換馬增持周生生(116.HK)

周生生(116.HK)今年上半年每股經營盈利=HK$3.20,筆者當佢下半年只賺到上半年的一半,即約HK$1.60,咁全年每股經營盈利就已=HK$4.80,以保守D嘅派息比率35%(2025年: 39%)去計算,全年股息便=HK$1.68(=HK$0.28+HK$1.40),... 咁,今早佢股價徘徊於14蚊樓下,即代表「年股息率」有12厘(1.68÷14 x100%)或更多！

Student says: 咁仲唔買佢等幾時呀？...於是,筆者今早把倉中還未成氣候嘅「C股」沽出套現,然後盡入周生生,雖然今次數量不多,但已是筆者於不借貸情況下,盡力而為之了！

於是,「Student高息倉」又再只得番兩件:~

阿大: 大新金融(440.HK)

阿二: 周生生(116.HK)

"🎵 兩個就夠晒數 兩個就夠晒數 大新也好 周生也好 兩個已經夠晒數 無謂追 無謂追 追得到也未必好 追唔到呢激壞腦 兩個就夠晒數 兩個已經夠晒數 🎶"👌😆

「大新孖寶」中期業績收貨了

大新銀行(2356.HK)中期息=$0.35(2025: $0.31),每股資產淨值於30/6/2026=$25.81(31/12/2025: $25.06)。

大新金融(440.HK)中期息=$1.20(2025: $1.16),每股資產淨值於30/6/2026=$123.66(31/12/2025: $117.31)。

利申: 筆者持有440.HK。

周生生 真係值廿蚊？🙅🏻‍♂️

估計周生生(116.HK)今傍晚會公佈正式半年業績,筆者估佢今次中期息最起碼派HK$0.50/股,但其實,以佢今次半年每股盈利(只計持續營運盈利)約=HK$3.20/股 去評估,佢若然肯派25%,即中期息派HK$0.80/股,其實真係綽綽有餘的！

咁如佢全年每股賺約HK$5/股(即下半年每股賺HK$1.80,... 止唔止呢？),以40%作分派,即全年股息=HK$2/股,咁即使股價升至HK$20,其實係代表佢「市盈率=4倍」+「年股息率=10厘」！所以,廿蚊嘅周生生 真係一啲都唔貴！🙏🤔

後記: 傍晚116.HK公佈嘅業績只派中期息@HK$0.28/股,因此,短期內應該唔會出現廿蚊嘅周生生了！🙅🏻‍♂️😅

利申: 筆者持有116.HK。

已微調「Student高息倉」內嘅比重

周生生(116.HK)星期一傍晚出大盈喜,令筆者喜出望外,遂決定加大佢在「Student高息倉」內嘅比重,經過星期二和三的兩日調動後(440→116),及今日佢哋股價嘅最新發展,以今天收市價去計算,440現約佔總倉值89.8%,116則約佔總倉值9.8%,還有,今日將套出嘅剩餘可投資金額,買入了1隻「現金牛」股(暫且稱呼佢為: C股),由於筆者仍然想在未來加碼投入C股(預期下個月將會收到440和116嘅中期股息),所以,暫時先不欲公開佢股票號碼,懇請諒解！🙏🤫😅

「Student高息倉」最新持貨佔比如下:~

阿大: 大新金融(440.HK) 89.8%

阿二: 周生生(116.HK) 9.8%

阿三: C股 0.4%

周生生 值廿蚊

以盈喜中位數計算,116.HK上半年每股持續經營盈利=HK$3.20,就當佢下半年只及上半年嘅一半,即HK$1.60,咁2026年全年每股便賺約HK$4.80,... 咁如佢股價升至HK$20,代表嘅市盈率都只係4.17倍！依然便宜！以「派息比率40%」去計算,全年股息便是HK$1.92/股,... 咁股價20蚊代表嘅「年股息率」便=9.6厘！依然係超高股息率！

利申: 筆者持有116.HK。

周生生(116.HK)再一次中期業績「盈喜」

市場可以幾盲目,但金子總會發光。💫

以「盈喜」中位數去計算,上半年每股持續經營業務盈利約為HK$3.20(2025: HK$1.35),筆者估計,116.HK股價短期內有條件破頂。🙏🤔

利申: 筆者持有116.HK,感恩！🙏😅

提高「派息比率」絕對是王道

今日中午時段,九龍倉置業(1997.HK)宣佈了將今年全年的派息比率(Dividend Payout Ratio)由2025年的65%提升至90%。下午一開市,1997.HK股價即有強勁反應！

