及的「兩日三考驗」,總算平穩過關,尤其係Aeon(900.HK)出奇不意增派股息,... 驚喜! 感恩!🙏^^
9月份「Student高息倉」在優於筆者預期之下交差,而預計10月份就會收取5份股息,由10月16日開始直至10月31日,包括有1126.HK、883.HK、398.HK、2386.HK及900.HK的股息。
筆者時刻銘記投資初心,即「收股息才是硬道理」。
最後,筆者祝福全世界所有中國人「中秋節快樂!」🥮🌕🙏^^
2023年9月27日星期三
明天後天兩日三考驗😎
本週「Student高息倉」內的三大考驗:~
1. 1126.HK明天除淨@HK$0.20/股,Student關心佢除淨後之股價走勢。
2. 900.HK明天將會公佈截至8月31日止之中期業績及股息。
3. 398HK後日亦會除淨@HK$0.295/股,Student認為之後佢股價走勢難料。
諺語: 是福不是禍,是禍擋不過。
平常心應變。🙏
另外,明天將會收到517.HK的中期股息@HK$0.225/股,而後日就有010.HK的@HK$0.21/股。
2023年9月26日星期二
知足的管理層累死香港「地慘股」😫
現時整體在香港上市的地慘股,市賬率之低可以話係令人慘不忍睹! 点解會攪成咁?
呢類公司嘅主席、執行董事、管理層等等,好多時又係公司嘅大股東或大股東家族成員。佢哋嘅思維,總係只想保留住公司的控制權,謹此而已。因此,佢哋往往缺乏「靈活增值求變」的奮進心,而對於股價大幅折讓於每股賬面資產淨值,筆者感覺佢哋多數人都係無動於中!
回想「大劉」早年將華人置業(127.HK)的資產陸陸續續套現,再分錢給全體股東的做法,抵讚!👍^^
2023年9月25日星期一
重新評估REITS🧐
Reits應承會分派9成或以上,但大前提是佢哋有幾多可分派金額先?
佢哋管理層識得做對冲、減少利率上升的負面影響?... 佢哋以後都有此能力?... 咁咪叻過幾年前嘅國泰航空管理層?... 咁銀行豈不是好蝕底?... 做對冲是需要成本的,還可以係睇錯市的...
認真諗一下,今年7月1日起 至今日止的息口,與上半年的平均數作個比較,点睇呢?... 下次Reits再公佈的6個月股息率還會有8、9厘的「年股息率」嗎?... 明年呢?🤔
除了考慮息口外,需求上有否減少咗?... 是香港的吸引力+競爭力減少了?... 是結構性的改變嗎?
另外,那些主業類似Reits的物業投資上市公司,目前也面對相同的處境,因此,Student認為... 不可不妨!🤨
中海油🇨🇳兩項目投產
中海油宣佈,陸豐12-3油田開發項目投產。👍^^
該項目位於南海東部海域,平均水深約240米,主要生產設施包括1座井口平台和1艘新建的10萬噸級智能型FPSO,計劃投產開發井13口,預計2024年將實現日產原油約2.95萬桶的高峰產量。👍^^
陸豐12-3油田是中國南海近10年開發的最大對外合作油田,投產後將為粵港澳大灣區提供穩定的能源供應,助力當地經濟高質量發展。👍^^
中海油擁有該項目60.8%的權益,韓國SK earthon公司擁有39.2%的權益並擔任作業者。
另外,公司又宣佈渤海中28-2南油田二次調整項目投產。項目位於渤海南部海域,平均水深約21米,主要生產設施包括1座中心平台和1條注水海管。計劃投產開發井21口,其中包括生產井13口,注水井8口。預計2024年將實現日產原油約7,600桶的高峰產量。中海油擁有項目100%的權益,並擔任作業者。👍^^
517.HK創新高👍
517.HK三星期前股價曾經做過新高HK$3.51,之後除淨HK$0.225後股價回調,最低時做過HK$2.90。佢今早即市最高做過HK$3.35,如果連同應收而未收的股息HK$0.225,咁樣就等同除淨前股價HK$3.575了,即係其實佢今早已創咗新高了!👍^^
佢係「淨淨現金」公司,咁你哋話市場依家点睇嚟緊嘅利率走勢呢?🤔
2023年9月21日星期四
JPEX事件之反思🤔
筆者相信有不少JPEX苦主早前因不同理由,例如人不在香港,或唔想家人朋友知道,或害怕到警署找麻煩,或牽涉嘅金錢損失只係「相對身家嘅小數目」等等,而還未有「報到」,但隨著事件愈來愈明朗化,預計大多數JPEX苦主都會「面對現實」去報到,以求最終可以分到小額賠償。
根據媒體報導,最新嘅苦主人數已達到2,086人。筆者很同情佢哋!
2023年9月19日星期二
HIBOR全面上升📈
最新香港銀行同業拆息(HIBOR),隔夜報4.92476厘,創1個月新高。
與按揭利率相關的一個月拆息報5.25732厘,連升10天,也是創1個月新高!
市民開始申請認購綠債,預計發行數量為上限200億港元,筆者猜測今次可能會在申請期間起碼凍結市場資金500億港元,... 唉!😩
交易日誌: 今早開市後沽清1萬股778.HK@HK$4.80,以股價計每股蝕咗4港仙。賣走佢,因為佢「近排股價相對其它地慘股跌得較少」! ... 除非佢突然公佈變賣部份資產,否則要等半年後才有末期股息。此刻感覺佢好似唔夠吸引呢!🤔
2023年9月18日星期一
2023年9月15日星期五
Aeon股價可以突破嗎?
目前「Student高息倉」內持有年期最長的股份為Aeon(900.HK),印象中好似是2016年開始買佢,之後大致上都是增持佢多過減持佢,最多之時佢係倉內嘅阿一,意思係以市價計佢佔倉內最大價值。
目前,佢係阿二。
回顧Aeon過去三年的股價圖,基本上佢在HK$4.60至HK$5.60之間上下游走,但其實佢「每股資產淨值」在最近三年內,已由HK$7.91(28/2/2020)升至HK$9.30(28/2/2023)了。
佢主力做好本身業務,盤數算係乾淨,冇物業重估收益,又冇參与大額金融投資。
筆者預期佢本月底便會公佈截至8月31日止之中期業績及股息。如無意外,筆者估計佢今次半年盈利應會同比錄得低雙位數字嘅增幅,而中期股息就照舊派發每股@HK$0.22。
至於今次佢股價能否突破HK$5.60,就只可以講句,聽天由命了!😇🙏^^
另外,本港一個月HIBOR連升8天,今早報5.00185厘,創了1個月新高,留意留意!😲
2023年9月14日星期四
883.HK 飲勝!🍻
太開心了,唯有新開一頁給大家寫寫感受,舒發下內心的興奮情緒!😃
後記:
已收市,恒指今日只係升咗39点至18,048点,萬八点幸保不失。而883.HK今日就收於HK$13.80,即是升咗HK$0.66或5%。若果計埋今年的兩次股息,扣除埋10%大陸税後,即是(HK$0.75+HK$0.59)x90%=HK$1.206,... 就計佢HK$1.20/股。
這代表883.HK已由去年12月31日的收市價HK$9.98 升至今日HK$13.80+HK$1.20=HK$15,... 即係升咗足夠50%!✌️^^
而且還未計入上一次已收咗之股息HK$0.75x90%=HK$0.675 的再投入回報!
(至於本月7日除咗淨的股息HK$0.59x90%=HK$0.531,就要10月18日才收到錢。)
同志們,飲勝!🤝🍻
2023年9月13日星期三
地產股慘被「逐隻劏」😫
估唔到今早輪到信和置業(083.HK)。
佢已是「淨淨現金」公司,於6月30日,佢每股淨淨現金為HK$3.40,一向給人印象是「穩陣過頭」,点知今早一樣有大户清算佢!... 始料不及也!
難道市場預料佢會中標剛已截標的啟德地塊?... 如果係咁,就真係「少做少錯」了!
唉,大江東去浪淘盡...
2023年9月12日星期二
被忽視的1126.HK
佢主力只係生產和銷售毛絨公仔、手板模型,不涉及高科技,而最大的銷售市場為美國,因此筆者認為佢會吸引到歐美基金光明正大、名正言順地持有佢!
佢上半年每股盈利為HK$0.493,上升咗66%!
佢起碼於過去連續四年(筆者從aastocks內睇到嘅!),下半年嘅盈利「最少兩倍以上於」上半年嘅盈利。以此推算,佢今年全年盈利或者會是10億港元以上,等於每股盈利為HK$1.48以上!
佢昨日股價蓄勢待發,以全日最高位HK$4.10收市,... 咁你哋話佢股價短期內應該值幾多錢喇!🤔
呀,幾乎講漏咗! 佢還未除淨中期股息每股HK$0.20㖭呀!🤑
佢... 叫做德林國際,英文名Dream International Limited。記住: 只要有夢想,凡事可成真!🙏^^
I have a Dream!😇
2023年9月11日星期一
假如佢下年派息比率只得40%
新地(016.HK)預早表態,將從2023/24年度起「恢復」派息率政策至介乎40~50%,以反映低於預期的房地產銷售和利潤率。剛宣佈的全年業績,此政策則為60%。
筆者見到有投資者以45%(中位數)或50%的派息比率去預測現市價016.HK的「未來股息率」,但筆者認為買股票最好「作最壞打算」去持貨,才能避免出現「意料之外」時自己「失晒預算」、瞓唔着覺!
因此,假如新地(016.HK)2023/24年度只把派息比率定於40%,大家認為佢股價應該值幾多呢?🤔
又比較一下: 較早時候,中海油(883.HK)的中期業績,派息比率就是只約40%而已,... 未來會有上升的空間嗎?🤔
2023年9月9日星期六
Peter Wennink的看法
荷蘭光刻機巨頭ASML行政總裁Peter Wennink在當地電視節目上表示:「完全孤立中國是沒有希望的,如果我們不分享技術,他們就會自己去研究。」
Wennink指,中國有14億人口,當中很多人都很聰明,他們會提出他人還沒想到的解決方案,迫使他們變得非常創新。他認為,試圖透過禁止技術移民和出口管制等方式孤立中國,實際上會削弱西方自己。
Wennink警告稱,保護主義就是試圖不与其他國家合作來保護自己經濟,但這樣會導致自身應對能源及社會數字化領域重大轉型的能力較差,然後必須接受後果並進口中國汽車,因為它們更好、更便宜。他說:「這已經非常明顯,例如今年最好的電池和電動車都來自中國。在德國,他們剛剛舉辦了一場大型車展,令人驚訝。在中國,他們變得更努力、更快、更專注,而我們則太自滿。」
2023年9月7日星期四
新地(016.HK)業績讀後感
筆者認為:~
1. 本地住宅物業的銷售前景極不樂觀。
2. 本地的寫字樓租賃及銷售前景皆極不樂觀。
3. 本地及內地的商場租務前景則較為正面,皆因本地及內地政府都鼓勵人民積極消費。
......
2023年9月6日星期三
綠債4.75厘 883.HK十厘
883.HK明天除淨中期息@HK$0.59/股,下月18日收錢。
Update一下,包括了此次,883.HK的最新兩次股息合共為:~
HK$0.75+HK$0.59
= @HK$1.34/股
假如883.HK今天收市價是HK$13.98,那就代表明天的開市價(已除淨)=HK$13.39。以此數字計算佢一年的股息率:~
1.34/13.39x100%=10%pa, 即是十厘!
除非883.HK今日收市價企於14蚊樓上,... 🙏^^
另外,517.HK後日除淨中期息@HK$0.225/股,本月28日收錢。
還有010.HK,下星期二除淨中期息@HK$0.21/股,本月29日收錢。
至於綠債... ,我諗諗。🤔
2023年9月5日星期二
本地信用卡市場強勁復甦
昨天中銀信用卡負責人公佈,今年首7個月的整體零售簽賬額按年上升逾三成,金額創五年以來的新高。
Student睇返上次Aeon(900.HK)公佈的今年首季(3月1日~5月31日)業績,淨利息收入按年增加31.5%。預期佢第二季(6月1日~8月31日)的信用卡生意額,會繼續有大約3成的按年正增長,利息成本轉嫁客户,估計佢淨利息收入按年也會有約3成的正增長。
依照Aeon過往的業績公告日期,佢好大機會會在9月底(即係今個月)公佈截至8月31日止的半年業績及中期股息,隨即10月(即係下個月)就會除淨及派息,... 真係好快趣!🤑
2023年9月4日星期一
再建939.HK 又入778.HK
今早競價盤入了建行(939.HK)@HK$4.23,替代上日沽出的085.HK。
10点53分07秒時,又入了1萬股置富(778.HK)。
買入內銀股,因為筆者仍然冇膽買入內房股,尤其是考慮到內房股今後的派息很無保障,而筆者對「四大內銀股」的股息就比較有信心。
買入置富,因見今早港股似乎「係威係勢」,連本地磚頭股也有唔錯升幅。筆者衡量到016.HK、823.HK已升穿了20天平均線,但見舊情人「小領展」778.HK連10天平均線(HK$4.96)也有一段距離,筆者認為值博,便去馬了!
從今天起,筆者同時持有010.HK和778.HK,即是同時擁有了中港兩地的消費商場!🎊🥳
堅定繼續全倉持有港股,Yeah!✌️^^
2023年9月2日星期六
股票,多謝您!🤑
昨夜國際油價又急升了2%以上,布倫特油價升至約USD89/桶。有報導指出,沙特8月份原油出口量大減,運往大多數主要目的地的發貨量跌至多年低点。
國際油價由去年11月起至今年上半年之「跌價」給沙特深刻體會到佢對「國家收入」的重要性。利之所在,沙特想推高油價到「對佢哋有利」的價格範圍,筆者認為是無可厚非。
因為有石油輸出國組織歐佩克和俄羅斯等石油輸出國的關顧,油價肯定會被「愛護有加」!
油價says,"沙特,多謝您!"
中海油says,"油價,多謝您!"
Student says,"883,多謝您!"
天氣報告:
10號颱風過後,雖然仍在掛8號風球,但屯門碼頭區早上六点鐘,天又光亮起來了!... 早晨Morning,多謝您!🙏^^
2023年9月1日星期五
揀選股票有啲難度?🤔
港股又到通街都是「看似平靚正」股票的時候,但那些股票可以讓我哋「落重注長線收取超高股息」呢?... 值得思考!🤔
附加:
新意網(1686.HK)全年業績感想
1686.HK昨晚公佈之截至6月30日全年業績,大削全年派息比率至50%(過去兩年皆為100%)。公司解釋是為了「降低公司的槓桿率和利息支出,使公司有更多資源來迅速裝修新設施,以滿足需求增長」云云。
筆者難以理解! 佢於6月30日的「總銀行貸款」是97.36億港元(2022: 80.87億港元),實際年利率為3.34厘(2022年: 0.85厘),另有由大股東新鴻基地產集團提供的38億港元「股東貸款」,年利率3厘(2022年: 3厘),即兩者貸款合共135.36億港元。佢今次派息減半,只可以慳返2.6億港元,又怎去明顯降低槓桿比率呢? 還可以有餘錢攪裝修?🤔
似乎理由很牽強!😤 所以,除了新意網嘅大股東「新地」外,今次肯定會激到其他股東們「紮紮跳」(即暴跳如雷)!
