沽貨換家傭

由於屋企舊印傭要在今年底前返去印尼與家人團聚,所以需要聘用新家傭。

於是,上星期六,家人和筆者就睇下中介網頁,尋找合眼緣的即將完約本地印傭,翌日,視像面試了幾位,從中揀了一位性格表現較為開朗的,再約佢於嚟緊嘅星期日到中介公司鋪頭面見、再瞭解、和決定簽約與否。

就係咁,筆者需要做一筆36萬港元的定期存款,作為符合其中一項聘請外傭的資產條件。

由於筆者近年採取全倉持股策略,因此,除非是在收到股息 又未及全數再投入買股的日子,筆者是經常只持有小量銀行儲蓄存款,更枉論有定期存款。

所以,為了要做一筆36萬的定存,筆者就要選擇沽些貨仔了！咁啱今日下午,見到有掛牌求入5千股國浩(053.HK)@HK$75.50,筆者考慮到金額合適,便依依不捨地沽出此數量予此有緣人。

為何不捨得？... 因053.HK應將於本月底前便公佈業績,而筆者算是對佢有些信心的,... 不過算罷啦,自己嘅入貨成本係早排62蚊~67蚊區間,何況現時還是有貨在手的,... 或許,等到9月18日,筆者收了阿大440.HK股息後,若其時053.HK價位與現在差不多,甚至更便宜,唔排除到時再增持番佢。