已沽出857.HK

平手蝕手續費算數了,冇計！套現,因形勢比小弟強！小弟需要冷靜一下。

「Student高息倉」暫時只持有440.HK和113.HK。小弟現時反而對佢哋較有信心,這兩日見到440.HK有積極買盤於25蚊附近密密收集,...畢竟佢NAV已升至HK$108.4/股,又未除淨末期股息HK$1.18/股。而淨淨現金嘅113.HK未來就可能受惠於香港的免關稅政策,外地及國內的高端旅客會樂意來港買奢侈品,當然,都需要些時間觀察一下才能夠確定。

重慶銀行(1963.HK)首季業績

大新銀行(2356.HK)持有4.585億股的重慶銀行(1963.HK)於晚上公佈了2025年第一季度的主要經營情況:~

營業收入RMB34.96億(同比↑6.05%)

淨利潤RMB17.07億(同比↑5.43%)

資產總額RMB9,316.99億(較2024年底↑8.76%)

貸款總額RMB4,735.89億(較2024年底↑7.48%)

存款總額RMB5,238.24億(較2024年底↑10.48%)

不良貸款率1.21%(較2024年底↓0.04%)

公司誓言「聚焦高質量發展 提質增效重回報」！💪🇨🇳👍

已換入857.HK

中午前忍痛沽出316.HK、836.HK,然後即入857.HK,原因只係由於筆者過去曾有多次從857.HK身上獲利的記錄,佢對筆者來講,算係一隻幸運股。上午收市前幾分鐘內攪掂晒,... 點諗到,12點過後,857.HK隨即公佈了佢母企之A+H股票回購計劃,... 857.HK,筆者錫晒您！😘

「Student高息倉」現持貨如下:~

阿一: 大新金融(440.HK)

阿二: 中石油(857.HK)

阿三: 迪生創建(113.HK)

反制老美 Student由自身做起

今日是筆者shopping day,本來早幾日已打算買一對老美品牌的波鞋,但今早去到鞋舖後,就改變了主意,改為購入一對祖國品牌的。為甚麼筆者會有如此決定？🤔

下午,筆者去超市shopping,今次,又刻意罷買不友善國的所有產品,包括佢哋嘅紅蘋果(即所謂蛇果)、新xx橙、地x香蕉,還有佢哋產出嘅凍肉產品、餅乾等等,筆者都刻意不去選購！改為買了澳洲蘋果、四川耙耙柑(到街市買)、菲律賓香蕉(幫襯x康超市)等等等等。

唔知點解,筆者今日買嘢比錢時,都感覺很爽、很暢快！✌️🥳

後記: 

香港時間2025年4月6日,Sunday早上: 筆者前日估計,老美自己的人民都會捱不住大總統的「逆全球決策」,會群起抗議之。卒之,今早就睇到新聞報導,話老美境內多地,已出現了示威活動！... 阿大總統,Student於此重覆給你溫馨提示: 咪嘥時間謀算下屆如何再度連任了,你今次真係會提早執包袱的！👎🙏🥱

支持中国🇨🇳大力反制老美

呢次大總統夠膽死,向全世界開關稅戰爭,Student估計,可能無須太耐,佢自己国家的人民會陸續捱不起經濟和資產於短期內急速改變的後果,於逼虎跳牆下,最後可能會群起抗議,反抗大總統,逼佢收回政策！

若情況比想像中更差更惡劣,大總統便毋須謀算下屆再連任的計劃了,因為,佢嘅選項最後很可能只得一個,就是,提早執包袱！👎😤

重農行(3618.HK)真好帶挈

3618.HK今日股價創出了52週新高,以全日最高位HK$5.48收市,可能市場資金認為,四川省、重慶市等經濟「自成一國」,與老美經濟無太大關聯啩！

又見到重慶銀行(1963.HK)亦步亦趨,以HK$6.89收市,距離52週頂位HK$6.96... 不遠矣！

持有4.585億股重慶銀行之大新銀行(2356.HK)可能也因此而被帶挈,今日見佢仍有明顯買盤。

而母憑子貴嘅大新金融(440.HK),今天總算初步喘定。🙏😅

註:

