迪生(113.HK)卒之開始回購了

2024年12月9日:~

1,500股@HK$4.90/股, 盛惠HK$7,350！😝

之前潘爵士於中期業績「主席報告書」內提到,董事局已批准公司於未來一年內回購最多1億港元之股份。

利申: 筆者持有迪生(113.HK)。

大新金融与重慶銀行

Student想指出:~

1. 大新金融(440.HK)乃大新銀行(2356.HK)之母企,前者持有後者之總發行股數約74.37%。而大新銀行(2356.HK)才是直接持有重慶銀行(1963.HK)總發行股數中的約13.2%(=約4.585億股)。

2. 過去十年多,大新銀行(2356.HK)以「投資公平值低於賬面值」為理由,不斷為重慶銀行(1963.HK)之投資作減值準備。Student想指出,重慶銀行(1963.HK)過去年年皆賺錢,所以佢「賬面值」基本走勢都是向上的,... 如此每年將「投資公平值」與「賬面值」作比較,不「吃力不討好」才怪！🤮

3. 大新孖寶(意指440.HK和2356.HK)和重慶銀行(1963.HK)的財務年結日同為每年的12月31日。重慶銀行(1963.HK)於2023年底之股價為HK$3.96,於2024年6月底之股價為HK$5.04,而於上星期五(2024年12月6日)之收市價則為HK$5.92。(後記: 佢今日收市價: HK$5.99！)👍

利申: 筆者持有440.HK。

莫等待

🎤🎼 

莫等待... 低位不易復來... 勿讓大新終被收購去... 莫等待

莫等待... 股災過後牛市來... 淡友終悔今天不持貨... 莫等待

別戀道瓊斯... 惜取中港市... 發奮買進不容遲... 同胞今朝共立志

莫等待... 低位不易復來... 勿讓大新終被收購去... 莫等待... 莫等... 待 🎶📈🙏🤑

Student says,"高負債及每股資產淨值只得HK$1.95的香港寬頻(1310.HK)可以被中移動(941.HK)以賬面溢價168%收購,那麼,如果大新銀行(2356.HK)被中資銀行相中,收購價會係每股幾多錢呢？"🤔

利申: 筆者沒有內幕消息,也沒持有上述股份,但就持有大新金融(440.HK),而大新金融乃是大新銀行(2356.HK)之母企。

繼續調配

Student上日沽了8萬股2388.HK@HK$24.20,然後將套現的資金於上日及今日合共增持了5萬股440.HK@HK$24.75~HK$25,又於上日近尾市時入了9萬股113.HK@HK$4.72,本想今日繼續多買1萬股,但可惜賣方全日冇人肯掛牌@<HK$4.72出貨。另外,今下午入了5萬股857.HK@HK$5.44,因見國際油價近一星期都算穩定,Student認為3桶油中,857.HK於此油價水平可算是上下游皆可兼顧。

如此這般,「Student高息倉」最新持貨如下:~

阿大: 大新金融(440.HK)

阿二: 中銀香港(2388.HK)

阿三: 迪生創建(113.HK)

阿四: 天津發展(882.HK)

阿五: 中國石油股份(857.HK)

阿六: 中海石油化學(3983.HK)

Student預期此高息倉的「年股息收入」繼續創出歷史新高,感恩了！🙏🤑

迪生派息一啲都唔算慷慨

大家都係主打奢侈品零售業,隔籬東方表行(398.HK)上財年每股賺HK$0.514,全年共派息@HK$0.515/股,今財年半年每股賺HK$0.245,中期股息@HK$0.246/股,即是基本上係「派盡」。

依家迪生(113.HK)上財年每股賺HK$0.89,全年派息合共@HK$0.45/股,今次半年每股賺HK$0.334,中期股息就依舊@HK$0.10/股。

再考慮埋113.HK佢於2024年9月30日的每股資產淨值=HK$9.05/股(398.HK=HK$3.75/股) 及每股「淨淨現金」*=HK$5.19/股(398.HK=HK$0.73/股)後,你話呀迪生又怎會算係慷慨呢？🙅

*「淨淨現金」=現金及銀行結餘 - 總負債

一念天堂 一念地獄

迪生(113.HK)昨天收市後發佈了「盈警」通告,話截至9月30日之半年盈利,與去年同期比較,約下跌了40%,然而董事局強調,集團之財政狀況及現金淨額「仍持續非常強健」。

潘主席兩父子目前正被證監會指控涉嫌內幕交易,並已在高等法院展開法律程序。

相信睇開此網誌的網友們都知道,筆者曾經重貨113.HK,雖然依家冇貨在手,但對佢仍然係多少有些感情嘅！因此,對於佢近排嘅負面消息,筆者係感嘆良多！

筆者又留意到,最近東方表行(398.HK)公佈了業績,雖然半年盈利有下跌14%,但股價仍能穩定向好,今早現價HK$3.82,已超過了它於6月30日之每股資產淨值HK$3.75,... 為何佢股價咁叻？... 筆者估計係由於佢肯慷慨地派「超高股息」給全體股東,所以股東們皆「惜貨如金」。

