喜出望外! 以今日上午收市價計算,Student之「高息倉組合」總市值(連同available cash)創出了歷史新高!
上次歷史高位發生在去年5月底,當時恒指為21,415,今日中午恒指就收於20,210。
重点是其間student從未有加新資金入「高息倉」投資户口內,反而每個月不定時都有從這個户口內提取現金作部份家用(即生活費用),粗略計算大慨每個月平均提取了HK$15,000/月。
Student已堅定相信長期靈活持有較高股息率的股份是最適合student的投資股票方法。
Student謹此祝願与所有有缘之股友們一起投資百尺竿頭! 🙏^^
及祝福祖国同胞們繼續努力,為中華民族偉大復興事業加油!🇨🇳👍^^
後記: 4月14日上午,加入了極少量新成員: 142.HK(第一太平),此股屬亞洲綜合企業,1996~2001年期間曾經是恒指成份股。健一兄 早陣子有推介過。
六，七月又是出花红的好日子，大量股息回籠，扣除今年所有開支，又有資金去複投或找新目標去短炒。
回覆刪除👍^^
刪除下午開市後不久便先沽出1萬股811.HK@$6.70,咁樣先至可以去安心食午飯...
回覆刪除飯後埋位: 唉! 811.HK真是很弱雞呀!😩
$6.7 very good price ar ^^ ging
刪除美麗, 文軒A股今日最高位是RMB14.50呀,收市就RMB13.87。
刪除唔知811.HK會否學「半年前」嘅719.HK(山東新華製藥),當時後者A股(000756.SZ)之股價天天向上,但H股股價就又係欠水,股價大幅落後,卒之H股之後吸引到內地同胞資金炒落後,便由大約5蚊炒上15蚊! 即是勁升兩倍!🙏^^
刪除抵贊👍加水由😄🙏
回覆刪除今日内地中字頭出版股多隻升停版，包括國務院旗下的中國出版，商務，三聯都是旗下公司。中國科學院旗下的中國科傳也升停。連業績大幅倒退盈利得億幾的中信出版都升8.8%,除了中特估因素外，復常也是原因，疫情期間，實體書店幾乎停擺，影響盈利，如今復常，盈利也會復常。
回覆刪除收市後，内地三大航空公司都公佈了3月份的載客量，大升倍幾至近三倍，東航最標青，不知明天内地航空股會否上升？若明天東航大升，我又會聯想起中國移動，因年頭中移動以低價入股東航，每次中移動入股的公司，很快股價都大幅上升，是巧合還是其他原因，中移動只是執行國家任務，不讓優質國有資產落入他人手中。上個月中移動阿媽高溢價買左450億元郵儲行，郵儲行A股至今都升左唔少，而持有12億股H的李嘉誠，至今都係沽左五萬股甘大把，當時曾令郵儲行出現不理智的沽壓，佢根本唔作想減持，而係想增持。今次郵儲行增發450億元股份，全部由中移動母公司一間要哂，肥水不流别人田。
回覆刪除今日883全日成交19.2億元，南向港股通佔左18.83億元，淨流入1.53億元，上海淨流入2.8億，深圳淨流出1.3億，香港成交得3仟幾萬，883大部份都被北水持有，重未計大批在通關後親身來港開股票户口，逃避28%的紅利税的北水散户。
回覆刪除謝金戈大師的三重奏分享。👍^^
回覆刪除六福590上季度受惠於復常和黃金銷售大增，整體銷售轉負為正，大增8成，港澳店更大增1.2倍。學兄愛股東方錶行相信也會受惠，第一季内地居民存款又增加了9.9萬億，錢多到不得了，只要稍為釋放部份出來消费或投資，這類股份一定受益，可惜我倉内沒有此類股份。
回覆刪除非主流股很難被炒起,冇人想持有炒唔起的股票。😩
刪除Student意指398.HK。
刪除中石化，中石油升幅又拋離中海油，中海油要加把勁，不過我相信中海油會追上的。中石化的西氫東輸項目已開通並纳入國家重要規劃，相信是中石化近來超強的原因。
回覆刪除氫能故事動聽,但首先要投入好大量資金,實現盈利更🤔要幾年後了。
刪除811.HK真係好短引已炒完。😩
回覆刪除自己又早走了316.HK,市場完全反心理操作。🤔
補充: 今早已出多1萬股文軒@$6.48,兩日計算冇乜賺蝕,(炒股)嘥了精神和時間。
刪除還剩返禮拜二首先買入的1萬股在手,成本与現市價差不多。
學兄，你長線重倉883，短線其他版塊又靈活，已是投資長短途的表表者。加油！
刪除Ray兄,
刪除其實我都幾大風險㗎,883.HK現市值計佔倉位53%,我諗都唔係咁多人可以承受此壓力。🤔只係因為小弟覺得佢目前仍然 是<4倍PE 和 >10厘股息,比起另外兩桶油係更便宜,比較西方國家的油股更平了一大截,總之点睇都係「平」!