(1) 大新金融目前發行總股數=3.195751億股,以佢持有的10.45461643億股大新銀行作計算,即持有一股大新金融=包括擁有約3.2714股大新銀行。以佢哋今天收市價為例,3.2714股2356.HK@HK$8.78=HK$28.72,... 咁啱就=440.HK今日的收市價HK$28.70！至於大新金融自己擁有的其它資產(如投資物業等)和業務(包括保險業務等),就... 送嘅！

(2) 大新金融於31/12/2024之每股資產淨值(Net Asset Value Per Share)已升至HK$108.40(2023: HK$102.27),而大新銀行於當日之每股資產淨值則為HK$23.84(2023: HK$23.17)。

(3) 大新孖寶(即440.HK和2356.HK)之末期股息將於6月4日同日除淨,然後,股東們6月18日收錢！🤑

已買入836.HK

@HK$18.72👌🙏

求教 重慶銀行(1963.HK)

筆者睇aastocks,重慶銀行(1963.HK)於過去5年,盈利皆相當穩定,每年盈利皆徘徊在48億元至54億元之間,每年的股息也很穩定,每股派息由RMB0.373遞增至RMB0.414。

正因為年年賺錢,又有保留盈利,重慶銀行賬目上的資產淨值便逐年遞增,即是,佢每股資產淨值(Net Asset Value Per Share)就從2020年底的RMB11.28,增加至2024年底的RMB15.56,即是只用4年時間,便增加了40%。

過去15個月,1963.HK股價仲巴閉！從2023年底的HK$3.96升至2024年底的HK$6.08,即2024年全年上升了HK$2.12或53.5%！而之後未有停止,至昨日31/3/2025的收市價已是HK$6.71,即今年首季再升多HK$0.63或10.4%！

如此佳績,直接持有4.585億股1963.HK的大新銀行(2356.HK),居然還須在2024年的全年業中,替1963.HK「提高減值虧損」HK$0.16億！....筆者真係無言以對了！🤷🤦

筆者希望對此作出理性探討,請問有冇會計高手可以指出問題所在？🙏🙏🤔

Student對大新估算錯誤 焦頭爛額

小弟於下面回應網友Raymond兄之留言中,解釋了自己對今次大新盤數嘅個人睇法和疑問,請網友們睇埋下面,再留言賜教！🙏🙇

另外,雖然派息不似預期,但小弟都有看到些正面嘢嘅,當中尤其是440.HK及2356.HK於31/12/2024之每股資產淨值(NAV per share)已分別上升至:~

HK$108.40(2023: HK$102.27) 及 HK$23.84(2023: HK$23.17)。

銀行金融公司不同於地產發展或收租股,因為銀行金融公司含金量(現金)極高,小弟很看重佢哋嘅市賬率(PB),基本上係愈低愈平愈值博！以今日收市股價計算,440.HK之PB=0.27,而2356.HK之PB=0.36。如果2356.HK有朝一日被第三方買家洽購,大新孖寶嘅股東們就認真和味了！🙏😋

後記: 晚上10:30pm,今日太多網友們關心大新孖寶了,令小弟在今天投資失利狀態下,居然愈寫愈多,愈寫愈起勁！...各位晚安,小弟要早抖了！🙏😆

大新金融 股價一年翻倍

今天,3月28日,在筆者的投資生涯中,非常值得記念。

一年前今日,中午,大新孖寶(即440.HK和2356.HK)發佈了2023年之全年業績及末期股息,筆者當時略為看過後,直覺佢哋平靚正,下午,就膽粗粗地前後合共三次,落單買入440.HK,平均承價為HK$17.35。那天以後,筆者多番增持佢,又換馬、又將股息收入投入到佢度,現時,筆者幾乎算係全倉all in佢了！