筆者認為,依家潘主席有官司纏身,短期內佢應該唔敢再增持公司的股份了！希望佢痛定思痛,也想通「因果報應」,以後會慷慨地派更高股息予全體股東,共同分享公司過去嘅豐碩成果。

後記(寫於晚上): 今日113.HK股價收於HK$4.37,全日成交共55萬股,平均成交價約=HK$4.42。筆者個人認為,迪生的現股價其實已有值博率,主要原因係佢今次半年業績並非虧損,而係有盈利賺約HK$0.33/股,佢絕對可以依舊派發中期股息@HK$0.10/股,這=派息比率30%, 而且佢每股資產淨值(NAV Per Share)應該仍然企於HK$9/股附近(31/3/2024: HK$9.06/股),及仍然係「超級淨淨現金公司」！最不明朗嘅係,身為大股東嘅潘主席及其公子現正被官司纏身,結果實屬難料,... 不過,唔排除 若果佢哋兩父子最終需要離開董事局,可能會觸發潘主席忽然大發慈悲,離職前先嚟過「派發巨額特別股息」🤔,畢竟... 「錢」到手先係自己嘅！🤑

今早已沽出762.HK

上日沽出857.HK,股價蝕了1港仙。

今早沽出762.HK,股價賺了5毫子。

合計結算有賺了,感恩！🙏😁

短炒靠感覺和運氣居多,好難理性地詳細交代,因此,筆者決定以後走短線的炒賣不會再在此網誌內公開了,謝謝大家理解。🙏^^

🎤 🎼 請...不要問, 請...不要問, 只...想快賺, 不...想有恨！  ...不願生根, 怕留腳印, 不定的心, 永不為誰留恨, 我不需要, 亦不必要, 愁城坐困...為佢等！ 🎶😆

下午沽出了857.HK

@HK$5.50(前日入貨價: HK$5.51)。

幾粒鐘前小弟出了篇短文解釋沽出佢嘅理由,但依家自己睇返,覺得都只係持倉的微細變化,實不足小題大做,也知道有不少網友都持有三桶油作長線收息,小弟實在無須杞人憂天,於此Blog內製造負面訊息,所以依家收回較早前之短文了。謹此感謝大家理解！🙏🙇

1963.HK股價硬淨

執筆時重慶銀行(1963.HK)之股價為HK$5.81~5.82。

純粹比較近幾個月之股價圖,三、四線的內銀股1963.HK股價好明顯優於6大上市內銀,何解呢？...

筆者無知又不曉得分析,只知道大新銀行(2356.HK)持有佢4.585億股,因此,1963.HK股價每跳升1個港仙,大新銀行就賬面賺458萬5千港元,... 股價每累積升1毫子,大新就賬面賺4,585萬港元,... 如股價累積上升1蚊,大新就賬面賺4億5千8百多萬港元！

大家要知道,大新銀行過去4年之每年盈利,都只是徘徊於15~19億港元之間,而1963.HK於2023年底之股價只為HK$3.96。

筆者又知道,大新金融(440.HK)持有大新銀行(2356.HK)的總發行股本約74.37%。

筆者只係知道咁多了！🤷

順帶一提,評級機構惠譽將中銀香港(2388.HK)的長期發行人違約評級由「A」上調至「A+」！🇭🇰👍

利申: 筆者持有440.HK及2388.HK。🌛💤

鞠躬盡瘁 死而後已

已買入少量762.HK。

理由: 佢之前公佈截止9月底之業績時,話由今年10月1日開始,將4G設備的「折舊年期」由7年改變為10年,如此一來,本年(2024年)的固定資產折舊額便即刻減少了約11至12億元人仔,... 其實咁咪即係將今年的盈利數字提升了相同的數字囉！

數學題: 請問明年(2025年)及往後幾年的每年盈利數字,又會因此而提升咗幾多呢？🤔

後記: 出文後,見883.HK股價似已站穩於17蚊,但見佢兄弟857.HK仍然低於昨日之收市股價,小弟火遮眼了！再入番少量857.HK！... 如此一來,小弟再次將762.HK和857.HK收歸麾下。🇨🇳👍😤

最新「Student高息倉」持貨如下:~

阿大: 大新金融(440.HK)

阿二: 中銀香港(2388.HK)

阿三: 天津發展(882.HK)

阿四: 中海石油化學(3983.HK)

阿五: 中國聯通(762.HK)

阿六: 中國石油(857.HK)

🎼 I wanna hold you till I die... till we both break down and cry... I wanna hold you till the fear in me subsides... 🎶