周生生(116.HK)仍在市場重估中

留意到佢今日股價,似乎擺脫了過去一星期慣常跟著周大福(1929.HK)或六福(590.HK)的股價走向。

筆者是於今年5月中時才開始建佢倉,當時眼見金價愈升愈有,除了金礦股,其它具規模的中港金飾股股價也愈升愈高,唯獨是作風低調的周生生股價就斯人獨憔悴！

其實,周生生的市賬率(PB)一向最便宜,而且,近排似乎還未有大行出報告提示市場參與者,周生生持有的332.68萬股 港交所(388.HK)股票,股價今年已大幅度升值！

雖則此筆「浮盈」會被周生生歸類去「其他全面收益」中,而不計入持續經營利潤,但畢竟,結果都會在公司盤數內反映的,最終都會提高每股資產淨值！

2025年上半年,周生生每股已賺了HK$1.34,當佢下半年盈利模式跟足2024年,即盈利只及上半年的一半,咁2025年全年佢也能賺到HK$2/股,咁即使股價升至HK$20,講緊嘅市盈率(PE)都只係10倍,仍然便宜過周大福(1929.HK)或六福(590.HK),莫講話要跟周六福(6168.HK)或老鋪黃金(6181.HK)作比較了！... 但,佢2025年下半年嘅盈利,真的只及上半年嘅一半嗎？...🤔