116.HK/440.HK之2025年派息比率其實只得39%/40%,... 似乎,大有向上提升的空間呢！🙏🤔

利申: 筆者持有116.HK & 440.HK。

兩個超越的希望

純以基本財務數據指標作比較,筆者希望:~

1. 周生生(116.HK)股價可於短期內超越周大福(1929.HK)。

2. 大新金融(440.HK)股價可於短期內超越中銀香港(2388.HK)。

Student是否太貪心？😅

備註: 1929.HK和2388.HK都是藍籌股。

利申: 筆者持有116.HK和440.HK。

滙控(005.HK)出售360億澳元澳洲貸款組合予黑石

即滙控(005.HK)將業務和資源更集中在中港地區,反映佢愈來愈睇好中港銀行業嘅前景,... 絕對係好事一樁！

Student忽發奇想: 繼以PB1.8倍私有化恒生銀行後,滙控(005.HK)會有興趣收購其他本地銀行嗎？🤔... 唔知唔識！🤷🏻‍♂️

440.HK乃超級便宜之本地銀行金融股

截至31/12/2025,每股大新金融(440.HK)包括持有=3.2714股的大新銀行(2356.HK)和賬面凈價值約=HK$35/股 的「其他金融資產」。

執筆時,2356.HK股價約=HK$15,因此,每股440.HK單係持有嘅2356.HK已=HK$15x3.2714=HK$49,已大約等如440.HK現時嘅股價了！即那賬面凈價值=HK$35/股 的「其他金融資產」就是免費送給所有的440.HK股東們。

利益申報: 筆者持有大新金融(440.HK)。

大新孖寶母憑子貴

上午恒指看似變動不大,但查實個股表現各走極端,如網友是全天候留意住中港股市,相信會感受至深。🙏🙏

Student至關心的大新金融(440.HK)股價今早明顯地被佢阿仔大新銀行(2356.HK)帶起。🧐

本地銀行股股價已急升了三個交易日,包括中銀香港(2388.HK)、東亞(023.HK)和大新孖寶(2356.HK 及 440.HK)在內的股價已先後突破了52週頂位,而且,今早佢哋仍然肯逆市向上,... Student諗: 難道本地銀行股內有些好消息在醞釀中？🤔🤷🏻‍♂️

利益申報: 筆者持有大新金融(440.HK)。

滙控(005.HK)值HK$200？

摩通升滙控目標價至港元200蚊,假如5號仔能達標,筆者很想知,大新金融(440.HK)嘅股價,到時會係幾多呢？🤔

利申: 筆者持有440.HK。

9厘股息率之周生生(116.HK)實在便宜

佢上星期五收市後公佈了2026年4月1日至6月30日之第二季營業數據,基本上係持續穩健地增長,中國大陸、香港、澳門之各自同店銷售皆有錄得雙位數百分比正增長,整個集團之零售銷售值就按年同比上升了16%,另提及集團之整體營運效益已有所提升！

佢2025財年全年派息合共HK$1/股,執筆時佢股價為HK$11樓下,即往績「年股息率」已有足夠9厘,依家,Student對佢今年會增加派息已無懸念。

利申: 筆者持有周生生(116.HK)。

題外話: 此篇短文筆者係於今早開市後冇耐就已經出咗post,但不知為何,於網絡上直至下晝此刻4pm,筆者仍然未能看得到！😤

港股七翻身

上星期六,筆者預言恒指可能已於星期五見咗底(恒指當日最低位為22,518),又預期從星期一(6月29日)開始,港股有機會否極泰來進入「七翻身」。今天七一港股雖然冇市,但筆者以自己過往參與港股金錢遊戲嘅有限經驗,對呢次「七翻身」似有更強烈嘅預感！🙏🤔

身家半年結

恒指去年底收於25,630,半年後今日收於22,881 ,即今年上半年↓10.73%。筆者今日需要做個身家結算,因為對筆者而言,今天是資產再分配之分水嶺,... 結果,以百分率計算,個人總流動資產(不包括自住物業)於上半年有↑10%。

