香港銀行業和地產業

今早匯控(005.HK)除淨,股價續升,若然加埋剛除淨咗嘅股息USD0.10於股價上,5號仔今早其實已又創出了52週新高！

今早中銀香港(2388.HK)也曾做過52週新高,即HK$26.40。

何解呢？

領展(823.HK)昨日中午公佈了中期股息,下午股價即有良好反應,但今早卻令人意外地向下急跌,更把昨天和前日的兩日股價升幅盡數撇去！

何解呢？

其實,如果純以股息率來衡量,領展已大幅優勝過本地的地產龍頭股 新地(016.HK)了！

不過,如果將佢哋股息率作比較本地的銀行股股息率,例如匯控或中銀香港,就似乎後兩者更優勝了！

筆者認為,香港經濟始終由金融業掛帥,只要香港的「地產業不死」,本地銀行的業務已能穩定地增長。若然香港地產業復甦,本地銀行業的盈利就更加可觀了！

利申: 其實筆者半年前已有上面嘅想法,所以筆者在近半年內已大幅下注了440.HK和2388HK。

風險提示: 大家睇過本篇短文就算了,千祈唔好跟小弟買呀！要知道小弟的投資經常都冒着超高風險呢！💸🙅🙏

已沽出038.HK

@HK$6.85

理由: 今早大市給筆者有「亂」的感覺,不論港股、A股、或中特估,筆者都感受不到短期大方向,因此,都係將D欠信心的貨仔止賺了結。😅

股票倉不應有「究極體」

已收市,今日恒生指數收於21,007點。👍

筆者在8月30日,於此網誌內出了一篇短文:「倉位究極體」,當時,自問對倉內每隻個股都信心滿滿,此包括:~

阿一: 大新金融

阿二: 迪生創建

阿三: 中銀香港

阿四: 建設銀行

阿五: 中國石油

阿六: 中國聯通

阿七: 天津發展

阿八: 中海石油化學

阿九: 鄭煤機

阿十: 第一拖拉機

依家睇番轉頭,佢哋依然各有賣點！但,畢竟股市是一個「動態市場」,筆者經常會因應個股消息、市場環境轉變 等等,而作出調整決定,包括持貨股數、去留或換馬,因此,小弟真係不應該隨便講甚麼「倉位究極體」！😅

藉此更新一下,此刻「Student高息倉」已變為:~

阿大: 大新金融(440.HK)

阿二: 中銀香港(2388.HK)

阿三: 天津發展(882.HK)

阿四: 中海石油化學(3983.HK)

阿五: 第一拖拉機(038.HK)

都是滿倉持股了,但估計仍在進化中！

Student learns from the market,感恩感恩！👌🙏^^

再持有038.HK

筆者中午前已排隊買番極少量的038.HK@HK$6.61。

理由: 今早佢A股升咗2%,但H股反而跌了2%,整體港股今早又唔係差,... 低價買返佢,自己冇心理包袱,... 此外,筆者較喜歡持有現金水平較高之股份,中特估亦如是！🙏🤑

440.HK今早成交急增

成交增,股價升,大新金融(440.HK)想攪邊科呢？...🤔

筆者無知又唔識！🤷

有冇人知,有冇人識？🙏🙇

利申: 筆者持有440.HK。🙆

國企回購應以H股為優先

留意到不少國企股管理層於選擇「回購股份」時,仍然將A股作為優先對象,筆者完全不同意此做法！因為此舉違背了價值投資的基本原則！

既然打算回購股份後註銷,為何不優先回購「股價相對較便宜」的H股呢？

以相同的銀碼回購更多的股票數量,不是更為善用資源(現金)和提高整體股東之利益嗎？

管理層呀管理層,你又唔係買嚟低入高出短炒,你理得佢邊個市場(A股/港股)成交較為暢旺、或股市被炒到㷫烚烚呢？

剛沽出038.HK

@HK$7.90

理由: 感受到佢股價游上游落,好難掌握,而由於Student一陣要去郵局辦事,暫時都係分手先！

油價 新能源 油股

小弟認為: 不能忽視油價下跌對油股盈利之影響 及 不能低估中國逐步以新能源取代化石燃料對油股盈利之影響。

小弟意思是: 時移世易,投資者不應過份沉醉於過去三年油價和油股股價高企的璀璨狀態。

當然,祖國三桶油之估值較諸西方的油股是吸引的,但想深一層,香港股市內很多板塊的估值,一直都是較外國的同類型上市股份低很多呀！

註: 這篇短文,筆者寫於上星期五日間,當時紐約期油仍然企於>USD70/桶。由於知道三桶油將於昨天(中海油和中石化)和今日(中石油)便會公佈截至今年9月30日止的業績,為免影響已持貨網友的情緒,筆者選擇今天才發佈此短文。另外,筆者今早買入了極少量第一拖拉機(038.HK)@HK$7.65,因見佢A股昨天升了>4%,今早似乎依然有勢,... 就博佢今日稍後公佈之業績很理想！🤔

大新銀行(2356.HK)

道亨銀行(前股票編號:223.HK)

港基國際銀行(前股票編號:636.HK)

永隆銀行(前股票編號:096.HK)

永亨銀行(前股票編號:302.HK)

創興銀行(前股票編號:1111.HK) ...

還記得這些本土銀行股嗎？🤔

還記得佢哋後來攪邊科嗎？🤔

筆者今早留意到大新銀行(2356.HK)之股價📈,... 但老實,筆者沒有任何內幕消息！

利申: 筆者持有440.HK,而440.HK是2356.HK之控股公司。

明晚六合彩金多寶💵

頭獎基金七千萬港元。

切記小注怡情！

然而刀仔可以鋸大樹,網友們想買就趁早了！🤑