由於之前走了一轉新華文軒(811.HK)有微利,見佢A股(601811.SH)及一眾文化出版傳媒股又連續勁升多日,文軒之A/H股「價差」已是非常非常濶,Student當正這是護城河了!
再加上昨日傍晚佢公佈之首季業績算係幾對版,「銀行及現金結餘」於3月31日已升至RMB80億元(2022年12月31日: RMB78億元),即每股擁有現金RMB6.50(=HK$7.30)。於是Student今早就決定先加佢少量入「Student高息倉」中,承盤@HK$6.91。
佢好快趣會除淨,Student阿Q精神,心態上當正自己在除淨後的大約HK$6.60買佢。(已計入了買貨手續費及扣除埋10%大陸股息稅。)
密切觀察佢業務表現如何,將來再決定會否加倉。🤔
後記: Sorry了,Student下午3:00pm見佢A股只是升了3.91%作收市,動力好似弱咗,下星期內地又有「悠長假期」,... 又見H股賣方個個價位都有人掛沽,... 思前想後,君子不立危牆之下,... 選擇了先沽為敬(@HK$7.15)! ... 下星期重新出發吧。🙏
中央投入大量資源，資金打造成渝雙城區，决意發展成另一珠三角，長三角。今年賣樓賣得最好的也是成都，重慶。昨日三隻業務全在四川省的H股公佈了業績，全部好都不得了，重農行3618,連續多年大增派息，股價創了新高，PE重係2倍幾，息率10厘，新華文軒不用多說了，就連疆屍股107四川成渝公路也被迫跟升5%,業績好到嚇死人，盈利升左78%原因是復常後，春節公路使用量大增幾倍所致，同系A股四川路橋一年内已升了3倍，呢隻公路股潛力無限，今年大減派息，我買入價計都重有5至6厘，一於坐到底鬥耐性等佢大爆發為止，此H股基本上冇物蟹身，長期每日一格上落，唔識升但又唔會大跌，悶走唔少散户，我希望此股繼續悶下去，越少散户參與越好，大爆升機會越大。不妨自製四川省國企ETF，3618,811,107組成，回報可能好好。若三隻都冇貨就差d，現價不是全年高位，就是半年高位，不值博。同樣，另類高端消費股華潤醫藥3320,同仁堂國藥都係強勢左大半年，越升越有，有貨不妨繼續持有，冇貨就要待股價大幅回調時才考慮。
回覆刪除原來搞錯，今日還有北水交易，怪不得883如比强勢，883出完業績，各大外資行紛紛出報告看好前景，上調目標價，最高17元，最低都14個幾，所持理由早幾次唔講，而家全世界都知至好似發現新大陸般，甚麼天然氣產量大增，採油成本大減，生產力大增，之前成日講的油價大跌影響盈利，全球經濟衰退，石油需求減少現在已不是問题了？
回覆刪除大師 問/罵 得好!👍^^
刪除今早又見「滙豐研究」出報告話中海油点好点好,完全唔提及佢於星期二(25日)話預期油股今年首季純利按年跌31%之報告,... 佢哋真係幾無知、可恥!😤
525大漲
回覆刪除佢首季「轉賺」4億元,又有延長回鄉證有效期喎...
刪除HK$7.15暫別811.HK了。
刪除理由: 上面個個價位都有好多牌掛沽。唔識睇唯有先走為敬!
蛮爽啲😁
刪除沽走後,頓感覺空虛了!😩
刪除长假返来跌返你买入你,你顿感舒暢😁
刪除學兄夠哂靈活，確是長短投資的表表者。👍👍👍
回覆刪除唉,Student很慚愧,下午的我打倒上午的我!
刪除上面發文的一大堆持股理據,原來也敵不過自己短視嘅心魔,... 唯有睇下下星期有否机會入返佢,再作真正的長線投資! 小弟到時必定再作公告。🙏
Ray兄,
刪除小弟想補充一下。
小弟自己知自己事,我賺得較多的都是那些相對以大注些的買入作長線收股息目的的股份。過去整體短炒都是有贏有輸,而且通常錢碼不大,相對整體「高息倉」係影響有限,不值得學習的。
學兄真謙，能在建高息長倉收息之餘又可隨機短線博奕，少點財商都不成，實高人也。加油，加油！
回覆刪除😅
刪除大家加油,一起進步。🙏^^
刪除2023年第一季内地主動偏股型公募基金投資港股達5868.3億，佔倉位11.8%.其餘買A股。騰迅和美團仍是頭2大持倉，但頭20大持倉，國央企佔了十隻，2020年只有7.5%,但如今已大增至32.9%.頭十大持倉分别是中海油，中移動，華潤啤酒，青島啤酒，兗礦能源，華潤電力，華能電力，中國電力，越秀地產，中海外發展。其中中海油和中移動第一季被大幅增持。相對低息的兩隻啤洒内需股也是國內資金的至愛，難怪青啤屢創新高，至於新入十大的越秀地產，也是國有内房股升得最勁的一隻，宣佈供股後，只跌了一陣，好快就升番原位，强到不得了。這些數據非常有参考價值，我倉内持有其中6隻國央企，就是缺少內需股，正考慮是否要買番些少低息的啤酒股來換取股價上升。
回覆刪除生力啤可以自动申請被收购
刪除發改委剛公布三月份全國成品油消费量同比增加23.2%,汽油，柴油，航空煤油分别增長24.2%,15.8%,99%.三月份天然氣消费量同比增加9.3%.復常後，尤其是3月份，用油量大增，特別是航空上，中國是耗油大國，難怪中央如此重視儲油儲氣，這或許是三桶油近期修復較合理估值的原因。其實给883八倍市盈率估值也不過份，現在還是3倍幾實在說不過去，很有信心不久將來會升番上去。
回覆刪除今年首季EPS=RMB0.68/股。如果隨後每季皆賺到同一樣盈利(不預測油價,不計產量再增長),即2023年全年EPS=RMB0.675x4=RMB2.7/股,以ex.rate@1.13換算,即大約=HK$3.05/股。
刪除如果是這樣,
4倍PE,股價便=HK$12.2。
6倍PE,股價便=HK$18.3。
8倍PE,股價便=HK$24.4。
還有,現在佢未除淨2022年之末期息@HK$0.75/股。(扣除10%大陸税後,都有@HK$0.675/股!)
即是883.HK目前股價HK$12.80只是=4倍PE而已,... 如此卑微的估值,Student立志与佢「共同富裕」!🇨🇳👍^^
更正: Student計算了今年883.HK首季每股EPS=RMB0.675/股。
刪除學大師與金戈大師的數據和國情分析十分到位和有見地。謝謝分享！
回覆刪除大家加油！
Ray兄太跨獎小弟了,小弟只係依據業績作膚淺推測,很小兒科的!
刪除金戈大師 就真係實至名歸、有料到!👍^^
坦白,小弟有啲後悔「前日」(星期五)一早冇膽增持$12.60的883.HK。當時有諗過此價錢即是等於除淨後<$12,應該是「幾值博」的!
唔敢再加的理由是883.HK目前已佔自己總倉值的53%了,始終有D「怕」油價突然大跌,... 点知前夜國際油價最後升了約2%,布油又重上USD80/桶! 再加埋857.HK首季業績又「超出市場預期」,睇怕星期二開市後,3桶油又要升了! 🤤
世事難料,今日(5月1日)油價又抹掉星期五之升幅了,哈哈...😄
刪除學兄說/做得對，能居安思危確是投資的王道。持倉只要做到睡得安心，升時有貨，跌時有子彈就足矣。
回覆刪除883加油！
Ray兄評論客觀。👍
刪除