唉,其實「新地」咁有實力,為何不免去那區區38億港元貸款之利息,再多批出三數十億港元免息貸款給阿仔,用來償還部份最高息率的銀行貸款,咁阿仔今年就已經可以慳返2、3億港元嘅利息了。
照舊盡派股息的話,「新地」收息最多,其餘股東又開心持股,皆大歡喜! 新意網何苦要對小股東咁孤寒呢?😤
話時話,唔知新地(016HK)會唔會用類似理由去減少即將公佈的末期股息呢? Touch wood!
2023年8月31日星期四
佢不仁 我不義
085.HK昨晚公佈了中期,比筆者感覺係: 佢好奸詐!😤
佢早排出盈喜通告,話「歸屬於公司權益持有者之綜合溢利介乎港元6.1億元至6.5億元」,然後筆者就盤算着佢多數能賺到「中位數目」,即6.3億港元,点知昨晚佢公佈的實際數字只有港元5.53億元,還低過佢盈喜通告內的下限範圍!😤
宜家睇嚟,佢盈喜通告中似乎用咗「税前盈利」嗰個數字,即港元6.25億元。
而且雖然今次盈增有172%,即每股盈利為27港仙,但佢依然唔捨得派少少中期股息出嚟惠勞下全體股東,小弟就覺得佢未免過份孤寒了!😤
佢不仁,我不義,今早就忍痛止蝕,沽之哉!😤
2023年8月30日星期三
市場將會重新估值085.HK
今早一眾半導體股、芯片股急升,包括龍頭股981,HK和1347.HK,難得連「四、五線」嘅085.HK也升埋一份!
筆者有極少量085.HK,昨天仍是蟹貨,但此刻(HK$1.43)就升返上水面了。
佢今天稍後會公佈中期業績,由於之前佢已有盈喜,故筆者已知佢今次半年每股約賺港元3毫子了。
筆者之前買佢,主要由於樂觀估計佢今年會開始派發中期股息,而且以現市價HK$1.43去計算,在下估計佢全年市盈率唔夠3倍,及股息率應該超過10厘!
自己早買了4星期! 😤 不過睇佢豈止值HK$1.74(52週高位)咁少呢?🤔
2023年8月29日星期二
立志收取超高股息💵
玩具生產商德林國際(1126.HK)前日傍晚公佈了佳績,又慷慨地「倍增」中期股息至HK$0.20/股。筆者原先估計佢昨日股價可以升返上4蚊樓上嘅,但事与願違,佢昨天全日股價波動範圍只在HK$3.94~HK$4.01,收市價則為HK$3.96,与前日比較,即係冇升跌。
咁点算呢?...
都係嗰句: 收股息才是硬道理!
尤其是「業務良好+財務健康+超高股息」的股份,... 持有就好!🙏^^
2023年8月25日星期五
🎶人人常歡笑 不要眼淚掉...
... 時時懷希望 不必心裡跳... 🎶
早排已發出盈喜通告的玩具生產商德林國際(1126.HK)將於今天收市後公佈中期業績,咁作為小股東,筆者点睇呢?🤔
似乎好簡單,佢已預告了上半年盈增同比不低於65%,而去年同期為HK$2.02億元,所以今次中期盈利「起碼」有HK$3.33億元,或每股最少可賺HK$0.49,... 就四捨五入吧! 因此筆者預佢上半年每股盈利有港元50仙。👍^^
咁筆者最關心的中期股息,佢會派幾多呢?... 佢過去兩年的中期派息比率約為3成,而全年的派息比率就約為4成。所以,佢今次中期股息「好大機會」會派發HK$0.50x30%=HK$0.15/股(2022: HK$0.10/股)。👍^^
🎶世界真細小 小小
小得真奇妙 妙妙...🎶
883.HK前進 前進 前進進!🇨🇳
筆者早前指出,以目前國際油價水平和中海油已公布的今年上半年業績來衡量,及以股價HK$13來計算,預測883.HK今年的市盈率只得<4.5倍。
大家試想一下,如果市場要將883.HK(注意:与中海油A股600938.SH無關!)的估值「比較貼近」857.HK或386.HK的當前估值,883.HK是有條件可以有「蚊蚊聲」的上升的!
筆者認為,只要布倫特油價大致在美元80蚊上下,配合埋如果883.HK管理層肯將派息比率提高至6成(目前只有4成,皆小於386.HK或857.HK),佢股價是有條件衝上港元25蚊嘅! 此目標價代表佢大約8倍嘅市盈率和7.5厘嘅股息率,客觀地看,很合理。筆者大膽講句: 希望兩三年後便可以見得到!🙏^^
2023年8月24日星期四
商場加時營業之我見
筆者可以想像對絕大多數本港商場嚟講,尤其是領展管轄下之公屋商場,「加時」或者甚至「通宵營業」,結果只會係「冇着數」,因為三樣嘢:~
1. 正當人家都會希望自己和家人「身體健康」,而早睡早起就是一樣重要習慣。
2. 商場管理公司和零售商都會考慮「營運成本」,即燈油火蠟、保安人手、清潔員工,甚至維修保養安排。
3. 「人身安全」考慮: 大家還記得早排荷里活廣場單嘢嗎? 商場夜間水盡鵝飛,冷冷清清,想像一下你自己或与家人身在其中,會点諗呢?真係冇顧慮嗎? 還有零售商的員工,返工放工的出入安全考慮呢?
唉,正常人(街坊)日出而作,日入而息,除非是有工作需要,否則又怎會想「捱夜」呢? 尤其是有小朋友嘅家庭或者本身是「老友記」者!
特區政府真係要諗清楚,到底係市民的健康重要吖,還是攞多少少經濟收入重要?... 咪到時攪到很多香港人有腸胃病,要三更半夜走去急症室候診呀!... 醫管局或醫生工會宜家好應該出下聲,俾D專業意見特區政府!
內銀應要對內房「全數撥備」
見到建行(939.HK)剛出的中期業績「優於市場預期」,但市場肯接受嗎?
除非未來幾個月,國內房地產價格有非常明顯之改善(價格只是平穩就肯定冇大作用了!),那麼「死亡個案」或者可以減少一啲,否則內銀遲早都要一齊面對內房爆煲嘅問題!
因此,內銀最好作出全數壞賬撥備,針對那些恒大呀、融創呀、碧桂園呀、富力呀、世茂呀、合景泰富呀... 等等等等。
如果內銀今年肯「做差」盤數,咁市場就會認為佢哋股價應已見了底,然後內銀估值只會往上修復。
內銀對中港股市氣氛皆很有影響力!
筆者認為做生意和投資一樣,要果敢果斷,忌拖泥帶水!
古語有云: 置之死地而後生!🙏
2023年8月22日星期二
即市感覺
3:40pm,睇到內房板塊欠缺上升動力(合理,因為佢哋D負面嘢未見到有解決),但恒指就上升了約兩百點,筆者認為係好現象!🤔
筆者相信良股始終驅逐劣股,若果大市要轉勢向上,最好不要由內房股做領頭羊,因為筆者睇佢哋今次有排攪,大市靠佢哋就攞苦嚟辛了!😩
筆者認為市場總會有被低估嘅好股/良股,只要資金「帶眼識股」,筆者相信佢哋絕對可以帶領大市「向上發圍」嘅!🙏^^
2023年8月21日星期一
預測517.HK之中期股息
517.HK明天便會公佈中期,佢早前已發出了盈喜通告,Student計過佢半年每股約賺23港仙。
Student保守預測佢今次中期股息會「起碼」派每股15港仙,但如果依據佢過去三年的「派到盡」作風,Student唔排除佢會慷慨派發每股20~23港仙作中期股息。
熱切期待。🙏^^
晚安!🌛💤
齊炮轟垃圾「恒指公司」
「恒生指數有限公司」,又名「恒指公司」。
今早看到有知名Blogger出文批評「恒指公司」近年經常完美示範「高買低賣」嘅操作,加入或刪除恒生指數成份股成員,遠嘅例子有中國神華(1088.HK),近的例子就有碧桂園(2007.HK)。
筆者非常認同這觀點。
筆者又舉一例子,記得當年「恒指公司」認為長江基建(1038.HK)日均成交額低而被刪走,換入了已被炒上10蚊樓上嘅中國鋁業(2600.HK),之後2600.HK股價跌去8、九成後又被佢刪走,再到2016年時又加番1038.HK入恒指成份股,... 簡直係「玩嘢」!
香港嘅國際金融中心聲譽近十多年來每況愈下,好大程度係「恒指公司」採取這種「跟風」的揀股策略作為調動恒指藍籌股成員嘅準則。
筆者希望大家團結,一起發聲炮轟垃圾「恒指公司」!😤
希望佢「盡快」認真作出改變!🙏
2023年8月20日星期日
2023年8月18日星期五
最緊要市場受落中海油(883.HK)
筆者對於中海油的半年盈利是相當滿意的,只是對佢的「派息比率」有不滿意,因為中央過去一年都在喊著鼓勵國企央企要加大派發股息力度,幫助投資者創富,大小股東們共同富裕。
筆者原先預期中海油今年的派息比率或會提升至5成,如此即使今年全年的盈利較去年有約10%下跌,股息數額也大致可以和去年一樣,但佢今次的中期股息依然按照去年的全年約4成股息分派比率作分配,沒有提高過。這点使筆者「幾失望」!😤
然而,世事難料!
由於市場的大行或可能大多數的投資者都對今年的油價睇淡,因此對中海油今年的業績抱有較悲觀的預期,對股息分派也相應地更保守。印象中早排有大行預計中海油今次的中期股息只有港元50仙,所以今次佢派到港元59仙,已是「超出預期」! 再加上靚靚嘅第二季業績,佢就變得有吸引力了!👍😆
2023年8月17日星期四
中海油(883.HK)強勢畢露
中海油(883.HK)今天收市後便會公佈今年之中期業績及宣派中期股息。
皇者歸來,舉國歡騰!🇨🇳👍^^
Student says,"目標價: HK$25!"(大前提是HK$25代表着8倍的市盈率+派發7.5厘的年股息率)🙏^^
Dragon Wong「亂噏」領展股息率
1. 美國加息週期未完!... 我哋如何部署呢?🤔
2. 剛睇到Dragon Wong話領展(823.HK)股息率有7厘!... 小弟不才,唔知有冇計錯數: 823.HK今年3月供完股後,股票數目多了,6月宣派之末期股息為每股HK$1.188。小弟以「非常樂觀」預測佢嚟緊嘅中期股息較這數字會增加10%! 即是每股可派息HK$1.307,那麼,以一年股息總和HK$1.188+HK$1.307=HK$2.495去計算,便得出以昨天收市價計算之「年股息率」=2.495/39.10 x100%=6.38%pa(四捨五入下只算是6厘)。比較Dragon Wong隨口噏的數字(7厘)足足少了接近10%!... 當然,股價可以跟隨市場情緒而起變化,跌得深時可以隨時反彈! 如是這樣,股息率也會隨之而改變,... 向下!
2023年8月15日星期二
恒大与紐頓「圍威喂」
筆者今早從aastocks內才得知,原來入股708.HK的紐頓集團創始人是一位41歲的中國人,名字叫作吳楠。
最離譜嘅係,紐頓集團於過去連續三年(即2020、2021和2022年)均「無營業收入」! 三年嘅「淨虧損」是由2020年的1,265萬美元遞增至2022年的4,125萬美元! 而截至2022年底,公司持有嘅現金和現金等價物只有約2.119億美元!
宜家佢居然可以動用5億美元認購708.HK嘅新股,又給後者人民幣6億元免息過渡性資金!
但,... 可以化腐朽為神奇嗎?🤔
2023年8月14日星期一
恒大新能源汽車(708.HK)有春光鴨
今天晚飯後,居然發現708.HK出了兩則「勁爆」的利好財經新聞。
一是被阿聯酋的紐頓汽車(NWTN.US)以約人民幣39億元(約5億美元)戰略認購新股,佔708.HK擴大後股本約27.5%,認購價為每股HK$0.6297。紐頓更向恒大汽車提供合共6億元人民幣免息及有擔保過渡性資金作研發、生產及銷售用途。
二是708.HK向恒大集團(3333.HK)、許家印、丁玉梅,發行合共54.41億股新股@HK$3.84,佔擴大後已發行股份約33.41%,以抵消結欠的相關貸款人民幣208.9億元。
雖然上面有關恒大汽車的利好消息是發佈於晚上,但其實今天下午3時過後,708.HK股價便開始上升了,而且配合埋成交量大增,可謂氣勢如虹! 最後收市價為HK$1.70,即是全日上升了HK$0.21或14.09%,位列今日二十大股票升幅榜之中。由此觀察,「幾可肯定」有人有內幕消息而「提早出手」入定貨仔了。
前有Dragon King,依家又有708.HK,... 呀證監會,請你哋咪扮做呆子了,唔該做下嘢啦!😤
Dragon Wong「非常」靈活操作
領展於本年3月曾經5供一集資,供股價為HK$44.20,而Dragon Wong貴為公司嘅CEO,之前曾公開表示會參与供股。
但筆者和很多人也意想不到,本月3日,Dragon Wong減持了107.59萬股823.HK,平均價@HK$42.39/股,共套現HK$0.456億元,持股比例就由0.19%降至0.15%了!
執筆時823.HK股價為HK$38.00。
從媒體上得知,Dragon Wong去年酬金約為HK$0.78億元。
註釋: 「非常」,即非正常!
利申: 筆者沒持有823.HK。
2023年8月11日星期五
觀察內房 + 展望將來
內房薄利多銷也難救治,始終負債天文數字,近月的銷售數字又令人極度失望,因此股價低處未見低,... 合理嘅!
內銀要讓利,而且力度需要更大!
內房、內銀股價跌,內險股價也會被拖累,... 合理嘅!
塘水滾塘魚,資金會轉去那些股份呢?... 值得思考!
洗牌後,將來內房股還能成氣候嗎?