今日,440.HK收於HK$34.90,即是股價剛好一年翻倍,... 還未包括已派付了的兩次股息合共=HK$1.64+HK$0.92=HK$2.56。

搭上440.HK,筆者自覺很幸福,極之感恩了！🙏🙏

特以此短文給此一週年留個記錄。

Student可能低估了440.HK的投資收益

如真是這樣,44蚊的440.HK也不是白日夢！講完。🙏

「做銀行股東」好過「做定期存款」

中銀香港(2388.HK)剛公佈了2024年之全年業績,全年股息=HK$(0.57+1.419)/股=HK$1.989/股。

以佢今天收市股價HK$29.85去計算,佢最新嘅「年股息率」=1.989/29.85 x100%=6.66厘！

如以佢遲下除淨末期息後之理論股價去計數,「年股息率」更高至=1.989/(29.85-1.419) x 100%=7厘！

而且,正常經濟穩定可控情況下,往後本地銀行的盈利還可能會繼續增長,股息極可能會繼續增加。請問,聰明的你,還會繼續去銀行做定期存款嗎？🤔

大新孖寶業績關鍵在重慶銀行(1963.HK)

重慶銀行皆有於中港兩地掛牌上市,即A股601963.SH 及H股1963.HK。👌

大新銀行(2356.HK)目前持有約4.585億股1963.HK,佔重慶銀行H股的總發行股數29%,或重慶銀行的所有A+H股總發行股數的13.2%。以1963.HK昨日之收市股價HK$6.54去計算,此4.585億股的市值就是30億港元,唔嘢少了！🧐

過去超過10年,由於重慶銀行年年皆有錢賺及派息,而基本上佢「帳面淨值」都是逐級上升,但可惜,股價就不同步！而大新銀行的帳目處理手法,總是「示人以弱」,按持股比例的帳面淨值與持股市值(4.585億股x年底時股價)的差額以撥備形式來顯示,最後,形成了截至31/12/2023止,此撥備居然累積升至52.27億港元！極駭人呢！😱

幸運地(可能係「轉勢」！),1963.HK股價在2024年全年表現亮麗,股價從2023年底的HK$3.96,升至2024年底的HK$6.08,即2024全年升了HK$2.12/股 或53.5%！👍

經過一輪運算,筆者推斷2356.HK於2024年底已有足夠條件從52億元的累積撥備中「回撥」部份了！而往後,如果1963.HK股價繼續「生生性性」,此回撥操作就可以持續。但願如此！🙏^^

最後,筆者想問,近日大新孖寶(即440.HK和2356.HK)股價都算叫做屢創高位啦,但為何仍未見有大行分析員 對孖寶2024年嘅盈利作出績前分析呢？🤔

利申: 筆者持有大新金融(440HK),打算一直持有,餘生就靠佢股息維生了！🤑

後記: 晚上,重慶銀行(1963.HK)公佈了中規中矩之2024年全年業績,基本上與筆者早排(2月28日之短文)之預測相差不遠: 盈利為RMB51.17億元,同比上升了3.8%,即EPS=RMB1.38/股(約=HK$1.47/股),而末期股息=RMB0.248/股(約=HK$0.265/股),即全年股息兩次合共=RMB0.166+RMB0.248 =RMB0.414,同比就升了1.47%。但由於人仔於2024年內有約3.x%嘅貶值,所以,香港嘅小股東們實際上會比去年收少些少港幣股息嘅！不過,1963.HK全年股價勁升,就乜都抵償晒啦！😆

換貨: 113.HK→316.HK

金朝陽(878.HK)大股東欲以(還需開股東大會通過才能成事)極低的市賬率價格將公司私有,給筆者當頭棒喝！🤯

去年底前買回之小部份113.HK,諗住收佢9厘股息等運到(博大股東終會私有化佢),依家筆者都係決定改變初衷了,轉為換馬增持此隻有13~14厘股息率、又係「淨淨現金」公司、又有齊被私有化嘅條件、加埋國企大股東背景、更係藍籌成員之一嘅 東方海外(316.HK)🚢🇨🇳🇭🇰！

不過,由於筆者取其316.HK齊頭千位股數 容易記住及好意頭,就仍然保留1萬股113.HK於倉中,除非316.HK股價未來(可能除淨後)跌穿100港元大關,那到時就考慮沽埋此1萬股113.HK,換多500股316.HK。🤔

如此這般,「Student高息倉」更新如下:~

阿大: 大新金融(440.HK)

阿二: 東方海外(316.HK)

阿三: 迪生創建(113.HK)

