股市就是如此出人意表,以收市點數計,恒生指數由9月11日的17,108點,升至今日9月30日的21,133點收市,... 即是未夠3個星期便已升足4千點了,問你服未?
老實,目前講多都嘥氣,行動應是最實際。
但,筆者自覺近排掌握「投資風向」唔順意,自知有被嚇窒了!唯有暫時躺平,畢竟,小弟對自己目前的持貨算是長遠安心的:~
阿一: 大新金融
阿二: 迪生創建
阿三: 中銀香港
阿四: 天津發展
阿五: 中海石油化學
香港的國際金融中心地位肯定又再被市場認同,所以筆者相信阿一和阿三嚟緊應該有運行。而阿二、阿四和阿五一直都是「淨淨現金」的公司,筆者就將佢哋擺埋一邊、安心收息算了!
明天10月1日,Student祝大家國慶節快樂!🙏🙂
市場瞬息多變,學大師持有的組合收息和賺價都極具潛力,自己覺得除有些每日成交量較低了點外,可算十分完美。
回覆刪除總之持有睡得安心,就是合適的投資。
大家加油!
Ray兄意指迪生吧?對呀,它的成交量的確低得很!😅但小弟已上了此(賊船),依家都冇計了🤷,唯有繼續持有佢,等呀潘爵士良心發現!🙏😁
刪除往往最不起眼的就有意外驚喜,學大師早早已穩坐113釣魚船,看其背景和財力,相信此船會是豪華郵輪。
刪除謝Ray兄的安慰說話🙏,但將來嘅事冇人知,目前部份錢砸死係佢到,係事實!😭
刪除上次都話牛市重臨 結果都上唔到兩萬點又跌返 話牛市我有啲保留 睇下呢次又係點 升極會跌跌極會升恆常道理 真係要理智咁控制下自己情緒 啱心目中價錢就去 國慶節快樂
回覆刪除謝謝重劍兄 善意提醒大家!👍👍
刪除唔排除10月2、3日港股或會調整下。
不過近兩日嘅(每日成交)已盡破過去記錄,個市似乎很有能量!💰💰💰🤔
我都希望牛市重臨大家齊齊賺錢 早兩日升市已經走咗好多 因之前越跌越買 而家慢慢吸嗰啲畀人換馬嘅收息股 包括兩電一煤啲癈老股
刪除闷声发财仓😀 除了对882有顾忌
回覆刪除健一兄何解对天津發展有顧慮?🤔
刪除息率已不吸引
回覆刪除佢中期息已提高至HK$0.0518,上次末期息HK$0.088, 如果嚟緊末期息也有提高,就不算少了。🤔
刪除而且佢大有財力隨時派發特別股息呢!🤔
刪除我的「笨倉」是指數ETF,早年已被市場教育到我不懂選股了.......
回覆刪除冇汗錢兄 真曉得講笑!😆
刪除汝現時重倉恆科ETF和平保,又有388和700,... 汝乃真選股高手!👍👍👍
唉,睇到小弟汗流浹背,因自愧不如!😅🫠