迪生(113.HK)上個財年,即截至2023年3月31日止的全年盈利為HK$2.53億元,包括上半財年賺了HK$1.55億元 及下半財年賺了HK$0.98億元。(大家還記得去年11月至今年1月期間中港疫情肆虐的情景嗎?)
而佢剛於上星期四公佈的今財年半年盈利已有HK$2.2億元,筆者假設佢下半財年的盈利与上半財年相同,即約HK$2.2億元。那麼,佢今財年全年盈利便=HK$4.4億元,或每股盈利=HK$1.114/股。
再參考佢過去五年的「盈利派息比率」(33.98%,33.76%,29.86%,68.63%和54.60%),便得出平均數字為44.166%。
以此兩組數字去計算,便得出佢「全年股息」= HK$1.114 x 44.166% = HK$0.492/股。.如是,筆者相信公司會派夠「齊頭數」@HK$0.50/股。
代表今財年「中期息+末期息」= HK$0.10+HK$0.40 = HK$0.50/股。
以佢今日收市股價HK$4.51(還未除淨中期息HK$0.10)去計算,「年股息率」有11厘(0.50/4.51x100%)了!😄
👍💪
回覆刪除希望小弟「不大估錯」。🙏^^
刪除今日停牌的中集車輛1839,原來是母公司提出以每股7元，耗資10.27億，全面收回所有H股，停牌前報6.44元，H股市值只有30幾億，又是一隻不受注意的中特估，PB少於1倍，市盈率4倍多，息率5厘以上。平日成交少，干脆退市，只是回購價有些低。
回覆刪除很多国企H股都值得「退市」,投資者「退市」前買中就如中咗六合彩3獎!🤔
刪除沽空機構灰熊今天出報告狙擊商湯，呢隻熊在9月7日曾狙擊拼多多，用字更兇狠，說拚多多是詐騙集團，其境外電商平台Temu更會危害美國國家安全，但拚多多股價自那天起至今上升22%,商湯目前是冇盈利的企業，不能以業績反擊，後果會很不同。
回覆刪除小弟只敢做塘邊鶴。😆
刪除拚多多Q3業績遠超預期，營收688.4億，去年同期355億，增長93.9%,市場預期最盡都是548億，盈利155.4億，美股盤前Pdd大升12%,面對這樣的對手，京東和阿里不被打死打殘才怪，拚多多和字節跳動這2間已成功出海的企業才是平台經濟的王者，ATMJ日後不能成功向外闖，早晚會沒落甚至消失。
回覆刪除美團黄興可能感覺到美團業績唔多受市場接受，又係得一招，準備用十億美金回購股份，希望提振股價，有冇用呢？之前在相對高位不斷減持股份，給人印像不太好，現在又話回購。商湯一樣，高位一路減持股分套現，就算跌到一年新低都唔值博，食花生算數，通街平靚正股份任人買。
回覆刪除有能力「年年派高息」的股票才值得長線擁有。😴🌛💤
刪除地慘股繼續慘不忍賭，商場收租股九龍倉置業又創一年新低，最離譜係隻17,日日創20年新低，健一兄弟同老王的愛股173,今朝1.91都見過，可能越遲撈底越有着數，個底在哪處真係冇人知，我一早已遠離本地地惨股，祝想在這版塊取利的朋友好運。
回覆刪除不知本地地慘股「龍頭」新地和長實會唔會再穿52週低位? ... 此刻都幾震撼!
刪除長實不久前已創52周新低，而家只差幾毫子，機會好大，再加上超人已停止回購，等市場法落。新地距離新低只得3元差距，再跌5%就到，郭老太近排都冇再私人回購，邊有甘多錢去頂股價，越回購越跌，新地前景差過長實好多，大量新界西樓盤等住賣，一時三刻都好難賣得哂。
刪除搞左幾萬股唔敢搞了, 驚驚
刪除美團，巴巴和京東呢三個難兄難弟又成為恒指下跌的重要貢獻者，更是抖音和拚多多做大做強下的受害者。
回覆刪除883.HK今日發揮「定海神針」功能。
刪除此一刻中海油AH股皆升。👍👍
刪除152深圳國際2星期前被剔出MSCI指數，估計會有5千萬美金的股份被被動基金沽出，引來巨大沽空，每天的沽空比率高達6至7成，但自此每天股價都頂得住，成交較平時大增，有人不停接貨，股價反覆向上，到昨日沽空己大減到3成，今早152股價又創本月新高，在6蚊樓上，冇幾耐前，4個幾都冇人買，到出左股權激勵以每股5.38给高管後，就從未低過5.38,上半年業績因大幅撥備而大倒退，全年業績可能會大幅上升，最後悔在4個幾冇大手增持，市值得百幾億，今年大概率會賺20幾30億，若恢復番派特別股息甘就完美，纯属個人良好意願同推測，不可當真。
回覆刪除大佬金有無517 同598?