🎼 從前 現在 過去了再不來... ... 一生所愛隱約(守候) 四四零內(期待)... ... 🎶

440.HK股價高處未算高

「大新三寶」股價今天全創近年新高:~

母企大新金融(440.HK)以全日最高位HK$34.10收市,佢持股接近75%之附屬公司大新銀行(2356.HK)收於HK$9.31,全日最高位則見HK$9.39; 至於聯營公司,重慶銀行(1963.HK)就收於HK$6.59,接近全日頂位HK$6.60。

筆者於上月底曾出文:「嘗試推測440.HK之末期股息」,估計佢2024年之全年股息分派約=HK$3.24/股,如是,則以今天之收市價HK$34.10去計算,「年股息率」都有9.5厘！如果以佢遲些除浄末期股息HK$2.32後之理論股價,即HK$34.10-HK$2.32=HK$31.78去計算,則「年股息率」更高至10.2厘！

唔怕貨比貨,大家不妨看一下其它在香港上市,又已公佈了2024年業績嘅銀行股,佢哋嘅正常「年股息率」(即扣去特別股息,如有的話),又係幾多呢？

利申: 筆者持有440.HK,暫定會一直持有。

P.S. 未敢測算若440.HK出售2356.HK控制性股權之重大利好情景！

個人對世紀交易後向之判斷

簡單,交易將會被取消。而為表愛國愛港之心,和平息小股東之不滿,大家族可能會承諾私自負責所有的撻訂賠償。🤔

如果以上筆者之推測正確,股價就當然會回歸交易前的價位啦！🤷

後記: 市場有聲音話可以 以稍高價錢賣比 祖國/國企, ... 如是,筆者舉腳贊成！🇨🇳👍

今早買入東方海外(316.HK)

@HK$113.20💫

理由: 由於這兩日440.HK股價算是跟上大市了,令筆者較安心,所以今早有心情嘗試另覓有潛質發圍的股份,作中長期部署。截至31/12/2024,東方海外(316.HK)每股NAV=HK$156/股,每股「淨淨現金」(即現金及銀行結餘的總和 扣去 集團的所有負債)=HK$40/股,又佢將於5月20日除淨末期股息@HK$10.296/股,即若筆者持有佢至除淨日,持貨成本便會改寫為HK$103,到其時,「股息率」即升至=14.8%pa。👏👏👍

溫馨提示: 於3月14日,「滙豐環球研究」給予316.HK之目標股價只是HK$90！😱...→🤔→🧐→🤣→😴

Update一下,「Student高息倉」目前持貨如下:~

阿大: 大新金融(440.HK)

阿二: 迪生創建(113.HK)

阿三: 東方海外(316.HK)

嘗試推測大新金融(440.HK)之末期股息(修正版)

大新金融(440.HK)2024年上半年盈利=HK$11.12億 或每股盈利=HK$3.49/股,同比增長20.67%。2024年中期股息=HK$0.92/股,同比增長155.56%。

440.HK乃大新銀行(2356.HK)之母企,佔後者總發行股數的74.37%,因此,後者對前者的業績至關重要。

所以,要瞭解440.HK,先要瞭解2356.HK！

根據香港金管局去年12月時發佈之本地零售銀行2024年首3季度之稅前經營溢利,筆者假設2356.HK之本業全年盈利也有同比8.4%的百分比增長。把2356.HK前年全年盈利 扣去「應佔聯營公司之業績」和「聯營公司投資之減值虧損」後,再加多8.4%,便得出2356.HK之2024年本業盈利大約=HK$(18.60億-6.89億+5.52億)x1.084=HK$18.68億(A)！

跟住就估算佢聯營公司重慶銀行(1963.HK)2024年之盈利對大新銀行的貢獻:~

1963.HK於去年10月底時有公佈,2024年首三季有盈增3.7%,假設佢2024年全年盈增皆同為3.7%,但由於2024年全年人民幣的匯價就有約3.5%跌幅(根據aastocks,1.1022→1.0634),所以,「應佔聯營公司之業績」=HK$6.89億x1.037x(1-0.035)=HK$6.89億(B)。(此數字基本上與2023年相同,反映出3.7%的盈增 基本上被3.5%的人仔匯價貶值所抵銷。)

