身家半年結

恒指去年底收於25,630,半年後今日收於22,881 ,即今年上半年下跌了12%。筆者今日需要做個身家結算,因為對筆者而言,今天是資產再分配之分水嶺,... 結果,以百分率計算,個人總流動資產(不包括自住物業)於上半年有10%增幅。

當中最給力的資產,就是超重倉嘅大新金融(440.HK),佢股價從2025年底嘅HK$35.36反覆達致今天收市價HK$37.72,其間還有收咗佢一次末期息每股HK$1.42。即係,如果計埋此股息,佢上半年實際回報係升咗10.69%。

至於次愛股周生生(116.HK)之股價表現,就令筆者大失所望了！雖然佢公佈咗超靚嘅全年業績,但股價就由2025年底嘅HK$12.20跌至今日收市價HK$9.72,幸好期間有末期息HK$0.79幫補一下,以及佢只佔「Student高息倉」<5%。

「Student高息倉」仍然滿倉持有440.HK和116.HK,因為Student估計佢哋今年上半年業績都會見得下人啩？... 股息分派方面,希望「派息比率」(Dividend Payout Ratio)不少於去年就算數了！...由今日起計唔夠兩個月,即8月底前,佢哋便會公佈中期業績+中期股息,跟住,參考去年嘅時間程序,於9月份之內,股東們就會收錢了！