後記:
已收市,總倉值繼續新高,感恩!🙏
下午3点幾睇到單新聞,話美國本財年聯邦預算赤字達到1.68萬億美元,較去年同期增逾一倍,原因是用於支付債務利息的金額在7月份創下了歷史新高!😱
根據美國財政部公佈的數據顯示,7月份財赤為3,060億美元,按年增加56%!😱 7月份總支出增加21%至5,830億美元!😱 本財年的前10個月,利息支付總額達到7,260億美元!😱
敢問潮退時誰在裸泳?🤔
2023年8月10日星期四
德林國際(1126.HK)盈喜
佢今日傍晚發出盈喜通告,今年上半年中期純利按年增長起碼有65%,Student計算一下,即是上半年每股起碼賺到HK$0.50/股。
通告重点係佢公司產品(玩具)銷量增加,而並非有其它古靈精怪嘅特殊收益(例如重估投資物業升值、出售上市或非上市的投資獲利 等等)。
Student從aastocks內看得到德林於過去5年,每年的下半年純利比對上半年,均增多兩倍以上,因此student很有信心佢今年全年純利可以再創新高。以今年上半年每股盈利HK$0.50作推算,即估計佢全年每股盈利可能超過了HK$1.50/股(2022年: HK$1.015/股)。
股息方面,如果佢依然保持全年分派4成作股息,那便=HK$1.50x40%=HK$0.60/股。
以今日佢收市價HK$3.62計算,預期今年股息率=0.60/3.62x100%=16.57%pa,... OMG!😱
筆者幾可肯定佢明天股價要高開了!
總算筆者沒有睇錯呢隻黑馬,過去又以「超高股息成長股」來形容德林國際(1126.HK),實在是非常貼切的!😆
短評希慎(014.HK)
014.HK剛於中午公佈了中期。
佢上半年寫字樓新簽約租金有低「雙位數」跌幅,又話大埔嘅「林海山城」在樓市「不算暢旺」時期算係「銷售良好」!😱
唉!... 卿本佳人,何解今日攪成咁?(收市價HK$17.78)
Student曾於三、四年前,持有佢股票。印象中嘅持倉值曾經排在第三位。當時心態係佢「好過」Reits。
但佢於2020年中做錯了投資決定,以197.78億港元高價競投加路連山道商業地,雖然佢揾埋華懋集團分擔了40%,佢只佔60%,但好明顯希慎係玩大咗了! 如果唔係為乜要「益」呀華懋!
Student於當晚投標結果公佈後翌日便適時走晒014.HK了!
但佢管理層(利大小姐?)似乎還未清醒,... 翌年,即2021年9月,佢向長實(1113.HK)買入上海「世紀盛薈廣場」寫字樓/商舖混合用途發展項目,代價35億元人仔(約42.35億港元)。
希慎(014.HK)將來會点呢?🤔... Student冇貨,只有拭目以待。🧐🙏
2023年8月9日星期三
內銀需要集體讓利
Student認為要有效解救內房企業,犧牲內銀部份盈利是必要的。
四大內銀純利「顯著」跌一年又何妨呢?
解決經濟問題最好以「快」,而力度要夠「強」,資本市場才能重拾信心。🌈
後記: 已收市了。賬面總身家創出新高,開心、感恩。出街買嘢,做下運動。加油!✌️^^
2023年8月8日星期二
陳董的話
恒隆集團(010.HK)董事長評論過往的內房地產商沒有破產,並非是因為他們本領大,而是因為政府幫了很多忙。... 這点筆者都明解嘅!
陳董又認為今後房地產不會是一個特高盈利的行業,賺大錢的機會遠不如以往20多年,要往「薄利多銷」的方向走。... 但於過去一年多,他們不是已盡量「薄利」了嗎? 只是仍未能「多銷」,... 点算?🤔
另外,今早內地公佈的7月份進出口數字皆「差過預期」,... 如此困局,如何揀選良股呢?🤔
更新十兄弟
人心難測,市況亦然,故筆者之高息倉也經常換出換入,目的只為希望安心持股增值之餘,盡量多收取股息。
目前「Student高息倉」如下:~
阿一: 中海油(883.HK)
阿二: Aeon信貸財務(900.HK)
阿三: 迪生創建(113.HK)
阿四: 東方表行(398.HK)
阿五: 德林國際(1126.HK)
阿六: 恒隆集團(010.HK)
阿七: 中遠海運國際(517.HK)
阿八: 中石化煉化工程(2386.HK)
阿九: 中海石油化學(3983.HK)
阿十: 中電華大科技(085.HK)
P.S.:
1. 即市計算,頭三大持股之總市值已佔去全倉總市值的88.8%了。
2. 113.HK將於本月15日除淨@HK$0.27/股,本月25日收錢。
3. 010.HK將於下月10日除淨@HK$0.21/股,下月29日收錢。
4. 398.HK將於下月29日除淨@HK$0.295/股,10月26日收錢。
5. 另外,筆者預期以下公司將於本月內公佈中期業績及股息(如有): 883.HK, 1126.HK, 517.HK, 2386.HK, 3983.HK, 085.HK。
6. 而900.HK就慣常在9月底公佈中期業績,及於10月份內除淨股息連同收妥錢。🤑^^
2023年8月7日星期一
三桶油完勝大市
今年祖國三桶油H股已跑贏了恒指或國指,但即使如此,佢哋現市價的估值很貴嗎?... 請大家不要對所謂「週期股」有偏見,買股票都要衡量每間公司的財務數據基本因素和企業管治。
以一流的國際石油企業來評估中海油,Student覺得現時的883.HK遠未到價!
今早已沽出 001.HK & 939.HK
輸少少,冇問題!😤
然後,將兩者套現嘅錢全部投落去010.HK, @HK$11.54~11.56。
從此筆者也有地產類股份了!😜
然後,筆者可以出去做下運動了!💪
2023年8月4日星期五
長和 与 長實 的每股NAV
於2023年6月30日,佢哋每股資產淨值(NAV Per Share)如下:
長和(001.HK) : HK$140.30 (31/12/2022: HK$136.70)
長實(1113.HK): HK$107.00 (31/12/2022: HK$105.30)
Student純粹在此記錄一下,無特別睇法。
2023年8月3日星期四
十加一: 中電華大科技(085.HK)
剛買入集成電路芯片股085.HK,@HK$1.43。
理由:
1. 網友Chun yeung ak兄 好介紹。🙏^^
2. 公司已出了中期盈喜,預料上半年溢利按年勁增約2.1倍至大約HK$6.3億元,即半年每股便已賺了HK$0.31。這數目已超過佢去年的全年盈利HK$5.31億元,或每股賺HK$0.26了。
3. 睇得出佢資產負債表愈來愈健康。
4. 以現市價計,小弟估計佢今年股息率會有10厘以上。
5. 業績如此豐收,你哋估下佢即將公佈之中期業績會派發中期股息嗎?🤔
最後,現時「Student高息倉」內共持有11隻股票仔!
迪生(113.HK)今年雙引擎
1. 政府統計處已公佈了的今年四、五、六月份之本地零售銷售數字,清楚說明「珠寶首飾、鐘錶及名貴禮物」、「服裝」和「化妝品」分類的銷貨價值,均較去年同月有大幅增長。而113.HK主要就是賣這類商品,佢去年整體有七成零售生意在香港,故本地奢侈品零售市場復甦,佢理應顯著得益。
2. 本地銀行息口顯著上升,113.HK坐擁「淨現金」就最受惠於利息收入了。
其實除了以上利好的「客觀環境」外,迪生本身的「財務數據」已是相當吸引,佢處於「淨淨現金」狀態,隨時可以派發「現金特別股息」,有興趣的網友可以登入aastocks.com內研究一下佢資產負債表。
但當然student沒有可預見未來的水晶球,所以113.HK的股價走勢在此就不作猜測了。
2023年8月2日星期三
通街地雷?
估唔到跟隨深圳國際(152.HK)出盈警之中資巨企會是招商局港口(144.HK)。
母企才剛於上月21日於場外增持144.HK逾1億股,涉資HK$11.05億元,... 不是小數目呀!
不過諗深一層,「場外」... 即是話有基金大户想沽出此1億股貨仔,而144.HK母企收到邀請,就去接貨罷了。
今早大市兩萬点關口又失守,... 点算好呢? 那類股份才算是好呢?🤔
後記: 已收市。今天「Student高息倉」內只有兩只股票有升幅,就是113.HK和517.HK。兩者皆為「淨淨現金公司」,即是佢哋嘅「銀行結餘+現金」已多過公司「總負債」! 在如今高利率時代,佢哋就最得益了! 當然,都要佢哋本身嘅業務仍在賺大錢,管理層又肯派高息去配合嘅!🙏^^
2023年8月1日星期二
新十兄弟
目前「Student高息倉」成員如下:~
阿一: 中海油(883.HK)
阿二: Aeon信貸財務(900.HK)
阿三: 迪生創建(113.HK)
阿四: 東方表行(398.HK)
阿五: 德林國際(1126.HK)
阿六: 中遠海運國際(517.HK)
阿七: 建設銀行(939.HK)
阿八: 中石化煉化工程(2386.HK)
阿九: 長和(001.HK)
阿十: 中海石油化學(3983.HK)
夠未呢?... 🤔
2023年7月27日星期四
2023年7月26日星期三
開心買入 3983.HK+2386.HK
今次聽從金戈大師推介,下午入了些3983.HK@HK$1.86傍身!
昨晚已睇到佢嘅盈喜通告,今早一直在注視着佢股價。
下午見中資現金牛517.HK樸上3蚊樓上,但又見同是現金牛的3983.HK有外資沽盤,主要係高盛頂着股價,頭先還「低見」HK$1.84,即係等於冇升跌!... 高盛佬完全忽視3983.HK昨晚之盈喜通告,真是豈有此理! ...
小弟認為中海油集團(3983.HK之母公司)不是東亞病夫,所以除了重倉佢大仔883.HK外,今日再以真金白銀支持埋佢細仔3983.HK。🇨🇳👍^^
Student認為3983.HK賣点除了是超高股息率外,還有是會被母企私有化之可能。🤔
3983.HK非常適合student口味!😋
後記: 健一兄弟在下面留言,誠意推介中石化煉化工程(2386.HK),佢賣点又係超高股息率+有被母企(中石化集團)私有化可能。小弟相信健一,今天買一不離二,就買埋2386.HK了,@HK$3.47,... 反正資金都是來自883.HK和900.HK之末期股息,自覺輸得起嘅!😅
2023年7月21日星期五
號外: 美國給「內地採油商」天大利好消息!
美國參議院週四(7月20日)以壓倒性票數通過一項立法,禁止中國購買美國的緊急儲備石油(SPR),整個法案預計將於今年稍後時間獲得通過。
此乃超利好消息!
以後「內地採油商」可名正言順地向其他石油出口國購買相對美國價格更便宜的石油了。👏👏👏
油到用時方恨少! Student預期國內石油更加供不應求了,「國企三桶油」以後會更加積極去開採石油,而最受惠的肯定是有較多上游業務嘅中海油(883.HK)! 🇨🇳👍^^
2023年7月20日星期四
2023年7月19日星期三
小心恒基
所謂謹慎能補千秋蟬,小心駛得萬年船!
小弟感覺,本地地產發展股中,要小心恒基。(希望小弟大錯特錯,... 咁樣香港整體經濟就較樂觀了!)
請恕小弟暫時不作詳解。
至於其他估值較次級的,例如新世界、嘉里、希慎... 不想講了!
講完。
2023年7月18日星期二
忌炒股 宜收息
昨天8號颱風休市,今日復市,恒指就跌了約四百点了,但全日成交仍然是一千億港元都唔夠!
小弟慶幸自己從不借錢買股票,從不作月供股票,從不買盈富基金,或与大市指數相關的ETF,現時也未持有与中港房地產相關之股票,又極少參与短炒,... 只悶悶地持有高息悶股,咁樣先至可以在如此惡劣之環境下仍然保持住長線全倉持股之能力和瞓得著覺的心態。🙏😄
2023年7月14日星期五
政府5厘銀債「好搶客」!
剛見到新一批銀債,3年包底5厘息率,目標發行額為HK$500億,甚至可提高至HK$550億!
咁如果網友已經年滿60歲(筆者未夠),汝自問還會「冒險」買只得5厘或以下股息之本地地產類股票嗎?🤔
Student感覺我哋嘅政府似乎嫌每日的港股成交額過大了,要借助「加大發行銀債」抽走啲資金!😤
2023年7月13日星期四
最新兩宗「本地地產」負面嘢
1. 長實(1113.HK)話,因買方(新加坡基金LC Vision Capital)縮沙,故長實已根據買賣協議向買方發出終止買賣協議的通知,並沒收對方已支付的訂金HK$20.766186億元。長實樓神趙還講到「該豪宅項目位於香港最尊貴的山頂地段,屬稀珍優質資產,... 終止出售甚為可惜」云云...。Student覺得奇怪,既然是咁稀珍、咁尊貴優質的項目,那為何LC要悔約?
2. 九龍倉(1997.HK)表示,截至今年6月30日止半年,集團投資物業錄得「虧損淨額大幅減少」,而此情況去年同期則為虧損HK$50.39億元! 集團因而預期今年上半年將會出現股東應佔盈利,比對去年半年則為虧損HK$14.68億元。 Student says: 投資物業「虧損淨額大幅減少」,即係都仍然有虧蝕,... 管理層真夠厚面皮,出「盈喜」!
883.HK初步目標股價
筆者估計中海油(883.HK)今年的派息數字与去年相同(原因早排已解釋過),即中期息派@HK$0.70/股,末期息派@HK$0.75/股。如是,扣去10%內地税後,883.HK股東全年便即實收現金股息@HK$1.305/股。
Student又主觀以「股息率實收10厘」為883.HK的初步目標股價,即是HK$13.05!🙏
2023年7月12日星期三
三桶油消息 各自各精彩
筆者剛剛從aastocks.com內睇到祖國三桶油今天公佈各自的最新消息:~
1. 386.HK: 中石化「深地工程-川渝天然氣基地」捷報,世界首個逾7,000米超深高含硫生物礁大氣田-西南石油局元增壩氣田,累計生產天然氣突破300億立方米,累計減排二氧化碳當量4,000萬噸。元壩氣田位於四川省廣元市和南充市境內,目前元壩氣田單井平均日產氣達到40萬立方米,可滿足逾2,400萬戶家庭日常氣需求。同時,元壩氣田為「川氣東送」管道的主供氣源地之一,供氣量佔該管道總供氣量三成! 🇨🇳👍
2. 857.HK: 中石油西南油氣田公司消息,正在做產能試井準備的雲安010-X1井,測試鑽獲日產112.96萬立方米高產工業氣流。這也是川東石炭系氣藏近十餘年來獲得的首口百萬立方米級氣井,標誌着川東氣田老區挖潛取得重大新突破! 🇨🇳👍
3. 883.HK: 中海油發佈消息,渤海億噸級油田羣: 墾利6-1油田羣實現全面投產,標誌着我國成功掌握了非整裝大型油田開發技術體系,對進一步提升國家能源安全保障能力具有重要意義! 🇨🇳👍
三桶油,好厲害!🇨🇳💪
另外,筆者剛計算出,以今天股票收市價去計算,加埋「應收但未收」的現金股息(包括有883.HK、900.HK),加埋表現較差的強積金户口(港股基金)和備用現金後,小弟總身家(不計家庭自住居所)僥倖創出了歷史新高。只計算今年,就升咗15.7% 。雖然都只是賬面數字,但就加強了筆者持有「財務健康+良好業績+高股息率+良好管理層」的個股作長線投資取向。自覺即使近年低殘如港股,其實也是可以投資增值的! 以後,小弟仍要繼續努力,与大家互相勉勵,加油!🙏
2023年7月10日星期一
健康無價
投資户口內現只剩番港幣三百元,要等到本星期五,才收到883.HK的股息,是破自己收息記錄的銀碼!... 唔錯!🤑
再到下星期四,會有900.HK的股息,... 唔錯唔錯!🤑
暫時冇嘢想換馬。
股票冇嘢可做了。
現正準備出去户外做下運動,... 健康無價,大家努力加油!💪^^
2023年7月7日星期五
對目前持貨的思維
今早入了極少量001.HK,目前持倉如下:
阿一: 883.HK
阿二: 900.HK
阿三: 113.HK
阿四: 398.HK
阿五: 1126.HK
阿六: 517.HK
阿七: 001.HK
883.HK近兩天卒之跑贏857.HK和386.HK,合理嘅!