至於計算「聯營公司之投資減值虧損」:~

筆者以1963.HK於2023年底的每股資產淨值HK$15.84(from aastocks)開始計算。2023年底之HK$15.84=RMB14.37(以匯率1.1022),於2024年底時變為HK$15.28(以匯率1.0634),以此數字,加上預期2024年每股可賺HK$1.50(=2023年之數字,因為盈增和匯價貶值互相抵銷),扣去在2024年內已派發的股息約每股HK$0.45,便得出1963.HK在2024年12月31日的每股資產淨值大約=HK$16.33,由於1963.HK於同日的市場股價=HK$6.08,即2356.HK需為1963.HK作出每股HK$10.25(=HK$16.33-HK$6.08)的累計撥備,但因為2023年底已有每股累計撥備HK$11.40(=過去累計撥備HK$52.27億÷4.585億股),因此大新銀行的2024年業績大約可以為每股1963.HK回撥HK$1.15(=HK$11.40-HK$10.25),以持有約4.585億股去計算,即回撥總額約為HK$5.27億(C)！

以上三個數字(A),(B)&(C)的總和,便是筆者預測大新銀行(2356.HK)的2024年全年盈利: (A)+(B)+(C) = HK$30.84億,較2023年的HK$18.6億同比增長約66%。

基於此數字,2356.HK對母企440.HK的盈利貢獻就=HK$30.84億x74.37%=HK$22.94億(D)。

此外,根據440.HK的前年業績,除卻2356.HK的盈利貢獻外,佢其它業務(主要包括有保險業務、投資收益等)的盈利粗略約為HK$2億,考慮到去年底至目前的市況,筆者「亂估」這方面盈利會有50%增長,即約為HK$3億(E)。

因此,筆者預測大新金融(440.HK)的2024年全年盈利=(D)+(E)=HK$25.94億,即較2023年的HK$15.9億,同比增長約63%。

以440.HK目前的總發行股數3.195751億股去計算,即每股盈利(EPS)約=HK$8.1。再以佢2023年的派息比率4成作計算,即全年每股股息約=HK$3.24,減去已派發的中期股息每股HK$0.92,便得出嚟緊本月底將會公佈嘅末期股息可能約=HK$2.32/股。

利申: 筆者持有大新金融(440.HK)。

匯控(005.HK)的正常「年股息率」

匯控(005.HK)將於今天收市後公佈2024年之全年業績及末期股息。

Student發覺市場上大多數分析員或評論員的文章,皆以匯控過去12個月的總共5次股息分派,即US$(0.31+0.10+0.21+0.10+0.10)/股=US$0.82/股=HK$6.396(以匯率US$1=HK$7.8),作為計算佢「年股息率」,即如以匯控昨日之收市價HK$87.20去計算,便得出答案=0.82x7.8÷87.20x100%=7.33厘。

Student認為,負責任的分析員應當指明,去年4月30日宣派的當中每股US$0.21股息,是一次過的「特別股息」,因此,若不包括此數額,5號仔「過去12個月」的正常「年股息率」,其實只

