筆者回顧迪生(113.HK)過去的派息歷史,試圖找出蛛絲馬跡去推敲佢將於下星期三公佈的「中期股息」會係幾多銀碼。
迪生昨天收市股價為HK$4.11。佢過去5年,「每年」每股盈利(EPS)介乎HK$0.51至HK$1.63。
你哋冇睇錯:~
1. 雖然佢係主打大中華市場嘅零售股,但佢於過去斷斷續續的「跨越4個財年」的疫情期間(2020年初~2023年初),都未曾出現過有一年虧損的成績表! 網友們不妨睇下其它零售股在相同時期的業績做個比較、攞個感覺。
2. 佢於2020年3月31日財年(即2019/20財年)的EPS高至HK$1.63,因佢當年投資的一間美國新經濟公司Honey Science被PayPal睇中,「被迫」要出售而獲利約HK$9.29億元。這是巨大的特殊收益! 迪生因此於公佈當年全年業績時宣派了一次特別股息@HK$0.20/股。
除了這次特別股息外,迪生於過去「5個財年」都是派發相同的中期和末期股息,即中期股息8港仙,末期股息27港仙。
其實以佢過去5年的整體盈利來衡量,佢派息比率真係算保守了! 但也正因如此,佢「每股資產淨值」(Net Asset Value Per Share)就從2019年3月31日的HK$6.24/股 提升至2023年3月31日的HK$8.60/股,即是4年時間就上升了37.82%!... 大家要明白,這個NAV的增長「沒有」如那些本地地產股般包含了「大量重估投資物業的虛浮價值」呢!
... 待續。
待续👍
回覆刪除有緣再續😆
刪除疫前本港零售金額約每個月400億，今年7月份330億，8月份324億，9月份318億，10月份數字未出，相信都是持續向下居多，減少左的消費去左邊?唔駛問都係去左深圳，大灣區各城市，深圳灣13號線年底通車，港鐵拿左11年長的管理權合约，而家北上深圳搭港鐵都有優惠，遲d相信會有更多優惠吸引人北上消费，港鉄已把客户群放在有7仟萬人口的大灣區，而非得7 00萬人口的香港，主業只在香港的零售股真係要小心，北上消費的大趨勢非一時半刻可改變，大湾區龍頭城市是深圳已越來越明顯，香港要依附深圳發展也是大家不想見到的现實，今年頭十個月，深圳出口往東盟的貨物總值6仟億，反之香港的出口日漸萎縮，貨櫃物頭吞吐量很快就趺出頭十位，現在只有寄望高新科技和金融，今個星期五恒指又要擴容，增加新成員，目摽是100隻成份股，但恒指公司過往揀股的手法惹人非議，今次也不寄厚望，就算日後成份股去到100隻，但權重股過度集中幾隻冇成長性的新經濟股，也作用有限，增加成份股目的本是分散風險，但新增的成分股權重極低，完全冇作用。
回覆刪除小弟不才,突然感慨:~
刪除1. 小心揀股。
2. 切記以上。
3. 祝君安好。
4. 冇嘢補充。
小弟對網友們和對自己都係咁諗!🙏^^
昨晚央視突然推出一套新電視劇，是講如何對付收左小業主血汗錢，又交唔到樓，妄想靠中央出手拯救的民營大地產商的故事，昨晚播左頭兩集，已明確帶出清楚訊息，政府不會花一分一毫去救地產商，地產商也不要想挾帶私逃，無論去到天涯海角，都會將之繩之於法，一個也逃不了。中央會儘量協調，動用力量保交樓，令老百姓的血汗錢不會付諸東流。這也是現實世界的寫照，房住不炒保交樓是既有政策，房地產商該倒的就要倒，追究责任也是逃不過，相關的銀行高層，在任或離任的，一個都走唔甩。無獨有偶，本港也對地產黨的打手，兩大地產代理商出手，控告美聯違反競爭法，中原因態度良好有悔意而放佢一條生路，相信平時好多野講的C老板會收口，不再胡亂教政府點做野，今時唔同往日，如大劉話齋，官字有幾多個口，地產黨已冇哂過往的勢力，講得野多都改變唔到既有國策，若有關方面揸正來做，隨時令地產黨團滅，消失。
回覆刪除唉,很難幻想中港地產股能再做股市領頭羊。
刪除黃賭毒,小弟認為賭業也不可取,避之則吉。
純表達個人炒股目標意向,持有賭業股的網友們請勿介懷!🙏^^
刪除同感，純個人選擇，自己記憶中，過去的所有交易，從未有投資過娛樂版塊。
回覆刪除諗起TVB(511.HK),當年貴為藍籌股,宜家掙扎求存!(小弟未曾持有過佢。)
刪除呢輪d濠賭股跌幅嚇死人，中央全力反腐，大量貪官落鑊，更嚴防資金外流，重邊有人敢高調攞住夠錢去澳門賭，再加上澳門已逐漸轉型短期渡假村形式，大量演唱會舉行，從不間斷，飲飲食食，人流極旺，旺丁唔旺財，冇左揮金如土的豪賭客，賭場收入大減，只靠睇演唱會，食吓野，隨時即日來回大灣區，酒店房錢都慳番，若單靠目測以為人流甘旺，賭場生意一定好好走去炒濠賭股一定包住頭重傷而回。除左本地地產股，濠睹股都係遠離可保平安。
回覆刪除C老板果然厲害，深懂坦白從寬，抗拒從嚴的道理，從合謀者轉做汚點証人免被起訴，佩服。
回覆刪除佢嘴角上翹,騎馬坐轎。
刪除中美兩國今日發左首個聯合聲明，支持早前20國领導人倡議的在2020至2030期間，增加可再生能源發電，增加炭捕足，兩國承諾努力在2030年前，達成可再生能源裝機能力增加3倍。對於華潤電力836,中國電力2380這兩隻將來綠電的領頭羊無疑是一重大利好消息，不要忘記近日已轉穩跌唔落的東方電氣1072,2030年前生意肯定多到做唔切，更加不能遗留883中海油，近年不斷增加炭捕足能力，海上發電站不斷興建，盈利不斷上升可期。
回覆刪除預計目前「市盈率」都仍然只是4.x倍和約10厘「年股息率」的883.HK真係「定海神針」!🪡
刪除謝謝金戈大師正向分析!👍👍👍^^
刪除883令不少喜歡做T的内地散户賺到袜到着唔落，高位沽出，落到低位如12.5或更低買番，成本又慳番7至8角，一年成功做幾次T，等於收多2,30厘息，當然運氣也佔一定成份，乘乘地佛系持有883也冇損失，跌完又會升番，長期有平貨在手，個市大升時才不會有遺憾，股價唔郁時有高息打底，每分每秒都在替你賺錢，制造固定收益，這類可安心buy and hold的股份，港股中多的是，特別是具壟斷性的中特估，中海油，中移動，中國神華，電力版塊，只需買得夠平，收吓息幾年，收吓收吓，唔計股價升幅，净收息都可收回成本，之後呢d股份就一直替你打工，幫你揾錢，定時出糧俾你。
回覆刪除今天组合又靓番啲.113 4.06买唔到了😂🤪
回覆刪除希望今次可一舉突破「萬八」,劍指兩萬!🗡️
刪除如迪生今次中期息肯派HK$0.15/股,小弟睇佢股價有條件可以接近5蚊。
刪除