900.HK從來都係將利率轉嫁予顧客,因此加息對佢係完全無影響的。乜都假,財仔最緊要生意好! 觀乎Aeon除淨後之股價走勢,小弟樂觀認為,若然匯控(005.HK)股價現在值HK$60,Aeon股價相對地應該值HK$6,以市盈率、股息率和市賬率來衡量,不為過吧?
113.HK、 398.HK,等佢哋除淨,收息的。
1126.HK、517.HK、001.HK 和 883.HK,等佢哋下個月(8月)公佈中期業績+中期股息。
Student認為投資要專心致志,集中就好!
此外,君子不立危牆下,小弟暫時係唔會惦「中港地產股」的, 尤其是(細細聲)恒大与恒基...。
2023年7月6日星期四
Aeon(900.HK)重新出發
Aeon(900.HK)於1995年9月14日開始在香港上市,當年上市價為HK$1.26。
佢一直專注於信用卡及私人貸款市場,現也有做小量保險顧問及代理業務。
佢管理層成員都只是被委任的打工仔,整體薪酬不高。大股東依然是日本的Aeon Inc.。
純粹憑筆者記憶,佢曾經不止一次被評選為本地最佳中小企(之一?)。不知小弟有否記錯了!
佢過去股價曾經有三次升至HK$8或以上: 2008年7月, 2013年上半年 和 2019年4月,碰巧都是相距5至6年, 而現在是2023年... 不知這股價模式會否於2024或2025年再一次出現呢? 🤔
注意: Aeon(900.HK)之已發行股數總共4.187656億股,但除去第一大股東(Aeon Inc.)和第二大股東(富達基金)之持股數量後,只剩番大約9,500萬股可以供我哋做買賣,而且唔排除有不少長線基金/投資者 已個別持有少於5%的股票數量,而毋須申報持股權益呢!
Music: 🎵成和敗努力嘗試 人若有志應該不怕遲... 🎶
2023年7月3日星期一
Aeon(900.HK) v. 本地銀行股
兩者皆做本地信用卡業務。
兩者皆做本地放貸生意。
但是Aeon(900.HK)冇做物業按揭生意,所以佢啲生意与中港樓市可以講係冇直接關聯,... 咁,就好了!👍^^
2023年7月2日星期日
恒大地產 = 計時炸彈
恒大地產乃中國恒大(3333.HK)之主要附屬公司。
中國恒大(3333.HK)又有關於恒大地產的最新公告,話後者截至2023年5月底,「未能清償」的到期債務累計有RMB2,777億元,「逾期」商業票據累計有RMB2,454億元,而單計RMB3,000萬元以上「未裁決訴訟」案件數量就共計有1,601宗,牽涉金額約RMB3,830億元!
Student諗緊: 假如恒大系最終會「玩完」,殺傷力會点呢?... 除了內房股,房地產涉及太多關聯產業了,... 原材料供應商,銀行壞帳率準備充足嗎?...🤔
Student估計恒大「爆煲」會衝擊市場的投資情緒,不可不妨。
2023年7月1日星期六
半年結
筆者冇定期存款,冇持有大量外幣(只有極少量人仔),冇債券,冇虛擬貨幣,冇持有外國股票,冇打算移民。
筆者只投資港股。
此刻計埋「應收但未收」的末期股息(883.HK,及已沽出的123.HK)、少少強積金(港股基金),及少少備用現金後,整副家當(不計在屯門的自住物業),比較半年前,就僥倖升了11.5%。
目前「Student高息倉」布局如下:~
阿一: 中海油(883.HK)
阿二: Aeon(900.HK)
阿三: 迪生(113.HK)
阿四: 東方表行(398.HK)
阿五: 德林國際(1126.HK)
阿六: 中遠海運國際(517.HK)
阿一佔總倉值4成幾。之前加加減減,所以目前阿二加埋阿三的倉值已泊得住阿一。於是三者倉值加記來已佔去9成了。會否有過高風險呢?... 筆者自問接受得來便可以了。
半年前估唔到857.HK會大幅跑贏883HK,但相信自己即使半年前擁有857.HK,在此時此刻,相信早已全數沽走佢,換入883.HK了。
883.HK去年的業績「靚爆鏡」,但股息分派比率(Dividend Payout Ratio)反而是三桶油中最少,令市場「幾失望」! 半年結來了,一切皆已成為過去,筆者期望佢今年可以提升此比率至5成左右,咁樣筆者就估計佢可以保持全年股息分派@HK$1.45/股。
最近公佈業績的阿二、阿三和阿四,其實都較筆者的預期差少少! 不過,大家不妨將佢哋与其他最近已公佈了業績的零售股作個比較,... 筆者就幾滿意自己的選擇了!
另外,早排已於除淨後減持了33.3%阿五,及除淨前減持了44.4%阿六。
阿五雖然業績強勁,但佢始終不夠知名度,所以筆者估計佢要等到8月公佈中期業績時,提高些中期股息,才可以發圍。
阿六天天努力回購股份,但徒勞無功,股價只能在HK$2.50上下區間遊走,始終佢本業吸引力有限,發行股數又太多。筆者估計佢今年都仍然會派到9厘股息嘅。
Student自己方向明確,基本上依然接近滿倉持股,繼續收取「高股息」再投資,及從中提取生活費用!
Good Luck Everyone!🙏^^
2023年6月30日星期五
Aeon加入「猛人」蔡炳中
Aeon(900.HK)昨日公佈,已成立策略委員會,並制定其書面職權範圍。
又由昨日起,蔡炳中先生被委任為獨立非執行董事、策略委員會主席、及提名委員會成員。
蔡炳中先生是誰?... 佢曾任環聯資訊總裁,亦為平安金融壹帳通征信服務(香港)獨立非執行董事。
佢只收取年酬金40萬港元,... 抵到爛!🙏^^
從蔡先生的背景,可以看得出佢對香港信貸市場非常熟悉,... 可堪憧憬了!🤔
2023年6月28日星期三
Aeon(900.HK)業務顯著增長
Aeon(900.HK)將於明日公佈首季(3月1日~5月31日)業績:~
1. 由於管理層去年已察覺到市場開始復甦,因此早作部署。Student估計Aeon今年首季會有非常可觀的生意額和盈利雙增長。👍
2. 去年5月,Aeon母企(日本Aeon Inc)以每股HK$5.20大手增持了495萬股。Student認為此乃重要訊息。👍
3. 除去第一大股東(Aeon Inc)和第二大股東(富達基金)的持股數量後,900.HK剩餘的可供買賣股數只有約9,500萬股, 嗯... 物以罕為貴。👍
4. 今年日本股市牛氣迫人,稍後900.HK會否被日資買來砸下倉呢?🤔
5. 還有,Aeon目前董事會成員中,包括有四位日本董事: 三藤智之、深山友晴、竹中大介、土地順子,... 咦? 土地、深山、三藤、大竹,... 所謂五行相生: 土生金,金生水,而水即為財!... 於是筆者豁然開朗了。😆
假如student以上推測全錯,咁又点算呢?... Aeon將於7月4日(唔夠一星期)便除淨末期股息@HK$0.22/股,加埋估計佢會於9月底公佈今年中期業績(3月1日~8月31日),及中期股息@HK$0.22/股又將於10月底前收妥,... 咁即係嚟緊嘅四個月(7月~10月)Aeon股東便輕鬆取回現金合共HK$0.44/股!... 咁夠好未呢?🤑
後記: 6月29日晚上公佈了首季業績,收入上升了36.2%,盈利上升了17.3%。🙂
2023年6月26日星期一
2023年6月23日星期五
現形
全球多國仍在不停加息。
執筆時維他奶國際(345.HK)股價HK$10.60,即是跌了14%,要知道佢全年股息只得嗰2.7仙(=HK$0.027/股),或股息率=0.25%pa,及每股資產淨值只得嗰HK$2.78!
筆者現時持有的「淨淨現金」公司,包括有113.HK(迪生創建)、398.HK(東方表行)及517.HK(中遠海運國際),估計佢哋持有的大額現金反而會在高息口的環境中受惠,尤其是113.HK,佢業務(銷售奢侈品和化妝品)應該已經復甦。
「中特估」中,筆者只持有中海油(883.HK),如果連佢13厘股息率都賺唔到錢,小弟唔洗傷腦筋買其他的了!
2023年6月21日星期三
嘉里建設(683.HK)大手筆買地
与大多數Bloggers一樣,筆者真係唔明白嘉里管理層点解今次買上海地買得「咁勇」?
佢哋咁睇好中港地產前景,又認為公司有很多錢可以揮霍,点解唔趁現今公司股價相對每股資產淨值有大幅折讓之情況下「大手啲回購」自身股份?
其他本地地產商現在又做緊乜呢?🤔
對於一眾中港地產股,筆者真係認為「食少多覺瞓」!🛌🌛💤
徹底認識你持有的零售股
以下純粹筆者個人主觀睇法:~
三隻「名過其實」的零售股:
1. 莎莎國際(178.HK)
2. 大家樂集團(341.HK)
3. 維他奶國際(345.HK)
兩隻「豐衣足食」的零售孖寶:
1. 迪生創建(113.HK)
2. 東方表行(398.HK)
Student忠告: 前三隻不單止盈利薄弱,股息率極低,甚至無股息,佢哋還會有「隨時要供股或會批股」嘅可能! 反而後兩隻「孖寶」,即使比你以52週最高股價位買入,Student估計只要你有啲耐性持有,收齊佢哋一年半載股息,已大機會不會虧蝕了! 之後每年還有大可能繼續收取佢哋高股息的。👌
Student仍然認為「收取高股息」才是長線投資股票之正道。🙏^^
2023年6月16日星期五
2023年6月15日星期四
2023年6月14日星期三
Aeon首季可以有3成盈增嗎?
預計Aeon(900.HK)將於兩星期內便會公佈2023/24年度的第一季(3月1日~5月31日)業績,Student樂觀地預測佢將會有3成或以上的盈利增長,不知對否?🤔
已沽出123.HK@HK$9.40
港股太難玩了,小弟唔識睇後市,唯有只持有「自己認為」最安心睡得著覺的收息股算數。
當然唔排除可能會番兜任何股份嘅!
祝大家好運!🙏
後記: Next day morning, 睇到財經新聞, 123.HK奪下北京海淀區「四季青」住宅地塊,涉資約RMB80億元,咁即係佢早排供股集資淨額的RMB83億元已幾乎擺晒落去這塊住宅地了! 還未計入相關建築費用呢!... 真大手筆! (小弟感覺管理層進取得交關!)
2023年6月12日星期一
鄭澤光炮轟美國
中國駐英國大使鄭澤光先生在出席中英工商及學術界人士座談會上表示,美國及其盟國對中國進行的「去風險」与「脫鉤」本質上如出一轍,都是企圖阻撓中國科技進步和經濟發展以遏制中國,違反市場規則和時代潮流,亦將給世界帶來嚴重危害,包括破壞全球產業鏈供應鏈,阻礙全球科技進步和經濟發展,並可能導致世界走向分裂。(筆者認為現已看到這現象了。)他指有關做法嚴重低估中國人民對實現民族復興目標的堅強決心,強大能力和高度韌性,注定要失敗告終。
鄭澤光又批評,美國長期動輒對其他國家實施單邊制裁和「長臂管轄」,2008年次貨問題釀成全球金融危機,近年實施量化寬鬆和縮表、加息等猛烈動作,客觀上導致現在很多國家的高通脹和生話成本危機。(筆者同意這睇法。)美國近期還出台含有海量補貼在內的保護主義產業政策。
美國所作所為擾亂全球經濟秩序,給世界和平、穩定、繁榮帶來了嚴重風險。
2023年6月9日星期五
買定離手
Student今早up to now見到857.HK創了52週新高HK$5.79,又見到600938.SH(中海油之A股)乃內地三桶油中今早「升幅最大」,但港股這邊883.HK在三桶油H股中就相對地「升幅最細」,頓覺斯人獨憔悴!
如果是早陣子投資户口內的available cash夠多,我想我「頭先」已於HK$11.82~11.84位置時增持883.HK了,... 但冇做,因為筆者早前已增持咗佢,夠貨了! 而現在available cash只得返總倉值的<1%,自己又算幾滿意各成員間之銀碼分佈,所以暫時又唔想做stock switching。
因此,今云真係「買定離手」了!😆
2023年6月8日星期四
太平盛世,我比「氣」你做皇帝!
3號仔管理層昨天喊話要等到「太平盛世」時才會考慮再送紅股。
筆者認為佢哋若然不是沒有財務常識,就是想混淆視聽,推卸責任!
其實3號仔的最大問題,是市場給予佢過高估值,即使經歷過去兩年多的調整,以佢現價計,尤其要考慮、比較一下現時整體港股的股票估值,3號仔一啲都唔平! 股息率更毫無吸引力!
筆者個人認為,當前港股中,估值和股息率最為吸引的「公用股」,首推中海油(883.HK)。以今天除咗淨的理論開市價HK$11.45去計算,筆者估計883.HK今年市盈率都只係齊頭4倍,只要佢稍為提高分派比率至約5成,股息便仍可照舊@HK$1.45/股,即股息率等於12.66%pa。
点解883.HK係香港公用股?... 吓,你哋唔知道上個月,全世界最大的「海上液化天然氣香港接收站」,已進入了試運行階段,... 從此以後,會大幅提高香港清潔能源的發電比例。
要知道我哋香港嘅兩電一煤,一直都係要買煤買氣才能有所產出,而潔淨的天然氣就將會是兩電一煤未來主要購買的原材料。
筆者唔寫得咁多,有興趣的網友們不如自己上網睇睇相關的新聞報導吧!👏👏👏
2023年6月7日星期三
迪生(113.HK)會派特別股息嗎?
迪生(113.HK)將於下星期二(6月13日)公佈截至3月31日止的全年業績和末期股息。
今年係佢「公司股票編號113」上市嘅50週年,你哋推測佢會唔會派發特別股息呢?
如果有,你哋估計佢會派發每股幾多錢呢?... 兩毫? 5毫? 1蚊? 兩蚊?...