=0.61x7.8÷87.20x100%=5.46厘。

當然,如匯控2025年主業盈利有正增長,筆者認同佢極有可能會增派「今年全期」股息金額。以昨天之收市價計算,我「亂估」5號仔2025年之正常「年股息率」會介乎

US$(0.34+0.11+0.11+0.11)x7.80÷87.20x100%=6厘 至

US$(0.37+0.11+0.11+0.11)x7.80÷87.20x100%=6.26厘 之間。

利申: 銀行股當中,筆者持有大新金融(440.HK)。

已沽出1336.HK

由於今勻大升浪小弟睇不準此股之股價走勢,權衡利害後,都係唔等佢下月底的業績了,當係短炒,賺咗先算！👌🙏^^

樂見米國得罪全世界

今早見財務新聞一則: 杜魯多據報稱特朗普想吞併加拿大以獲取關鍵礦產！😱

當勞莊浸上次執政時,主要針對中國、墨西哥和那些一直反美的國家例如伊朗,但今勻執政就明顯把戰場擴大,對以往的所謂盟友國也反枱。

古希臘作家Herodotus名言: "神欲使之滅亡,必先使之瘋狂！"🤯

尾市高追1336.HK

筆者今早沽貨後,內心空虛得很！

下午3點過後,睇到A股高收。

左踱右踱,... 點呢？買唔買好呢？如果要買,又買甚麼好呢？... 最後,決定買入剛於上月20日出「盈喜」嘅新華保險(1336.HK),@HK$24.35！

筆者以佢盈利預測增長數字嘅中位數計算,預計佢2024年全年每股盈利大約=RMB7.95/股,或HK$8.43/股(以保守匯率1RMB=HK$1.06去計算)。

如是,以今天的收市價計算,1336.HK最update嘅市盈率(P/E ratio)只= HK$24.45÷HK$8.43= 2.9倍。

如佢繼續保持往年嘅派息比率,即約3成,便得出全年股息=HK$8.43x30%=HK$2.53/股。以佢今日收市價HK$24.45去計算,股息率便=10.35%pa！🇨🇳💪🤑

因此,最新「Student高息倉」倉位如下:~

阿大: 大新金融(440.HK)

老二: 迪生創建(113.HK)

老三: 新華保險(1336.HK)

新年新願望: 希望「年股息收入」可續創新高！🙏^^

沽淨兩隻

今早已沽出:~

882.HK@HK$1.93(筆者不喜歡佢附屬公司「力生製藥的回購及股票激勵計劃」,感覺公司不是以股東利益先行。筆者又不知佢旗下的「天津港」生意會被美國諸多的制裁而受到多少影響。)

3983.HK@HK$2.23(佢今早股價又touch最近一個月之頂位HK$2.26,似乎確認不穿此位,我就選擇先沽出了結！由於佢2024年缺乏特殊收益,我估計佢全年盈利會有「幾成跌幅」。)

857.HK@HK$6.05(佢當然係頂瓜瓜嘅良心大國企！不過,由於筆者不想經常留意國際油價走向而影響自己嘅心情,又估計佢扣除了10%大陸稅後,2024年嘅全年股息率大約有7.5厘,對筆者來講,未算特別吸引。)

以上貨皆獲利了結,套現所得只及「Student高息倉」嘅總倉值大約<3%而已。

此刻未定再入市方案。🤷

目前,筆者只持有自己最重倉又自問最安心持有嘅個股: 440.HK及113.HK。🙏😅

「佛系持股」度蛇年🐍

筆者認同的「佛系持股」,是買進股票後較少理會股價的波動,既不急於止損,也不急於套利,但身為小股東,也要對持股公司日常發放之訊息,及市場對公司之相關資訊或分析 多去瞭解,然後,自己作出理性判斷,以決定去留、換馬與否。🤔

2025年之整個1月份,由於筆者沒有做過任何股票買賣,因此,暫時狀態算是「佛系持股」了！🧘😴

現在剛剛踏入農曆正月初一子時(11:00pm~1:00am),蛇年到,Student恭祝 眾網友們:~

身體健康💪

心想事成👌

大吉大利🧧

新年新高📈

(最後兩句由左向右直讀= 

大新吉年,大新利高！🤑)🧨🎇🎆

本地銀行= 持牌詐騙園？

連一向被長線投資者推崇備至的恒生銀行昨天也被證監會譴責,並處罰6,640萬港元！咁你哋話本地銀行嘅銷售手法,某程度上是否類似海外啲詐騙園呢？😱

咁..., 你哋話本地嘅銀行係幾咁好賺呢！🤑

信「摩通」一次

摩根大通發表最新報告,話該行覆蓋的所有香港銀行均為新世界發展(017.HK)的主要合作銀行,但... 大新銀行集團(2356.HK)除外！🙏😅

一生所愛(港股篇)🎤

🎼...