當中最給力的資產,就是超重倉嘅大新金融(440.HK),佢股價從2025年底嘅HK$35.36反覆達致今天收市價HK$37.72,其間還有收咗佢一次末期息每股HK$1.42。即係,如果計埋此股息,持股不作增減及不作短炒做T操作,佢上半年實際回報係↑10.69%。

至於次愛股周生生(116.HK)之股價表現,就令筆者大失所望了！雖然佢公佈咗超靚嘅全年業績,但股價就由2025年底嘅HK$12.20跌至今日收市價HK$9.72,幸好期間有末期息HK$0.79幫補一下,以及佢只佔「Student高息倉」<5%。咁如果計埋末期息,持股不作增減及不作短炒做T操作,周生生上半年實際回報係↓13.85%。

「Student高息倉」仍然滿倉持有440.HK和116.HK,因為Student估計佢哋今年上半年業績都會見得下人啩？... 股息分派方面,希望「派息比率」(Dividend Payout Ratio)不少於去年就算數了！...由今日起計唔夠兩個月,即8月底前,佢哋便會公佈中期業績+中期股息,跟住,參考去年嘅時間程序,於9月份之內,股東們就又有錢收了！

港股可能由6月29日開始翻身

昨夜市場對聯儲局加息預期略有降溫,港股ADR即普遍皆有上升,故筆者盼期望港股走勢由嚟緊嘅星期一(6月29日)開始,可以否極泰來,以迎合港股嘅所謂「七翻身」傳統智慧,而計番恒指近月嘅回調幅度,至昨日最低位22,518,似乎應該已經見咗底。🙏🤔

2026年6月30日,筆者將會完成一宗跨越十四年的失而復得交易,現時感覺係非常之興奮和大滿足！至於詳情,請恕小弟在此暫且不表。😁😄🥳🤫

大新金融 明早一開市 又除淨

440.HK之2025年末期息=HK$1.42/股。

以佢今日收市股價HK$40.52去計算,即明早開市時的「已除淨參考股價」

=HK$40.52 - HK$1.42

=HK$39.10

而佢2025年之全年股息分派

=中期息 + 末期息

=HK$1.16 + HK$1.42

=HK$2.58/股

因此,以參考股價HK$39.10去計算,佢「年股息率」便要更新為

=2.58÷39.10 x 100%

=6.60%p.a.👍

周生生 明早一開市 已除淨

執筆時周生生(116.HK)股價=HK$14.09。

以此市價去計算,佢明早除淨(末期股息@HK$0.79/股)的參考股價便=HK$14.09 - HK$0.79 =HK$13.30。

以此股價HK$13.30 及去年每股盈利HK$2.557 及全年每股派息HK$1去計算,市盈率(PE ratio)便=13.30÷2.557=5.2倍；股息率(Dividend Yield)就=1÷13.30 x100% =7.52%pa。

似乎... 仍然相當吸引呢！🙏🤑

利益申報: 筆者持有周生生(116.HK)。

滿意倉內成員2025年成績表

「Student高息倉」現時持貨只得兩件:~

阿大: 大新金融(440.HK)

阿二: 周生生(116.HK)

整體上,筆者對佢哋最近公佈嘅2025年全年業績及派息都算滿意。

表面上,以現股價計算,佢哋公開公佈嘅市盈率係5、6倍左右,但若計埋「其他全面收益」在內,佢哋真實嘅市盈率其實只係3、4倍左右！而對佢哋嚟講,「其他全面收益」又幾乎係年年都存在、無走雞的！

至於派息方面,佢哋暫時都只肯把公佈盈利中的約4成作全年股息分派,但筆者樂觀地估計,隨着佢哋每年每股資產淨值滾雪球式地遞增,將來唔知幾時,佢哋極可能會提高派息比率 及/或 分派現金特別股息！

大新金融(440.HK)有巨額「其他全面收益」

440.HK公佈之2025年全年盈利=HK$6.45/股(2024: HK$5.25/股),但若包括埋「其他全面收益」在內,佢全年盈利實為HK$11.16/股(2024: HK$8.61/股)！

基本上,佢每年皆有巨額「其他全面收益」未有包括在營運盈利中。

也因此,於31/12/2025,佢每股資產淨值高至=HK$117.16(31/12/2024: HK$108.40)！即以今日收市股價HK$40去計算,佢市賬率只得0.34,以實幹型銀行金融股來說,此數字真係便宜得交關了！

利申: 筆者持有440.HK。