Student唔係潘爵士、唔係佢乖仔潘公子,又冇內幕消息,又冇能夠睇到未來的水晶球,所以Student真係唔知道!
如果冇特別股息,那又如何?
Student眼見潘爵士面相正氣凜然、紅光滿面,又見到113.HK年年獲利、現金滿瀉,因此早幾年開始已經做了佢小股東了。🤑
今早見有4萬幾股沽盤@HK$4.28,Student便落了競價限價盤1萬股@HK$4.29,... 最後承了@HK$4.28,... 開心! 年股息率>8厘的凈凈現金零售公司+估計今年生意滔滔,... Student唔炒股了!🙏^^
2023年6月6日星期二
現價883.HK值得持有嗎?
筆者上星期一做了「笨叔叔」,以HK$12.40價格增持了883.HK。之後佢全星期冇好過,有兩日曾經跌至HK$11.50才止瀉!
883.HK後日(6月8日)便除凈,末期股息@HK$0.75/股,筆者執筆時它股價徘徊於HK$12.36~12.38,... 咁現價還值得持有嗎?
筆者會咁樣睇: 扣除10%大陸股息税後,股東實收末期股息@HK$0.675/股,取現市價中間位HK$12.37減去HK$0.675後,便得出除凈後的「理論成本」大約=HK$11.70,... 好了,此價格還值得持有嗎?
雖然現今所有分析(包括筆者在內)皆認為中海油今年盈利會有所下跌,但跌幅會有幾多呢?... 筆者參考佢早排已公佈了的首季業績,及佢經常公佈的最新業務發展情況,目前筆者是偏向樂觀的,估計佢全年盈利下跌幅度絕對不出15%,樂觀些可能只有高單位數字跌幅。
筆者更認為,如果中海油今年肯提高股息分派比率(Dividend Payout Ratio)至大約50%,佢已有能力「照舊」派付全年股息@HK$1.45(=HK$0.70+HK$0.75)了。縱觀當前國策,「中特估」提高分派比率是大方向。
如是,以價格HK$11.70去計算,883.HK股息率便是12.4%pa。即使扣除10%股息稅後,實收股息率也有11%pa。
筆者暫時認為「超高股息率」仍然是883.HK之最佳護城河。
2023年6月2日星期五
2023年6月1日星期四
地產股現形記
初級經濟教科書內告訴我們,市場是高效的,資訊會好快反映在價格上,但筆者投資股市多年,感覺現實是完全兩回事。
還有3日,此網誌便一歲了。🤗
過去一年,筆者多次出文,苦口婆心解釋「中港房地產股份」的當前危機,其實所有資訊都是從公開市場的財經新聞中獲取,相信眾網友或其他人都睇得見、聽得到,筆者只是加入了個人愚見,打包後於此網誌內發放。
印象中寫過的相關短文,包括有「地慘股」、「再說地慘股」、「加息的殺傷力」、「加息停不了」、「客觀條件不利地產股」等等等等...
2023年5月31日星期三
領展之「利息支出」
由於823.HK lunch time時公佈的業績只是up to 31/3/2023,而香港息口主要在今年才站在較高水平,雖然佢已供了股,但筆者認為佢嚟緊盤數之「利息支出」還是有機會再增加的,而這個肯定是會直接影響佢分派嘅能力。
以佢今次末期股息乘2作為全年股息預測:~
HK$1.188 x 2 =HK$2.376
便計算出823.HK今日收市價HK$45.50的預計全年股息率,可能只有5.22%pa。
希望大家小心D啦!🙏
檢討自己: 太急進了!
前日早上student增持了883.HK@HK$12.40,今早睇返轉頭,是一個錯誤的決策。
幾日前研究了一遍3桶油的A股、H股及再睇清楚佢哋今年的首季業績,個人見解是883.HK股價最落後了,睇埋股價圖後更信心十足,「盲目地」以為佢股價還可以有兩成向上空間,即目標股價可以去到大約15蚊左右!
Student忽視了最近恒指和國內A股市場其實已急轉向下,... 可能由於3桶油有較高股息而又未除淨,所以股價便相對上較為硬淨,... 其實,宜家諗返,只係student自己一廂情願。
佢哋稍為遲些調整而已,因為「要嚟嘅始終會嚟」!😫
2023年5月30日星期二
默默增持113.HK和900.HK
申報一下,Student於過去兩三個月都各自有好幾次增持了迪生和Aeon此兩支個人愛股,原因是:「倦鳥知還」。
今年港股整體不爭氣,Student多次將資金「換馬」投入新目標時,往往都是「不能堅持」作長線收息的持股初衷,於是兜兜轉轉下便多買入自己最熟悉的股份,除了阿一中海油,迪生和Aeon乃筆者「高息倉」內的阿二和阿三,Student當然對佢哋係「幾有信心」,所以即使加大持股數量,心態上自問也是可以承受。
兩者皆屬本土高息「悶股」。
Student不怕「股價悶」,最緊要佢哋生意興隆、季季賺到錢、年年派高息,財務上健健康康,我持股便開開心心了!
以目前市價計算,此兩股倉值在「高息倉」內是幾乎一樣,真巧合!🤗
後記: 昨早(5月29日)才增持了883.HK,今晚(5月30日)又見國際油價明顯向下走了,... 都咪話唔令人洩氣呀!😩
2023年5月29日星期一
開心增持883.HK
今早開市前,以競價限價盤落了指令入883.HK@HK$12.40,卒之頭先10点前做妥了。
增持理由是投資户口內有過多available cash,筆者對中海油又最有信心,況且佢將於下星期四(6月8日)除淨@HK$0.75/股,自己心態上便是收多些股息吧！🙂
2023年5月27日星期六
中海油(883.HK)自強不息
於剛過去的週一至週三(5月22日至24日),中海油(883.HK)在深圳及珠海舉行了資本市場調研及媒體參觀活動,負責人表示中海油將繼續增儲上產,提質降本增效,並推動科技創新及穩步推進綠色發展。目標至2025年全年產量達到7.3~7.4億桶油當量,即是較去年產量6.24億桶油當量增加多17.8%。
活動中,負責人亦有提及883.HK股價被市場低估了,集團會視乎股價水平而再進行回購。
昨日(5月26日)佢又有新消息,渤海灣首個千億方大氣田「渤中19一6凝析氣田中心平台」在山東青島建造完成,該平台設計油氣年處理能力超500萬噸,預計年底便可投入試生產。
Student says: 以883.HK現價HK$12.48作基數,佢今年股價仍會再升多兩成嗎?
2023年5月24日星期三
今日筆者輸咗比花旗國
Student今早中午前見平安(2318.HK)穿了52蚊後似乎已跌定,便膽粗粗入了佢一注@HK$51.90,原本都係唸住買入作長線持有嘅。
点知下午個市被花旗國的「債務上限討論」消息嚇怕,最差時恒指只有19,047点,即是跌了384点。由於大型保險公司應該持有好大量美國國債,如果美債違約,保險股首當其衝,肯定跌得比別人「甘」!
下午交易時段Student戚戚然,認衰今次選擇上車的時間是不應該的。
下午最惡劣時佢股價見51蚊,Student有思考應否沽出,但見佢下跌幅度之百分比多過2628.HK/1299.HK等其他保險股,就心有不甘了,... 直至收市後競價時段,見到HK$51.55可以試下,便掛了限價盤出貨,最後承了HK$51.60! 未計手續費,輸了3毫子,但當係換回今晚好覺瞓!
總結是,花旗國真係冇好帶挈!😤
2023年5月23日星期二
地王．豪宅．凱玥
網友金戈大師 於上一篇短文中有留言提及由兩間內地房地產開發商「龍光」与「合景泰富」共同開發的鴨脷洲豪宅樓盤「凱玥」目前情況。
如此重大的地產財經新聞,大家已知道了嗎?
股票投資上,你哋有何部署呢?
2023年5月21日星期日
883.HK又慳番啲電費錢了!
中海油(883.HK)昨天(5月20日)宣佈,文昌深遠海浮式風電示範應用項目成功并網發電。
該項目位於南海西部文昌油田群海域,離岸距離136公里,水深120米,是中海油旗下首個水深過百米、離岸距離超百公里的半潛式"雙百"深遠海浮式風電項目。項目主力生產設施"海油觀瀾號"裝機容量為7.25兆瓦,年均發電量可達2,200萬千瓦時,預計年均節省天然氣近千萬立方米,減少二氧化碳排放約2.2萬吨。
中海油擁有文昌深遠海浮式風電示範應用項目100%的權益。
2023年5月19日星期五
即市觀察
愈睇愈似啲資金換緊貨: 離棄700.HK、3690.HK、9988.HK... ,投入005.HK、883.HK、941.HK...。之後個大市要再起動,就要靠後者了?
其實好正路,前者幾時可以做到單位數嘅市盈率? 幾時可以派到8厘股息、甚至超過10厘?
嗚乎!... 愈睇愈似!🧐
將會除淨的股份
收息才是硬道理,股價唔好理佢住,收完股息再研究。
001.HK: 5月23日為除淨日,@HK$2.086/股。6月8日收錢。
883.HK: 6月8日為除淨日,@HK$0.75/股。7月14日收錢。
2023年5月18日星期四
阿里巴巴(9988.HK)全年業績
佢年結日為每年的3月31日。
佢2020/21財年全年賺了RMB1,503億元。
佢2021/22財年全年賺了RMB620億元。
佢剛剛公佈了2022/23財年全年共賺RMB725億元,即每股盈利為RMB3.38,即是大約=HK$3.80/股。
以今天9988.HK收市價87.75作計算,市盈率=23倍。另外,佢目前依然冇股息!
大家睇清楚佢了嗎?
2023年5月17日星期三
騰訊(700.HK)首季業績
佢2021年全年賺人仔2,248億元,即係平均每季賺人仔562億元。
佢2022年全年賺人仔1,882億元,即係平均每季賺人仔471億元。
佢剛剛公佈2023年首季賺了人仔258億元!
大家睇清楚佢了嗎?
中港房地產股
今早國家統計局公佈,今年首四個月全國房地產開發投資按年下降6.2%。去年的基數已不高了,... so sad!
123.HK向股東伸手,10供3,供股已除淨,而股價每況愈下,收市價HK$9.38已迫近供股價9蚊了,此市價已較宣佈供股前的市價跌了21.6%!... 原來復牌之時沽走佢才是上策。
其它大型國企龍頭內房股如688.HK,1109.HK之股價走勢大家有圖睇,去年業績的股息率吸引嗎? 今年業績、股息率又會如何呢?... 估得到嗎?
大型民企內房股如813.HK、1918.HK、2007.HK等還在苦苦掙扎中,... 你哋話点算好?
至於本港房地產股,包括地產發展股、收租股及Reits在內,於如今高息口的環境下,估計今年業績會「叻極有限」。
因此筆者目前對中港房地產股仍然只敢「靜觀」而已。🤔
後記: 這篇短文student寫於昨日下午,但由於之後未有時間再審閱,所以昨晚都未有登出,宜家就可以了。
2023年5月15日星期一
另一隻香港公用股: 中海油(883.HK)
剛從aastocks.com內睇到如下一則財經新聞:~
中國海油宣佈,由公司旗下海洋石油工程股份有限公司負責工程總承包的「世界最大海上液化天然氣(LNG)接收站一一香港LNG項目」實現首船卸料和管線通氣,標誌着近年來香港特別行政區規模最大的海上能源基礎設施建設項目進入試運行階段。項目建成後將大幅提高香港清潔能源發電比例,對優化粵港澳大灣區能源結構、助力實現雙碳目標具有重要意義。
Student says, "你哋宜家仲揸住「兩電一煤」?''
2023年5月13日星期六
恒指公司「又」完美示範「高入低出」
昨天傍晚恒指公司公佈了加入4間公司做恒指成份股,當中包括了華潤電力(836.HK)。Student在此先恭喜836.HK的全體股東!
查實836.HK曾經於2009年6月8日加入恒指做成份股,但非常奇怪,在筆者認為沒有顯著負面業績/消息的情況下,恒指公司於2019年3月11日忽然將佢剔出成份股之列,同時就換入了當年仍在虧損、但被市場熱炒的互聯網保險公司眾安(6060.HK)。
昨傍晚又重新將昨天股價創了一年新高的836.HK加番入恒指做成份股。
如果大家上網check下,上述幾次處於轉捩點的836.HK股價,就會發現恒指公司「又」完美示範了「高入低出」的投資智慧了！
為何student以個「又」字來形容呢?... 因為小弟憑記憶就想起長建(1038.HK)都係咁樣被恒指公司「舞低弄高」的!
Student真係「服晒」恒指公司啲決策人了!😤
2023年5月12日星期五
Student低估了港元拆息抽升的殺傷力
筆者前日星期三才示警一個月港元拆息已連升了15日到4.15厘。但話都冇咁快,今早已升至4.52厘了!
如此景況下,港股又点會有運行?
再加埋那幾隻重磅科技大藍籌股又比人當係提款機,包括騰訊、比亞迪、阿里巴巴,佢哋啲外國股東們賣股後,那會有良心把套現的錢停留在香港吖!😤
2023年5月11日星期四
補回1号仔
頭先補回星期一沽出的5,000股長和(001.HK)@HK$52.55,攞些少着數。
無乜特別理由,大市19,700点附近,自己唔想亂估大市方向。
筆者一直認為,當1号仔股價与佢阿仔長建(1038.HK)只是相差幾蚊港幣,而兩者的「股息率」又差不多時,二揀一的話,自己就肯定揀前者了!
原因是長和嘅PB低過長建好多、好多...
另外,1号仔在5月23日(即是唔夠兩星期)便會除淨末期息@HK$2.086/股,到時佢除淨後「股息率」便會較目前新地(016.HK)的「股息率」高出足足1厘了,... Student認為這也算是投資心理上的護城河!
補充一下,016.HK已於3月時除淨完畢。🤷
2023年5月10日星期三
「中海油」完勝「西方石油」
「股神」巴菲特的投資旗艦「伯克希爾」,從去年第一季起建倉並持續增持的「西方石油」(OXY.US),剛剛公佈了2023年首季之財報,主營業務收入同比下滑13.5%,税後利潤同比下滑74%,經調整普通股股東應佔淨利潤則按年下跌了50%,至只有USD10.7億元(約=HK$84億元)。
大家還記得中海油(883.HK)今年首季的業績嗎?... 不記得了? 何妨入去aastocks.com內recall一下...
當然,本文標題已有定案。✌️^^
港元1個月拆息 >4.15厘
折息已連升了15天,點算?
你們認為香港加息週期已完結了?
笑話一則:.
從aastocks內看見一則【大行報告】標題: 外資基金首季對中資股持倉降至去年10月低位,但對中國市場仍正面...
2023年5月9日星期二
重覆: 買股收息才是硬道理!
股神巴菲特的「價值投資法」絕對正確,然同枱食飯,各自修行! 大家「加油」呀!🙏^^
P.S. 明天德林國際(1126.HK)便除淨末期股息@HK$0.30/股,5月29日收錢,... 沉悶,卻實在!🤑
2023年5月8日星期一
中海油(883.HK)加油呀!