刪除我不是甚麽大佬，都係老散一個，598冇買賣過，517有小量貨，但都在3蚊樓上沽出，3蚊樓下冇買番，考慮中，呢排净係354同潍柴動力呢2隻強勢股都夠T出T入玩餐飽，重有隻AH價差得好離普的第一拖拉機38好鬼強勢，一號文件有排都未出，甘快就俾人炒上，又創一年新高，唔敢T怕一放絕塵，乘乘揸定d貨等大爆升，最好高溢價將佢私有化。
回覆刪除钱兄记得吾有173,吾以家1.88排队加小小仓.冇办法,洗湿個頭😂,不过目标股数还没有达到🤪🙏
回覆刪除收市前睇睇1.89都可以嘅.而家市况加唔到冇所谓,加到都预咗摆一丶二丶三年😂🙏
刪除人民币大涨反映唔到港股表现🤔
回覆刪除市場參与者全無信心。😫
刪除但其實「有實力」的上市公司是可以「自救」的。🤔
既然做得上市公司,管理層應努力將公司嘅價值反映於股價之上,唔好望天打卦,要積極有所為。🙏
173收市竞价1.88成交🤪😂🙏还有一丶二次加仓预算
回覆刪除市值59亿,收益率跌出個11%,如果负债不多,仲會跌到係边？十一年全年股息最低0.1,最高0.21.
刪除持有27市值就有65亿
刪除健兄, 同路人, 哈哈, 不過我都唔敢多買, 呢排睇緊鷹君, 酒店比地產好
刪除大家樂姓羅呢家人的股票有d鬼鬼地，維他奶出完業績大插，今日到細佬大快活52,中午出完業績，差過大家樂好多，收市又急插11%,創52周新低。幾乎相同的業務，差距甘大？
回覆刪除大快活較大家樂小規模,但大快活發行股數很少,只係約1.3億股,所以股價對業績非常敏感。
刪除其實兩者PB都around 2,唔平,不過D基金喜歡揸佢哋嚟炒,所謂「基金愛股」。
刪除等紧9987再插啲
回覆刪除港股俾啲新經濟股累死，搞到連啲有賺錢的高息股都要陪葬
回覆刪除若估值夠便宜,有能力又肯「年年派高息」嘅股票,理論上是值得長期持有的。🤔
刪除華為和長安汽車合组的公司，華為佔60%,長安汽車佔35%,母公司中國兵器集團佔5%。此公司現估值2500億，華為會開放部分股權給其他國企入股，一汽和東風汽車有意入少許股權，難怪H股東風汽車已連升多日，升到接近4元，國有車廠拍住華為搞新能源車，生存到同笑到最後的機會甚大，相反其他鬥燒錢的造車商，鬥生鬥死，總有人會被淘汰，強如比亞迪，股價近日都大幅回調，不要相信有買貴冇買錯的鬼話，高追就是預支升幅，不划算，若真的要投資車股要倍加小心，估值高甚至冇盈利就是在透支將來，若未來不似預期或好景落空，股價就會腰斬再腰斬。
回覆刪除https://mp.weixin.qq.com/s/dj889fkN3SklTMIFLEYU4A
回覆刪除昨日中共中央政治局開會，習近平主持會議，研究如何落實加强長江經濟體高質量發展，長江經濟體是指有6億人口的9省2市，包括上海，重慶，四川，貴州等，横跨中東西部地區，習主席首先調研上海也是理所當然，習主席調研上海的消息昨日已廣為流傳。
刪除美團今日大跌，市值得番5900億，恒指權重5.9%,下個月還要加大他的權重，相反883今日市值6100億，權重只得1.88%,憑物野美團可佔這麼大份額？只要天才横溢的恒指服務公司將ATMJ的權重減番d，加番落其他大市值的中特估，恒生指數就算唔會大升，也不致於跌唔停，今日連台灣加權指數都高過香港，恒指服務公司只要跟國策做番d正常野，唔好亂甘來，恒生指數肯定會回復正常。
回覆刪除金戈大師 言之鑿鑿。👍👍
刪除小弟已將大師 此段解說「搬字過紙」另出新post, 希望可以多些網友睇到汝之分享!👍😄