而自己又已算是95%退休,有時間又有興趣睇市,咁先至夠膽咁重倉單一隻個股呀。🙏
至於小弟短炒成績就長期只賺微利,... 自己不鼓勵的,因為很多時短炒只係細細注,又不停止賺止蝕,其實是与其他投資者短線博弈,輸贏難料呀!😲
學兄，隨著國家發展佈局自己亦認為長線重倉持有心水國央企股版塊應是大方向。自己長線重倉883和941現佔倉位8至9成，餘下386同1072一成左右。做自己睡得着和模式投資就錯不了。
刪除大家加油！
Ray兄厲害! 👍^^
刪除Ray兄集中投資這幾隻超大型国企股,心無旁騖,唔容易呀!👍^^
肯定汝晚晚睡得甜,天天精神好!👍^^
冇野穩陣過持有高盈利高派息的中特估股份，慢牛式上升都係呢類股份，三桶油，中移動，基建三寶，內銀等等，連唔派息的中蕊更是如坐火箭般，過去一年股價從未見過20元，收貨收左成年，任何位買都係嬴家，而在20至25元有大量散户被绑，一到價解套就急不及待沽出，去年才買的散户大部份都在21元左右就食胡，敢食到盡的相信不多，之後會升到幾多唔敢諗，A股由40升到60都係用左幾個星期時間，將來升到100不是天方夜譚，只是時間問题，H股而家重係得23蚊，只會引來更多北水走來買。883A下午又上番19元歷史高位附近，調都唔調整下，看來有排慢慢升，坐定定係度等收成。
回覆刪除絕對同意，愛拚才會大勝，謝謝金戈大師分享，一齊等待豐收。
刪除👍^^
刪除持有941的朋友，無論是在50蚊邊買的，或是在40幾蚊買的，都不要再把941視作一隻收息股，而要將佢視為一隻真正的科技股，升多十幾二十元會是大概率的事，到時財演們又會話941已不是高息股，但不要忘記40幾50蚊買入的，每年收4.5至5蚊甚至更多的股息，無論股價升到幾高，你永遠都係收緊9至10厘息，近日有不少財演大發偉論，話大市升中移動就會跌，重話看好後市，有中移動在手不妨沽出，等回到56蚊至買番，到真係跌到56元，到時又會話到40幾蚊至好買，若941出現回調千萬不要亂沽，多數買唔番。中移動重有一超利好因素但冇物人提及，就是中移動早在5年前已佈局蕊片，大力研發自家蕊片，更在2020年底成立蕊昇公司，生產自主蕊片，用於物聯網應用上，蕊片是物聯網的靈魂，沒有蕊片，甚麽5G都是空談，此公司是賺錢的公司，隨時可分拆上市，另外中移動近年轉換型式，和其他企業合資成立基金，分别投资13家非上市的優質蕊片獨角獸，當然中移動佔最大份，十幾隻獨角獸，只需幾隻養大成材，對中移動的好處可想而知。
回覆刪除👍^^
刪除