Student says,
"中海油冲冲冲!
你A股600938.SH今早升咗8%,企穩人仔廿蚊! 係威係勢!
883.HK你上次高位只係港幣13.06,就在眼前了! 上呀! 跨過它吧! 加油!加油!加油呀!" 🎊🎉🥳
另外,頭先出了部份1号仔, 5,000股@HK$53.70,倉內還有15,000股。一心想套現換馬,点知出了貨後,想換入的股份價格比人捷足先登了!... 唯有忍、等! 😤
2023年5月4日星期四
原來佢上市50週年了!
長和? 新地? 太古A? ... 非也! Student講緊嘅係~~~奢侈品零售公司: 迪生創建(113.HK)!
絕無講大話,Student頭先至發現原來113.HK(前身名稱為「順福企業有限公司」)嘅上市日期為1973年3月15日,而佢嘅財務年結日是每年的3月31日,... 即是下個月中,佢將會公佈的截至2023年3月31日全年業績=公司上市50週年的業績,... 咁佢除了宣佈末期股息外,會否加派「上市50週年特別股息」來慶祝一下呢? 🤔
Student絕無內幕消息,... 唯見佢現金滿瀉, 可能性是有的!🧐
2023年5月3日星期三
113.HK、398.HK、517.HK、900.HK、1126.HK ... GoGoGo!
俗語話: 三個臭皮匠,勝過一個諸葛亮。
何況student依家有五個呢!
Student says, "On your marks! Get set! ... "
後記:
5月4日早上8:30am ~ 昨夜美國宣佈再加息25点子,估計本地銀行都要跟隨了。筆者從去年一直以來也提醒自己,持股盡量避開那些負債水平較高的公司、地產股及Reits。上面五個臭皮匠中,有三間是「淨淨現金公司」,即113.HK, 398.HK和517.HK, 佢哋反而是息口上升的受惠股! 而筆者預測1126.HK今年仍會有大增長、賺大錢,估計「銀行+現金結餘」將會大增。至於900.HK的「現金」就好大部份儲存於「應收帳款」內,主要都是極短期的信用卡款項,基本上好快趣可以收回。即是如果Aeon突然想結業,筆者認為佢只需要三幾個月時間便已從「應收帳款」中收回大部份幾十億元現金。而根據管理層的說法,公司已做足壞帳準備了。👍^^
油價与油股
昨晚國際油價下跌了5%,都咪話唔駭人!
与中海油息息相關的布倫特油價收於USD75.23/桶,... 点睇今日883.HK股價呢?
股票價格對市場氣氛最為敏感,883.HK今天股價肯定「瓜多過菜」! 不過,不要忘記佢之前公佈了的今年首季(即一至三月份)「公司平均實現油價」都只是USD74.17/桶,但就已經錄得了盈利RMB321億元,而在剛過去的四月份,布油價都是徘徊於USD78~87/桶,所以佢4月份的盈利應該是冇問題的。
至於5月份,現在才剛剛開始,布倫特油價會否在昨夜價格,即USD75.23/桶,再下跌呢?... 筆者唔知道,只能拭目以待!🧐
P.S. 883.HK將於6月8日除淨2022年之末期股息@HK$0.75/股。🙏
2023年5月2日星期二
517.HK又開始回購自己了
剛從aastock內睇到,現金牛517.HK今天於市場上回購了1,664,000股。Student認為此有三重意義:~
1. 停了差不多5個月之「股份回購」行動又再重新啟動。
2. 管理層肯定了< or =HK$2.60之517.HK股價被市場低估,尤其是現市價還未除淨佢2022年度之末期股息(@HK$0.115/股)呢!
3. 估計佢今年頭四個月之業績應該不錯吧!
匯控首季業績的啟示
5號仔績佳,主因2023年首季環球利率「同比」勁升。
即是大銀行大幅「抽走了」市場上各經營者的利潤,尤其是地產相關行業(包括REITs)及負債水平較高之企業。總之,大家要看風駛「巾里」(即「帆」,粵音:里)、執生呀!
股票五評
1. 懶理佢A股創新高,811.HK冇勢就是冇勢,冇得拗!
2. 上個星期五student見576.HK全日比人「係咁沽」,check下佢原來當晚將會公佈首季業績,... 奇怪,佢星期四午夜已公佈了旗下之「浙商證券」首季多賺了51%,難道佢首季之公路業務盈利出了問題?... 係咁想下想下,又到4点鐘了,... 再見佢收市競價時段,更以接近全日最低位收市,還以為自己好彩冇買入佢,... 之後佢收市後公佈了首季業績,... 唉,就咁student錯失了一個「非常值博」的機會了!... 教訓呀! (点唱: 蔡國權「不應再猶豫」)
3. 金戈大師推介的107.HK,今早顯著上升,創了一年新高,check一下aastocks,原來佢出咗通告話母企打算增持佢多2%,而且只係H股!
4. 今早暫時倉內有D升幅的股票算是517.HK,... 睇唔到佢有特別消息,難道是重啟回購股份?
5. 雖然本地零售市道轉旺,但業主加租需時(一般租約期為兩至三年),因此地產收租股冇理由咁快趣受益! 反而student直覺「奢侈品零售公司」會即時「生意額倍升以上」。今年零售現金牛孖寶113.HK和398.HK佳績可期!
2023年4月28日星期五
加入一支舊相好: 811.HK
由於之前走了一轉新華文軒(811.HK)有微利,見佢A股(601811.SH)及一眾文化出版傳媒股又連續勁升多日,文軒之A/H股「價差」已是非常非常濶,Student當正這是護城河了!
再加上昨日傍晚佢公佈之首季業績算係幾對版,「銀行及現金結餘」於3月31日已升至RMB80億元(2022年12月31日: RMB78億元),即每股擁有現金RMB6.50(=HK$7.30)。於是Student今早就決定先加佢少量入「Student高息倉」中,承盤@HK$6.91。
佢好快趣會除淨,Student阿Q精神,心態上當正自己在除淨後的大約HK$6.60買佢。(已計入了買貨手續費及扣除埋10%大陸股息稅。)
密切觀察佢業務表現如何,將來再決定會否加倉。🤔
後記: Sorry了,Student下午3:00pm見佢A股只是升了3.91%作收市,動力好似弱咗,下星期內地又有「悠長假期」,... 又見H股賣方個個價位都有人掛沽,... 思前想後,君子不立危牆之下,... 選擇了先沽為敬(@HK$7.15)! ... 下星期重新出發吧。🙏
2023年4月27日星期四
中海油首季業績
2023年1月1日至3月31日,期間即使公司之「平均實現油價」顯著下跌了23.9%至USD74.17/桶(筆者此刻執筆時「布倫特油價」大約=USD78.3/桶),中海油仍然可賺到RMB321億元,只是較去年同期下跌了6.38%而已。
前日「匯豐研究」發表研究報告預期內地油股今年首季盈利按季跌23%,按年跌31%,...
Student says: 由於市場上「做研究」的分析員質素皆是如此渾渾噩噩,無怪883.HK的股價跑輸晒了!😤
2023年4月25日星期二
見身郁唔見米白
年年賺錢的公司,又年年肯派「合理」股息,例如每年盈利公佈出嚟係每股賺1蚊,把當中派發每股股息5毫子,即Dividend Payout=50%,那是否每股還剩下/保留了 5毫子在盈利儲備內? 那是否企業的每股資產淨值便因此而增加了5毫子呢?
... 答案係「不是」!
有興趣的網友不妨研究下5號仔或「業務相對簡單和盤數好容易明」的本地地產股企業,... 要舉一反三呀!🤔
附帶: 現市價(<HK$5.30)之Aeon Credit(900.HK)似乎被低估了,依照上個月管理層的公開表述: 目標今年本地及海外(主要是日本)銷售額會有雙位數增長,又有信心壞帳可控。👍^^
2023年4月24日星期一
本地奢侈品及化粧美容股: 迪生(113.HK)
Student考考你哋,目前世界首富是誰?... 相信很多人都知道是Tesla嘅Elon Musk。
咁第二位呢?... 我估你哋可能會有啲猶豫,... 要認真地諗一下了?
等小弟揭盅吧!
目前世界第二位富人是奢侈品教父,即LVMH集團的創辦人Bernard Arnault。
嘩,原來賣奢侈品是如此好賺的生意啊!
舉一反三,香港有冇掛着奢侈品旗號做生意的上市公司呢?... 有,當然有!
觀乎今年首季本地零售業嘅細分數據,加埋莎莎國際(178.HK)剛公佈之最新季度銷售數據,Student估計呀迪生(113.HK)今年應該「食正」復甦了!
再加埋佢現金滿瀉,息口高企下就更加益晒佢了!🤑
2023年4月19日星期三
缺水+加息
金管局最近不停承接港元沽盤,沽出美元,以捍衛香港的聯繫滙率制度。
截至今早上約8時半的財經新聞,週四(即明天)的銀行體系總結餘將會降至492.3億港元。
你持有的股票對本地息口敏感嗎? 你又如何部署呢?
2023年4月18日星期二
滿江紅
今日「Student高息倉」滿江紅,即倉內全體成員股價皆有下跌,烏呼哀哉呀! 因此student出此文記錄以作自省。
筆者亦想起岳武穆〈滿江紅〉內之幾句以作自勉,即「莫等閒,白了少年頭,空悲切!」及「待從頭,收拾舊山河,朝天闕!」...看似很適合用來調整投資心態。🙂
2023年4月16日星期日
2023年4月13日星期四
烈火燃起凌霄志 勇往直前如戰車
喜出望外! 以今日上午收市價計算,Student之「高息倉組合」總市值(連同available cash)創出了歷史新高!
上次歷史高位發生在去年5月底,當時恒指為21,415,今日中午恒指就收於20,210。
重点是其間student從未有加新資金入「高息倉」投資户口內,反而每個月不定時都有從這個户口內提取現金作部份家用(即生活費用),粗略計算大慨每個月平均提取了HK$15,000/月。
Student已堅定相信長期靈活持有較高股息率的股份是最適合student的投資股票方法。
Student謹此祝願与所有有缘之股友們一起投資百尺竿頭! 🙏^^
及祝福祖国同胞們繼續努力,為中華民族偉大復興事業加油!🇨🇳👍^^
後記: 4月14日上午,加入了極少量新成員: 142.HK(第一太平),此股屬亞洲綜合企業,1996~2001年期間曾經是恒指成份股。健一兄 早陣子有推介過。
2023年4月12日星期三
又入又出又入又出
昨午入了811.HK,極少量。
今早又出又入811.HK,都是極少量,... 自己目前膽量仍然唔多夠!
剛才就沽出上月才買入之2,000股316.HK,原因是貨櫃航運業未來兩、三年已被一眾大行定性為「冇運行」,今次Student都係冇謂拗了,就順應民意吧!👌
新華文軒(811.HK)
發現811.HK之A股601811.SH股價在昨天突破了52週頂位後,今早仍在探頂,中午收市價為RMB13.47,較昨日又升了6.23%。以匯率1.135換算,RMB13.47即大約=HK$15.30。
新華文軒過去4年,每年盈利皆有穩定增長。
目前市盈率只約5倍,股息率稍嫌小啲,但都有6%pa,重点佢現金滿瀉: 於2022年12月31日,佢持有現金RMB78億元,等於每股RMB6.32(=HK$7.17/股)! 佢有資格「失驚無神」派給股東特別股息, 而H股也有被大股東私有化嘅可能,因為H股股價(中午收市價: HK$6.46)確實係:「平」!🤔
2023年4月10日星期一
中海油(883.HK)擁有世界級技術
中海油今日(4月10日)宣佈,"深海一號"超深水大氣田完成遠程遙控生產改造与調試工作,具備在台風期間保持連續安全穩定生產能力,成為世界首個具備遙控生產能力的超大型深水半潛式生產儲油平台。🇨🇳👍^^
2023年4月9日星期日
應否持有「成交量較少」的股票
很多老散在決定應否買入某隻股票時,都會考慮過往這隻股票之每日成交股數,若是成交量較多的就買多些,若是成交量較少的就買少些,甚至連一小注都冇膽買入... 這是理所當然嗎?🤔
Student買股票就先着重企業的「業績」和「基本因素」,如果認為是條件好的、股價又夠平的,我認為少啲交投不是大問題!
其實有良好業績或在特定時間有特殊慨念的公司又点會「日日都無成交」吖?🤔
況且你又不是將「全副身家」投入到一隻股票上面!... 當然,咁又要睇你全副身家有幾多,... 5萬? 50萬? 500萬? 5,000萬?
持貨壓力肯定會因為每位投資者各有不同資產實力、投資經驗、取向、性格等等而迥異。🤔
Student舉個例子: 5、6線的本地地產股金朝陽(878.HK)的每日成交股數也夠少了吧? 去年12月筆者就分了幾次買佢,持有合共6萬股,佢上月公佈完業績後,由於筆者不欣賞,主要發覺佢出售希雲大厦嘅交易被買家(估計是一位欠財務實力的炒家)拖延半年至8月,Student現時估計此交易有可能會以「告吹」收場,於是就在一日內(3月24日)沽清6萬股金朝陽算數了。總之事在人為,就冇乜難度了。👌
須便一提: 套現嘅錢,主要投咗去長和(001.HK): 藍籌股、PE只有5倍、PB<0.4、股息率6%pa(還未除淨末期股息),而且長和Balance Sheet比起以前確實是更健康。 我諗目前1号仔唔洗睇股價了,就擺埋一邊長線收佢股息,將來會有驚喜的!🙏^^
2023年4月7日星期五
港人離港人數,多過旅客來港數目。
如果香港長遠都是這樣,弊傢伙了!
估計會有負面影響的上市公司,包括:~
003.HK(少了家庭客戶在家中享用煤氣。)
823.HK(屋邨街市人流明顯少咗,菜檔負責人話: 很多街坊已離港外遊了。)
......
估計會正面受益的上市公司:~
293.HK、酒店業、和一眾主力做遊客生意的零售企業,尤其是位處旺區賣奢侈品的公司。
2023年4月6日星期四
2023年4月4日星期二
有誰共鳴: Aeon(900.HK)
截至2023年2月28日止年度,900.HK全年盈利為HK$3.736億元(2022: HK$3.426億元),即是上升了9%。也即是第四財季(12月1日~2月28日)勁賺HK$1.236億元,確定佢復甦了!