從前 現在 過去了再不來

恒生 指數 長埋塵土內

開始終結總是 沒變改

月供的他飲恨在 盈富內

股海 翻起愛恨

在香江 難逃避鱷棍

二萬一 竟不可接近

或我應該 相信 是行運

Aeon 別後 永遠再不來(消散的股緣)

Student 獨自 放眼大新系(願來日大賺)

股價雖有波動(只屬) 但股息高(股東)

一生所愛隱約(守候) 四四零內(期待)

股海 翻起愛恨

在香江 難逃避鱷棍

二萬一 竟不可接近

或我應該 相信 是行運

股海 翻起愛恨

在香江 難逃避鱷棍

二萬一 竟不可接近

月供的他 深信 是牛運... 🎶

註釋: Aeon Credit(900.HK)本身業務暫時還是ok嘅,但Student怕佢最終會被Aeon Stores(984.HK)所拖累,因此數月前與佢(900.HK)掰了,及將套現的資金全數投入了440.HK中。

香港地產股欠前景

新樓供應充足、寫字樓供應過多、港人趨向網購+北上消費。政府話要打造北部都會區,又話要交椅洲填海拓地,但係現時又遇正財政大赤字,omg！🤦

有本地高官話政府會「審時度勢」去應對市場,包括賣地政策云云,... 咁,即係點？🤷

本地五大家族發展商,家家有本難唸的經: 新地十四鄉、恒地中環地、新世界財困、長實信置作風審慎兼保守,... 佢哋還會積極出價投地嗎？🙅

Student愚見: 買股票不能單純以「過去了」的股價或股息率作投資決定,亦要有D前瞻性,不能死牛一邊頸！...除了考慮基本的財務數據外,更要「審時度勢」呀！🙏🤔

「股票冧把」玄學

很奇怪,筆者近幾年買賣之股票,以銀碼和升幅百分比計算,最貢獻筆者賺到可觀利潤的,佢哋嘅股票號碼,都巧合地包含有一對相同數目字,講緊嘅係: 133、778、883、900、113和440。

所謂時也運也命也,有D嘢確係冇得解釋嘅！🙆🤷🤔

利申: 以上提及之股份,筆者目前只持有113.HK和440.HK。

美國最叻撩交打

美國又在中港股市開市前發動突襲,今次主要向中國科技龍頭民企「騰訊(700.HK)」和「寧德時代(300750.SZ)」開刀,美方話佢哋與中國軍隊有協作喎！

筆者認為,其實所有在中國境內(當然包括香港及澳門)成立或運作的公司,及全世界所有與中國企業有生意往來、或採購或銷售的公司,都直接或間接地幫助了中國的經濟,係國家嘅財政源頭,而中國當然需要負責自己國家的軍隊開支啦！所以,邏輯上「以上所有牽涉全世界的公司」已直接或間接協助了中國的軍方,那為何美國的「第1260H條清單」內只有區區一百幾十間企業咁少呢？

過去一直有評論話,中美衝突、中美在互相經貿攪對抗,... 其實,絕大多數的制裁都是美國首先主動發起,攪挑釁、攪敵對中國,... 美方目的路人皆知,就是要打壓中國經濟,阻止祖國富強堀起！😤

祖國,繼續加油呀！🇨🇳🫡

迪生(113.HK)今早除咗淨

講緊嘅係中期股息,@HK$0.10/股。

正如小弟禮拜日推測,由於公司仍然願意在股價HK$4.90掛牌求入/回購,因此本星期一、二才買入113.HK的朋友們,目前已「立於不敗」了！👍😆

只謀定策略 不預測成績

筆者認為,投資者預測在特定時間內(例如一年)的投資成績是沒意義的,因為股市或股價其實都很難預早算準,反而投資策略就可以自己定奪。

筆者的策略,就依然是在考慮了個別股份的風險與潛在回報後:~

1. 盡量把流動資產「全倉持股」。

2. 盡力提高「全倉總市值」。

3. 盡力提高「年股息總收入」。

4. 盡量「股息再投入買股」。

其實以上的,都是自己過去幾年一直在沿用,又考慮到自己近年嘅投資成績,筆者相信往後也會繼續如此操盤。

又更新一下「Student高息倉」:~

阿大: 大新金融(440.HK)

阿二: 迪生創建(113.HK)

阿三: 中國石油股份(857.HK)

阿四: 天津發展(882.HK)

阿五: 中海石油化學(3983.HK)

最後,Student祝大家2025新年進步、投資順利！加油！🙏😃