全年EPS=HK$0.8922/股,即是市盈率只有5.77倍(以現時中午收市價HK$5.15作計算)。遲D除淨末期股息@HK$0.22後,此市盈率數字便會更低一些。
Aeon每股資產淨值(NAV)於年結日(2023年2月28日)為HK$9.295/股(2022: HK$8.677/股, 2021: HK$8.172/股,... 2018: HK$7.176/股),即是繼續年年上升!🚀
如以過去5年Aeon的每股NAV增幅29.5%,与匯控的作比較時你便會發現,... 匯控幾乎是原地踏步!😱
2023年4月3日星期一
知否知否 應是綠肥紅瘦
以目前股息率、收入成本效益、資產負債表狀況作比較:~
883.HK>857.HK>386.HK
因此筆者只持有883.HK。
同樣地, 316.HK>1919.HK, 因此筆者只持有316.HK。
註釋: 這裏的 ">" stands for "is better than"。
2023年3月31日星期五
三月小結
忽然醒起今天乃三月份之最後一日,於是又計一下這個月份之得失,... 主要靠中海油和三月中才加入之德林國際都算有些少表現,因此本月追返晒上月錄得的負回報。總結今年首季(1~3月)嘅總倉值就升了8%(其實應不止此數,因冇計算其間從户口內提取了的生活費用,約略為0.4%)。
總算無白費自己付出嘅精神和時間。
這3個月內,不知不覺間student已把「高息倉」內之成員,或換走,或改變了持股數量,又有加入新成員。例如昨日早上就小注加入了489.HK,今天就沽清了剩餘的新鴻基公司(086.HK)。
現時倉內依貨值的最新排位如下:
阿一: 中海油(883.HK)
阿二: Aeon Credit(900.HK)
阿三: 迪生創建(113.HK)
阿四: 長和(001.HK)
阿五: 東方表行(398.HK)
阿六: 德林國際(1126.HK)
阿七: 中遠海運國際(517.HK)
阿八: 東方海外(316.HK)
阿九: 東風集團(489.HK)
大部份已公佈了2022年全年業績及末期息,還有Aeon也將會於星期二有公佈,剩番迪生和東方表行就因為佢哋係以3月31日為年結日,所以要等到6至8月份才會公佈全年業績。
整體都係高息股,尤其中海油和東方海外更是「超高息」藍籌。新近加入了長和,因覺得佢始終係港股藍籌中的環球企業,估值偏低,雖然Victor出名孤寒,但現股價未除淨也有6厘息了。從知名度、企業規模、資產折讓、管理層表現、業務風險程度等等作考慮,持有001.HK肯定安全過5、6線嘅086.HK和1606.HK。後兩者已被student沽清了,心態上係換入001.HK。
希望德林(1126.HK)今年會黑馬跑出,佢有「美國市場」慨念,有條件吸引美資基金,當然佢嘅靚業績是吸引student買入的主因。
前日早上競價盤以HK$3.68買入東風(489.HK),因見佢去年EPS仍可賺約RMB1.2/股,NAV大約HK$20/股,資產負債表看似幾健康,又係央企,又肯回購,又肯派高息,所以小注怡情,但不排除可能隨時換馬。
最後都係嗰句: 請不要問小弟点解上面排名如此如此,因為這不是一朝一夕之結果,要詳解就真係一匹布咁長了。請大家見諒!🙏
週期股一定有週期?
誰人定性某類型股票是週期股?
誰說週期股一定有週期?
那類型股票冇週期?
REITs、地產股、銀行股、工業股、科技股冇週期?... 加息不就將佢哋嘅 經營環境/週期 改變了嗎?
經濟衰退不需要海上運輸嗎? 單靠空運? 未來發明瞬間轉移技術?... 咪玩啦!
世界經濟將來不再需要石油嗎?... 洗手冲涼洗頭唔洗用梘液/洗頭水? 石油在製造業/工業上的應用會消失嗎? 近兩日國際油價大致USD75~80/桶,如果未來幾年都徘徊於USD60~90/桶,咁以後石油股還會有週期嗎?
首選883.HK
883.HK昨天股價「輸在」末期息比起投資者(包括筆者在內)的預期為少,而市場日常活躍的交易資金總是被投機的佔去大部份。
真心,無論比較營運效益、市盈率、股息率、負債率、現金對總負債水平等等等等,以昨天收市價計算,三桶油之中,点枰都係應該揀中海油(883.HK)作首選。
2023年3月30日星期四
2023年3月29日星期三
与「中海油」共富貴
稍後中石油(857.HK)和中海油(883.HK)將會公佈2022年之全年業績及股息分派,Student特別為此開出此個新post比大家留言,舒發一下你哋嘅喜怒哀樂! 🙏
後記:
883.HK現已公佈了2022年之業績及末期股息,Student不贅述了,只想將佢去年每一季的盈利記錄於此post內,方便自己日後參考下。
中海油(883.HK)2022年之每季盈利為:~
第一季(1~3月) : RMB343億元
第二季(4~6月) : RMB376億元
第三季(7~9月) : RMB369億元
第四季(10~12月):RMB329億元
= 全年共賺了 : RMB1,417億元
其實都算係「幾平均」,尤其是第四季,因為student記得國際油價於去年底前已經有明顯的跌幅,但中海油此季的盈利只較前一季下跌了一成而已。Student估計佢不斷增加產量(開源)+控制成本(節流) 是「保盈利」的主要因素。抵讚! 👍^^
2023年3月28日星期二
缺貨,乾升,点算?
德林(1126.HK)之發行股數為6.76865億股,但最大股東(崔奎玧)就佔去了68.16%,第二大股東(富達基金)又佔去了9.01%,其餘剩返的,只有22.83%比你哋買,即只有大約1.5453億股,當中也極可能包括了一些「收息基金」持貨三幾個%,也毋須申報!
咁点算?
2023年3月27日星期一
1126.HK今年極可能增派股息
德林國際(1126.HK)2022年全年股息共分派@HK$0.40/股(目前佢還未除淨末期息@HK$0.30/股),以佢下半年的營業額、毛利率和純利之增速,及再增加4間新廠房增產,Student大胆估計佢今年2023年之全年盈利會有約3~5成之增長。🙏^^
如無意外,1126.HK好快趣便會是一間年賺10億港元以上之玩具工業股了。🙏^^
只要佢保持住40%之派息比率,今年股息便有機會是大約@HK$0.52/股~HK$0.60/股。超讚了!👍^^
如果佢將來肯再增加派息比率至5成,... 😬
2023年3月26日星期日
386.HK派息少了
剛剛睇到中石化(386.HK)的全年業績。🙏
其實佢去年10月底公佈之頭三季業績,已計得出佢第三季的盈利是RMB129億元,顯著低過前年同期的RMB206億元了,咁今次全年盈利有約7%的下跌又有何驚奇呢?... 只是student估計都有不少中石化的粉絲會對佢今次減派末期股息頗為失望了!(末期股息少了37%。)
至於佢將以每股RMB5.36配A股予控股股東,只為募集區區RMB120億資金,Student就覺得這決定反映了佢今年的預算資本支出RMB1658億,對公司真係「唔嘢少」呀!
883.HK股價在這個月截至3月24日跑輸了386.HK,你哋話合理嗎?
2023年3月24日星期五
去蕪存菁
由於發現金朝陽(878.HK)出售希雲大厦的交易對手,即買家,將第二期的交易訂金(=交易金額的10%),由原先需於上月繳付,延期半年至8月,雖然878.HK因此可以收取「利息補償」約千一萬元,但student就感覺此位買家似乎只是一位「欠缺財務實力的炒家」而已! 尤其是今次878.HK以如此高的價格(約32億港元)出售此座每年只有1,453萬港元租金收入之物業。Student也不覺得本地物業市場價格有何利好因素,足夠比啲炒家有水位「甩身」,所以Student現在推測此宗「大deal」好有機會以「告吹」作終!
因此,Student今日就沽清了878.HK,... 唔同佢玩了! 連佢昨晚公佈的末期股息(一年只得兩毫子)都唔要了!
珠姐(即公司創辦人,也是大股東: 傅金珠女士),對不起了!🙏
須知道,市場上大把更有名氣、更具規模、有更多業務,及更高股息率的「資產折讓股」可供student選擇呢!👌
2023年3月23日星期四
除淨後有十二厘股息的發夢股
講的是 Dream International Limited,德林國際(1126.HK)。
筆者都只是最近見佢發出盈喜通告後,才開始建佢倉。
佢剛宣派2022年之末期股息@HK$0.3/股。連同之前已派發的中期股息@HK$0.1/股,即全年共分派@HK$0.4/股。
今日佢股價收於HK$3.65,遲下末期息除淨後,便只是HK$3.35(假設股價冇升跌,... 雖然幾乎是冇乜可能!), 到其時股息率便=0.4/3.35 x 100% = 11.94%pa。
以佢去年營業額、毛利率、盈利等等都有顯著增長,派息又配合,而今年環球主題公園將更全面復甦,佢啲玩具公仔業務一定會非常受惠。佢又話今年會有4個新落成廠房,可以滿足到更加多的訂單,... 故此,筆者估計佢今年盈利仍然會有顯著嘅增長。
唔知佢明天股價會点呢?... 或者正確啲咁講: 唔知明天市場資金想將佢股價点樣舞呢?????? 🤔
夜了,Student要去發夢了,晚安!🌛💤
🎶All I have to do... is
Dream~~~~DreamDreamDream...
Dream~~~~DreamDreamDream...🎶
2023年3月22日星期三
2023年3月20日星期一
2023年3月17日星期五
I Have A Dream!
I have a dream: Dream International Limited(1126.HK).✌️^^
Everly Brothers singing,
"All I have to do... is dream~~~~
dream dream dream...
dream~~~~dream dream dream..."🎶
2023年3月15日星期三
入316.HK + 出1072.HK
今早開市無耐買返少少316.HK,因見BDI最近升唔停,但直至昨天的316.HK股價就跌唔停,再比較下佢同母企1919.HK嘅股價,316.HK的確是算做落後了。東方海外下星期三將會宣佈末期股息。
約半小時前就沽清1072.HK,...對不起了! 佢業務冇問題,只是Student想在三月底公佈業績期前,盡量只持有估計將會派高股息的股票。請原諒小弟今次的短視!😅
補充申報: 上日(3月14日)尾市買入少許1126.HK,漏報了。現補充申報。
2023年3月14日星期二
港股「下下被動」
港元掛鉤美元,所以美元利率直接影響港元利率,影響了香港企業的盈利能力。
昨晚美國的大銀行股價被調整,因此佔恒指相當百分比的匯控(005.HK)和其它的金融股,預計今早開市也會受到影響。
投資、做人處事「下下被動」,你話幾無奈!😤
幾時才可以活出自我?
2023年3月11日星期六
你持有的上市公司有否存款在矽谷銀行呢?
冇的話,安心睡。
有的話,... 如果筆者有的話,就會衡量一下這存款佔這間上市公司的資產總值有幾多個百分比,... 雖然可能查找不到準確的數目,... 跟住估計一下市場嚟緊對佢股價的反應,心理上提早作準備,然後... 當然要自己執生啦!🙏
(借網友「金戈鐵馬」大師的提示,筆者出了此post。)
2023年3月10日星期五
2023年3月9日星期四
聯通業績「幾好」
聯通昨日於收市後公佈了2022年全年業績,盈利按年增長16.5%至每股賺RMB0.55,即大約=HK$0.62/股。以昨日收市價HK$6.24作計算,即是市盈率(PE)為10倍。
全年股息共派RMB0.274/股,即大約=HK$0.31/股,所以最新的股息率(Dividend Yield)便是5厘,這數字還未扣減10%大陸税。
大家坦白,聯通今次的業績你哋很滿意了?
2023年3月6日星期一
未來98年的投資考量
近日的國企股、央企股,實在升得極為漂亮,太精彩了!🇨🇳👍^^
2021年7月1日講的「第二個百年奮鬥目標」,以現在2023年去計算,即是還有98年。
祖國同胞們如果繼續努力工作98年,香港投資者就可以安心持有祖國「平靚正」的股票了。
... 隨便留言,依然Free Talk!🙏^^
2023年3月3日星期五
2023年3月1日星期三
2023年2月26日星期日
股神: 應重視公司派息多於股價高低
一年一度股神巴菲特「致股東的信」又揭盅了,筆者認為今次內容最激發自己投資信仰的就是:
「股票不時會以愚蠢的價格交易,可能過高,也可能過低,而並非維持在合理價格,因此股市並非是一個有效市場,有效市場只存在於教科書中。
投資者應該更重視股票的派息,日積月累將形成重大的財富。」
2023年2月24日星期五
客觀條件不利地產股
理由:
1. 港美利率根本未見頂。即使今年稍後會見頂,但目前估計高利率將會保持在較長時間。
2. 港府決心加大住宅土地供應,又會推出大量臨時組裝屋。
3. 自從本地社會事件後,不少國內同胞心底下已對香港「改觀」了,少了以前爭相來港置業的熱情。
4. 外資(尤其是美資、英資)已減少了在香港的投資,人已撤退了不少。這點已反映於過去兩年的寫字樓市道上。
5. 太多港人喜歡「尋找他鄉的故事」(即移民)。去年本港人口整體少了6萬8千,人口少了,樓價点會有向上動力? 現在筆者依然識得有街坊話正在進行賣樓移民外國(佢哋嘅孻子早排已先起行了)。
6. 祖國政策絕不喜歡扶植地產霸權,香港地產商豈可例外?
還有其他的原因嗎?... 歡迎留言。
自問: 咁student你又持有地產股金朝陽(878.HK)?
自答: 佢完成賣走希雲大廈後,就會變身成為「淨淨現金公司」,我估佢有可能會派發特別股息,又估佢大股東(珠姐)有機會私有化公司,因畢竟878.HK的資產淨值大約=HK$70/股! 加上珠姐目前已持有差不多75%的公司股票,綜合來看已齊備極佳理據將佢私有。私有化目標價: 暫時睇25蚊!🙏^^
2023年2月23日星期四
加息停不了!
這個不是筆者自己的領悟,是最近幾個交易日不友善國的股市走向反映出來的。
後記:
2月23日,已收市。今早沽走552.HK,雖然只套現有限錢,但因筆者呢排手風麻麻,也感覺大市古靈精怪(見註釋),所以想保留多些現金傍身,謀定而後動。
註釋:
筆者當前感覺是:~
1. 港美利率仍然要向上。
2. 5号仔和11号仔,加埋今午公佈業績的388.HK,... 筆者睇見佢哋嘅股價仍可以被「人為地造好」(因股價都係「人」控制資金做成的),感覺不舒服。
3. 當然稍後阿里的業績會對大市之後嘅走向會有指導。
2023年2月21日星期二
股息率得嗰3、4厘: 牙煙呀!
5号仔、11号仔剛於中午公佈了2022年全年業績及末期股息。
5号仔全年股息共US$0.32, if ex. rate@7.84, US$0.32 = HK$2.51。以股價HK$58作計算, 即股息率=4.33%pa。
11号仔全年股息共HK$4.10, 以股價HK$128作計算, 即股息率=3.20%pa。
現今世代,以收股息為賣點的收息股,一年股息率得嗰3、4厘, 值得自吹自擂嗎?🥱
佢哋股價穩陣嗎?😱
除了自肥的領展、牙煙的匯控和恒生,到底恒指還有幾多「已被高估」的成份股呢?... 吾拭目以待!🧐
2023年2月15日星期三
金管局再接逾148億港元沽盤
港元匯價觸發7.85港元兑1美元弱方兑換保證,金管局在紐約時段買入148.68億港元,沽出美元,規模是去年5月入市以來最大。
週四(16日)本港銀行體系結餘將降至770億港元。
2023年2月14日星期二
東方電氣A股醞釀大爆發
內地今天股市剛剛收市。
東方電氣(1072.HK)之A股: 600875.SH股價收於RMB20.93。純睇股價圖,佢似乎已轉了勢,希望佢嚟緊幾日可以井噴式上升吧!
唔知1072.HK嘅股價會否因為600875.SH而受益呢?...
Student says,"劍指15!?"
後記:
2月15日: 再一次証明人算不如天算! 今日井噴式上升的股票並不是1072.HK,而是1725.HK。前者股價走勢冇大問題,筆者認為只欠一則「盈喜通告」將佢推一把。至於後者,雖則盈利欠奉,但慨念十足!... 再次證明市場總是喜歡聽故事的。
2023年2月13日星期一
賣出領展
何車提醒: 領展王先生去年酬金9700~9750萬元,即係佢1個人1年就攞走幾乎1億港元,較前年大增206%!... 今年會增加幾多呢?...
新鴻基地產(016.HK)郭炳聯去年的酬金都只是385萬元而已,即較前年微增5%。
好驚呀! 所以賣出: 上午收市前沽走823.HK,@HK$54.95。
另外,上午趁還有微利,也沽走了東方海外(316.HK)的餘貨,理由係近排見佢被市場冷落對待。下午就將套現的,再以13蚊增持了東方電氣(1072.HK),... 「東方」換「東方」,感覺良好! 後者上星期完全跑輸晒內地電力股。筆者有些不忿氣,因為1072.HK主業電力能源裝備,筆者估計佢去年盈利多數會有3成以上的增長(因佢去年頭9個月的盈利有34%增長),不似大多數嘅內地電力股的盈利,只聞樓梯響。
2023年2月12日星期日
領展早着先機
比起本地其他大型地產發展商及物業收租股包括Reits,領展今次供股真係早着先機!
美息肯定已到頂了嗎?... 幾時可以減返轉頭?...
我哋真係可以準確預測到嗎?
今次供股集資,筆者認為是公平的。
5供1,比例上對「多數」現時的股東應不會做成碎股。823.HK一手只是100股,如果你持有的股數是500股或500股的整齊倍數(筆者估計多數老散都會係),照供根本就唔會出現有碎股。
唔似得當年嘅匯控,一手400股,每12股供5股,很多小散户供股的話就會持有碎股。當年的匯控比筆者的感覺,是想在股價低殘時趕走啲散户!
今次供股完成後,股數自然多咗1/5,筆者估計起碼未來兩年內,每年的「每股股息」會比較過去12個月的每股股息少了!(除非公司叻到可以「好快」顯著提升租金收入+減省成本。)但股東持有的股數多了1/5(如果去馬供股的話),估計全年收取的股息係唔會少過去年的,... 當然你先要將供股錢「饋贈」給領展!
至於市場對823.HK今次「突發事件」的估值會有多大轉變,就拭目以待吧。
2023年2月10日星期五
地產股只有金朝陽(878.HK)
港美加息週期下,筆者組合倉內現時只有一隻本地地產股,就係佢: 金朝陽(878.HK)。
佢絕對是交投淡靜之冷門股。
集團擁有之物業主要集中於銅鑼灣區。
賣點係佢目前股價只是每股資產淨值的大約10份之一!
全部已發行股數只有2.833億股。大股東早兩年於市場不停回購股份後,目前的shareholding已接近上市規則的單一股東持股上限(75%)了,其它股東的股票數目加埋都唔夠7千3百萬股。
再加上佢以32億港元沽出希雲大廈套現,預計交易完成後就會變身為「淨淨現金公司」,即銀行及現金結餘總數已超過公司的所有流動及長期負債。
最近,公司創辦人傅金珠女士(78歲)已退下主席之位,交棒給兒子陳慶達。
綜合以上情況,筆者認為金朝陽已具備極吸引之私有化條件。
私有化價睇幾多?... Student睇「起始價」為25蚊。這銀碼只是等於佢每股NAV大約70蚊的36%而矣!
筆者認為「值博」,故身體力行,已持貨。
2023年2月8日星期三
美團、商湯、嗶哩嗶哩...
筆者很少評論這些公司,因筆者很少沾手這類企業,何解呢?
業績經常虧蝕的公司,而股價已大幅高溢價於每股賬面資產淨值,炒賣就只靠投資/投機者的無限憧憬。
似音樂椅遊戲,股價有乜理由唔大幅波動呢?
當然,食得鹹魚抵得渴,也各有前因莫羨人,... 都係各家自掃門前雪算了!
Student就謹此幾句而矣,收筆。👌
此外,繼續憧憬金朝陽(878.HK)。🙂
2023年2月7日星期二
增持1072.HK
昨日傍晚1133.HK出盈喜,話大約賺了一億元人仔「咁大把」,今早佢股價就即有良好反應了! ... 大家不妨以此數字計一下佢2022年嘅PE(市盈率)有幾多。
至於國內電力股,如836.HK, 902.HK, 1071.HK等等,今早也升得極漂亮。佢哋2022年嘅PE,... 你哋計過了嗎?
但規模較1133.HK「大好多」、盈利能力「強好多」嘅1072.HK,今早股價就完全跑輸了,Student不理解,內心也有些不忿氣!
自己組合內的其他成員,今早整體股價就良好嘅。
於是,Student頭先就膽粗粗將投資倉內剩餘現金中的約一半,再加大投資額度於1072HK,... Student唔信佢唔出盈喜! 😤
另外,無限憧憬金朝陽(878.HK)。🙂
2023年2月3日星期五
2023年2月2日星期四
新加入東方電氣(1072.HK)
因見BDI未止瀉,今日出了些316.HK。
尾市就將套現的投放於1072.HK。
東方電氣股息率絕對不吸引,但之前網友金戈大師話佢係好嘢,筆者有睇過佢盤數,Okay嘅! 也認同佢有前景。
又由於筆者倉內缺乏公用股,1072.HK主營製造國內外發電企業相關裝備,Student就當佢是一隻發電企業相關公用股。
最重要當然係佢真正表現出優秀的盈利增長啦!👍
嗱,博下㗎咋!🙏^^
2023年2月1日星期三
月尾買嘢
忙了一整日,晚上先有空閒時間寫下網誌,記錄一下今天(1月31日)日間之三宗買入個案。
今早中午前忍不住增持多兩萬股883.HK@HK$11.18,凑夠自己倉內的883.HK以十萬股位數為尾數。因佢中午前股價在三桶油中「相對上」由最高位跌得最甘,尤其是加埋昨日之跌幅! 而最重要是以除淨後的HK$10.18(HK$11.18減去預期2022年的末期股息@HK$1/股)去計算它的預計市盈率,只得唔夠3.1倍,... 超便宜! 又預計佢股息率會是16.7%,... 極吸引!(保守估計佢2022年全年股息為HK$1.7/股,約等於51%的股息分派率。)
下午,突然發現517.HK急跌,入去aastocks內睇下佢有冇新聞,... 冇! 再思考了半分鐘,跟住就冇咗HK$2.53啲沽盤,... 見HK$2.54有三萬股沽盤,啱自己胃口,就照入了。Student估計517.HK嚟緊嘅末期息將會派HK$0.11/股,即等同上次的中期股息,也即是全年股息合共有HK$0.22/股。佢係淨淨現金公司,會得益於「銀行利息收入」上升。Student欣賞佢早排肯於市場持續回購及註銷股份。
收市前,見1919.HK升了3%,但佢乖仔316.HK之股價就冇乜点郁,... Student盤算着應不應該翻兜316.HK,... 想着想着便收市了。然後收市競價落盤時段約4:05pm,見1919.HK仍然有買盤托着股價於接近全日最高位,... 忍唔住了! 給316.HK落了個競價限價盤指令@HK$130.10(當時估計股價可能會收於HK$130,為了確保可以順利入到貨,就落了個稍為高些的限價盤,... 須臾,自動對盤收於HK$129.70,即已接了貨!
咁就完成了2023年1月底之「高息倉」佈局,又變回了早排的「九大簋」,... 雖然有部份成員的持股數量已有不同,主要是316.HK持貨少了,因此倉值排位整體也有少許變動。🙏^^
2023年1月30日星期一
2023年1月25日星期三
股海自由講(1月25日晚上標題)
「講」与「港」皆為同音字。
標題之「自由講」指言論自由,然而字音雙關,Student也暗指「自由港」,即守法之港人依然享有高度的生活自由。
隨便留言,依然Free Talk!^^
2023年1月21日星期六
「九大簋」變了「八金剛」
典籍「西遊記」中的佛祖身邊有八大金剛護法,現時「Student高息倉」內則有「八金剛」幫助student賺取股息收入。(留意: 不是為了賺取炒賣收入。)
以虎年最後一個交易日的收市價去計算倉值,「八金剛」由高至低順序排名如下:~
阿一: 中海油(883.HK): 佔倉值>50%
阿二: 迪生創建(113.HK)
阿三: Aeon Credit(900.HK)
阿四: 東方表行(398.HK)
阿五: 新鴻基公司(086.HK)
阿六: 中遠海運國際(517.HK)
阿七: 金朝陽集團(878.HK)
阿八: 國銀金租(1606.HK)
以上只是student更新一下,提醒自己,並無推介之意。😄
今日是年三十,明天便是年初一。新年到,新年好!
Student在此謹祝各位網友福兔豐年,身體健康,萬事勝意,家庭和睦,加埋兔年股運亨通!... Good Luck Everyone!🙏^^
2023年1月19日星期四
恒指會回調至20,000点樓下嗎?
負面因素可以包括:
1. 本月美國再次加息,會否是「出人意表」的半厘? ...又暗示跟住「起碼」要再加多兩次息,每次「最低消費」是1/4厘?... 香港樓市和股市會否因此被影響?
2. 中港已通關了,但統計後發現原來本月份「離港人數」多過「抵港人數」,致本地零售市場得不償失?
3. 會否有不少中港上市公司需要發佈2022年「盈警」的通告?
4. 可能也毋須特別事故。短短兩個半月,恒指已升了約七千点,會否來一次反高潮,做一次似樣的調整,挨近一下50天移動平均線呢?
... 應該只是筆者的胡思亂想吧!🤔
2023年1月18日星期三
Sleeping Beauty: 883.HK
(筆者稍後有空會寫此短文內容。)
後記: Student都無須要「作嘢」了,大家細閱下面眾網友們之留言高見,已勝過student千言萬語! 😄
日誌:
1. 剛剛(晚上9時)發現投資户口內已收到了398.HK發放的中期股息。🙏
2. 兩日後(即星期五)又將會收到113.HK的中期股息。🙏
2023年1月16日星期一
1606.HK is pretty good.
1606.HK's IPO price was HK$2.00.
Its 1-year highest was HK$1.17.
At market price < or = HK$1.11, I would say that 1606.HK is pretty good! 🙏
2023年1月10日星期二
股息向自己交待
昨天恒指升了差不多400点,但都是藍籌股一員的883.HK就逆市跌了5仙港元收市,... 即使昨天香港日間時段,國際油價上升了約兩個多%,即使它A股600938.SH昨天都有上升約1%,... 筆者對883.HK的感覺是: 幾無奈!
唯有問自己,投資股票目的為何?... 筆者始終都是這樣回答自己: 買來收股息!
目前根據自己的判斷,筆者「主觀認為」高息倉內成員「嚟緊」可以宣派以下之末期股息(單位為每一股):~
阿一 883.HK: 末期息@HK$1(要扣減10%大陸税)
阿二 316.HK: 末期息+特別息,共@US$4
阿三 113.HK: 末期息@HK$0.27
阿四 900.HK: 末期息@HK$0.22
阿五 398.HK: 末期息+特別息,共@HK$0.405
阿六 086.HK: 末期息@HK$0.14
阿七 517.HK: 末期息@HK$0.11
阿八 878.HK: 末期息@HK$0.20+有可能派特別息(銀碼就難以估計了)
阿九 1606.HK: 末期息@RMB0.09307(要扣減10%大陸稅)
補充:
留意「阿一」至「阿七」未有包括上次已分派的中期股息在內。
至於「阿八」和「阿九」就從來都沒有派發中期股息的習慣。
2023年1月2日星期一
2023年開局九大簋
送舊迎新,距離上次筆者出短文「十兄弟」已匆匆兩個多月,Student已換馬了高息倉內一些成員,和改變了幾乎全部成員的持股數量: 別了十兄弟,迎來九大簋!
目前倉內有9支股票,以2022年收爐日的收市價去計算,持倉貨值由高至低,順序如下:~
阿一: 中海油(883.HK)
阿二: 東方海外(316.HK)
阿三: 迪生創建(113.HK)
阿四: Aeon信貸財務(900.HK)
阿五: 東方表行(398.HK)
阿六: 新鴻基公司(086.HK)
阿七: 中遠海運國際(517.HK)
阿八: 金朝陽集團(878.HK)
阿九: 國銀金租(1606.HK)
筆者原本打算寫寫個人對每支持股的睇法,但由於這幾日元旦假期家事繁忙,感覺有些疲累,實在不想寫冗長的文章了。
新年伊始,Student祝願世界和平与人人健康! 也祝福眾網友們今年可以達成自己定下的所有目標。🙏^^
後記:
1. 恒指今日(1月3日)收市企於二萬点樓上,往後這2023年的走勢將會如何?... Student不知道,因為小弟不是預言家,又冇水晶球,所以這方面交不出意見。
2. 今晚六合彩有新年金多寶,如果頭獎幸運兒一注獨得,可以獲取八千萬港元。
後後記:
1月5日(已收市): 連續兩晚BDI指數大跌,貨櫃運輸業「似乎」冇運行。Student唯有試下做T,希望減輕賬面損失。今早開市後,就忍痛以HK$138.80沽出幾大部份316.HK(因出唔嘥),然後... 等!... 直至收市競價盤時段,落盤HK$135.50嘗試買回,最後承了HK$135.30,減去買賣手續費後,只賺到唔夠3蚊差價,但都叫做減低了持貨成本。Student認為316.HK將會宣派的2022年「末息股息連同特別股息」會介乎US$3.60~4.20/股(即6~7成of上半年的股息),個人較偏向@US$4/股,即=HK$31.20/股,以今天收市價去計算除淨後的股價,便=HK$104.10,此預計之除淨股價已差不多等於52周的最低位了。Student再作壞打算,估計2023年的316.HK全年盈利及派息只有2022年的4成(因見普遍大行估計約為5成),如是,Student預測佢2023年的全年股息=2022年的4成=US$(6+4)x40%=US$4/股=HK$31.20/股。
即是預計佢2023年的股息率(除淨後)=HK$31.20/HK$104.10x100%=30%pa。
基於此估算,Student認為316.HK今年都會蟬聯「最高股息率」的藍籌股。
訂閱：
文章 (Atom)